محد تحمد لي بالسلامه ؟؟؟ صور وفضايح لحريق السكن في جامعة البترول (حصريا)
 

في ليلة قمراء يسودها الهدوء (داخل يقول شعر ذا مب سبق صحفي)

والله ما ادري وشلون ابدأ من الفاجعه اللي حصلت فجر اليوم

لكن نبدا من أول معرفتي بالسالفه

تحديدا الساعه 2:20 دقيقه الفجر دق باب غرفتي في سكن الجامعه دق قووووي ومفجع الصراحه وانا كنت في عز نومي
وفتحت الباب بعصبيه وأجد أحد الطلبه يسحبني للخارج ويقول سم بالله واركض للمواقف ترا السكن يحترق
(أنا للحين نايم ومنب مستوعب الوضع أو بالأصح منب مصدق الرجال من قوة النوم )
المهم ديورت لغرفتي وبكمل النومه
وفي نفس اللحظه اشوف الدنيا كل مالها وتزيد احمرار (الحين بس صدقت)

واحاول افتح النور لكن مافيه نور كل شي محترق التوصيلات وغيرها
قلت يا ولد مبدهاش الحق بس على التلفزيون والملابس واللابتوب وانحش من الغرفه
(يلحق على التلفزيون والناس تراكض ورا الكتب والملخصات صحيح فاشل)

السالفه ومافيها
ان الطلاب اللي كانوا ساكنين في السكن رقم 649 و 648 تم تحويلهم لسكن مهجور من اربع سنوات حسب ما وردنا رقمه 657 و 658 لأن السكن الاول تقرر هدمه

وكان العداد الكهرباء مكشوف طوال الفتره هذي واعتقد انه لحظة تشغيله ما تحمل الضغط هذا وانفجر وبدت النار تمشي على السقف (طبعا سقفنا خشب على بالهم عايشين في الامازون الاخوان )

اترككم مع الصور ما ودي اطول لاني ان طولت رحتوا فيها

طبعا وكعادة الشعراء البكاء على الاطلال في مطلع قصيدتهم
هذي اطلال غرفتي وانا اصور وابكي
http://lionheart7000./my_room.jpg

وهذي احدى الغرف
http://lionheart7000./other_room.jpg

وهذي صوره للسقف الاوروبي اللي باقي ربعه
http://lionheart7000./roof.jpg

صوره لمدخل الحمام وانتوا بكرامه اللي احتجز فيه طالبين وتم اخراجهم من قبل الطلاب الشجعان
http://lionheart7000./toilet.jpg

أحد المواقف المشرفه والمحبطه سويا
اننا ركضنا لعماير ملاصقه لنا بحثا عن طفاية حريق لإنقاذ ما يمكن إنقاذه لكن للأسف جميع هذه الطفايات كانت فارغه
وهذا اللي سويناه في الطفايات بعد ما لقيناها فاضيه رميناها عند الدرام تكرمون
http://lionheart7000./fire_ext.jpg

وهذا الشي اللي يقهر وهي كتابة ( فارغه ) على جميع طفايات الحريق اللي شاهدناها والتاريخ مدون منذ سنه (طيب تدري انها فاضيه ورا ما تنفخها نفخوا خشمك؟؟)
http://lionheart7000./empty.jpg


مشاهدات من الحادث :
1- الطالب الشجاع ماجد الزهراني قام بكسر زجاج دورة المياه الخارجي بيده واخراج طالبين كادا ان يموتا من الخوف والاختناق
2- تشديد امني مكثف حول السكن وخصوصا من قبل امن الجامعه اللي منعوا اقتراب اي شخص للحادث للتصوير مع تفتيش شخصي.
3- قمت بمكالمة جريدتي الاقتصاديه واليوم هذا الصباح لتغطية الحدث ولكن للاسف اعتذرت الاولى وحضرت الثانيه وتم طردها من قبل الامن
4- عند صلاة العصر ذهب بعض رجال الامن لاداء الصلاة واستغليت الفرصه للتصوير بكاميرا الجوال وتم ضبطي ومصادرة الجوال وطالبوني بمسح الصور لكن الحمد لله انهم طلعوا عليميه (اسوي move to folder ويحسبوني مسوي delete ) طبعا وكتابة تعهد بعدم الاقتراب من الحادث مره اخرا
5- أحد الاخوان كان يبكي دم لأنه كان مخزن مشروع التخرج وانحرق الكمبيوتر (القهر انه مهندس كهربائي)
6- بعد صلاة الفجر تحدث الامام للمصلين عن الحادث وقال للساكنين ضرورة توفير سكن لنا والشباب الملتزمين والله انهم نشامى كلن مسكنا وقلطنا للصباح ولزموا نقعد اسبوع زياده.
7- المطافي وما ادراك ما المطافي برود وتقاعس في العمل حضروا الساعه 3 تماما بعد ما اكلت النار الاخضر واليابس وفي محاولتهم للاطفاء تحس انهم يطفون كومه من الزباله وليس سكن يحوي كتب وملفات وبرامج اغلى من حياتهم.
8- الاخ اللي دق علي الباب اخر الليل عشان ينبهني بالحريق طلعت له بالزبيري حقي ويوم طفت النار حبيت خشمه :D:D:D

