الله يرحم حالكم يا اشباه الجمهوووور ولايهون اشباه الكتَاب - نادي الهلال السعودي - شبكة الزعيم

مجنون ابوعبدالله · #1 01/03/2004, 04:28 PM

اول شي السلام عليكم ورحمة الله وبركاته

1000 مبرووووك الفوز على النهضه واللي مااظن احد استغرب ان النتيجه انتهت 7-1

الكل ابدع في مباراة اليوم ماعدا استهتار تراوري في تضييع الكور والجمهور ( تراوري تراوري هو هو ) ؟؟؟؟

وانا اقرا احدى المواضيع وجدت من يطالب باحمد الجري مكان بندر المطيري؟؟؟؟؟؟؟؟؟؟؟

اتحدى ان كان فيه احد بالدوري السعودي حالياً يقدر يرفع اوفر مثل اوفر بندر لسيسه هذا قال رد

هذي غير الثقه الكبيره اللي عند بندر المطيري

غير كذا

princ111
كتبت موضوع كامل مدحت كل العالم الظاهر حتى اشرف اللي يجيب الكور مدحته وهضمت حق

اللاعب اللي انقذ الهلال احمد الحربي

اما الجمهور فاالجميع يعرف اخونا فواز الدوخي ووشلون شايل الجمهور ماشاء الله عليه

ولكن حمير جحا اللي يطلعون من دواماتهم ويجون يستانسون معكم للملعب خلوهم في بيوتهم الله

لايهين ياابو دوخي انت واللي معك

ولا واحد منهم يقوم بعد ماجاب الحربي هدفين ويقول الحربي ياحمار اطلب تغير من المدرب؟؟؟؟

وفيه واحد جمبي مجنون الحربي اظن شوي ويتهاوش معهم؟؟ ليه كذا مدام الجمهور يبي اللاعب يبرز

ويرجع مثل ماكان بالنجمه لازم اننا نشجعه على الاقل نص تشجيع سامي ولا الدوخي ولاالشيحان

وانا من هالكلام مااقارن بين الحربي وسمسم والشيحان لكن اللاعب صغير ومحتاج دفعه معنويه

وصدقوني انا كنت منيب مقتنع بالحربي بالهلال (ولا يوم كان بالنجمه كنت من اول المطالبين فيه)

لكن بعد مباراة امس اثبت انه لاعب مع الضغط (ومع التلعين والهواش عليه قبل مايسجل الهدفين)

لاعب حسم ولا العنزي لو يزعجونه الجمهور بيشوت بشجاعه من خارج ال18؟؟؟؟؟؟ صعبه شوي

غير كذا امس لاعب محور وكل الهجمات تجي من عنده ( ذكرنا بفيصل ابو اثنين) وكل الكور بالمقاس

ماشاء الله عليك يا احمد (غير الجمهور اللي يزعجه العب العب

والدوخي واقف سيسيه واقف تراوري واقف؟؟؟؟ لمن يلعب ياجماعه؟)

خلاصة الكلام

رد احمد الحربي على الكثير من المشككين فيه ( واولهم انا ) واتمنى له التوفيق ويرفع رقم 15 فوق

ويرد لنا نص مستوى ابو يعقوب مانبي الا نص

تحياتي للجميع

FaisaL_HilaLi · #2 01/03/2004, 04:35 PM

أي لاعب يرتدي فنيلة الهلال فهو لاعب على مستوى عالي لكن بعض الأحيان ما يحالفه الحظ و الجمهور بحكم العاطفه يستعجل كثير على الاعب و الجمهور و انا واحد منهم مستعجل على الاعب المهم انا الي أسعدني في مباراة أمس هو أن احمد الحربي و عبد الله الشيحان أستطاعو ان يسجلو أهداف على حسب أعتقادي انها زرعت فيهم الثقه بالنفس مما يعني بأذن الله أنهم راح يقدمو لنا نحن جمهور الهلال الكثير الكثير من الأبداعات و الأنجازات بأذن الله و الله الموفق .

أحمد15 · #3 01/03/2004, 04:40 PM

[ALIGN=CENTER]

إقتباس


	أي لاعب يرتدي فنيلة الهلال فهو لاعب على مستوى عالي لكن بعض الأحيان ما يحالفه الحظ و الجمهور بحكم العاطفه يستعجل كثير على الاعب

عقليه مشجعين * مثاليه * أتفق معك 100%

تحياتي [/ALIGN]

مايهني احد · #4 01/03/2004, 05:44 PM

بسم الله

اولا الحربي فنان وهو الوحيد اللي ممكن يقوم بالمهام اللي كان يقوم بها التمياط واذا ما اقنعكم من مباراة النصر الدور الاول (اللي كسره فيها الحارثي ) ولا اقنعكم من مباراة الشباب الدور الاول !!فالحمد لله انكم قدرتوه الحين

اما باقي مقالك يابو عبدلله ولا تزعل الضاهر انك كنت معصب لانه ماهوب واضح ويش الهدف منه لكن خل في باللك ان تراوري اللي مو معجبك الحين هو افضل محترف (راس حربه) جابه الهلال طول تاريخه يعني افضل من سيرجو لانه سرعه مهاره قوه قتاليه تمركز هداااااااف ولو ما اعجبك
امس الكور اللي في القائم والعارضه مسائلة توفيق لانه بذل جهده لكن مايئس ورقد ولو تعاونو معه اللاعبين ان ما تنساه جماهير السعوديه كلها لكن هاااذ انتم يالهلالين ما يعجبكم الا بوسكاب وكيم لانهم في غير الهلال!!!!!!!!!!!!!!!
سي سيه يجيب المرض الله يعافينا منه ومن المفرج والعنزي(صوماليا) الصغير

bestuser · #5 01/03/2004, 05:52 PM

شباب ابي الجواب الكافي والوافي تمام!
العنزي ليه موجود.. انا كنت مقتنع تماما انه العنزي ينقصه خبرة.. ووضحت بأحد الردود..
لكن الحين اساسي اكثر من سامي واكثر من الشيحان ولا قدم شيء!
تمريرات ومدري وش كلها اي كلام..!!!
والله الوم ابو مساعد يوم يرضى بالكلام في مين في نادي الانجازات

عالي الشان · #6 01/03/2004, 06:09 PM

[ALIGN=CENTER]عليكم السلام ورحمة الله وبركاته

إقتباس


	وانا اقرا احدى المواضيع وجدت من يطالب باحمد الجري مكان بندر المطيري؟؟؟؟؟؟؟؟؟؟؟اتحدى ان كان فيه احد بالدوري السعودي حالياً يقدر يرفع اوفر مثل اوفر بندر لسيسه

اخوي يعني اوفر واحد خلاص يخلينا نقول انه افضل ظهير ايسر بالهلال !!
وين دعمه للهجوم ولاحظ اننا قدام النهضه نلعب المجال مفتوح له يتقدم .

*****************************

والحربي لآعب ممتاز بس الاصابات ذبحته وانا اتوقع مع الوقت ودعم الجمهور بيرجع مثل ما نتمنى واحسن بعد .[/ALIGN]

bestuser · #7 01/03/2004, 06:13 PM

8
8
ضدقني انا اجمعت مع اخوياي انه المطيري تطور مستواه بقوة..
صارت عنده ثقه كبيره لو تلاحظ اول يستلم كوره ويشوتها بأي مكان اهم شي يطلعها..
لكن صارت عنده ثقه وبدا يرجع الكوره للشريده ويركز وصار تسديده للفاولات افضل واحسن..!!

مجنون ابوعبدالله · #8 01/03/2004, 11:27 PM

اشكر الجميع على ردودهم وكلامهم المنطقي والرائع

اخوي مايهمني احد لتعلم انني كنت مع من يصفقون لتراوري في مباراة التعاون ( يوم يصاب ابو عبدالله)

لانه بصراحه اذهلنا بس اليوم ضاعت مثل هالكور ضد النهضه بكرى بتعلب ضد الزمالك والاهلي المصري

وعندك كاس اسيا وخادم الحرمين ولايهون ولي العهد اللي لازم نحافظ على اللقب ان شاء الله

فـ اذا شاف تساهل من الجمهور بكرى يلعب هالمباريات المهمه ولاعنده باحد فزت ولا انهزمت

مع اني والله اشوف تراوري وكان له 10 سنين بالهلال من خلال قتالية عالكوره بس حتى الغلط بنزعل منه

ولا اقصد بنزعل منه اننا نقول تراوري اطلب تغيير وماادري ايش لا على الاقل مااشجعه على شي خطا

والصح نقوم ونصفق له بكل احترام وتشجيع له

تحياتي للجميع

نختلف بالراي ونتفق على حب الازرق

مايهني احد · #9 02/03/2004, 07:56 PM

بسم الله الرحمن الرحيم

مجنون ابوعبدالله الكبير كبير احترامي لك على هالتعقل والرزانه في الردود
ابضرب لك مثال بسيط (لويس انريكه) لاعب برشلونه ضيع فرصتين ما يضيعها الا(العنزي وسي سيه) وامثالهم في اول الدوري الاسباني والباب فاضي وعلى خط السته لحاله...وقبل يومين مباراة ديبرتيفو وبرشلونه مهاجم لاكرونيا في الجهه اليسرى(الضاهر اسمه ليكو او حاجه زي كذا)مسجل سبع اهداف هالموسم وضيع ثلاث فرص وحده على خط المرمى تقريبا
المقصد ان تراوري لو رجعت للفرص اللي ضيعها وحده ماسيطر على الكوره بعد انفلاتها من الحارس والثانيه ايضا استعجل وتلومه معك حق لكن الولد لعيب شف مارقد عنده اصرار ما شاء الله على الاقل اهون من الاعمى سي سيه والفرص اللي ضيعها هالسنه بسبة العجله اللي فيه

انا معك ان مافيه احد فوق النقد ولا عندي حساسية بعض الجماهير من انتقاد لاعبيهم المفضلين لكن انا اشوف ياخوي ان المفرج والعنزي وسي سيه اولى بالانتقاد لان ما راح ينكبنا الله لا يقوله هالسنه الا هم
اما المطيري فهو فنان ويوم اعتمد عليه ماتورانا كاساسي وخذا الثقه بدع لكن عيبه البرود فقط احيانا

الشكر لك وتحياتي