|
انتهت المباراة الافتتاحية للهلال بتعادل خيب امالنا والسبب الرئيس لذلك التعادل المخيب هو اللاعبون فقط لاغير برعونتهم امام المرمى والتصويبات الطائشة وانخفاض الروح المعنوية فى منتصف الشوط الثانى (عادت فى اخر اللقاء ولكن!!!) فوز النصر بالطبع فى صالح الهلال وان كنا تمنيناها تعادل ولكن الفوز افضل من وجهة نظرى ؟؟؟؟ يا نفوز ونعود لاجواء البطولة بكل جدارة ياناخذ هزيمة قاسية وليشمت بنا الحقاد شهورا متتالية!!!!!! النصر سهل بالنسبة لفريقنا الاكثر خبرة ( طبعا ان اراد الهلاليون الفوز) ونقطة الضعف دفاعه والحماس الغير مقنن فى اندفاعهم !!!! اتوقع فوزا ازرق ان شاء الله !!!!!! ****خواطر لتانيب الضمائر**** ** فى الدقيقة 23 احتج شائبنا على الغندور باسلوب فعلا يقهر من دكتور الكرة ؟! ذلك السقوط من يوسف كان تمثيل !! فان مشى على الحكم اهلا وسهلا وان ....فالصمت انفع وليس استفزاز الحكم!!!!! طبعا تكرر هذا التصرف من يوسف عادى لاننا نعرفه هكذا ولكن وقوف الادارة موقف المتفرج يفرض المساءلة!!!!!! ** نواف استعاد بريقه ....الشلهوب كانه ناوى العزم على العودة...سامى لازال خارج الخدمة.....النزهان 100%!!!! *** البقاء للافضل ...هذا هو شعار مواجهة عاشوراء!!!! ** اتمنى ان نفطر على النصر..واذا خسرنا فلا لنا الاالصبر!!!! ** العصبيون مثلى انصحهم بعدم متابعة المباراة خصوصا من سيصوم!!!! ** على طارى الصوم .. لاتفوتكم قنوات ايران الليلة والقابلة والتى بعدها؟!!!!! |
أرجو أنك ماتكون حاقد على الثنيان ( يوجد في فن الكرة التمثيل وياماطافت على الحكام ) لكن يوسف روقب مراقبه لصيقه وكذالك روني والتمياط رجل لرجل . أما من ناحية أمنيتك بتعادل نادي النصر في هذا المحفل أسمح لي أنك متعصب ؟ أذا لم يفز هلالنا لاسمح الله بالبطولة بكل صدق أتمنى ( النصر السعودي ) ولاتنسى كلمت سعودي ..... يعني البطولة سعودية . كلي ثقة بأن يفوز الزعيم بالمبارتين المقبلتين ويرجع لنا منتصر بأحلى كأس الوحيدة الخالية خزينة نادينا منها . ولك مني جزيل الشكر ..... أسف على كلمة متعصب ياغالي . |
نتمنى ان الهلال يستعيد توازنه في مباراته مع النصر .. بإذن الله وكلنا ثقه في البعثه الهلالية في سوريا .. وياااااااالله منك التوفيق .. |
الاخ: jaj : اولا..التعصب للهلال ليس عيبا وانت لم تخطى لتعتذر. ثانيا.. انا لست حاقدا على الثنيان لاننى وبكل بساطة من الذين لازالوا عطشى ولفن الفيلسوف لم يرووا.... المتابعين يعرفون ثنيانيتى ومقالاتى عن يوسف فى الجزيرة والنادى تشهد!!! ولكن التصرف ليس له مايبرره فانت مثلت على الحكم ولم يعطيك فاول ..فلماذا تحتج؟! لو منحه الغندور كرت اصفر فهو يستحق!!!! اتمنى ان تكون فهمت وجهة نظرى ولك كل الود!!! اما التعصب فغدا لك ولغيرك مقال خاص عن نعمة التعصب للهلال وغدا انتظر ردك بشرط ان تقرا الموضوع بهدوء!!!! وامنيتى بتعادل النصر ليس الا من اجل مصلحة فريقى والبطولة هلالية ان شاء الله وان خسرها الزعيم فلااتمنى للفريق السعودى الا كما يتمنون له الحقاد من عشاق النصر والاهلى والاتحاد!!!! الليلة فيه واحد اصيب فى راسه ..تدرى ليه؟؟ صقع راسه فى السقف عندما سجل ماهر الجيش هدف!!!!!! |
عزيزي العمرى على الهلال كعادته لا يتطلع الى نتائج الأخرين وبادْن الله سيرجع بكأس البطولة انشاء الله :) :) :) قولو آمين يارب |
