قصيدة من واحد بحريني على منتخب السعودية .... عجيبة
السلام عليكم
هادي قصيدة كتبها واحد بحريني ....... من بلدي ....... عقب فوز السعودية المستحق بكأس الخليج
لكن لا تعتبون عليه .... تمنى يفون منتخبه .....
تقبلوها بكل روح رياضية.................اوكو ... انتون مال الزعيم اي الزعماء كلكم ما شاء الله متفهمين وعندكم روح رياضية ;););) .. للأمانة منقول....
خمدت خليجي سطعش والصوت يسعر
الحظ سعودي واللعب بحريــــــني أحمر
صح الخبر هم في الجرايد رفعو الكاس
واحنه رفعــــــنا أرفع ارفع ارفع الراس
وعمر الحديــــد المرتفع ما كان مقياس
خذنـا البطولة والحكم صفارة احساس
الكـــــورة نطقـــــت بالعــــــدل الله أكبر
الحظ سعودي واللعــــب بحريني أحمر
ثارت الغبــــــــرة والفرق باين وجلها
وغاية قـــــــطر تتعادل وتحفظ أملها
لكنها لو جنسَّـــــت الصومــــال كلها
شوكة الشيطان الحمر صعبة تفلها
صفر الجميع وحق له العنــــابي يفخر
والحظ سعودي واللعب بحريني أحمر
وبثاني جولة منتخبـــنا رسم عرسه
طالب جديــــــد اليمن ولازم اندرسه
افتح الخنــــجر واكتب التاريخ نفسه
اثنين تجمعها بثلاثه يساوي خمسه
راجــــع الحصة واجتــــهد واتمرن اكثر
والحظ سعودي واللعب بحريني أحمر
وعندك بعد قـــــــاعدة معروفه وقديمه
مو كل هزيمة في اللعب يعني هزيمه
والهدف اللي يحسم الجــــولة بالبيمه
مثل اللي متعشم بعــــودة آيسكريمه
واحد صفر والهوا حطه اشلون نخسر؟
الحظ سعـــودي واللعب بحريني أحمر
قالو عمــــان اتطورو ! قلنـــــا على هون !
اتغيرو في الطعم لو في الشكل واللون
مو على هــــامان اللعـــــب احذر يفرعون
هذا هدف وانشوف يعني اتطور اشلون؟
خل الصحافه صوب وصوب الملعب افتر
الحظ سعــــــودي واللعب بحريني احمر
واصل بقصفه الأحمر بهجمات وغارات
رغم الاصابــــــات وسما تمطر انذارات
صعقه ثلاثيـــــه وبأوضــــــــح العبارات
قصت تــــــــذاكرها جمـــاهير الإمارات
الله على الشيطان لحمر ( أسد يزأر)
والحظ سعودي واللعب بحريني أحمر
وآخر مشاهدنــــا أمرنه ينطفي الليت
عندنا قذايــــف أربعه نهديهـــــا لكويت
ننقش البحرين بجـــذارة ونرجع البيت
بوداعة الله وخل عديـــلة تندب بخيت
هذا اللي مر في سطعش مثلاته مامر
الحظ سعودي واللعــــب بحريني أحمر
وتقبلوا تحياتي .. قصيدة حلوة ... سوو وحدة نفسها لزعيمنا عقب خروجنا من كأس ولي العهد
وعد ....
بكل روح رياضية;)
حجي مكي