أقدم موقع في العالم هو www.alzaeem.com وبالصور !! - نادي الهلال السعودي - شبكة الزعيم

صدى الامس · #1 15/02/2004, 12:09 PM

[ALIGN=CENTER]
السلام عليكم

كيف حالكم وش أخباركم ؟؟إن شاء الله طيبين ؟؟

تدرون أن شبكة الزعيم هي أقدم موقع على الشبكة العنكبوتية في العالم ؟؟!!

وش فيكم مستغربين ايه أقدم موقع !! والموقع كان موجود قبل 34 سنة قبل لا يطلعون حقين الياهو والطقه الباقية !!

وسالفة هالموقع إن فيه رجال مصلح هالموقع قبل 34 سنة وأول ما صلح الموقع قفله بالمفتاح عشان محد يدخل وهو توه ما خلص 100 % والرجال ضيع المفتاح وحاس وهو يدوره ولا لقاه وأعلن بكل مكان عن هالمفتاح لين ما طفشوا العالم من سالفة هالمفتاح وبعد 30 سنة جاء واحد توه في مقتبل العمر وفي عنفوان الشباب وقاله اني لقيت مفتاحك الرجال يحسبه يتسذب عليه قال طس بس !! قاله صدز تراني لاقيه وكانك منتب مصدق دوك جربوه وفعلاً راح الرجال وجربوه وطلع صدز هو مفتاحوه اللي مضيعوه من قبل 30 سنة ولين الرجال نفسه طابت من هالموقع اللي ما فرحبوه ولا شئ قال يا وليدي الموقع لك وهو حلال عليك وأنا ما عاد بي شده أطامر وأصلحبوه وأخلص معاملاتوه مير خلوه لك وأنت توك شباب والا انا ما عاد بقى من العمر كثر اللي راح !!

جاء هالشاب وسمى نفسه كوكتيل وفتح الموقع عقب ما كان مقفل 30 سنة وقام يصلح فيه ويطقطقبوه على خفيف وعلى قد حاله لين بدى يشتهر الموقع على خفيف وبدوا يكثرون الزباين وصار عليه إقبال وشوي شوي كبر مساحة الموقع بس مهوب هاك التكبير يعني أحسن من أول .. وعقب فترة صاروا الزباين واجد ولا عاد يمديه يلحق يخلص كل أشغال الموقع لحاله وقام وجاب ولد الإعصار معه و 1+1=2 ..إلخ قبل لا يصير سلمان خمس تسعات ..وخلاهم معه في الموقع وشوي شوي بدى يكبر المحل وبدى يشتهر عند الناس لين جاء هاك اليوم وانضم لهم بالإدارة بندر بن ثامر وكبروا المحل وخلوه على شارعين عقب ما كان على شويرع مهوب شارع بعد

.. وبعد فترة كبروا الموقع وفتحوا له أكثر من فرع في الرياض فرع في وسط الرياض للسواليف عن كل شئ إلا الكورة

ولوحة المحل كانت بيالة شاهي وفصفص كناية عن السواليف

وفتحوا بعد فرع في جنوب الرياض عن الكورة الصدزية مهوب كورتنا الله يخلف ولوحة المحل كانت كورة أديداس الأصلية مهيب أم 10 ريال

برضوه كناية عن الرياضة العالمية وفتحوا فرع في العليا عن الكمبيوطر وسواليفه واللوحة كانت فلوبي و CD [[ وصالك

]] وشوي شوي لين ما فتحوا كل هالفروع اللي منتشره بالرياض ولا وقبل فترة ما شاء الله فتحوا لهم فرع في فرنسا

وفرع في بريطانيا وأمريكا

وفوق كذا نوعوا من نشاطهم وفتحوا لهم أستديو للصور ومحل فديو بعد

وغير كذا طبعوا لهم مجلة

..
وهذي هي السالفة ..

المختصر المفيد أن موقع الزعيم موجود قبل 34 سنة وإن مؤسس الموقع مهوب كوكتيل

<<< أبد مهوب مطرود

وهذا الدليل ..

