هلاوين بالغالين ,,,

@ .. هلا بكيفها كويتية ,,,

[ALIGN=CENTER]ما اعتقد ان فية قرار ندمت عليه مثل قرار الموافقة على الابتعاث لخارج الممملكة لدراسة تخصص كان بإمكاني ان افعلة هنا ,,,

إن كان شاعر الاندلس ( ناصر القحطاني ) من ضمنهم فهم اروع شعراء واحسن من يكتب القصيدة ,,

اثنين , الاول ( البناخي ) محمد العوام , والثاني بدون ادنى شك ناصر القحطاني ,,,

هي قصيدة وليست بيت ولكي جزء منها :

[poet font="Tahoma,4,white,normal,normal" bkcolor="transparent" bkimage="backgrounds/22.gif" border="ridge,4,white" type=2 line=200% align=center use=ex length=0 char="" num="0,white" filter=""]
ليه انا دائم حبيس الاكتئاب=والزمن يجتاحني من كل صوب
انتم ادرى ويش معنى الاغتراب=وانتم ادرى ويش تعذيب القلوب
مابقى لي قلب يدرك للصواب=تعصف بفكري متاهات الدروب
ماخفيته بان في عيني كتاب=يحتوي اكثر من احزان الشعوب
ول ياقلب(ن) من الغربة مصاب=ينتحب وجدة وشمسة في غروب
إن نصحته عاد يحكي لي جواب=وان تركته في سما الذكرى يجوب
وارجع لنفسي واحملها عتاب=واهرب بهمي ولا ينفع هروب!!!

[/poet]



8 ساعات متفرقة عموما انا دائما اون لاين اروح وارجع :):)

الهلال : قصة عشق وتحدي كبير , اخذت من وقتي ما يفوق الــ ربع قرن اشعر بأني ملكت عشقي وكسبت التحدي :):)

شبكة الزعيم : اول مرّه تصفحت فيها شبكة الزعيم شعرت وكأني اتجول داخل منزلي , شبكة الزعيم بالنسبة لي شيء كبير جدا جدا إن مُدِحت اشعر بزهو وإن تعرضت للاساءة وكأني اتعرض لأذى :(:(


عبدالله بن مساعد : لا يمكن ايجاد وصف لأبو عبدالرحمن غير ( الشجاع الامين )

يوسف الثنيان : لا اعتقد ان اغلبكم تابع يوسف على الطبيعة , يوسف من المستحيل وصفة فهو عُمله نادرة لا يمكن تكرارها ,,,


سامي الجابر : هل سمعتم عن ( الارادة ) ؟؟ انا اعتقد ان سامي منبعها ومصبها , منه بدأت وعندة ستقف , هذا النجم لا يمكن بحال استعراض تاريخة دون التطرق لما واجهه من حروب شرسة انتصر عليها ( منفردا ) وبدون ان يجد الاعانة , ردودة دائما ما تكون داخل الملعب صاعقة ومؤلمة لمن عادوة , سامي ايضا عملة نادرة لا يمكن تكرارها ,,,

للاسف الشديد لم اتشرف بزيارة الكويت إلا مرة واحدة كانت في الثمانينات الميلادية وكانت زيارة عابرة لا يمكن إعطاء رأي من خلالها , اما ليش فلم اجد الفرصة :)

حياتس الله ,,,


تحياتي ولي عودة ,,,[/ALIGN]

السلام عليكم ورحمة اللله وبركــــــــــــــــــــــــــــــــــــــــــــــاته:
حيا الله مشرفنا واخونا العـــــــــــــــــــــــــــــــــــــــــــــــوام ..
وشلونك ان شاء الله تمام ...

1_ هل تلعب كرة الطائرة اذا كان ( نعم ) بماذا تتميز ؟
2_ وش رايك بـ الحكام السعوديين وهل تؤيد فكرة الاستعانه بالحكام الاجانب؟

هذا اللي عندي هالوقت ... وانا جيعان اروح اتعشى واشوف ردك بعد العشا..

اخوي العوام مساك الله بالخير
سؤالي عن مؤهلك العلمي؟
لانه وبكل صراحه انا معجب بكتاباتك من ناحيه اللغه العربيه
وحسن انتقائك للكلمات وانا دائما مااقول بنفسي عنك انك بلا شك خريج لغه عربيه
والف شكر

الـحـاتـمــي ...



