كما اعلن مقدم برنامج صافرة الآن .. حبيت انوه لاخواني اللي ماحطوا القناة الرياضية السعودية يحطون عليها فيه خبر عن استقالة الامير عبدالله بن مساعد .. بعد برنامج صافرة ..

للتنويه .. فقط واعتذر من المشرفين الاعزاء ان كان هذا الموضوع ليس مرغوب بامثاله

ما جبت شي جديد وهذا شي كان متوقع من قبل

البرنامج انتهى وبدى بعده حلقه عن المصارعه الحره
تلعب علينا انت الله يهديك بس

وشلون ماجبت جديد .. الا جبت التوهيقه ..

الظاهر اني فهمت خطأ هو ذكر انه بيتم تغطية خبر استقالة عبدالله بن مساعد وتعرف الامر مايخلى من اتصالات وخاصة ان الواحد من استقالة ادموس ثم رجوع قولهم انه مابعد استقال صار يترقب لأي خبر .

لكن عموما البرننامج احتمال بيكون على الساعة 11.00 .. وانا اقدم اعتذاري للجميع .. وعموما مابقى إلا ربع ساعة ونشوف كل شيء .

ياخوك وش العب عليك فيه ..

اللي حصل ان مقدم البرنامج و توه يتكلم عن البرنامج اللي بيجيب خبر استقالة عبدالله بن مساعد .. فنط في حلقه الزيد والناصر قالوا له لا لا رجاء مالنا دخل في هالموضوع فلا تتطرق له (بما معناه) ..

فضحك عليهم مقدم البرنامج وقال وش فيكم خايفين .. انا بس بنوه عن فقرة في البرنامج القادم ..

وترى الخطأ مني نتيجة تدخل الناصر والزيد وسبب رفضهم التطرق لاستقالة عبدالله بن مساعد في برنامج صافرة ..

وبعد ماقال الخبر قالهم بما معناه .. ريحوا ا نفسكم انا انوه عن فقرة في البرنامج القادم ماراح اتطرق له في برنامج صافرة .

لهذا اقدم اعتذاري لك وللجميع .. وانتظر شوي وخلينا نعرف كل حاجة .. فيه من يترقب اي خبر في هالموضوع ولهذا الشيء حبيت انوه للاخوان عن مصدر خبر ممكن يترقبونه .

ماعليش ياشباب انا اسف للمرة الثانية .. البرنامج بدأ الساعة 11.30 .. ونوه فيه مقدمه إلى انهم سيحاولون الاتصال بالامير عبدالله بن مساعد .. وتغطية المؤتمر الصحفي المنعقد .

حديث الامير عبدالله بن مساعد .. بقدر ماقدرت اكتبه ..

هو سبب واحد .. شفنا ان كان مو من مصلحة الفريق ان يتم التغيير في الموسم

ولم ننجح في هالشيء واذا كان هناك من يقدر يقوم بالنادي فليتفضل

والسبب الرئيسي في الاستقالة هو السبب المادي ..

مافيه وقت مناسب للاستقالة اثناء الموسم لكنها مسألة

اعتقد انك لو سألت اي الجماهير ليش يعتقدون ان تغيير المدرب فيه مصلحة الفريق ..

وانا اشعر ان اي قرار يأتي في مصلحة النادي انفذه انا لا انشد عن الشعبية لو انشدها

المشكلة في الفريق ماهي في المدرب ولو اعتقدها كذلك كان غيرتها .. وقد تعودنا في المملكة في تغيير المدربين وانا اعتقد ان المدرب يؤدي دوره بشكل جيد ..

كأس ولي العهد يمكن يكون احسن السنوات ..

مافيه رئيس يقدم قرار ضد مصلحة الفريق .. لو الهلال كسب بطولتين بيقولون مع مدرب ثاني بنكسب ثلاثه ..

استقلت بدون مبالغة من خوف من الله لاني اعرف ان القرار الصحيح ليس في تغيير المدرب

الجماهير تتأثر من ماتقرأه ..
واللاعبين يشوفون اعضاء الشرف والجماهير تهجم على المدرب فاكيد ان يتأثرون من هالشيء ..

انا اللي قلته في المؤتمر الصحفي بنستمر في إدارة النادي لين يجتمع اعضاء الشرف

بالنسبة لتصاريح سامي الجابر وماذكره في غرفة الملابس ..

انا رأئي الشخصي .. ماودي اتكلم في مواضيع اللاعبين ..

سامي اخطأ خطأ كبير .. وكلمني سامي واعتذر وعلاقتي بسامي قوية .. وكلام سامي غير صحيح اطلاقاً ولو كان كلامه صحيح والله لقلت انه صحيح .. وانا ما اسعى لاعتذاره هو لازم يؤدي دوره ولازم يعطي الهلال بمثل ما اخذ اما قرار من يلعب ومن لايلعب فهذا قرار المدرب .

الهلال فيه لاعبين كثير وصعب ان تضع تشكيله يرضى عليها الجميع ..

شي غريب بالمره في كل مرة في العالم ........

كل الاعضاء اللي اخترتهم في النادي انا اثق فيهم واذا حصل فشل في النادي انا المسؤول الاول لان هذي اختياراتي .. راحت مسابقتين وحده بالاولمبي ومسابقة ولي العهد بيفوز فيها فريق واحد وموقفنا في الدوري جيد وبطولة العرب كذلك اما اللي يشتغلون معي فانا اثق فيهم .. وبدأ الهجوم على المصيبيح فراح المصيبيح والآن بدأ على نجيب الأمام .. والكلام اللي اثير على نجيب الامام والله ماحصل .. وكلام نجيب ان نغير تراوري والمدرب قال يجب ان يبقى تراوري .. ونجيب الامام قام بعمل ممتاز ..

الاتحاد جاب سبعة لاعبين اجانب وبقى منهم ثلاثه .. الاهلي جاب ثمانية بقى منهم ثلاثه والنصر .. واللي جبناهم ماهم افشل اللاعبين .. سيفو حصل الطرد لكنه لاعب ممتاز .. تراوري نتمنى اكثر وان شاءالله بيقدم افضل .. الهلال ما اخطأ ولا في لاعب اجنبي .. كذلك الميزانية .. شيكو لحالة بميزانية اللاعبين الثلاثة اللي جبناهم ..

المدرب ادموس كان ينتظر قرار الادارة اذا استمرت استمر .. وبما انه عرف قرار الاستقالة ما اعتقد انه سيستمر .. وحسين الحبشي سيدرب الفريق لين يجتمع اعضاء الشرف ..

ماتغيرت وجهة نظري في اهمية ابقاء المدرب اكثر وقت .. نوادي كثيره تنتظر المدرب سنة اولى ثانية ثلاثة .. اللي يقول ان الهلا ل حقق بطولات بتغيير المدربين كلام خاطئ .. الهلال حقق البطولات لوجود لاعبين .. النصر كمثال مع احترامنا له كم مدرب غير .. هل بيجيب بطولة ماراح يجيب بطولة .. ولما كان فيه ماجد والهريفي ويوسف خميس .. جاب بطولات ..

احنا نصرف فلوس كثيره على المدربين ودائماً الاخطاء على المدربين ..

دايم اقول ان اعضاء الشرف اللي يدفعون المؤثرين .. لو قالوا غير المدرب ولا ماراح ندعم راح اغير المدرب .. لكن المشكلة .. كثرة تغيير المدربين ماهي جميلة .

اعتقد ان الاعلالام الهلالي ساهم في اثارة الجماهير وتغيير المدرب ومعه قلة من اعضاء الشرف وما اعتقد انا النتائج تحتاج لكل هذا الاستياء وانا سادعم الهلال في الففترة الجاية سراً وعلنية

اعتقد ان الفريق سيدخل مراحل حسم تحتاج لوقوف كل الهلالين .. واذا استقال المدرب نختار مدرب ويجلس معنا اكثر من سنة .. ومهما بذلك يبقى التوفيق ..
حظوظ الهلال في البطولات القادمة حظوظ كبيره ويجب ان نسعى في السر والعلن مع الفريق وما ابي افتح مواضيع ما ابي افتحها اهم شيء تنتهي الاشياء اللي حصلت في رئاستي ورئاسة سعود بن تركي .. اذا اردنا ان يرجع الهلال مثل اول .

