|
ابي اشتري عضوية .. وتي شيرتات ..هل من دليله؟؟ السلام عليكم جميعاً عندي سؤالين ... ودي اعرف وين تباع تي شيرتات الهلال ؟؟ الاصلية طبعاً اللي فيها اسماء اللعيبة ؟؟ (( ودنا نكسب النادي )) ودي اعرف كيف احصل على عضوية النادي وبخصم حق اعضاء شبكة الزعيم؟؟ ياليت المكان بالتفصيل لاني مانيب من الرياض وجاي فترة وبفقع ... سلام |
هلا اخوي MicroAlhilal ... بحاول اوصف لك طريق مايتوه ... طريق الملك فهد وانت متجه جنوب يجيك مخرج شارع الوشم اطلع مع المخرج ومع الاشارة يمين وعلى طول اطلع للسريع وخلك بالطريق الاسر افضل وخلك ماشي على طول ... بتجيك اول شارة خليها بتجيك الاشارة الثانيه تي اطلع يسار ... وروح على طول اول اشارة خليها وثاني اشارة اطلع معاها يمين وخليك ماشي على طول بتجيك اشارة عديها وبتجيك بعدها اشارة وبرضه روح على طول وخليك ماشي في الطريق هذاك لحد مايجي النادي على يدك اليسار وانت واقف في اشارة .. وانشاءالله يكون الوصف واضح.... تحياتي ماجد//الرياض |
اهليييييين عاشق نفسه ... شكرا اخوي على توصيف النادي ... بس قد اشتريت قمصان؟؟ والعضوية كيف اخذ تخفيضها؟؟؟ متاكد بلاقي التي شيرتات اللعيبة؟؟ وين تنباااااااع بالنادي؟؟ |
كان ودك تروح للنادي كل ما عليك انك توقف اقرب ليموزين .. وتقولة أبغى نادي الهلال هذا حق كورة مكان هذا هو حي عريجاء :D :D فما تدري انت الا عند النادي :) وترى هذا الهلال مو حيَ الله والكل يعرفة :):) |
انت وياه فاهمين الدعوه غلط الولد يقول يبي يشتري تي شيرت مايقول وين مكان النادي تي شيرت = يعني فانيله اصليه عليها اسماء لاعبين الهلال وانا بصراحه مدري |
ماشاء الله عليكي يالبناني (( يالسولدير )) :D:D ... يوووهــ مدري ياخي ورا الناس صايرة مخها مقفل ..؟؟ اسف لو كان سؤالي مو واضح للجميع ..؟؟ انا سؤالي بكل بساطة مثل ماقال ولد الروشة سولدير ... : في احد يعرف التي شيرتات يعني (( فنيلة ابورحلة مطورة)) وين تنباع؟؟ اذا بنادي الهلال ..؟؟ فين الاقيها بالنادي ..؟؟ وهل هي اصلية ؟؟؟ والسؤال الثاني .. : في احد اشترى العضوية ..؟؟ وكيف احصل على التخفيض ابو 50% ..؟؟ لاعضاء شبكة الزعيم ؟؟ اما موقع النادي اكيد معروف ومايحتاج له توصيف .. وحتى وانا جديد على المنطقة ماقصر اخوي عاشق نفسه عطاني توصيف لو اني بنيكاراغوا كان وصلت لتموينات ابو عمر بسرعه ... شكرا للجميع وياليت افادتي بناس قد شروا ... وهل بلاقي ؟؟ |
التيشيرتات تلقاها في النادي اول ما تخش مع البوابه الرئيسيه للنادي تلقى المحل على يدك اليسار محل زي الكشك كذا زجاجي اما العضويه اول ما تخش مع البوابه الرئيسيه اللي عليها لوحة النادي ( نفس البوابه اللي تو دخلت معها :D ) تلقى على يمينك باب قزاز خش معه تلقى على يمينك مكتب هذا هو اللي عنده العضويه ارجو اني افدتك |
هلالي هاااااااابق اشكرك جزيل الشكر والله .. طيب سؤالي الاخيرررر كم الاسعاار؟؟ للتيشيرتات ... والعضوية ..؟؟ وهل سأحصل على تخفيض عضوية شبكة الزعيم؟؟ |
MicroAlhilal اذا كان هدفك دعم النادي لماذا تسئل عن التخفيض :nono: |
قلت ودي اكسبه ... اشتري منه بس ما ابي ينصب علي :D بما اني اعتبر نفسي .. مشجع مخلص للنادي افتخر اني اشري ملابس الهلال الاصلية ... والا كان دقيت من ابو خمس ريال عند الهرم ... فقلت ابي اشتري اصلي وياليت فيه تخفيض عليه .. وكأني سمعت انه اللي عنده عضوية بشبكة الزعيم ... يقدر يشتري فنايل مخفضة من النادي ... وهذا ابسط هدية ممكن يقدمها النادي لأبنه البار اللي هو (( أنـــا )) <<< دقيقة ابي اتشقق فما ادري مدى مصداقية اللي سمعته ...!! فياليت احد يعطينا خبر قبل ما ادق مشوار ... تشكرات لتفاعلكم وماهوب مستغرب من بني الهلال ... |
التيشيرت : 20 ريال كاس عليه شعار النادي : 5 ريال مناديل على شكل كوره عليها شعار النادي : 2 ريال الشورت اخبرهم قبل شهر ما عندهم ويقولون بنجيب بس مدري جابو والا لا :D :D |
طيب شباب كم اسعار العضوية ؟؟ وماهي مميزاتها ؟؟ |
طيب فيه مقاساااااااات <<< يعاني من المقاس .... ابي تي شيرت بيد وحدة :D:D:D شكرا اخوي دامها ب20 ريال ... مالها داعي التخفيض بروح ادق عشرة تي شيرتات سلام يا صحبي ماقصرت شكرا |
ضررررررربت مشوار ابن كللللللللللب وفي الاخير دخلت النادي ابي اشتري تي شيرتات للعيبة الهلال الاصلية بالشعار الجديد صراحة مالقيت الا فنايل التدريب الخايسة ... بغيت اطقم انا وشلتي بتي شيرتات عشان نحضر المباراة بكرا فيها بس للاسف ... لا انا بردت كبدي ... ولا النادي استفاد من هالخدمة ... افا بس يعني مو صعبه عرض الشعار والفنايل الهلالية يللا خيرها بغيرها تحياتي للجمييييييييييع |
انا اقووووول وفّر دريهماتك ترى محدن داري عنك - ولا جايب خبرك وعيالك أو أهلك ونفسك أولى تحياتي |
| الوقت المعتمد في المنتدى بتوقيت جرينتش +3.
الوقت الان » 02:35 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd