ابقولكم قصتي مع العبيط ( الدب أبوسعبوله )



حناء في الحاره مجموعه شباب ( 12 شاب طموح كلهم على قلب واحد ) ألا واحد بثر وثقيل دم وعبيط ولايفهم في شي ومتحملينه هو ومصالته عشان أهله وجماعته لأنهم والله أجاويد بس علتهم هالعبيط وباقي الشباب شروى من عندي فيهم الحبيب والفنان والفاهم ولأحد معصوم من الغلط بس أذا غلط الواحد تلقاه يبرر غلطه بواقعيه وبدون غلط على أحد وأن غلط فهو ثاني تلقاه يعتذرمن صديقه والمجموعه وأهل الحاره لقبوني بالزعيم لأني أكثر واحد بيض وجيهم في المناسبات الداخليه ( يعني في الحاره ) والمناسبات الخارجيه ( يعني براء الحاره ) ولا يهون باقي الشباب ألا هالعله الباطنيه قبل مضاربات وهواش مع خلق الله على الفاضي والمليان بس عشان أهله لهم وزنهم وأحترامهم في الحاره ومستغل هالشي ومعه بعض هالصحيحين من بزران وسملق الحاره ولاعبن عليهم وهم مغير يدربون روسهم معه .


أهل الحاره من زمان وهم يسون بعض الأنشطه والمسابقات لشباب الحاره وكان التنافس شريف بينا وهو معنا غاثنا وحنا مسمينه في الحاره البندق العوجاء لأن البندق العوجاء فيها رميه هاذا أول ( يجي منه بعض الأحيان – أذا عطيناه وجه )


هالحين له أكثر من سبع سنين وحناء معطينه وجه والجماعه ساعدوه بكل الوسائل المعنويه والماديه .

أبعطيكم مثل على الدعم المعنوي معروف أن دوري القدم كلن يلعب مع الثاني مبارتين وأكثر واحد يجمع نقط هو البطل في كل حواري العالم ألا عندنا في الحاره قالو خلو نصلح مربع غدي هالدبشه يفوز ويفكنا من شره طبعن من الي راح فيه وتضرر اناء واصدقاي .

ومع ذالك ماحقق الا بطوله الترزز والتميلح وثقاله الدم والغلط على خلق الله .

واكثر واحد غاثه في الحاره أنا ( الزعيم ) لأني مافيه سنه تعدي على اهلي وأحبابي ألا واحقق نتايج ممتازه في كل المجالات وأجيب أقل شي بطوله وهالدب يشوف هالدنيا وهالأنجازات وهو مغير بربره على الفاضي تصدقون انه في سنه من السنين وهي قريبه مهيب بعيده ماحقق ولاأنجاز حتى بطوله العكوس في الحاره رسب فيها.

ياجماعه شوفولي حل مع هالعبيط وتراء أهله زي ماقلت لكم لهم اكثر من سبع سنين مايعرفون طعم الفرحه بسبته هو وعقليته الخايسه وأذا بغويفرحون جو عندنا في البيت لأن حنا في البيت شعارنا ( وأما اليتيم فلا تقهر ) . وأهل الحاره تعاطفو معهم وقامو جمعو سواقين الحاره والعمال وقالوله يله ورناركظك في السروال قل بعد مقدر افوز عليهم ولا والله ان نصك عليك في بيت الدرجه لين تعقل وتظبط عمرك .

والله مافيه حل الا انكم تتفقون وتمسكونه بزاويه وترضون فيه لين يعرف ان الله حق

[ALIGN=CENTER]هلا بالفاهي00والله انك00لاهي

بصراحه00انا00( تعاطفت )00مع هالدب ;)

على الاقل00من00باب00

جت السمينه تفرح00مالقاتش لها مطرح00

يا00عيني00عليك00يادب[/ALIGN]

هلا ومرحبا بك أخوي الفاهي ..وأهلا بك عضواً جديدا في شبكة الزعامة ..

بالنسبة لولد حارتكم .. ما نقول إلا جعله من هالحالة وأردى ..

وهذا اللي جناه على ربعه .. وهذا اللي استفادو منه .. ما غير خساير وسعابيل على الفاضي ..