[/ALIGN]

yazeed_9 · #2 15/02/2004, 12:38 PM

[ALIGN=CENTER]هع محجوز لين افضـى********

[/ALIGN]

برق الزعيم · #3 15/02/2004, 12:44 PM

[ALIGN=CENTER]

إقتباس


	السلام عليكم

وعليكم السلام ورحمة الله وبركاتة

وين الناس لاحس ولاخبر

إقتباس


	تدرون أن شبكة الزعيم هي أقدم موقع على الشبكة العنكبوتية في العالم ؟؟!!

ياويلك من الرمز

هالحين بيقول التحكيم هوالسبب

والزعيم قديم في القلوب قبل لايكون قديم على الشعوب

تحياتي وانااخوك[/ALIGN]

abu_riman · #4 15/02/2004, 12:47 PM

صدى ( الهسترة ) انت ..

تيماوي · #5 15/02/2004, 01:13 PM

@ صدى أنت صاحي والا صدى !! ;)

@ صدى تراهن إن اقرب تصريح للرمز سيعلن فيه إن شبكة الحالمي تأسست منذو خمسين عام .

العرفج · #6 15/02/2004, 02:32 PM

[ALIGN=CENTER]رتب عفشك وشناطك صدى الظاهر الشوته جايتك قريب

[/ALIGN]

كيفي كويتية · #7 15/02/2004, 02:39 PM

[ALIGN=CENTER]صدى الله يهداك ..ليش ما كتبت وصيتك بالمرة ؟؟

[/ALIGN]

الأزرق العالي · #8 15/02/2004, 03:52 PM

[ALIGN=CENTER]

الله يقطع بليسك انت و [[ البايسون ]] ..

ما أدري راح يمديك تشوف ردي هذا و إلا لا ..!!

تحياتي ..[/ALIGN]

البرفسور · #9 15/02/2004, 04:51 PM

إقتباس


	[ALIGN=CENTER]ما أدري راح يمديك تشوف ردي هذا و إلا لا ..!! [/ALIGN]

[ALIGN=CENTER]

لا ماراح يمديه

[/ALIGN]

شنكوتي ازرق · #10 15/02/2004, 05:03 PM

موضوع مجنووووووووووووووووووووووووووووووون وروعه ياصدى

فكرتك حلوة ماتخطر ع البال

مشكوره وونستيني وانا كنت زهقان ......

البحار المحب · #11 15/02/2004, 07:21 PM

البارق · #12 15/02/2004, 08:12 PM

شفيا صدى الأمس .. هذي نهاية الحلوم اللي ما لها داعي

..

عاد انتبه لروح يا بعد تسبدي .. ترى كوكتيل ماهوب مثلي يضحك ويسولف .. تصدق على كثر شوفاتي لووه ما قد شفته يضحك

يعني شوتتك زي شرب بيالة شاهي باردة لها ثمان دقايق ونصف

..

بس زين اننا اقدم من الياهو .. بروح الحين اراسلها واقول لهم " تقلعوا "

حنا أقدم منكم

..

يا مال البنشر في طريق الملك فهد الساعة اثنعش ونصف

تحياتي ،،،،

كـادي · #13 15/02/2004, 08:40 PM

إقتباس


	وإن مؤسس الموقع مهوب كوكتيل

[ALIGN=CENTER]وينك كوكتيل تسمع الكلام

أصلا أنا أشك إن كوكتيل سارقه

أعلم كوكتيل من وين سرقته

[/ALIGN]

بروق نجد · #14 15/02/2004, 08:48 PM

إقتباس


	والموقع كان موجود قبل 34 سنة

طيب وش معنى 34 سنة

انا اقول ياصدى الامس تعوذ من الشيطان وادحروه

الصراحة ماودنا نفقدك

على العموم اذا ماشفناك بالمنتدى عقب اليوم سامحنا وحللنا

<<<< بب متشأم ابد:p

تحياااتي لـ إلك كلياتك
اخوك بروق نجد

كايدهم · #15 15/02/2004, 10:14 PM

يالشـايب

بس ماقلتلنا وش كانت الالوان اللي كان يستخدمها الشايب والابتسامات

..

عاد يوزراتهم تخيل ..

عسيب نخله

.... والبنت هناك .. اسمها .... جريشه

الله يخلف ياصدى الدجه .. مهنا عقل