ما زرعه بن مساعد .. سيحصده غيره بسهولة !! والجمهور يتحمل المسئولية !! - نادي الهلال السعودي - شبكة الزعيم

الموهوب · #1 16/03/2004, 10:37 AM

[ALIGN=CENTER]

"أكــلها" بن مساعد لحـــاله ..

السلام عليكم

للأسف كلنا سمعنا خبر استقالة الامير عبدالله بن مساعد ..

سمعت ان هناك البعض من الجماهير مؤيدة لهذه الاستقالة .. ولا اريد ان اصادر آراء اولئك الجماهير لأنه حق من حقوقهم ان يبدو آرائهم ..

ولكن من حقي ان أدلي بدلو في هذا الشأن واعتقد ان الاغلبية توافقني عليه

اعتقد ان مسألة عدول الامير عبدالله بن مساعد عن قرار الاستقالة بات مستحيلا .. خصوصا بعد اتضاح الرؤية عن اغلبية اعضاء الشرف والذين لن اقول انهم حاربوا ادارة الامير عبدالله
لان اعضاء الشرف ليسوا كذلك ولن يكونوا كذلك ان شاء الله

ولكن اقول ان بعض اعضاء الشرف الكبار والكبار جدا .. لم يقفوا بجانبه كما كان مفترض ..

وكثير منهم تكون له تصريحات قوية جدا في اوقات حرجة للغاية
فمثلا عندما يطالب الامير عبدالله بن مساعد باجتماع شرفي ويكرر حاجة الادارة للمال
لا يحضر اهم اعضاء الشرف للاجتماع بحجة ( البر )
وانا احد الجماهير الذين قد يقنعهم موضوع البر وان البر فرصة ممتازة للراحة واعرف ان كثير من الناس خصوصا الامراء والشيوخ لا يفوتون فرصة الجو الربيعي ..

ولكن ان يخرج احد اعضاء الشرف بعد كم يوم ويلوم الادارة على وجود المدرب ووجود فلان وفلان ...
يعني ان عملية البر ما هي الا تهرب من المسئولية ومسألة عناد !!

لن اقلل من دور اعضاء الشرف .. فهم دفعوا ودعموا ...
ولكن مهما كان يظل دور رئيس النادي اهم
ولماذا لم يتم التعامل مع اي خلاف بسرية وبعيدا عن اعين الاعلام اللي ما يصدق يلقى اخبار مثل هذي !

سؤال اخر ؟
اين كان اعضاء الشرف لمدة اربعة اشهر قبل رئاسة الامير عبدالله بن مساعد

الكل تعذر عن الرئاسة لان الهلال نادي كبير وصعب ..
والحقيقة كانت ان الهلال كان يمر بظروف سئية للغاية
لاعبين بحاجة الى تجديد .. مدرب .. رواتب .. اكثر من 10 العاب اساسية في النادي .. لاعبين محترفين
وضع الهلال المتردي في اخر لقائاته ..
خمس بطولات الموسم القادم ويا ويل الهلال لو ضيّع واحدة منها ..

يعني بالعربي اعضاء الشرف حسبوها صح ..
وسمو الامير عبدالله بن مساعد هو اللي ( اكــلها ) وللاسف لحـــاله !

العام الماضي لم يتوقع احد ان يخرج الهلال فيه بطولة من سوء الوضع ؟ وخرجنا ببطولة كأس ولي العهد عندما كان اعضاء الشرف على قلب واحد .. وعندما كان فيه فلوس !
والسنة هذي العكس تماما !

ولكن لن ننسى يا ابو عبدالرحمن انك انتشلت الفريق من وضع مزري وسيئ .. الى وضع افضل بمراحل اصبحنا نلام فيه اذا خرجنا من بطولة بسبب تعادل !

ما زرعه الامير عبدالله بن مساعد منذ توليه الرئاسة لم يكن من اجل احراز كأس ولي العهد ؟

ما خطط له الامير عبدالله كان من اجل اخراج الهلال من مرحلة انتقالية حرجة تمر بكل اندية العالم وهاهو الهلال يمر بها ..
واعتقد انه نجح فيما خطط له بنسبة 90% ..