مــر مــن هـــنـــا ...


ويـقـول : عندي كم سؤال ;)

1 / يقولون أن العوام ( مشيّب ) بس يصبغ !! ما ردّك ؟! :D

2 / لا يكاد يمر شهر الا و يغيّر العوام شريحة جواله ,, ما السبب ؟! ;)

3 / ما هو نوع سيارتك الحالية ,, و ما السيارة التي تطمح بامتلاكها ؟! :)

4 / أين كنت في يوم الأثنين 29 آب ؟! :D:D

5 / ما هو المنطق ؟! s6s

6 / صح ام خطأ ,,, لو كان استخدام النت غير مجاني ,, هل تقعد كل هالفترة عليه ؟! :D:D

7 / فاصل اعلاني !! :D:D

8 / برضه فاصل اعلاني <<< صار مثل الار تي !! s6s

9 / شكلك بتسافر و انت ما خلصت الردود !! :D:D

10 / خلاص عاد مهوب حلا !! :D:D

شكرا لابو سلطان :D

هلا بالغالين ,,,

@ .. هلا بــ سعودي 2002 ,,,
كالتالي:

2- لأمي واخوتي
2- لزوجتي وابنائي
2- لزملائي عامة
2- للهلاليين عامة
2- لإدارة شبكة الزعيم واعضاءها
يووووووه صدقني ما اقدر اعدها :):) سافرت كثير ولأماكن كثيرة وبعيدة ,,,
موظف في ارامكو السعودية ( ممثل عمليات ) Operation Representative
خريج كلية متخصصة
في مدينة الدمام

يوسف الثنيان :):):):)

تحياتي لك ,,,

@ .. هلا بــ احمد15 ,,,

اعضاء شبكة الزعيم عموما , لكن بالتحديد , ارى ان ابو هيا هو كاتبي المفضل خصوصا في المواضيع ( المُكهرِبة ) :):) وايضا هناك الغريب بكتابته للمواضيع ( المنسمة ) , يضاف لهم ابو فيصل بكتابته للمواضيع الرومانسية خصوصا عندما يتغنى بالهلال :):)

الكثير من الاعضاء اقرأ لهم واتابع كتاباتهم واعجب بها ,,,



@ .. هلا بالشلال الهلالي ,,,
عندما يضع خلفية الصورة هلالية يصبح رااااائع جدا ,
الكثير من اللاعبين الشباب لهم مستقبل كبير , فهناك البرقان ارى انه سيحجز له موقع في الهلال قريبا , وهناك الصويلح والعنبر ومشعل الموري , وفهد سرور , هناك الكثير من اللاعبين الصغار سيكون لهم شأن ان شاء الله ,,,

( حاليا ) لا يمكن ان اعطيك رأيا صحيحا , فالجمهور في هذة الفترة يساير الرياح التي يتعرض لها الهلال , فعندما تكون الرياح شمالية تأخذ معها عددا منهم وعندما تكون جنوبية تأخذ عددا اخر وهكذا دواليك , الجمهور الهلالي يحتاج للاستقرار ولركود الاجواء لكي يُظهر ما لدية ونستطيع ان نقول رأيا في حقه ,,,


تحياتي ولي عودة ,,,

[ALIGN=CENTER]يا هلا والله وغلا بأبو سلطان تو مانور المجلس العام << والله من التسذب كل ضيف يقول له هالكلام :D

يا ابو سلطان عندي كم سؤال ..

# منتجع الثمامة والعلاقه بينه وبين العوام ;) ؟؟!! وهل تحس بتغير بين منتجع الثمامة والعوام ؟؟؟!! <<< قديم ومغبر صح :D

# كنت من أول الأعضاء اللي طاح بالإقتباس لين صارت موضه لكل الأعضاء هل طالبت بحفظ حقوقك ؟؟؟!! ووش آخر التحديات بينك وبين ابو هيا بالإقتباس ؟؟؟!!! لأنه مره كاتب موضوع وحاط إقتباس وسط إقتباس ووسط الإقتباس الأول لنك وأنت رديت عليه بإقتباس وسط إقتباس وسط إقتباس ووسط الإقتباس لنك !!! <<< كم مره قال إقتباس !!؟؟

# عرف عن ابو سلطان بالنفس الطويل .. ما شاء الله .. حتى يقولون كانك تبي تتوهق حارش ابو سلطان تبلش بعمرك ؟؟ وش السبب ؟؟ هل لأنك ما ودك تترك نقطه في النقاش ما تطرقت لها وإلا ما ودك من يفسر شئ على هواه خصوصاً إننا في الفتره الأخيرة صرنا نشوف تفسيرات من ابو ريالين وبعدها يقول أنا مظلوم ومحارب ومن هالكلام .؟؟!!