اعتذار سامي الجابر .. وليس تصريح منه للتلفزيون كما ذكر ذلك مؤخراً انما قصد به الاعتذار :

انا غلطت واعتذر للامير عبدالله بن مساعد ولن اسامح نفسي إلا اذا قبل الامير اعتذاري

واقولها والله وكلامي خالي من اي رئاء .. ان الامير عبدالله بن مساعد الرجل المناسب في المكان المناسب .. ولو تكلمت عن الامير في فترة رئاسته .. ماراح اوفيه حقه ..

الامير قام بجهود كبيره منها .. تجديد عقود 90% من اللاعبين ورواتب اللاعبين في وقتها واذكر ان الامير بات في النادي وانتشل الفريق في اشياء كثيره وخصوصاً خروجه من العين اشياء كثيره ..

وقرار استقالة الامير قاسية علينا .. واتمنى مايكون صحيح وان لايسمح له اعضاء الشرف ان يستقيل
ووجوده معنا في هذا الوقت مهم جداً قد نختلف لكن مصلحة الفريق فوق كل شيء ..

اللي اعرفه اننا في وقت حرج لكن ليس سيء .. موقفنا في بطولتين جيد جداً وفي بطولة جيد .. وعندي امل في الله ثم الامير عبدالله وكل لاعبي الهلال بان نحقق

واكرر اعتذاري للامير واعلم انه الامير عبدالله سيكون من القلائل اللي بيجي مثله في رئاسة الاندية

وعمري ماتطرقت في يوم للاعلام طوال مشواري ولا تعودت ان اناقش موضوع نادي الهلال في الاعلام .. فلتعذرني ايضاً جماهير الهلال وان شاءالله يكون ماحصل لنا في كاس ولي العهد نتاج طبيعي من الجهاز الفني فقط .. تخسر بطولة وابغى استشهد في عام الفين خسرنا بطولة الخليج وحصلنا على المؤسس وكاس ولي العهد وكاس اسيا ..

س/ الامير عبدالله دائم يدافع عن بقاء المدرب واهمية بقاء المدربين فترة اطول ..
ماتعتقد ان تصريحاتك هي سبب استقالة الرئيس والمدرب ..

الامير تطرق لاستقالته قبل مباراة الاهلي اكثر من مرة (لايقصد قبل المباراة تحديداً) .. ماحصل له من مواقف سابقة بحكم عدم وجود دعم وكان يحارب لوحده ..و حنا كلاعبين لنا مطالب وكان يسعى لها ويبغالها جهد مادي وجهد معنوي ولم يكن احد حوالين الامير وكان يحاول ان يبقى المستوى النفسي والفني .. وحتى المدربين والعاملين ولا تعتقد ان الامير يركز فقط على كرة القدم ولو تأتي الالعاب لتجد ان لها نصيب من جهد الامير .. الاعلام هو اللي ساعد في استقالة الامير وعجل باستقالته .. ولو تحط نفسك في موقف الامير خدم وقدم جهده ومايلقى كلمة شكر او تقدير شيء يحز في النفس .

طبعاً تغير كل الكلام اللي قلت فيه اني بقدم اعتذار عن المواصلة هذا الموسم .. ولو اقدمت على هالشيء اطلع لاعب جبان .. وقلتها وقت غضب واننا ماراح نستكمل مع المدرب لكن الآن بكون اول المتواجدين وبنحاول كيف نرفع مستوانا لنساعد المدرب ونرفع الفريق ويجب ان يتكاتف الجميع معاً ولا ينظر احد ان لاعب سامي احتياطي او اساسي يجب ان نقف مع المدرب يد وحده ..

وجميع زملائي يسمعوني وسنقف معاً ومرت علينا مواقف اصعب من هذه المواقف ..

هذا مو تصرح هذا اعتذار للامير عبدالله بن مساعد .. وجهة نظري مازالت قائمة في المدرب لكن العتب ليش اتكلم في الاعلام بوجود هذا الرئيس اللي اعطانا كل شيء .. لكن كلامي وقناعاتي من حقي ان اقولها ومتمسك فيها .. ولكن مايحز في الخاطر هو العلن في الاعلام وبالذات في وقت الامير عبدالله بن مساعد ..

واعتقد يجب ان نقف وقفة احترام وتقدير واتمنى مازلت اتمنى ان يستمر الامير ويرجع يقود الهلال لنهاية الموسم ان شاءالله .