اقتراح .. اللي يبي يسجل ... - نادي الهلال السعودي - شبكة الزعيم

الموهوب · #1 10/04/2001, 03:34 AM

السلام عليكم ...

شباب .. ما راح اطول عليكم بس كان عندي اقتراح من فترة .. وكنت ودي اطرحه عليكم بس ما لقيت وقت .. بس الحين بعد فوز الهلال ببطولة النخبة .. ودي اقول لكم واشوف رايكم ...

ودي يا شباب لو نسوي حفلة صغيرة .. او اجتماع تعارف مع بعض ... في استراحة .. او على الكورنيش ( للي في الشرقية .. ) وش رايكم ...؟؟

اللي موافق يقول لي هو من وين .. بس .. ويسجل تحت هالموضوع ... وراح انسق مع كل واحد بالبرايفت مسج ... اتمنى يكون فيه تعاون او حماس ... ولا تخافون .. اول طلعة راح تكون على حسابي ... بعدين عاد اسمحوا لي قطة ...

------- الموهوب اللهلوب .. المتشوق لشوفتكم ...

الوله · #2 10/04/2001, 03:45 AM

شكلك ولد نعمه علشان كذا ودي اقولك
ماتبي تسوي الحفله باسبانيا على حسابك فرصة نشوفك ونحضر
مباريات الازرق ولا انت وشرايك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شكلك تتقول ليتي مافتحت هالباب؟؟؟ امزح معاك
بس لاوفقو الشباب تراني مستعد اجي رغم المسافه البعيده عن الشرقيه
بس لعيون الهلال وجماهيره تهون

الموهوب · #3 10/04/2001, 03:56 AM

هلا اخوي الوله ... كلنا عيال نعمه الحمدلله ...
بعدين اذا انت شايل هم المشوار ( اللي يسمعك ساكن في الصين ترا الرياض حذفة حصاة ) المهم ما عليك لا تشيل هم المشوار.. انا اجي الرياض لان اهلي في الرياض واتردد على الرياض من اسبوع لاسبوع ...

بس انا ابي اعرف الحين اللي في الشرقية واللي في الرياض .. عشان انسق الطلعة ...

---------- الموهوب ....

الوله · #4 10/04/2001, 05:55 AM

ياحبيبي انا قلتلك علشان الهلال التعب يهون
بس اللي محير ني وشلون عرفت اني من الرياض شكلك ذكي؟؟؟؟
انت قلت من بعد الرياض ياحبيبي لوكنت بالرياض كان ماجبت طاري التعب
بس بيني وبينك اكثر من700 كيلو عرفت ياحبوب وعندي طلب
تكفى لاتمخمخ مره ثانيه وتقول اني من جيزان اوكي
مداعبه الموهوب لاتزعل

الذئب الأزرق · #5 10/04/2001, 06:43 AM

والله فكرة حلوة حلوة مرة مرة .. بس ماشوف إلا الموهوب والولة بس والبقية وينهم ؟؟؟ ترى العشاء فيكم وبلاكم لا تستحون

, أما البنات ينسقون مع بعض وعلى فكرة باب العائلات من الخلف

.

الموهوب · #6 11/04/2001, 02:46 AM

هاه يا شباب .. ما اشوفكم متحمسين ..؟؟؟

----- الموهوب اللهلوب ...

البرفسور · #7 11/04/2001, 02:51 AM

والله انة فكرة جيدة
بس بالشرقية مشوااااااااااار والله
والله شوفتكم تنشرى وما قصرت يالموهوب ولا تكلف على نفسك

واقول يالولة اجل تبي تروح اسبانياوالله منتب عاقل
اقول حدك الدايري ولا تتعدى بوابة المطار خلاص ..