# ابو سلطان كان في فتره مشرف على منتدى الرياضه العربية بموقع sport4ever ومشرف هنا كيف قدرت تجمع بينهم ؟؟ وهل تحس أنك أديت اللي عليك ؟؟
خصوصاً إذا علمنا أن الإشراف على منتدى عام مثل الرياضة العربية يحمل من الصعوبة في إرضاء جميع الأطراف هل قدرت على هالشئ ؟؟ وشبكة الزعيم مثل ما قلت ما يمديك تسوي رفرش إلا نازله خمسة مواضيع [[ ماشاء الله ]] هل قدرت أنك تقوم بمهامك على أكمل وجه من نظرتك أنت ؟؟؟

# في وقت من الأوقات كنا نشوف ابو سلطان في غالبية المواضيع .. أما خلال الفتره الأخيرة ومنذ مدة طولية صرنا ما نشوفه إلا بمواضيع بعض الأعضاء أو بمواضيع القضية الجزيرة والمصيبيح وهلم جره .. هل نقدر نقول ان ابو سلطان ما نشوفه إلا بمواضيع ربعه وإلا وشلون !!؟؟!!

# في وقت من الأوقات دخل ابو سلطان مجموعة غينيس للأرقام القياسية بتحطيمة للرقم العالمي كأطول توقيع في العالم .. يومك حاط قصيدة كاملة .. حتى ذيك الأيام كنت أتحاشى أدخل موضوع أنت راد عليه تعرف إتصال دايل أب وش يسوي أقعد نص ساعه أقرأ ردك لأنك ما شاء الله تبارك الله ابو الإقتباسات ونص ساعه ثانية على توقيعك لين أوصل للرد اللي عقبك حتى أذكر ذيك الفتره كنت أخلي أخوي ينزل بالماوس وأنا أوصل لي مشوار وارجع وهو توه ما بعد خلص :D وهذا غير ردود الأعضاء الباقين وخصوصاً إذا كان موضوع المصيبيح والجزيرة وغيره .. بتقول لي أقطع الإتصال ماش ما ينفع تعرف بعض المدرعمين لا زم تشوفهم قبل ما تجي إنبراشه من واحد من المشرفين :D .. هل كنت تحس بالمعاناه اللي كنا فيها وإلا ما طقيت لنا خبر ؟؟؟

# هل أنت مقتنع أنه لازم يوظفون مباحث بالشبكه ;) عشان بعض العينات اللي ما يشوفونها المنبرشون;) من المشرفون ;) البطرانون ;) الحبيبون ;) الجميلون ;) الرائعون ;) <<< أبوك يالنفاق خلاص بيوظفونك بس فكهم من شرك :D .. يعلمونكم عنها وأنتم تتكفلون بالإنبراش .. لأننا سمعنا إن الإدارة صارفه لكم كنادر أعزكم الله أديداس عشان هالمهمه ..؟؟

# ابو سلطان في وقت من الأوقات كنا نرى في شبكة الزعيم كبار الكتاب متواجدون بشكل دائم ولكن خلال الفتره الماضيه أنقطعت إبداعاتهم هل هذا الشئ أثر على الشبكة ؟؟؟

# هل تؤمن بمقولة الخارج من شبكة الزعيم مفقود والداخل مولود ؟؟

# ابو سلطان ابي رأيك في ..
- عبدالله بن مساعد وهل هو سبق زمانه ؟؟
- سامي الجابر في هذا الوقت خصوصاً ؟؟
- مستقبل الكرة الهلالية ؟؟
- شبكة الزعيم ؟؟
- الإعصار - كوكتيل - سلمان 99999- ابو منار << ياحبي له - الغائب الحاضر ابو ناصر << ياحبي له هالأدمي بعد- الغانم - ياقاهرهم يا سامي- عساس << ياحبي له بعد هو والمدخل والسالفه - الصوت الهلالي - ابو سعد - ابو لما - هلالي الجوف - ابو ذكرى - الغائب فاهم جداً - الغريب - البارق - حبي تيماوي - ابو سليمان << آخر ثلاثه عشانهم مشرفين علينا بالمنتدى هذا وبالتطوير وإلا ما عليك منهم :D <<< خربها بقوه وأنت السبب يا ابو سلطان :D

بمناسبة فوز الهلال بثلاثه أستلم :

# ابو سلطان عندك ثلاث إنذارات شفهيه لمن توجهها ؟؟

# ابو سلطان عندك ثلاث كروت صفراء لمن توجهها ؟؟

# ابو سلطان عندك ثلاث كروت حمراء لمن توجهها ؟؟

# ابو سلطان عندك ثلاث أبيات من إختيارك وتهديها للي تبي ؟؟

# ابو سلطان أدري ثقلت عليك بس وش نسوي أنت بالسنه تمر من هنا قلنا خل نجيك كلنا أبرك :D

<<< شف تراه يبي يديور إن جاء شئ جديد بخاطره .. ترى هذي كلها ما بعد جيت لم سالفة المصيبيح :eek:

تحياتي لك ,.,[/ALIGN]

هلا بالغالين ,,,

@ .. هلا بــ سهل 888 ,,,

مساك الله بالنور والسرور ,,,

ليتك مخليهم على بوفيتهم :):) , شوفة عينك لاشفنا ذي ولا ذيك , افلسنا منهن كلهن , عموما الرجا في نهاية المقابلة عسى الربع يفطنون ويجيبون لو كيكة :):)

انا انا ما عندي شيء :sad::cry: هم قالو تعال وجيت :D:D

قبل عشرين سنة او زود شوية ( الله لا يوريك ) انواع الخبصة والتعصب , صدقني في فترة من الفترات واذا كانت المباراة مصيرية ( يعني تؤهل لنهائي ) ما كنت اقعد في البيت , اطلع برا وكل شوي اسأل هاه وش صار :):) , كان الوضع غير عادي وما كانت تفوت مباراة نهائية إلا مسجلها واذا فاز الهلال انواع الاعادات لدرجة ان اهلي قالو هاه نسمع لك المباراة :):) يعني حافظها صممممم ,,,

هالايام وبعد ما تزعم الهلال الاندية صارت ( الحالة ) اخف شوي :):) ,,,

بالنسبة للعب الكرة , نعم كنت امارس لعبة كرة القدم في مركز الوسط ما بين وسط ايمن ومحور :):) وكنت في ذاك الزمن نجم لا يشق له غبرة :):):)

بالنسبة لكتابة موضوع في المجلس العام ما اعتقد اني بنجح , ياخي صدقني انا خلقني الله راعي كورة وبس :):)

بدأت تشجيع الهلال بعد ميلادي بخمس سنين :):) صدقني هذا اللي حصل :D:D

الهلال يدلل كل لاعبية للاسف :sad: سواء اعضاء الشرف او الجمهور ,,,

اللهم لا حسد :):) الاتصال عندنا اسرع من الصوت :):) , والنت عندي شغال عندي مادام اني صاحي ما نمت :):) ,,,

الله يعافيك وليتك معزبنا هنا , كلامك ياخيييي طيب كله عن المهيلة والحايل , ياخي انت نشمي وبس :):)

@@@@@@@@@

@ .. هلا بـــ بالبارق 2000 ,,,

الله يمسيك بالنور ويعافيك ياخي انت ما وحشتكش الشرقية , يعني ماودك ترجع , ترى اذا ودك الواسطة موجودة ندبر امرك :):):)

هع هع هع راحت عليك اخذها ذيبان ومالك الا تدور على غيرها :):) هالكلمة سجلها التاريخ بإسم ابن العم :):)

وانا كماك , سعيد ومبسوط بوجودي فيذا :):) وبين ظهرانيكم :):)


صحيح يالبارق , ترى انا اول من استخدم الاقتباس في المنتديات الرياضية :):) وكان هالامر في منتدى اسمه ( ملتقى الشبكات ) تراه هالحين انمسح من الوجود :):) , حكاية تشفير الاقتباس ماعاد نقدر عليها , والسبب اني ما سجلت براءة الاختراع في ذاك الوقت , مثل روحت ( كنفاتك ) :):):)

