|
صراحة قلم في عالـــــــــــــــــــ الواقع ــــــــــــــــــم احبتي اعضاء الزعــــــــــــــــــــــــيم ترحيب بكم يملئ الدنيا بهجة ويسكب عبير الكادي عليكم00 احببت ان ادون مايجول في خواطرنا00 اكتب بلا اعادة ترتيب كلماتي00 اخط قلمي بعيدا عن استشارة عقلي00 اتكلم عن عالمي بلا صمت وبلا تحسب لكبريائي00 هنا00 اريد ان تكتبوا مانزف به قلمكم00 من ماتريدون قوله00 بلا ترتيب00 فقط تتكلمون عن انفسكم00مشاعركم00ماضيكم 00حاضركم0000000000000الخ بلاورقة معكم00 فقط تقراون ماكتب غيركم00 ان تفاعلتم00 اكملوا00 وان اردتو كتابتة مافي قلوبكم00 فاكتبوا00 علنا نكون عالم جديد00 من الاحساس00 تحيــــــــــــــــــــــــــــــــــــــــــاتي |
[ALIGN=CENTER] ][ عيون الزعيم ][ لي الشرف .. واحب أن أبدأ ... ما يجول في خاطري ... (( 1 )) ياصاحبي ...... شاهدت العالم كيف صار بعدك ؟ العالم غير العالم اللي كان خبرك عالم صار كله مآسي وحزن ما يطاق صارت الضحكة ما تقال في وقتنا هذا الا نفاق والناس غير الناس وتعددت بينهم الأذواق صرت انا عايش مريض تعبان بعد ما انكتب بيننا الفراق ما لقيت من يسندني او يقول هذا صح والا خطأ ما لقيت من يقول لي انتبه ترا اللي تسويه هذا بلأ ما لقيت الا نفسي تجرني لأماكن ما بها شذا بعدك يا صاحبي ، صار الحبيب يكره حبيبه وصار اللي بينهم يبتدي وينتهي بين لحظة ودقيقه وكلام يدور بينهم كله كذب وخداع يحاول كل واحد منهم انه يحط لنفسه قلاع يحتمي من غدر الحبيب وقبل ما يبتدي الصراع يا صاحبي ..... صارت الثقة بين الناس معدومة ما يضمنك أحد ولا صارت هي من شيمه كل همه نفسه ولا عليه الا من حاله حال ما تسر ... يمشي الواحد خطوتين ويوقف ميه صار الناس من كثر الحاجة كلهم حرامية تعاليم الإسلام نسوها ولا صار فيه نفس صفية هذا بعض من كل يا صاحبي وما زال للحديث بقية . (( 2 )) ياصاحبي ..... ابحكي لك عن ما احسه من ضيم صرت انا ما اشوف كن الجو فيه غيم عالم صار يشاهد الباطل حقيقه عالم ضايع تايه القتل بسهولة صار من شيمه يموت الطفل قدامهم ويبتسمون هذي صارت قيمه صرنا ياصاحبي لأفكارنا الغبية رهينة صرنا دوم نضحك ولا نبكي ولو لدقيقة صارت عاداتنا منسية وتحت الأرض دفينة صارت جياتنا لبعض يا صاحبي للأسف قليلة ان جينا قامت الأنفس تتصارع وما تبي تقول الحقيقة والواحد منا صار يتحرى على صاحبه غلطة صغيرة يا صاحبي هذي هي للأسف هي الحقيقة . ياصاحبي ..... صارت أمريكا تقود العالم وتقول انا المسيطرة صار هدفها واضح معروف هو .. وضعنا تحت المذبحة صارت تسوق العالم وتحكمه تحت مسمى الإرهاب حنا خليناها معجزة وحنا يا صاحبي من فتح الباب أدعوا الله انه يورينا فيها عذاب ونلقى فيه ما لذ وطاب ياصاحبي ..... في زمنا اصبحت الدنيا غير دنيتنا لو نقول كلمة أحبك ... قامت الدنيا تحاكمنا كلمة فهموها الكثير عكس ما كنا انا و اياك نفهمها كلمة اعتقدنا ان من يقولها يملك الدنيا وما فيها كلمة .. حاولت .. احللها لقيت غيري سبقني وفهمها كلمة تعني .. أكثر من تضحية واخلاص وكثير من حللها كلمة يعجز الإنسان ان يقول هذي كلمة قدرت أفككها لغز صار البشر يتحدون .. ليه .. عشان يكون اول من عرفها مع انها يا صاحبي لو كنت انت معهم كنت انت اول من يكتشفها يا صاحبي ..... لو الزمن رجع بنا قليل لكنت أول من يقول لك كلمة أحبك لكن الوقت فات والزمن تحول والكل يقول وين من يقول صاحبك ؟ ليتك تسمع كلامهم عشان تصدق نظراتهم المملوءة كذب وخداع عشان تقول لهم كلمة أضحك بعدها وانا أشوف في عيونهم الدموع واقول هذا من يضحك .. صار لي الأصل وتركت انا لكم الفروع (( 3 )) ياصاحبي ..... شفت النجوم اللي بالسماء الكثيرة اللي كل يبي يطلع ويشوفها قريبة انا واحد من ذيك النجوم لكن حزينة سبب حزني هو الم ماراح احد يطيبه جرح غزير صابني من وقت مضى في مقتل من شخص قلت له كلمات وخليت له قلبي مشتل كني جلست تحت امطار غزيرة لكني طلعت مو مبتل أتاريها أمطار ما فيها خير .. امطار عشتها أنا كلها وهم تعتقد أنك تنعشك لكنها يا صاحبي .. ما تزيدك الا الم مشاعر حاولت أخفيها لكنها خلتني بسرعة أدور على القلم ياصاحبي ..... دنيتنا صار فيها البعيد قريب وصرت انا الوحيد البعيد صرت أدور لي أصحاب في هذا الزمن اللي أعتبره زهيد صار الواحد من سرعة دنيتنا يولّم له مكان للرقيد كنه جامع السنين بعمره وهو أقرب ما يكون كالطريد الواحد منا ينتظر موته ومتى راح يقابل القوي الشديد زمن أختلف عن زمن اول زمن عهد كان كله مجيد يا صاحبي ..... صرت انا بشوفة الصغير يبكي اتبسّم ولمساعدة الكبير صار وجهي يتجهّم ولمساعدة الناس صار جسمي يتهشّم ولسماع أشباه أصوات الحمير أترنّم ولمقابلة الحبيب في كل لحظة أتوهّم يا صاحبي ..... كتبت وقلت في هذي حالتي شكيت للناس همي ووحدتي اتاريهم كلهم يحسدوني براحتي صرت أشاهد واتلفت لقيتني كافر بنعمتي نعمة لو كانت لهم كان صاروا صدق عزوتي ياصاحبي ..... أبحكي لك قصة بديتها انا بعدك لي مع إخوان تجمعهم المحبة .. وصدق انا أشهد إنهم اعز إخوان فيهم محبة واضحة ياصاحبي هذا اللي أعرفه الإنسان ياصاحبي لو أحكي لك عن كبيرهم كان جفت الأقلام ما فيهم صغير كلهم لي بمثابة الإخوان في الإسلام مكان واحد جمعهم وهم له كانوا مثل مخرج الأفلام يرحبون بالصديق .. الصادق الصدوق لوكان من الأغراب تشوفنا مثل الإخوان قراب في بيت واحد مثل الأقراب مكان .. اسمه إذا سمعته ابتسمت وإذا دخلته .. الزعل يقول انا اندثرت (( 4 )) ياصاحبي ..... حاولت أكتب كلمة لقيت حروفي متناثرة صابني عجز الكل يقول هو عجز الكتابة حاولت بإرادتي اكتب لكن لقيت أصابعي متناحرة ماأدري هو ثقل فيه والا ثقل بوزن الكلمة قعدت أضحك .. لأجل ما صابني وانا أعتقدت اني من الجبابرة مع انها يا صاحبي كلمة حروفها متقاربة أكثر منها متباعدة ياصاحبي ..... أجلس عند اليم واتذكر ذيك الأيام الخالية تضحك .. واسمع ضحكتك الراقية .. تنزل دمعتي على خدي وأقول صدق الدنيا زايلة دنيت(ن ) بدون صاحب اشبها أنا بالدنيا البالية لا صديق .. لا رفيق .. لا سند .. ولا ضحكة شافية عند البحر .. أتذكرك واشوفك في سماه الحالكة دمعتي يا صاحبي .. صارت بعدك .. ضامية تنزل على الخد .. وفي لحظة تلقاها شاردة قضت دموعي من كثر ما ابكيك وهي لك كانت صادقة ربي ارحم صاحب ما يعرف الذنب وهو للمحبة شائعة ياصاحبي ..... أبي تعرف أني أعيشك روح أبي تعرف أني الامسك بوح انت علمتني كيف الدنيا هي إحساس متنوع كيف أعيش دنيتي وأصير إنسان غير قابع كيف أخلي الحب وسام أتذكره بعد ماأصحى وقبل ما أنام كيف انه بوقتنا هذا صار امتحان اذا اكتشفته حسيت بثورة البركان يا صاحبي ..... كلماتي لك هالمرة كثيرة وجد فيني لقيته فيه حيلة احمل من أسمي شكله بدون مضمونه زعيم لكن هو بعيد عن رونقه هو بعدك صار مايعني الا قليله الكل يشهد ويقول الزعيم قلم له طعم جميل لكن دايم مايكون له الم صرت ما أسمع كأنه صابني صمم صرت ابكي .. لحالتي اللي كلها وهم اقول غير ما أسوي ياصاحبي يبغالي رمم الناس أجناس ..ويبغالهم كثير من الهمم ضحكتهم لك ..من قريب تخليك دوم بالقمم لكن اذا ابتعدت شوي قاموا لك يلفقون التهم يا صاحبي ..... قلوب متنوعة .. صابها المرض وقست وضحكة منهم بريئة ..تلقاها منهم ضمت سود القلوب هذا اللي تلاقيه في دنيتنا حسد ..كره .. هذي هي نعيشها مع دقايقنا ياصاحبي ..... يديني ودها تكتب لك الكثير لكن هي تعبت كنها تعرف انها تكتب لواحد لدنيته ترك كلمة أخيرة أكتبها لك وانا أعرف انك في صمت صمت ما بعده كلام ولا حكي يقال دنيتنا هذي ما صار فيها عقال . اسف على الإطاله .. تحياتي الزعــ 15 ــيم [/ALIGN] |
[ALIGN=CENTER] موضوع حلو:D لي عودة ان شاءالله:)[/ALIGN] |
[ALIGN=JUSTIFY][ALIGN=CENTER]موضوع رائع أختي عيون الزعيم ،،، لا أملك جديداً فلعلك تسمحين لي بتكرار جزء من مشاركتي في موضوع " من أنت " .. أنا المسافر و الممشى تخطيٍ بالهون ... قاصدٍ ناسٍ للطيب هم يشرون .. أنا يوم طعت قلبي لا عقلي الموزون ... اختار ناس من شراهم يبيعون .. أنا من عطته بالكرم قاسيات السنون ... و علمته إن حبيبه يمكن يخون .. أنا من أتعب بالحمل شديدات المتون ... يوم حملتها هموم كل من يمون .. أنا العاقل و أصيح يا حظه المجنون ... بلواه من ناسٍ بالعقول يتسمّون .. أنا راعي حظ و هل الحظ يحسدون ... لكن الحظ و حيلي عيَّوا لا يقومون .. أنا من تعب يجري مع من يلهثون ... وقفت تركتهم مع الأيام يركضون .. أنا من وفى و هم قد بيَّتوا يخونون ... ما دروا إنهم يوم الحساب بيلقون .. أنا من أخلص و بالمخلص يغدرون ... حكم الزمان لازم تصدِّقنا يقولون .. مدري هم يدرون أو هم ما يدرون ... الزمن ما يتغيَّر هم اللي يتغيَّرون .. أنا التَّـــايه وسط من هم يدلُّـون ... أنا الضعيف وسط من هم يـقوون .. أنا الخـايف وسط من هم يامنون ... و من بين كل العــقَّال أنا المجنون .. أنا الجــاهل وسط من هم يعرفون ... أنا الضال وسط من هم يــهتدون .. أنا الحزين وسط من هم يفرحون ... أنا البــكاي وسط من هم يضحكون .. أنا الحسَّاس وسط من هم يجرحون ... أنا الطيب وسط من هم يــسيئون .. أنا من وصل و هـم من يعـجزون ... أنـا راعي الأولَّـة و هم يتعبـون .. أنا أمي و أبوي دومٍ لي يـشهدون ... و هم يـا عزتي لوالديهم يعقُّـون .. أنا اقدر و مـا انتظر ناس يفزعون ... حققت منشودي و هم يستفزعون .. أنا يدي ممدودة يوم يديهم يكـفّـون ... أنا راسي فوق و روسهم ينزّلون .. أنا من ارخص الـعمر و ما يغلون ... لعيون من لهم حــق و هم يدرون .. أنا ذنوبي كثير يبي لها قومٍ يجرون ... أوزارٍ الرقيب و العتيد لها يكتبون .. أنا العاصي وسط من ربُّهم يطيعون ... أنا العاصي و المعاصي ما ينعدُّون .. أنا المعترف بذنوبٍ لها من يحصون ... أنا المقصر و ذا مشهودٍ بالعيون .. أنا المقبل و ما علي منهم لو يدبرون ... أقبلت على ربي ادعوا لي تكفون .. أنا أرجي رحمته أرحـم من يرحمون ... عساه يغفر لي من ينزِّل المزون .. أنا أدري بعد كل هذا بيجون يسألون ... أنت من هو أنت و أنت من تكون .. وقتها بخلِّي القلم و الورق يروحون ... كيف الأحبار وقتها لو بغوا يجفُّون .. تشرق شمسنا و تسمح لغيرنا يمسون ... و القمر يرحمهم يعطيهم يتنوَّرون .. صبحٍ بعد ليلٍ من العمر كان يفهمون ... و عقارب الساعة لو وقفت يمشون .. و ينتهي العمر لا أعطي و لا ياخذون ... و ينتهي العمر أعطي و لا يكتفون ..[/ALIGN][/ALIGN] |
خواطركم في قمة الروعة اخوي الزعيــــــــــــــ 15 ـــــم وابو ريمان |
| الوقت المعتمد في المنتدى بتوقيت جرينتش +3.
الوقت الان » 04:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd