نادي الهلال السعودي - شبكة الزعيم - الموقع الرسمي - تبي تعرف سبب خسارة الهلال تعال هنا

- - تبي تعرف سبب خسارة الهلال تعال هنا (http://vb.alhilal.com/t146870.html)

تبي تعرف سبب خسارة الهلال تعال هنا

كل واحد يقول المدرب صح والا لا ؟

باسالكم بلاتشي جا للهلال وخسرنا من السد 3 ماتورانا جا الهلال وخسرنا ضد الملعب التونسي وطار
ارثر جورج جا وانتقدناه وطار

المشكله يا شباب صدقوني مو في المدرب والله لو نجيب زاجالو وكارلوس البيرتو و اليكس فيرجوسون وليبي و ارسين فينقر ما رح يتحرك الهلال ولا رح يتغير

مشكلة الهلال في الاداره وبي الاصح في الرئيس الي ما يفهم معنى الهلال ايش
تساهل مع الاعبين
المكافات ماشيه بدون اي نتيجه المطالبه الماديه بدون اهداف حقيقيه
تهديد مستمر بالاستقاله
عدم خبرة الاداره

انا بقولكم بوضوح اللي يراس الهلال لازم يفهم معنى الهلال معنى شعار الهلال العيب مو في مدرب والا لاعب العيب في الاداره الي ما تفهم الاعبين والمدرب معنى كلمة الهلال الهلال يا ابن مساعد مو الغاء وتجديد عقود الهلال مو استثمار وقناة فضائيه الهلال يمشي ولو بخزنه فاضيه

اي نعم سددة رواتب الاعبين جددة عقود جبت مدرب بنيت اداره سميتها مثاليه لكن لسا ما فهمت الهلال
الهلال احقيه الهلال ازرق الهلال موج الهلال (رووووووووووووووح) الهلال دوله الهلال شعب وجماهير

الهلال يا ابن مساعد ليس بورقه تلوح بها الهلال اسال عبدالله بن سعد الله يرحمه اسال ابن سعيد اسال بندر بن محمد اسال خالد بن محمد ليه دخلت الملعب اسال سعود بن تركي ليه استقلت

اااااااااااااه يا سامي ااااااااااااااااه يا دعيع كم اهانوكم ليه يلعب سامي مع اشباه الاعبين لي متى الدعيع يتحمل غباوة المدافعين

عبد الله بن مساعد الهلال في حاجة رئيس حازم رئيس يفهم المسؤليه اذا ما تفهم المسؤليه يا ابن مساعد ارجوك انسحب واترك الهلال لغيرك لانك لم تفهم الهلال

اذا ما توافقوني الراي انتظروا الرئاسه الجديده

صراحه تعبنا من هالمستوى وهالمدرب الغبي وكل مرة يقول لنا سعادة الرئيس اصبروا عليه وما راح يقتنع بفشله الا اذا خسرنا جميع البطولات ذاك الوقت وش بنستفيد ولن ينفع الندم .

تقولون جدد عقود اقولكم جدد عقود الغامدي والمفرج ....... واعطاهم مبالغ خيالية رغم انهم خسارة فيهم يلعبون في الدرجة الأولى .

الجمعان قمة الاستهتار والتلاعب بسمعة الفريق ورغم ذلك يريدون مكافأته بتوقيع عقد احتراف بمبلغ لا يستحقه أبداً .

رد: صح لسانك

إقتباس:

<center><normalfont><u>إقتباس من مشاركة أمواج الزعيم </u></center>
صراحه تعبنا من هالمستوى وهالمدرب الغبي وكل مرة يقول لنا سعادة الرئيس اصبروا عليه وما راح يقتنع بفشله الا اذا خسرنا جميع البطولات ذاك الوقت وش بنستفيد ولن ينفع الندم .

تقولون جدد عقود اقولكم جدد عقود الغامدي والمفرج ....... واعطاهم مبالغ خيالية رغم انهم خسارة فيهم يلعبون في الدرجة الأولى .

الجمعان قمة الاستهتار والتلاعب بسمعة الفريق ورغم ذلك يريدون مكافأته بتوقيع عقد احتراف بمبلغ لا يستحقه أبداً .</normalfont>

مشكورين على ردودكم واتمنى الهلال يرجع