مشاركة متميزة أخوي الغالي ;)..


وتقبل تحياتي ،،،

ياخي احس انك تتكلم عن النصر

واذا كان هو الي تتكلم عنه فماله حل

تحياتي.

إقتباس إقتباس من مشاركة البارق2000 هلا ومرحبا بك أخوي الفاهي ..وأهلا بك عضواً جديدا في شبكة الزعامة .. بالنسبة لولد حارتكم .. ما نقول إلا جعله من هالحالة وأردى .. وهذا اللي جناه على ربعه .. وهذا اللي استفادو منه .. ما غير خساير وسعابيل على الفاضي .. مشاركة متميزة أخوي الغالي ;).. وتقبل تحياتي ،،،

إقتباس إقتباس من مشاركة رعبووووووب والله مافيه حل الا انكم تتفقون وتمسكونه بزاويه وترضون فيه لين يعرف ان الله حق

غريبه اللى اعرفه ان بعض الدببه يجون خفيفين دم وش حليلهم

ام ولد حارتكم امره غريب ولكن لابس من مجاراته

تحياتى

رعبووووووب

مشكور على المشاركه بس هالأشكال عذابها الوحيد انك تحقق نتايج وبطولات وتفرح ربعك وحبايبك وجماهيرك وهو خله يقلط هالمحرومين الي معه كم صحن سليق;) وانت عارف الحقران يقطع المصران .

بطل الفيلم

مشكور ولاتعاطف مع هالأشكال أبد لأنها تودي في داهيه واقرب مثل شف جماهيره مغير تهاورش وتجريح في الناس .

البارق2000




ياحبي لك أحس انك فاهمني واخر خبر عن هالدب هالأيام يقولو انه شابكينه على بطاريه تريلا عشان وضعه هالأيام نعال ( الله يعز القارين ( السامعين ) ) تحياتي

البارق2000

يازين الي يفهمونها وهي طايره أمثالك ( سمعتو يابعض الناس ) وأكيد ماله حل لأن الي فاقع مرارته كاتم على قلبه أول واخر الشهر . سي يو ليتر

البحار المحب

أخوي مشكور ولاودي اطول معك لأني ماعرف اسبح (واحد يستخف دمه ) تحياتي .

aseer_170
انا عاجز عن الشكر والأهتمام ;)

الولد البار

مشكور ولاهوب كل الدببه مماليح زيي ( أيه هين ) بس أحس أنك مافهمت وش أقصد

الشكر موصول لجميع الأخوان الي زارو الموضوع

هلا وغلا ...



قصه رائعه مشبعه بالرطوبه ...


ابو سعابيل هاذا اللهم لا شماته ليته يركب عوامه ويفكنا من سعابيله كل شوي


مشغلين المساحات .!!


وياليته يجي يدور ويرش ملعبنا عشان الغبار مايتطاير ...


اذا هاذي با كورة ألأ نتاج ماشاء الله عليك رائعه ...


تحياتي لك ...


وللجميع .

الـحـاتـمــي ...



مــر مـــن هــــنـــــا ...



ويـقـول : ما لكم الا تمسكونه شغله ما تخلص

المعترض

مشكور وماقصرت على المشاركه وبالنسبه للعوامه حطوله كفر ولانفع اخرشي حطينا دوشق فثمه وبالنسبه لرش الملعب هومشغول هالحين عشان فيه مزارع فك المحوري الي عنده وجابه يقول اقل تكاليف مثله مثل الدبش

إقتباس إقتباس من مشاركة الحاتمي الـحـاتـمــي ... مــر مـــن هــــنـــــا ... ويـقـول : ما لكم الا تمسكونه شغله ما تخلص

إقتباس إقتباس من مشاركة الفاهي 15 المعترض مشكور وماقصرت على المشاركه وبالنسبه للعوامه حطوله كفر ولانفع اخرشي حطينا دوشق فثمه وبالنسبه لرش الملعب هومشغول هالحين عشان فيه مزارع فك المحوري الي عنده وجابه يقول اقل تكاليف مثله مثل الدبش

ههههههههههههههههههههههههه



مهوب فايز لان السواق متعود على الامور الرياضيه والله يعينه هالدب

وان شاء الله النعمه دوم علينا