تجديد لاغلب نجوم النادي لمدة ثلاث واربع سنوات ..
لاعبين محترفين من افضل الموجودين في المملكة بمبالغ زهيدة ..
نجاح في العاب اخرى في نادي الهلال .
استقرار فني .. ولي في هذا البند (قعدة) ..

الابقاء على ادديموس ..

بغض النظر عن مدى فائدة ادديموس ..

اعطانا الامير عبدالله بن مساعد درسا قد يكون ثمنه بطولة ..
ولكنه درس لابد ان نتعلم منه جميعنا .

من اعضاء شرف .. وحتى الجمهور ..

تغيير المدرب لابد ان يكون اخر خطوة واخر شيء يخطر في بال ادارة النادي ..

دعونا نرتقي قليلا بفكرنا الى الفكر الاوربي ..

منتخب المانيا في تاريخه كله مر عليه تقريبا 10 مدربين فقط ..
مانشستر .. ريال مدريد .. ميلان وغيرهم !!

حتى برشلونة اللي كان عندهم مدرب علّة والكل كان ضده وكان سبب في تردي اوضاع الفريق وابتعاد ريفالدو في عز عطائه .. .. بقي في برشلونة ثلاث سنوات !

انا الان لا اطالب ببقاء ادديموس .. لانه اصبح لدينا مشكلة لن تكون قابلة للحل ..
وهو درس ايضا اعتقد ان الامير عبدالله بن مساعد تعلم منه
وهو وجود فجوة كبيرة بين المدرب واللاعبين ..
وهي مشكلة كافية لتغيير المدرب

ولكن تغيير المدرب لن يكون الا حل وقتي لهذه المشكلة والتي سنعاني منها كل سنة ..

فلاعبي الهلال ما اذكر انهم ارتاحو مع مدرب
لاعبي الهلال هم من احضر بلاتشي .. وهم من طيّر بلاتشي ...

يوردانيسكو لن يوافق بعض لاعبي الهلال باستمراره رغم بطولاته اللي جابها ..
ولو استمر لكان مصيره مصير غيره ..

وعلى مر تاريخ الهلال
لاعبي الهلال ( بدعم اعضاء شرفه) هم من يختار المدرب وهم من يطيره

الا في عهد الامير عبدالله بن مساعد
اللي حاول يضع حد لهذا الشيء ..
ولكن مهما كان الحد قويا .. تكون التحديات اقوى ..
فلاعبي الهلال ما احد يقدر يزعلهم ..
لان وراهم جمهور قوي ووراهم اعضاء شرف اقوياء!

مشكلة جديدة في الهلال لابد من حلّها ..

احدى المشكلات التي لابد ان نتعامل معها بشكل جدي لتكون احدى خطوات الاصلاح الهلالي مستقبلا ..
وهي مشكلة لم يتطرق لها احد من قبل رغم اهميتها ولكن ربما الجهل بأهميتها جعلنا نهمشها ..

راح اقول لكم قصة حصلت لي حتى ابين لكم مدى اهمية المشكلة اللي راح تعرفونها من القصة ..

مع تجربتي مع فريق الصداقة في ابها ..
وجلساتي مع المدرب حسين الحبشي ابو نواف ..

تعلمت الكثير من الاشياء في عالم كرة القدم واللي كانت تخفى علي ..
اتذكر قبل مباراة الهلال وابها ( اولى مباريات بطولة الصداقة )

علمت بعد حضوري التدريب خطة الفريق وتشكيلة الفريق قبل المباراة بثلاث ساعات فقط ..
وبجهل مني .. وزيادة حماس بغرض تأدية الواجب الذي اتيت الى ابها من اجل
قمت بانزال التشكيلة في الشبكة ..

علم الحبشي بذلك قبل المباراة بقليل وفي الملعب قبل نزول الفريق ..
سألني ..
انت اللي نزل التشكيلة ؟
رديت عليه .. ايه !

قال لي ماقصرت ( وهو زعلان )
وعطاني ظهره وراح ..!

