14/03/2004, 04:35 PM
|
أمين عام مجلس الجمهور الهلالي بالشرقية سابقا مشرف اللجنة الإعلامية سابقا | | تاريخ التسجيل: 12/01/2001 المكان: الرياض
مشاركات: 5,143
| |
.. وســــــقـــــــــــــــــــــــط الهـــــــــــــلال !! خسر الهلال ..
عفوا تعادل ..
وش الفرق ..
المهم طلعنا من البطولة .. زينا زي النصر ...
وزي الاتحاد العام الماضي
وزي ما ادري مين السنة الجاية ؟
خلاص .. انتهى الهلال ولازم ينسحب من البطولات الثلاث اللي داخل فيها ونقوم بتغيير كل شيء في الهلال ! من يوم الخروج الأسود وهذا حال الجمهور الهلالي اللي ما يسر لا عدو ولا صديق ...
ناس تقول ادديموس علّة ..
ادديموس ما يفهم كورة ..
ادديموس يدربي راسه وما غير يتأمر ..
غيروا ادديموس ..الـ ...... الهولندية ؟؟ على طاري المدرب ..
البارح اتصل فيني واحد ماله دخل في الكورة
وما يدري اذا الحارس يقدر يمسك الكورة لين رجعها الدفاع والا لا ؟
بس درى عن نتيجة المباراة وقال لي وهو يمزح .. ياخي مدربكم ذا فاشل ؟
قلت له وانا اضحك .. وش دراك ..؟؟
قال لي كل هلالي اشوفه يقول لي المدرب هو السبة
وناس تقول ابراهيم اليوسف ..
ماله شخصية ..
وين الأحمد ووين اليوسف ..
النعيمة ..
شيلوا اليوسف ..
وناس تقول سامي الجابر ..
معك سامي ..
لا تروح يا سامي ..
ماعندك سالفة يا سامي..
ناظر نفسك يا سامي ...
وناس تقول منصور المنصور ..
وش الفايدة منه ؟
وش نبي به ؟
وناس تقول المطرف .. الشايع ..
البرقان .. الحوطي
العنبر .. فهد سرور ..
الخراشي ..
الحبشي احسن ..
وناس تقول .. الامير هذلول استقال والسبة ادديموس
اعضاء الشرف ما يبون المدرب
الامير عبدالله بن مساعد لم يقدم شيئا للهلال
ارحل يا بن مساعد ..
ارجع يابن سعيد ..
وكل واحد عنده دلو فيه موية يجي يصبه يمكن تطفى الحرايق .. اصبحنا نتناقش ونفتح مواضيع كثيرة تسبب الفرقة اكثر من البحث عن حلول ..
اصبحنا في بعض مواضيعنا نتناقش باسلوب
"انا قايل لكم من أول .. خلكم تستاهلون .."
لم تكن طريقة النقاش في بعض المواضيع مقبوله ..
ولم يكن في بعضها سوى افراز كمية الغضب في هذا المنتدى
بل ان بعضها تطاول وسب واخطأ ..
عندما كنت اتصفح المنتدى بعد الخسارة ؟؟
فقط عملية تحديث منتدى الجمهور الهلالي وقراءة عنواين المواضيع ذكرتني بمنتدى الاتحاد بعد الخروج من امام الهلال في كأس ولي العهد الماضي ؟؟
ذكرتني بمنتديات النصر ( كل شهر )
لماذا اصبحنا مثلهم ؟
لماذا هذا السوء في ابداء وجهات النظر؟
لا اقول ان آرائكم صحيحة .. او خاطئة .. ولكن طريقة ابداء الرأي لم تكن صحيحة اطلاقا ..
تغيير الاداري او المدرب او اللاعب والرئيس .. تحتاج الى روية وهدوء ليس الى عصبية ما بعد المباريات
واسلوب "يا تقتنع برأيي والا ان رديت على الموضوع تراك ما تفهم"
والا وش الفرق بين جمهور الهلال و غيره؟
ولا يكفي فقط ان يكون منظرنا في الملعب اوروبي وطريقة نقاشنا وحوارنا اتحادية ونصرواية ؟
اذا كان مافيه فرق ... خل نقول مع بعض .. ســــقـــــــطالــــهــــــلال
ليت الامير عبدالله بن مساعد يصدر بيان يقول شيء حتى لو يسوي ندوة كاملة يحضرها اعضاء شرف واعلاميين وجمهور بمبلغ رمزي بعد يكون فيه نقاش من كل الاطراف
المهم ما يتكلم كل واحد لحاله وفي النهاية اصواتنا غير مسموعة ؟
نبي حل .. مانبي حكي ! |