™ هذي اخطاء المـ( اديموس )ــدرب رغم الفوز ™ - نادي الهلال السعودي - شبكة الزعيم

عالي الشان · #1 01/03/2004, 01:37 AM

[ALIGN=CENTER]السلام عليكم ورحمة الله وبركاته

مبروك الفوز وعقبال الكاس ان شاء الله

@ طبعا اليوم حنا واجهنا صاحب المركز السابع في الدرجه الثانيه والمباراة شبه محسومه للفريق انا بس ودي اسأل ليه المدرب ما لعب بالصف الثاني ؟؟
طبعا اقصد الصف الثاني اللي هو المطرف واخوياه

مهوب المسعري وطقته ؟؟

@ الشريده اليوم قلب دفاع ايمن وهو يلعب باليسار !! وكله علشان خاطرك يالمفرج يهون

@ المطيري اليوم ما كان يساند الهجمه ( كالعاده ) يشوت قدم وهذا اللي خلانا نخسر جهه يسرى هجوميه ... بس مره وحده تقدم وجاء قول !!
آآآه يالجري :sad:

@ سامي كان رده على المدرب قوي 90 دقيقه مشاء الله غزال ... كأنه يقول لو فيه 90 دقيقه ثانيه بلعبها ... الله لا يضرك يالذيب .

@ صدقوني لو الهجوم اليوم فيه الصويلح ( داري انه مع الاولومبي ) بدال تراوي كان جاب بلحاله خمسة اهداف اقل شئ .

@ كنا نتمني نتمنى نشوف وجيه شابه مثل اليوم البرقان المطرف الحوطي ...... لكن حسبي الله على من كان السبب .

@ الاحتياط اليوم جزء منه كان يجيب الكآبه وحنا نشوف فيه ( المسعري

والعنزي

وسليمان

) ويا قلب لا تحزن .

@ الحربي اليوم كان مستواه معقول لكن اديموس يحب يحطم ... اللي يجيب الاقوال هو اللي يطلع سبحان الله .

@ النجم القادم بقوه العنزي صدقوني انا متأكد انه لين الحين يحس انه في حلم والا معقوله يلعب في فريق مثل الهلال !!! .. والله ثم والله ان النهضه لو يعرض عليهم وببلاش ما يبونه

... اليوم دخل الملعب ولمس خلال 20 دقيقه 4 كور ثنتين منها عمل فاول ووحده ناولها الخصم ووحده رجعها لورى !!

@ فيه لقطه جت في اوربت للشحيان وهو احتياط ... قسم بالله يكسر الخاطر ... تحسون انه فقد الامل لأنه يقول اذا ما لعبت هالمباراة اجل متى بلعب ؟

-------------------------------------------------------------

بليز لحد يقول الفريق فايز بــ 7 ... ليه تنتقد ... انا انتقد لأني ابي فريق افضل من كذا
حرام والله حرام

يعني بالله :

المطيري او المفرج افضل من الجري ؟؟ الجهه اليسرى ماتت بوجود هالاثنين

البرقان ما يستاهل نشوفه مع الفريق الاول ؟؟
المفرج والا سليمان افضل من خليل ؟؟
العنزي يستاهل يلبس الفنيله الزرقاء ؟؟

****************************

تحياتي والله يوفق الزعيم [/ALIGN]