انتهت المباراة وتعادل الهلال

جاني من بكرة الاداري عبدالعزيز الرباعي ومدرب الحراس منصور القاسم وقالوا لي ترا ابو نواف زعلان منك مرة ومحملك مسئولية التعادل !

جينا على الغداء شافني ابو نواف جالس في نفس طاولته اللي متعود يجلس عليها ..
ما جلس جنبي
راح دور له طاولة ثانية !!
وبكرة رحت لابو نواف في الغرفة ..

وقلت له ليه زعلان علي !

قال لي انت طلعت سر من اسرار الفريق برا ..!

قلت اي سر ..؟

قال التشكيلة تعتبر اهم الاسرار اللي لازم ما تطلع ..

بالعكس المفروض انك تموه على الفريق الثاني وتبين ان فلان مصاب وفلان مهوب لاعب عشان تزيد التعتيم تصدق يا محمد ان قررت انك ما تحضر اي تمرين معنا بعد اليوم وكنت ناوي اطلب من اللاعبين ما يعطونك اي معلومة !

عاد قلت له لا تزعل علي وترى ما عندي خبرة في الامور هذي وهذا درس اتعلم منه ..
واذا ما تعلمت من اهلي اتعلم من مين !
والحمدلله ارتاح مني ورضى .. وصار ما يجي يوم الا يسيّر علي في الغرفة نتابع مع بعض مواضيع الشبكة .

لكن لازلت احمّل نفسي مسئولية عدم التأهل للدور الثاني في بطولة الصداقة !
فالتعادل في تلك المباراة خسرنا نقطتين كان ممكن تريحنا في المباريات الجاية ( رغم ان المباراة كان فيها طرد للحارس ولعب الهلال ب10 لاعبين )

هذه القصة اسردها لاني ودي اتكلم عن نقطة حساسة جدا وهي انتشار التشكيلة اللي لعب بها الهلال قدام الاهلي في مباراة الاياب ومباراة الذهاب !
وهي مشكلة تراها كبيرة .. يمكن ما يعرف اثرها الا الناس اللي تفهم كورة بس !
ويقلل من اثرها الجمهور لانهم مثل ما قال الامير عبدالله بن مساعد كثير منهم ما يفهم كورة صح !

التشكيلة وصلتني على جوالي من الساعة 12 الظهر !!! والمباراة الساعة 8 ؟؟
أكيد ان التشكيلة هذي وصلت للاهلي ..

يعني قبل 8 ساعات .. مو 3 ساعات
ومع مين ؟ مع الاهلي ؟؟ مو مع ابها ..
وفي اي بطولة ؟؟ نصف نهائي كأس ولي العهد ومباراتين حاسمة ؟ مو المباراة الاولى في بطولة الصداقة ؟؟

ومن الساعة 12 الى الساعة 8 يقدر الاهلي يغير خطته على حسب خطة الهلال !

السؤال اللي يطرح نفسه ؟

من المسئول عن توزيع التشكيلة ؟

التشكيلة المفروض ما يعرفها الا المدرب وجهازه الفني والجهاز الاداري واللاعبين ..؟

مستحيل توصل التشكيلة لأي واحد في العالم الا عن طريق الثلاث عناصر هذي ؟
والثلاث عناصر هؤلاء عارفين ان التشكيلة سر من اسرار المدرب !

فعندنا سؤال اخر يطرح نفسه وهو

ليش يطلع السر هذا ؟؟

وماذا استفاد الجمهور الهلالي عندما علم بتشكيلة الفريق ؟؟
الفائدة هي فقط في الكلام ..
وليش يلعب هذا .. وليش يلعب ذاك ؟؟؟

ليش ما توصلنا تشكيلة الأهلي ؟؟

لكن لو كان اللي يجيب التشكيلة وينشرها للناس جيد ..
كان جاب لنا تشكيلة الاهلي

راح تكون معلومة ممتازة مرة لو عرفنا ان الخيبري وعبدالغني بيلعبون سوا !

هل فيه احد توقع ان الخيبري وعبدالغني بيلعبون مع بعض ( ظهيرين ايسر ! ) وشلية وصاحب عبدالله ( ظهيرين ايمن !!)

ليه ما تطلع اسرار الاهلي ؟؟[/ALIGN]