تطور الاقتباس كان على مراحل , بدايته كانت وضع اقواس :):) وبعدين صرنا نشكل في الالوان يعني نحط المُقتبس لون والرد لون ثاني , وفي الاخير وصلنا الى كود الاقتباس وهذا هو الى يومنا هذا هو السائد ولن يبيد لحاجة الجميع له :):)


والله ياخوك حنا مثلك عارف ( ابا عن جد ) ما عنا وعن البر , لكن عقب البيتش حق ارامكو اشوف اننا خربنا وبالصيف صار البحر عندنا هو الحبيب :):)

يابن الحلال صادوة واكتشفو وضعه :):) النسيب كفشني في الرياض وبعد ما مشيت منه اتصل على اخته في البيت يبي يسلم عليها وسالفة جرّت السالفة الين قالها توني شايفن ابو سلطان هنا في الرياض , قالت له الرجال رايح للبحر :):) هو ضحك وانا رحت بها :):) , يعني هالحين يبي لنا شغله ثانية غير سالفة البحر :)


ياخوي انتم اللي ماعاد عزمتونا :):) , يالله شمر عن سواعدك وابشر باللي يعنى لك :):)

يابكااااااش , يارجال من عرفت الكورة وانا استدير معها :):) هي محور الحديث دائما , البواقي تراها تجي شطف :):):)

يابن الحلال لو تدري وش السالفة كان ما قلت اشكرك :):) بيني وبينك الاتصال من الاخوان كان في وقت متأخر تقريبا الساعة وحدة بالليل , واخوك وراه شغل ويبي يرقد , قالو له هاه قال تم والله المستعان :):):)

تحياتي ولي عودة ,,,

@ .. هلا بـــ الزعيم 2000 ,,,

يالله سترك والفزعة :rolleyes: والمجلس منور باللي فيه واللي يجية ,,,
ياذا النشبة صدق :) عموما مثل ما قلت اعلاة ,,,

اكيد تعرفة , تزاملت انا واياك فيه , ( منتدى ملتقى الشبكات ) :) ايام راحت كنا فيها شباب ( ن ) باين الشوق بعيونه :) تذكر وش كنا نسوي بالجيران :):)
كثير والله , يعني لو ابي اعدهم يبي لي ساعة , لكن وبصراحة فية مجموعة ودي اقابلهم منهم انت و( فرانكلن ) ,,,
شوف ياغالي , في النصر ممكن تقول ماجد , وفي الاتحاد ممكن تقول نور , وفي الاهلي يمكن تقول طلال , لكن في الهلال ( إستحالة ) انك تحدد واحد وكمثال , الا يستحق سعد مبارك ان يكون رائع ومن افضل اللاعبين , والا يستحق التيماوي ان يقال فيه نفس الكلام , والا يستحق ابو يعقوب ان يقال فيه اشعار وسامي ونواف والشلهوب , بصراحة لا يمكن الاجابة على هذا السؤال ولن تنفع الاستعانة بالجمهور ولو واسقطت اختيارين لما كفى لقول من افضل من مر على الهلال من اللاعبين ,,,


وششششش هن :)


السفر : ( غثيث ) :cry:

الصداقه .. ( كنز ) :)

العمل .. ( غناة )


الانترنت .. (مجال تواصل سريع) و(دليل معرفة اسرع)

شبكة الزعيم .. (ملتقى الاحباب) ومقر ( دعم الحبيب )

الهلال ( عز وفخر )

انا كنت منتجع الثمامة , وغيرت للعوام :):)



ابد والله إلا كنت معزب خفيف :):)

هع هع وبعد هع هع :):) اما اخوي الصغير هذي كثر منها :):)

تحياتي ولي عودة ,.,,

حياك الله العوام
وأنت منور منتدياتنا كلها
سؤالي
وش أهم قرار في حياتك إتخذته ؟
هل تعتقد إنك بتمل من الشبكه يوم من الأيام ؟
أريد أن أكون مبدعه كيف لي ذلك ؟؟؟؟؟ مبدعه في الشبكه ؟؟
الله يقويك ويعطيك الف عافيه
أختك
وفاء الزعيم