بعد صافره حكم مباراه الهلال واللاهلي قامت الجماهير برمي اثار الهزيمه على افراد من الفريق مع ان الفريق بوجهه نظري كانت هاذي المباراه اصعب مباراه له هاذي السنه ولو جينا للاسباب فهي ان الفريق فاقد ثلاثه من اهم لاعبيه وهم الشلهوب وتراوري والجمعان وايضا حنا عارفين سامي لو لعب بنفسيه مفتوحه وخاصه امام الاهلي وش يسوي لكن سامي كان فكره مشغول مع والده الشيخ عبد الله الجابر الله يشفيه اما اهم سبب واللي لخبط اوراق ادموس هو طرد سيفو فمن بدايه المباراه تقريبا والهلال يلعب بعشره لاعبين ولكن انشاء الله بتتحسن الامور بالرياض خاصه ان الفارق قليل وهو هدف فقط يعني عندنا تسعين دقيقه لو ركزنا فيها مابنجيب هدف بنجيب خمسه خاصه بعد رجوع تراوري والجمعان ولاكن تكفون ياهل الرياض الحضور نبيه عالاخير وبالتوفيق للزعيم

الهزيمه مهيب عيب كل فريق في العالم ينهزم عادي

لكن الفرق ان الهلال ما قدم مستوى

لاعب بتشكيله 8 مدافعين ومعهم سدوس وسيسه بس في الوسط وبدون هجوم

والله لو انا نلعب قدام البرازيل ما سوينا كذا