[ALIGN=CENTER]أهلا بالزعماء



البارح كنت افتر بالمنتديات
وحصلت شي غريب بصراحه ولا مره شفته من قبل
مع انه لي الان خمس سنوات او اكثر على المنتديات
المهم .. طبعا كل الشباب منزعج من مسألة (( الدخول للعوائل فقط ))
والشباب ما يدرون وين يروحون ولا يدرون وين يرفهون انفسهم
اي مكان يروحون له يقولون عوايل .. عوايل ..
كاننا بناكل هالحريم والا بنضايقهم
صحيح فيه ناس مزعجه واهدافها الترقيم بالمعنى الاصح
لكن برضوا فيه ناس بتتسلى وبترفه عن نفسها
واصابعك مو وحده .. واللي تشوف فيه ريح لحقه الباب وانتهى الموضوع
الزبده
الشباب هذولا الله يخليهم لنا
قالوا بما ان كل شي للعوايل وحنا ما لنا شي
الشكوى لله خل نونس اعمارنا بالنت والمنتديات والماسنجر
لكن ما تصير عيوننا تقل قواطي صلصه
راح ابو الشباب وتخسر ودفع له 3000 ريال وشراء كمبيوتر
علشان يرفه عن نفسه ويشارك مع اخوانه في المنتديات
ويضيع وقته ولكن بالفائده
لكنه تفاجأ بصراحه .. وانا برضوا تفاجأت
لما دخلت كم منتدى وكاتبين على منتديات الخاصه بالبنات
يمنع دخول الرجال .. واللي كاتب المشاركه للبنات فقط
وش السبب مدري ؟؟؟؟
صحيح انه منتدى نسائي لكن وش اللي يمنع ادخل واشارك مع اخواتي في المنتدى ؟
يمكن يكون عندي اشياء تفيدهم والعكس ;)
لكن الناس غالبا وليس دائما .. يكون تفكيرها سلبي للاسف

عاد انا وش قلت لنفسي
قلت هذا اكيد انقلاب في المنتديات العربيه
ومسوينه البنات علشان يسيطرون تدريجياً على الشبكه العنكبوتيه
ما كفاهم الحدايق والاسواق والمنتزهات اللي ما يدخلها غيرهم
واكيد هذا الانقلاب وراه رأس مدبر
عموما جايب لكم بعض النماذج الي تدل على كلامي
وهذا اول نموذج



صدقوني انه مو مفبركه
طبعا لقافتي الزايده خلتني اشوف وش يصير لو اشارك
رحت وسجلت ودخلت على المنتدى وكتبت مشاركه عاديه
على طووووووول انحذفت المشاركه وجتني رساله من المشرف العام يحذرني فيها
وانا عاد ديني ولا دين التحذير
يقول المشاركه لك هنا ممنوعه ولو تكرر هذا الشي
سيتوقف يوزرك .. قلت له تكفى سوها وريحني يرحم امك
وهنا النموذج الثاني



شف هنا كاتبين الرجاء من الشباب عدم المشاركه بالمواضيع والردود
بس هنا ما شاركت
ولا ابي اشارك .. لان بصراحه من وجهة نظري الخاصه
ما حط الكلام هذا والملاحظه هذي الا وانه راعي تفكير سيء
ويشوف الناس دائما بعين طبعه

هنا النموذج الثالث



ولا تعلييييييييييق
حتى المنتديات منعونا لا نشارك فيها
طبعا انا مانيب من الناس اللي يسجل بعشرين الف طعش منتدى
لكن من الناس اللي يتصفح الطعشات هذي فقط
وضيقت صدري هالنقطه لان ودي اعرف راعي المنتدى ليش سوى كذا
ومنع الشباب من المشاركه .. وودي اعرف طريقة تفكيره
ووجهة نظره .. والاسباب .. واتناقش انا وياه عادي لين ناصل لحل


ما اقول غير الله يستر لا يجينا بكرا الجيش البناتي
ويسوي انقلاب علينا في المجلس العام
ويحوس الدعوه كلها .. وحنا نتفرج