طاب مساءك اخوي الغالي @ علي وسع صدرك وترى الهلال ماقدم شيء يذكر ( واخص نواف التمياط) الذي لم يعد في مستواه؟؟؟؟؟؟؟؟؟؟؟؟؟ وانت تعلم ذلك. |
أعصابك أبو يعقوب ما قصر بس هذا حما س زايد وأن شاء الله البطوله للزعيم. |
<FONT color="#FF00FF"> اقول اسمحي اخوي .. ولا في كلامك اي شيء صح ... وراح اعلق على كل غلط في موضوعك ... </FONT> <FONT color="#3F00FF"> 1- " طبعا تكرر هذا التصرف من يوسف عادى لاننا نعرفه هكذا ولكن وقوف الادارة موقف المتفرج يفرض المساءلة!!!!!! " </FONT> من تكون انت عشان تعرف تصرف الثنيان ؟؟؟؟ انت اللي بتعلم الثنيان اللعب ؟؟؟؟؟؟ <FONT color="#3F00FF"> 2- " ** نواف استعاد بريقه ....الشلهوب كانه ناوى العزم على العودة...سامى لازال خارج الخدمة.....النزهان 100%!!!! " </FONT> بالله وش الصح في هالجملة ... نواف صدى بريقه .. وصار محلي ... ونواف اسوأ لاعب اليوم هو والدوخي .. الشلهوب .. فعلا عاد لمستواه بس ما كان فيه وقت يكفي .. وشف عاد ... الا الشلهوب ... سامي .. انا اساسا من يوم ما جاء من انجلترا وهو سيء ... اما مسالة النزهان 100 % هذي كثر منها الله يرحم والديك ... بعد هالجملة انصحك .. لا عاد تكتب موضوع ثاني ... <FONT color="#3F00FF"> 3- " اتمنى ان نفطر على النصر..واذا خسرنا فلا لنا الاالصبر!!!!" </FONT> في ذا العبارة ,, قمة التناقض .. وسوء لاستخدام الكلمات .. وش اللي نفطر على النصر ؟؟؟ يعني اسمحوا لي يا شباب .. اذا تشوفون اني قاسي في كلامي .. لكن الغلط غلط .. الكلام هذا ما يقوله هلاليين ؟؟.. <FONT color="#3F00FF"> 4- " على طارى الصوم .. لاتفوتكم قنوات ايران الليلة والقابلة والتى بعدها؟!!!!! " </FONT> اما الجملة هذي .... لا تعليق ... احنا وين .. وانت وين ؟؟؟ <FONT color="#FF01E9"> واسف اخوي على تجريحي اذا كان فيه تجريح ... لكن صراحة حبي للكيان الازرق وخوفي على لاعبي الهلال من الثنيان الى الشلهوب. .. هذا مو اسلوب ابد في النقد .. وايضا من منطلق حبي لك .. لاني اتمنى ان يكون كل مشجع هلالي واعي لما يقوله .. ومدرك .. وفاهم .. وما ارضى يكون اي مشجع هلالي بهالصورة ... واسف مرة ثانية .... </FONT> ---------- الموهوب ..... |
الــسلام عليكم؛ اعتقد الحكم اليوم قرراته سليمه 95% الا خ الغالى العمرى على انت قلت ان التمياط استعاد بريقه وانا اقلك اذا كان هذا بريقه يجب وضعه في الاحتياط اما الشلهوب اتمنى اشراكه من اول المباراه القادمه لان اعتقد ان مستواه بدا يتحسن وسامى مستواه غريب ويخوف واتمنى انها تكون كبوه جواد ملا حظه اتمنى الرد علي فيها هل عمر الغامدى صانع لعب او جناح ايمن !!!!!!!! انا مستغرب بصراحه الاخ الموهوب: هدي اللعب شوي |
انت تقول.. " نواف استعاد بريقه " !!!!!!!!!!!!!!!!!!!!!!!!!!!!!!!!! اي بريق انت قاعد تتكلم عنه؟؟ هل تتمشى في الملعب وكل ما جاتك كوره شتها على كيفك تسميه بريق؟؟ نواف لم يقدم ما يشفع له بالتواجد ضمن قائمة الاحتياط فما بالك بالاساسي.. يوسف اللي طول اليوم يركض ويدافع ويمرر ما اعجبك؟؟؟؟؟؟ اخوي ودي ترجع للمباراة وتشوفها ثانيه.. صدقني بتتغير قناعاتك وااااااااااااجد.. اختلاف الرأي لا يفسد للود قضيه.. |
| الوقت المعتمد في المنتدى بتوقيت جرينتش +3.
الوقت الان » 11:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd