ياترا مازلتوا مقتنعين بالمبربس المدعو سوسك ومازلتوا بتحملون افضل نجوم في آسيا والعالم العربي المسؤوليه في اللي يحدث للهلال ... فريق مليان نجوم لكن مع الأسف ما فيه من يقدر يستفيد منهم شفنا مباراه كامله وما شفنا هجمه مرسومه ولا تكتيك واضح وقلتها قبل كذا في اكثر من موضوع ومع الأسف دايما عيونكم على اللاعبين هذا احسن من هذا وهذا مخلص وهذا بالعكس و هذا مهوب كفو يلعب في الهلال.....الخ ،
صحيح الحكم ماحسب بلنتيين واضحين بس من متى الهلال يعتمد على بلنتي والاغيره ،،،،، تذكروا الهلال العام الماضي مع يوردانسكو والا بلاتشي وتعرفون اللي اعنيه ان ماحولكم مدرب.
عموما مبروك لهم تعادلهم مع الهلال بمباركه ومسانده المبربس سوسك الله يسامح من بلا به الزعيم .
وارجوكم خففوا نقدكم للاعبين وبلاش تقييم لهم وخاصه منك اخوي سفر عشان ما تشعللها مره ثانيه.

المدرب أخفا شخصية الهلال ولبد من رحيله0الحمد لله على كل حال0

ليس للمدرب أي ذنب
نواف التمياط أوصيب في بدايه المباراة بكدمه قويه هذا ماذكره رئيس الهلال في تصريح في قناة أوربت
سامي الجابر ماذا فعل
البلنتي الأول صيحيح ميه في الميه ولاكنهم في أوربت يقولوان أن الحكم لم يشاهد الكره وهي تلمس يد اللاعب ولكن ما ذنب الهلال
ضربه اليد الثانيه واضحه جدا ولا عذر فيها لأحد حتى زكيه زكريا لا يستطيه أن ينفيها إلا إذا كان لا يستحي -قد يفعلها فهو كذلك-

اخوي aszq2002
مهوب اخفا شخصيه الهلال وبس وحطم اللاعبين لأول مره اشوف نجوم الهلال مايدرون وش يبون في الملعب.


اخوي المدقق

احترم وجهه نظرك بس ياليت تقولي(( ذكرني)) هجمه وحده مرسومه للهلال او على الأقل وشو اسلوب لعب الهلال(( العبوا قدام وبس))
اما البلنتي بدال الواحد ثنين واللي على بالك مايستحي وبكره يقول ما فيه لابلنتي ولاهم يحزنون،،، ياليتك سمعت امين ناديهم في الأوربيت وش قال عن البلنتيين جحدها عيني عينك.
وبعدين من متى الهلال يطالب بالبلنتيات؟؟؟؟؟؟؟؟

أبو حطبه السلام
إذا لقوا حل للمنتخب في بطوله الخليج أنحلت مشكله الهلال في البطولات العربيه
الفرق محدوده الطموح هي المشكله
الجيش مثل البحرين
النصر مثل قطر
مباراة الأهلي أكبر دليل على قوة مدرب الهلال

والله كلام ابو حطبه صحيح وواقعي ياناس شفنا بطولات ومباريات عالميه الي صاير للهلال فوضي تحس اذا لعبوا كانهم يلعبون مباراة اعتزال لاعبيين مجمعين من كل محل الخطوط غير مترابطه الدفاع تشاهدهم كانهم مرتبكين مع اي هجمه مع العلم ان ما قدامهم ذلك الهجوم الخطير فالمدرب من شفته جالس يريح في اللاعبين خايف من الاجهاد خايف من الاصابه دريت ان ماعنده سالفه حتي التشكيله الظاهر ما يحطها هووالله يستر في البطولات القادمه شكلها في خبر كان

بعيدا عن المجاملات , وبعيدا عن التجريح ,

أرجو من عشاق الزعيم العودة إلى أشرطة مباريات الهلال بعد مجيء السيد سوساك ,
ومقارنة شكل و تنظيم الفريق الآن , مع تنظيمه أيام السيد بالاتشي ( مع أنه ليس أفضل الخيارات ),
هنا فقط يتضح لكم الفرق بين المدربين .
صدقوني ,,, أنا لم أشعر أبدا بالثقة بهذا الفريق , لا في طهران ولا في اللاذقية , لا أشعر
أن أيا من اللاعبين يعرف ما هو المطلوب منه , بالضبط .
ألا تلاحظون أن اللعب بدون كره قد إختفى , أو كاد ,( وكان هذا من أهم ميزات لاعبي
الهلال ) . أين هذه الميزة الآن ؟ , ولماذا إختفت , أو كادت ؟
أين اللعب الجماعي ؟
أين روح الفريق الواحد ؟

بدون أدنى شك , فالمشكلة الأولى التي يجب حلها , هي التدريب .
ولا تنسوا أن هؤلاء اللاعبين هم نفس اللاعبين - بشحومهم ولحومهم - الذين أشعلوا لكم
قناديل الفرح , سنوات وسنوات , فلا تفسحوا المجال للمندسين لتحقيق مآربهم .

... تحياتي لكم جميعا !!!!!!!!!!!!!!!!!!!!!!!