طبعا اكيد المشرفين من نفس الجنس



والله راحت عليك يا البارق انت وحبي تيماوي وابو سليمان
حتى لاحظوا اللي يتصفحون كلهم بنات
ههههههههخخخخخخخههههههههه
حسبي الله ونعم الوكيل
يعني وين نروووووووووووووووح يا ناااااااااااااس ؟؟
اليوم ممنوع المشاركه في منتدى الفتيات بس
وبكرا راح تكون ممنوعه في جميع الاقسااااااااااااااااام
طبعا عن طريق المصدر .. فهمت ؟
اتمنى اسمع رأيك في النقطه هذي
وبضنك ليش منع المشاركه في الاقسام الخاصه بالفتيات ؟

جميع الحقوق محفوظه لي
وتحياتي للجميع / البرفسور ;)[/ALIGN]

الـحـاتـمــي ..


مــر مـــن هـــنــــا ...



ويـقـول : الحل يا بروف أننا نسوي مظاهرة انا و أنت و سهل


<<< علشان يبيتون ليلتها في الحائر !!

نخاف الكل يقلب >بناتي< !!

[ALIGN=CENTER]هلا بأقدم عضو <----- إلا يا تاركها

والله مشكلة ..

يعني وين نروح .. ما بقى إلا البقالات ما منعونا من دخولها ..

بس وش رايكم نتغدى بهم قبل لا يتعشون فينا ..

يعني نخلي المنتدى (( للشباب فقط )) ..

بس المشكلة خاف ما يدخل معنا أبو سليمان وأبو الذهب ..

عشان كذا نخليه للتماسيح فقط ..

اقول الله يرجك يالبرفسور .. اقضب أرضك و (( أها بس )) <--- أسلوب شيبان ..

ولا عمرك تعودها ..



تحياتي لك يا القديم ،،،[/ALIGN]

[ALIGN=CENTER]اهلا بالبرفسور

اول شي احب اطمن الشباب اننا اذا فكرنا نسوي انقلاب راح نعلن عنه قبل لا يصير شي
لاننا شعب واضح وصريح ومايعرف النصب والاحتيال والخداع:p

بالنسبة لموضوعك الاساسي عن المنتديات الخاصة بالنساء فبصراحه انها فكرة سخيفة
انا اقص ايدي اذا كانوا المشاركات في هالمنتديات كلهم بنات فعلا لان الموضة هالايام معروفة:p وبصراحه انا ما اشوف فيها شي اذا الولد دخل وشارك واذا السالفة كانت راجعه للمضايقات وهالسوالف فاعتقد ان الحل بيد البنت بس وهي اللي تقدر توقف كل واحد عند حده

تحياتي لك ولمواضيعك الرايقة يالبرفسور ياولد عم سهل وياللي بيتكم في الروضة وخدامتكم اسمها فتحية
>>> مادري نسيت شي[/ALIGN]

اقول مالك الا انك تدس لهم كيلو حشيش في منتداهم وبلغ

وخلهم يقبضون عليهم ويشمعون منتداهم بالشمع الاحمر

إقتباس تحياتي لك ولمواضيعك الرايقة يالبرفسور ياولد عم سهل وياللي بيتكم في الروضة وخدامتكم اسمها فتحية >>> مادري نسيت شي

@ إيه نسيت واقدم عضو بالمنتدى ..!

@ الله من الروقان ......!!

وش أنا بلي الجنس الناعم

وياكثرهم فى المنتديات غير المندسين

اقول اللة لا يخلينا منهم هم شمعة الساحات

<<<< خائف من الانقلاب

<<<< الولد البار مسالم دائما

هههههههههههههه

حلوه منك علي الموضوع الرايق

واقدم عضو في الشبكه

السلام عليكم ورحمه الله وبركاته


تسلم هالانامل اللي كتبت هالموضوع

موضوع راييييق بقوه ومتعوب عليه