لاحد يقول من المدرب - صفحة رقم 2 - نادي الهلال السعودي - شبكة الزعيم

اللموشي · #1 08/03/2004, 11:21 PM

لو هاجم قلتوا وراه ما دافع ولو دافع قلتوا وراه ماهاجم .

والله احترنا معاااكم ..!!

البركان 15 · #2 09/03/2004, 12:12 AM

هذا مدرب ولا قلة حياء

AAR18 · #3 09/03/2004, 12:13 AM

يقولون كثر التكرار يعلم الحمير
ولكن مدربنا حالته مصتعصية اكثر من الحمير ...!

في بطولة العرب
اما نفس الفريق (الاهلي) و على نفس الملعب ....:
كان الهلال متقدم بهدف من المطيري (نفس صاحب هدف مبارات اليوم)
فمكان من هذا المتدرب الا أن أرجع الفريق كله يدافع عن الهدف

النتيجة: المبارات صارت على مرمى واحد نتيجة سيطرة الاهلي على منتصف الملعب ====> هدف في مرى الهلال من مين؟ ظهير الاهلي الايسر

مبارات اليوم:
بدى الهلال المبارات بخلل واضح في الدفاع بسبب عدم التفاهم فيما بينهم في تطبيق مصيدت التسلل
السبب : كل مبارات نلعبها تشكيلة خط الدفاع غير عن المبارات اللي قبلها!!

يتقدم الاهلي بهدف

بعدها ينتقل الدوخي الامام و يترك خانته فاضية يضطر (سيفو) يغطي مكانه و يحصل على كرت احمر
ملاحظة: انا مع تقدم الدوخي ولكن ان قلب الدفاع يغطي مكان الظهير غلط المفروض ان المحور اللي يغطي خانة الظهير،الشي الثاني اذا تقدم ظهير مفروظ الظهير الثاني مايتقدم

وش سوى المدرب بعد طرد سيفو :ادخل مدافع بدل مهاجم
تصرف مقبول (انا لوني مكان المدرب اطلع الخثران وارجع سعد الدوسري مكانه)

الشوط الثاني:
يطلب المدرب من خالد عزيز الاستعداد للتغيير و في نفس الوقت هدف التعادل
الهلال 1-1 الاهلي و على ملعب الاهلي (في جدة) و الهلال مطرود منه لاعب وش يسوي المدرب ؟
اول شي يخطر في راسه المحافظة على النتيجة وش سوى طلع اللاعب اللي كان ماسك وسط الملعب(سامي الجابر) ودخل محور ذو نزعه دفاعية (خالد عزيز)
طيب يجي واحد ويقول تصرف سليم من المدرب يبي يحافظ على النتيجة !!
لو المدرب مبتداء او وطني (ما اقصد الاهانه لاحد) كان قلنا معليش تنقصه الخبرة التدريبية و لكن ادموس مدرب يتقاظى مبلغ كبير جداً (مقارنتاً بمدرب وطني)

الخطاء : ترك ( و يحق لي ان اقول اهدى) منتصف الملعب للاهلي كنه قاعد يقول حياكم الله على مرى الدعيع !! و طبعاً الاهلوية قبلوا الدعوه و حتى دفاعهم صار يتقدم !

يجي واحد ثاني ويقول هذي خطه من الداهيه المدرب علشان يتقدم الاهلي و يستغل الهلال هذا التقدم
سيسي ضد 3 مدافعين و حارس و مع ذلك ما قصر و سوى كل شيء يقدر عليه ولكن مكان معاه لاعب

وفي الوقت اللي كنا نتظر اشراك مهاجم يجبر الاهلاويين على التراجع لو قليلاً عن الضغط على مرمى الهلال --- و استغلال الكور اللتي كانت تصل (سيسيه) نتفاجئ باشراك مدافع جديد !!!!!!!!!!!

النتيجه : هدف ثاني للاهلي !!!!!!!!!!!!!!!!!!!!!!!!!!!!!
------------------------------------------------------------------
الزبده هذا المدرب حالة ميؤس منها يرتكب نفس الاخطاء
**يغير التشكيه بشكل مستمر !!
**أذا صارت النتيجة في صالحة يقلب الخطه 1-1-8 (الله اكبر لو اللي منتخب البرازيل)
**تغيراته غالباً ما تكون متاخره جداً ، او تكون للاسوء !!!!

------------------------------------------------------------------------------------
لكل من اعجبه المدرب في مبارات اليوم :
س/ وش استفاد الهلال من دخول خالد عزيز(محور دفاعي) و عبدالله سليمان (مدافع) ؟؟؟؟؟؟؟؟؟

ج/ ولا شيء !!

س/ وش استفاد الاهلي من دخول خالد عزيز(محور دفاعي) و عبدالله سليمان (مدافع) ؟؟؟؟؟؟؟؟؟

ج/ صار الهلال يلعب ناقصاً 3 لعبين ، والا على العكس عزيز صلح لهم هدف(بالخطاء) من كرة كانت متجهه للدعيع يقطعها براسه للسويد !!!
---------------------------------------------------------------------------

ملاحظة: للكبتن عبدالله الشريدة شكراً على المستوى الرائع ، بس ياليت لو تتوقف عن احراجنا بالفاولات اللي مالها داعي امام منطقت الجزء خصوصاً اذا كان لعب الخصم محاصر بين لعبين الهلال
حرام تضيع مجهودك و مجهود زملائك .

الريــ عز ــاض · #4 09/03/2004, 12:21 AM

ياشباااااب المدرب خبير بس مشكلته عدم الاعتماد على الشباب .... ولو طلب احظار
اللاعبين التاليه اسمائهم ...

{{ العنبر - المطرف - العامودي - البرقان - الحوطي - الجري }} لما حصل اللي حصل

اللاعب هوووو اللي يسااعد المدرب والدليل الموسم الللي فات .. وانت شاهدين على تطور مستواهم من بعد حظوره للهلال ...

الغلط هووووو تغييير اللاعبين كما ذكرت لكم .... وياليت المطرف لعب لورا الاهلويين كيف اللعب
على اصوووله .... بس مين يسمع لمعاناته والامه في النقل للرياض ...

اخي العزيز ... الهلال بدع في 15 الاولى من المباراه ولكن الطرد لخبط الامور وايظا التشكيله الخاطئه بوجود اللاعب سيفو الكور ... في الدفاع ... في ظل وجود خليل والمفرج ..
المفرج منقذ الهلال اليوم .... والدعيع وسيسيه منقذي الهلال ...

وهم فقط المتحمسن للعب ... وهذ افظل رد للجماهير الهلاليه في تحسن حالة اللاعب فهد المفرج ..

ياااشباب الهلال سوف ترونه في الاياب عندما يطل البدر والهلاله ...

الله يوفقنا انشالله ونحصل على التاهل ,,, والكاس بعد ...

اخوكم : ابو نواف

hilalemooot · #5 09/03/2004, 12:27 AM

بقول كلمه وحده للي ضد اديموس

((اللي برى يقول الميدان وسيع))

بإختصار :

الفريق لم يكن سيء ..

نقص لاعبين .. هدف مبكّر .. طرد ..

المدرب معذور ..

تحياتي