ختاما اقول الحمد لله على سلامتنا وانا ما حطيت الصور ذي الا عشان افضحهم وترا مهب اول مره تصير لكن عشان غرفتي انحرفت قلت لابد هالمره

الف تحيه وشكر للشباب اللي اخمدوا الحادث

تشااااااااااااااااااو

الحمدلله على السلامة اخوي .. الف الحمدلله على السلامة .

ووش نقول يالغالي بسياسة التكتيم الاعلامي على اي كارثة .. او على هالكارثة اللي بغت تروح فيها ارواح العشرات من ابناء الوطن او على قولتهم ( رجال الغد ) وراحت بها زي ماقلت مشاريع ومخططات أخذت الكثير من الوقت والجهد والمال ومذكرات وكتب واجهزة ... الخ .
والله مالوم صاحبك لو يبكي دم :cry: والله يلوم من يلومه :mad:

لو كان تبرع للمغرب او لأحد الدول العربية والا لأحد الدول الكافرة كان سمعت عنها بكل القنوات وقريت عنها بكل الصحف لكن هذي كارثة وحادثة محلية وافضل شي ان ماحد يدري او يسمع عنها علشان ماحد يتحمل المسئولية ويطير فيها المنصب .

حسبي الله ونعم الوكيل .

أعانكم الله , والف حمده على لسلامه

لاجديد هذا اللي تعودنا نشوفه ونسمع به:no:

:laugh::laugh::laugh: روعه هالمشهد :p

ألف الحمد لله على سلامتك أخوي ملك العشاق وجميع الآخوان بالجامعه :)
والحقيقه ان بعض الغرف لا يتقيد قاطنيها بشروط السلامه :no:
شموع بكل مكان ودوافير غاز جنب الجدار الخشبي الامازوني :D
ومعروف ان الخشب الامازوني يحب الاحتكاك :D

عمومآ الحين انت وينك لا يكون على رصيف نمره خمسه :smilewink
آي خدمه اخوي ملك لا يردك الا كيبوردك :)

الحمد لله على السلامة اخوي
ملك العشاق

والصراحة ما اقدر ازيد شيء
على كلام اخوي هلالي الجوف حول سياسة التعتيم الاعلامي :( :(

لكن ما قلت لنا عسى ان شاء الله ما فيه اصابات ؟؟

الحمد لله على السلامه .....

بس انا الي قاهرني ان الطفايات فاضيه !!!!!!

وانا مثل ماسمعت انه كان سكن لأرامكوا بس اعطي للجامعه ...

بس مانقول الا حسبنا الله ونعم الوكيل ...

وعلى فكره حياك الله .. بالبيت وانت اخونا واذا مافزعنالك نفزع لمين

..........................
اخوك ابو بدر

الحمدلله على السلامة أخوي ملك العشاق

الحمد لله على السلامه وماتشوف شر ان شاء الله

ابكلم المسؤلين يوفرون لكم سكن (مسوي مهم)

بس الصور تضيق الصدر

يا أبن الحلال الروف وكل الرفوف راحت بالحريق :smilewink


[HR]
المشرف : الأخ سهل888 ورى ما تعض لك على شحمه :razz:

[ALIGN=CENTER]لا حول ولا قوة الا بالله..

الحمدالله على سلامتكم:( وخطاكم السوء:)[/ALIGN]

الحمدلله على السلامه يااخي ملك العشاق واللي بالسكن معاك .

[ALIGN=CENTER]أما قبل :

فالحمدلله00على السلامة00اخوى ( ملك العشاق ) ;)

والله يبعد00عنكم نار ( السقف )00ونار ( الأشواق ) :D

<=== على باله00انه قاعد يكتب ( قصيدة ) :D

أما بعد :

صورة مع ( الطفاية )00لمديرالجامعه !!

