المدرب له سلبيات كثير
وما أبي أسترجعها كله منعاً لتكرار
بس بسرد بعضها وهي كافية.....ولو أن وحدة من هالسلبيات تجنن بلد
مثلاً .........
الـــعــنــــــــــــاد
ما فيه أمل يسمع رأي أي واحد مهما كان ولو أنه صحيح مئة في المئة
وليس له عذر عند الجمهور سوى أنه معاندي.......
في إشراك اللاعبين غصب
في تغيير مراكز اللاعبين وما بقى إلا الدعيع والله يستر
في الخطة العقيمة
الي تفيد في تضيع الفرص في المباريات القوية لوجود مهاجم واحد فقط.....
في ... وفي .. وفي...... يا حبه للعناد بس....
وقليل تلقى أنه حط تشكيلة مثالية ومع ذلك لازم يعاند ويحوس الدعوة
بدون هدف واضح سوى أنه يمشي كلامه.....
وبعدين الهلال مهوب مانشستر
أبعدونا عن التقليد الي في غير محلة
إذا كان دورينا مثلهم ذيك الساعة نقلد.....
إذا كان عندنا موارد مالية مثلهم ذيك الساعة نقلد....
إذا كان عندنا فرق قارية قوية مثل ريال وميلان وأرسنل....
تنافسنا على البطولات القارية مثلهم ذيك الساعة نقلد....
نقلد في شيء ممكن يفيد ويتماشى مع إمكانياتنا ومع الفرق المنافسة الي حولنا
وبعدين الهلال ليس فريق ميت وما منه رجا
عشان يعيد بناءه بشكل جذري من جميع النواحي
حتى في طريقة اللعب الي معروفه عن الهلال
وهي الهجوم الساحق لأحراز الفوز والبطولات
والي تملئ الملعب من الجمهور بكافة ميوله.....
وليس غير ذلك من تخبطات يقال أنها خطة حديثة لتقليد الفرق العالمية.....
ما شفنا منها سوى شخبطات يقال أنها نتائج
وأرقام ممتازة وعلى الوحدة والشعة والنهضة
والعبره هي في النهاية وبالبطولات ليس بالأرقام وغيرها....
يعني بالله فيه أحد بيقتنع أنه يصبر خمس سنين
عشان نبني فريق يحقق بطولات وأمجاد متتالية
يعني نادي النثر طلع مانشستر.........
يا ناس هم غير وإحنا غير
الرجال يبي يتعلث والسلام...... عن قولة أني داري وش قاعد أسوي
كل الفرق معروفه طريقتها من سنة قارون
والهلال طريقته السابقة ناجحة مليون في الميئة
ولا أدل على ذلك
من أحراز البطولات بشتى المسميات في ذلك العهد المجيد
والآن الفرق الي تحاول أنها تمشي على طريق الهلال مثل الاتحاد والعين......
بعدين المستوى يكفيك.......
إذا كان مستوى الهلال هذا بيجيب له بطولات .....وأتمنى ذلك والكل يتمناه.... بس الحقيقة غير كذا
شف حولك وأرجع لمستوى الهلال الي جاب له البطولات تعرف وش هو مستواك.....