الكاتو ... توليو ... روني ؟؟؟؟؟؟؟؟؟ عاديين جدآ . - نادي الهلال السعودي - شبكة الزعيم

J.A.J · #1 04/04/2001, 11:25 PM

منين جونا والله كلهم عاديين بدرجة أمتياز ؟

ياخسارة ماقدرنا نجيب الا .............. ذولي .

ليه ... قدامنا بطولة عالمية ياجماعة الخير.

؟

؟

للرفع

وش رائيكم ياهلاليين .

أنا أشوف انهم عاديين .

عندنا في الزعيم أفضل منهم مائة مرة .... ويزيد بعد ؟

بدون زعل مجرد وجهة نظر ؟

ماكان ودي أكتب وأصرح برأيي بهذا الشكل ولكن ؟ عندنا ألأفضل .

وسلامتكم .

RAID2001 · #2 04/04/2001, 11:28 PM

بدري الحكم على روني..............

الفتى الذهبي · #3 04/04/2001, 11:37 PM

بالنسبه لتوليو انا اقول انه مكسب كبييييير للهلال

اما روني فالحكم عليه بدري شوي

اما الكاتو ابو التصفيق

ما يحتاج اقول عنه شيء

bluewolf9 · #4 04/04/2001, 11:41 PM

أضم صوتي مع الفتى الذهبي .
[عدلت بواسطة bluewolf9 التاريخ:04-04-2001 الساعة: 11:44 PM]

J.A.J · #5 04/04/2001, 11:52 PM

أشكركم ياجماعة الخير وأن شاءالله كلكم خير .

هذي وجهة نظركم وأحترمها بكل الحب والتقدير :-

بالله عليكم هل يستحقون اللعب في صفوف الزعيم ..... في العالمية ؟

مجرد سؤال ولكلن وجهة نظرة .

من وجهة نظري ....... صفر على الشمال .

ورايح تشوفون --- كلهم يبون العالمية عن طريق الزعيم .

وبعدين منهو الضحية ........... هلالنا .

اللحين نبي لاعبين بارزين ---- لقيناهم يبون يبرزون .

( جيتك ياعبدالمعين تعين ---- لقيتك ياعبدالمعين تعان ) ؟

هذا الكلام موجهة للاعبي الزعيم الأجانب .

وجهة نظر لاأقل ولاأكثر.

bluewolf9 · #6 05/04/2001, 12:03 AM

توليو من أفضل الاعبين الأجانب اللي مروا هالسنة على الدوري
السعودي ذكرني بخميس اللهم توليو عليه جسم ماشاءالله عليةإما

بالنسبة لبيريراالملقب ب"روني" فلا يمكنك الحكم عليه لانه ما
لعب إلا 3 مباريات فاصبر عليه إما

بالنسبه للكاتو هو لاعب جيدويجيد ضربات الرأس ومقاتل وتحركاته
مزعجه بس خل سامي يلعب جمبه شف وش يسوي.

وشكرا.

[عدلت بواسطة bluewolf9 التاريخ:05-04-2001 الساعة: 12:16 AM]

بوهلالي · #7 05/04/2001, 01:08 AM

يا اخي العزيز JAJ

و الله الحكم عليهم بدري أي ( روني ، توليو )

و بالنسبة لهذا اللاعب : والله قاعد يذكرنا بأيام خميس

و بالنسبة لروني : لاعب سريع و قناص و مزعج للدفاع و كان في منتخب البرازيل
( الاول ) و ش تبي أكثر

و بالنسبة للكاتو : ( لك عليه شوي ) لكن الصراحة هذا اللاعب احيانا يطلع طلعات قوية و تجي فترة ينخفض مستواه بشكل كبير . . . الصراحة مدري وش حكمكم عليه

هلالي الشنانة · #8 05/04/2001, 01:12 AM

يالله على يدك
خلنا نقط ونجيب ريفالدو وزيدان وروبرتوكارلوس...

#9 05/04/2001, 02:02 AM

بالنسبه لتوليو قمه لاعب محترف ومفيد 100%
اما بالنسبه لروني بدري الحكم عليه لكن الواضح انه لاعب جيد
اما الكاتو هو المفروض ان يطرد

كايدهم · #10 05/04/2001, 02:27 AM

يعني من تبي .. باتستوتا و زيدان !!!!

توليو احسن لاعب محترف حاليا .... روني بتحكم عليه من مباراتين !! الا اذا انك مدرب عالمي وتفهم فهذا شيء ثاني !!

نواف العماري · #11 05/04/2001, 03:13 AM

توليو افضل واحد فيهم
روني بدري الحكم عليه انالو من الأدارة الهلالية لو اني دفعت اربعة
اضعاف المبلغ وكن جابو روماريو كان اصرف بقوة
الكاتو سيرجيو افضل منه بمراحل

الهلالي المدهر · #12 05/04/2001, 03:35 AM

الكاتو : لاعب يملك مقومات تمكنه من النجاح ولكن احيانا يهبط مستواه فجأه ولكن اذا نظرنا لامكاناته فهو لاعب يمتاز بقوة التسديد داخل المنطقه المحرمه ويجيد الالعاب الهوائيه بصوره مذهله كما انه قوي البنيه ومقاتل وانا ارى الاحتفاظ به

توليو : لاعب ممتاز بكل ما تحمله الكلمه من معنى جسمه رائع يجيد قطع الكرات ومذهل في التغطيه كما ان اكثر تمريراته ممتازه وانا ارى انه مع الوقت سيكون احد اعمده الهلال الرئيسيه

روني : لاعب منهي للهجمه ولا يزال الوقت مبكرا للحكم عليه
[عدلت بواسطة الهلالي المدهر التاريخ:05-04-2001 الساعة: 03:37 AM]

فيصل الثنيان · #13 05/04/2001, 04:09 AM

أوافق رأي الهلالي المدهر وجميع الأراء المماثله وترى الزين غالي

J.A.J · #14 05/04/2001, 03:31 PM

الشكر الجزيل لكل من رد على الموضوع .
على كل حال عندي تحليل بسيط :-
الكاتو :- نفس أسلوب العلي .... نصبر على ابن الوطن شوي وبلاش نصبر على الأجانب اللي مكلفين على خزينة النادي الشيء الفلاني .

توليو :- مركزة ومهمتة في الملعب أفساد هجمة الخصم عندنا أثنين مهوب واحد ( العويران + أبو أثنين ) يعني نجمدهم في الأحتياط وهم يقومون بنفس المهمة .

روني :- صحيح أني حكمة عليه بدري لكن مانبي واحد ينتظر الكورة لما تجية لحد عنده يمكن يسجل منها هدف ... عندنا سامي في نفس المركز يبدع ويجيد المراوغة ويصنع اهداف داخل الثمانية عشر أفضل منه .

كايدهم :- أنا ماني مدرب عالمي ولا حتى مدرب حواري ... قلت في البداية وجهة نظر خاصة وماعطيتنا رأئيك ياغالي ؟

وللجميع كل الحب والتقدير .

azez · #15 05/04/2001, 03:38 PM

بالنسبة لتوليو فهو لاعب يعتبر مكسب للهلال وهو لاعب كبير وتحس أنه يلعب فعلا بإخلاص وسيستفيد منه الهلال إن شاء الله .
*********
أما روني فلازال الحكم عليه مبكرا وإن كنت أرى أنه لاعب يستطيع إنها اللمسة الأخيرة في المباراة .
**********
أما داهية الدواهي الكاتو فهو المقلب الكبير فهو يضيع ما لا يستطيع أي لاعب إضاعته إضافة إلى مشاكله الكثيرة ولكن الشكوى لله