صورة مع ( الطفاية )00للعميد وشلة الكلمات المتقاطعه !!

صورة مع ( الطفاية )00لمدير الدفاع المندي <=== مندي والا مظبي :D

صورة مع ( الزبيري )00للي على بالي وبالكم :rolleyes:[/ALIGN]

الحمد لله على السلامه واللي راح يتعوض إن شاء الله


وأتفق مع اخي هلالي الجوف على مسألة التكتم الإعلامي


الله المستعان

[ALIGN=CENTER]^
^
^^
@ أنت ياللي فوق يعني لازم ينزل محمد موضوع حتى نشوفك ...!!

@ ابو حميد الحمد لله على سلامتك ..!!! لكن من جد طلعت (غا......) على العلوم اللي سمعتها ...أجل سقف الغرفة شاب نار وأنت تدور بوك بُه عشرين ريال ..!!;):D

@ تدري سياسة التكتيم هذه شئ طبيعي !!!!!!!!:eek::bigeek: لكن المشكلة الآن بتسبب على اصحاب الجولات اللي راح يصدر مدير الجامعة قرار بمصادرتها ومنعها على الطلاب ..!!!:confused::confused:[/ALIGN]

حمدالله على السلااااااامه ياغااااااالي .... بس كيف زملااااائك الطلاب
اللي من مكه ... تراني اعرف واحد مستجد بس لايكون صارله شي .. هوالاخ { يزيد }


المهم انكم طلعتو منها سليمين ...


حمدالله على السلاااااامه ياغالي ... وجميع الطلاب ..


اخوك : ابو نواف

.... الحمد لله على السلامه .... لكن لو منك كان أحرق بطفايات الحريق الفارغه سص قهر ...

.. لكن الحين وين تسكنون!!!

الف حمد الله على السلامه :):yes:

الحمدلله


اهم شي الاجساد ولله الحمد سالمة ....




واخر الاحزان انشاءالله ..

الحمدلله على السلامه

وين الخليفي :)

الحمدلله على السلامة اخوي .. الف الحمدلله على السلامة

الحمد الله على السلامه
 

وان كنا نقولها في الوقت الضايغ
بس عذرنا انا تونا درينا
وانت دايم غالي علينا
اهنيك بالسلامه لك ولعموم من يعزعليكم
وتقبل خالص دعواتي الصادقة

الف الف الف الف الف الف الف الف
الحمد لله على السلامة

الحمد الله على السلامه والله

وخطاك السو .

وسكن الجامعه ترا هذا له اكثر من 3000000000000000000000000000 سنه وهو ما تغير :(

ليش ما تروح تسكن في العماير الي جنب المطعم ترا رايقه بس كلم ابو مشبب وهو يفزع معاك :D

اما التكتيم عادي وطبيعي يعني مافي شي جديد :)

الغريب انك مستغرب على هالتكتيم .. :(

[ALIGN=CENTER]الحمد لله على السلامه
وطالعين من الشر وجعله ما يتكرر :yes:[/ALIGN]

الحمدلله على السلامه

إنا لله وإنا إليه راجعون ،،،
سلامة دائمة بإذن الله ،،،

الحمدلله على سلامتكم
والمطافي تلقاهم متعشين مندي
سلملي على حرس الحدود لوووووووووول

حياك اخوي وزميلي ملك العشاق..

<<<== معكم في الجامعة:D بس سلم ولله الحمد :)

موضوعك ذا كني شايف زيه بمنتدى الجامعة ;) لاتصير انت مشرف المنتدى :confused:

عموما الحمد لله على سلامة الطلاب الضعوف المساكين وعندي بعض الاضافات:

1- المتورط الاول والاخير هم مسترزقة الامن وعلى رأسهم مديرهم ناصر الخليفي الذي كان يمارس سياسة التضليل مع معالي مدير الجامعة

2- نبه الطلاب كثيرا مدير الجامعة في كافة اللقاءت معه ان وسائل السلامة في السكن شبه معدومة وكان المدير يسأل الخليفي والخليفي يكذب عليه ويقول كل شي تمام والطفايات على خير مايرام وعندما حدث الحريق اكتشفنا ان الطفايات فارغة!!!

3- خوف مسؤولي الامن وعلى راسهم الخليفي من غضب الشارع العام دفعهم لمنع التصوير والتصريحات..

4- كان قرار معالي مدير الجامعة مخجلا ومضحكا في نفس الوقت حيث امر (الله لايزيده) بتسهيل اجراءات القروض للطلاب بحيث (تشفط) على شكل اقساط من المكافئة..

الله يعوض المتضررين خير وحسبنا الله على الظالم..

الـــحـــمـــدلله عـــلـــى الـــســـلامـــة يـــا مـــلـــك الـــعـــشـــاق

يــــــــــــــــــــاحــــــــــــــــــــرام

الحمد اللة على السلامة
اللة يساعدكم والحمداللة طلعتوا منها سليمة
التكتيم الاعلامي :upset:
بروح اسال صديقتي اخوها معاكم:rolleyes:

هههههههههه

سلامات ما تشوف شر بس وراك مختفي ؟<--- شكله سحبووه بعد الموضوع خخخخخخخخخ


ما تشوف شر ان شاء الله

سلام

الله يسلمكم جميع والمعذره على التأخير بس هذي الاختبارات وما تسوي

اخوي هلالي الجوف : والله انك دقيت على الوتر الحساس (لو كان تبرع للمغرب او لأحد الدول العربية والا لأحد الدول الكافرة كان سمعت عنها بكل القنوات وقريت عنها بكل الصحف لكن هذي كارثة وحادثة محلية وافضل شي ان ماحد يدري او يسمع عنها علشان ماحد يتحمل المسئولية ويطير فيها المنصب) الف شكر على مرورك يا الغالي

سهل 888 : اي رصيف خمسه لا يبو تطورنا الحين ناصب لي خيمه فوق طعس الهافمون يحبها قلبك تكشف على سكن العوايل (رايح شاليه مب طعس)

عاشق ابو بندر : يا جعلك تسلم حبيبي قدها وقدود داري والله والسكن صادق كان لارامكو ويوم بغوا يبيعونه على التشليح قالت الجامعه احنا اولى ؟

البارتز : أمريكا صار فيها تفجيرات هذيك السنة .. والحين حريق في جامعة البترول !! لا يصير البلى فيك ) والله بديت تشككني يا ولد وانها تدور براسي لكن شكلها من الترم الجاي على كلية المعلمين :D:D ياحبني لتخصصك

عارف : يمدحون الدوام من رحيمه للجامعه رايح جاي ...)) والله انها من احسن الطرق والوسائل لكن خبرك بنزييييين الثمانيه سلندر يذبح (( يلمح معه فياقرا 500))

حبي تيماوي : مشرفكم ذا مافيه خير ادق عليه واقول يا ولد طرف لنا المجلس نبي نرقد يقول والله عندي ضيوف .. حلوه ضيوف الساعه 5 الفجر لكن على قولة المثل انما المرىء من قال هاانذا (وشتبي ذي بعد)

الريــ عز ــاض : ههههههه المستجدين هذولي مقاومين للرصاص والحريق لا تخاف عليهم والحمد لله مافيه اصابات

نواف طلال : الخليفي اخر واحد تسأله عن السلامه وشروطها ومتطلباتها فالح بس يصايح بمكرفونه على الباصات وفي اختبار رام 1 و2

srabالهلال : الله يسلم عمرك يا غالي الا جات بوقتها ويكفي شوفة يوزرك

Abu saad 66 : العماير اللي هناك كلها معسل وانا تقفل اخلاقي من ريحة الدخان (يا ربي يا حساس) لكن فيه عماير المنفى هذي جايه ان شاء الله

فتى القصيم : يا رجال الموضوع ذا ما بقى قروب الا وراح له تصدق وصل ايميل الشايب بارامكو وارسله لي يقول هذا حريق صار بجامعتكم اذا ما تدري عنه ((لا يا شيخ))
بس مهما كان السلطان ولا الدخيل الحرامي اللي ياكل مكافئاتنا بالصيف وغيره

نتالي : الله يسلمك ويعافيك تعالي بس لا تسألين ما صار لأحد شي ((ودها تكلم خويتها ولا تدري شلون :D:D))

المتلطمه : مختفي لان البدر ما يطلع الا مره بالشهر (ارحمنا يا براد بت) والله يسلمك

الشكر الجزيل لكل من شارك في الموضوع واعذروني على الاختصار لاني مشغول جدا
تشاااااااااااااو

[ALIGN=CENTER]الحمدلله على السلامه اولا:)

وثانيا:
ياحبك للفضايح:smilewink

ماتسمع بالاخماد الذاتي

قهههر من جد

مع السلامه:)[/ALIGN]

الحمد لله على السلامه واللي راح يتعوض إن شاء الله