نادي الهلال السعودي - شبكة الزعيم - الموقع الرسمي - في التمارين سعد يتألق,,باكستاني يشارك,,حسن نمشان يتألق في الدفاع والأولمبي يهزم سدوس

<TABLE BORDER=1 WIDTH=100%;background-color:transparent;background-image:url(backgrounds Background="http://vb.alhilal.com/news/285.jpg"><TR><TD ALIGN=CENTER><h1><font size="4" face="Arial" >

السلام عليكم ورحمة الله وبركاته
اسعد الله مساءكم بكل خير
شلونكم شخباركم إن شاء الله زينين وشلونك منــّـوعي < ------ خطر بنت حكيمة

تمارين اليوم غلب عليها الطابع الترفيهي حيث تم تقسيم الفريق الأساسي والذي شارك في مباراة الأمس " امحق مباراة " إلى فريقين يلعبون على أربعة بيبان صغيره وذلك في ربع الملعب وكان الغرض منه الترفيه أولاً والدقة في التصويب ولم يتجاوز هذا التمرين الــ45 دقيقة , اما المجموعة الرديفة والتي تتكون من الجابر والدوسري وخليل والمفرج والماس والعتيبي والحربي والصويلح والمسعري وتراروري وحسين العلي وخليل ....
حيث كانت تمارينهم عبارة عن تمارين تكتيكة " والله من زين هالتكتيك , من جانا هالعلة ماشفنا إلا 4/5/1 وصراحةً المفروض مايصير فيه تمارين ويقول للاعبين ياشباب الوعد ليلة المباراة والخطة نفسها مهيب متغيره" المهم ماعلينا من هالإديموس , نرجع لعيالنا واللي كانت تمارينهم اليوم ظهر عليهم الحماس وبالأخص سعد الدوسري اللي بــدّع اليوم إبداع منقطع النظير حيث تألق في هذه التمارين وكذلك في المناورة وسجل هدف بالراس عالمي حتى ان ابوعبدالله قاله "ماناقصك إلا ترفع يدك اليسار وتطلع ماجد عبدالله " وشكـّـل سعد الدوسري مع سامي الجابر ثنائي رائع ومتفاهم وخطير , وسامي ولله الحمد لازال يبذل جهده بشكل ملفت وعلى عكس بداية الموسم حيث يرغب الجابر بحجز موقع له في تشكيلة أديموس هو وسعد الدوسري ....
على العموم الأجواء بشكل عام تبشر بخير وهناك حماس من اللاعبين ماعدا ابوعلي " حسين العلي " اللي ماأدري وش جايه هالآدمي والله ماأدري وشلون يبي ييثب اسمه بالتشكيلة وهو رادن بالمدرب وسافهه ويلعب بدون نفس ...والله مايصير يابوعلي ترى ماانت اول واحد ولاآخر واحد يجمده اديموس .

على الطاير من نادي الهلال

($$$) محمد الشلهوب وعمر الغامدي ونواف التمياط وعبدالله الشيحان لم يشاركوا في تمرين اليوم حيث تواجدوا في غرفة التأهيل لشعورهم ببعض الآلام الطفيفة والتي لن تعيقهم بإذن الله عن المشاركة في المباراة القادمة .

($$$) اليوم كان الحضور الإداري ولم أشاهد أي عضو من اعضاء الإدارة بإستثناء العوين .

($$$) الجميع يكلم أديموس عن التشكيلة ولكنه مزلب بالجميع وراكبن راسه ....

($$$) أديموس لازم ينتبه لعبدالله سليمان لأنه صانع العاب من طراز خطير وأتمنى أني أشوف خالد عزيز يمسك عبدالله سليمان ....

($$$) لازم كل مرة يخبصها إديموس وإذا مانزل المفرج طيحنا بالعنزي وإذا مالعب العنزي جاب لك المسعري وإذا مالقى واحد منهم جاب ذياب مجرشي ...

($$$) كل الهلاليين كانوا فرحانين بطرد العنزي والوحداوين كانت ضايقه صدورهم من طرد المدافع الخامس واحتجوا على الحكم كثيراً ..

($$$) والله بديت اقتنع فعلاً بكلام الجماهير وهالجامبي سيفو شكل ماعنده ماعند جدتي , وكل ماشاف خالد عزيز سوى حركه قام يقلده بزعمه ان خالد عزيز عنده سالفه ... <br><br><br><font size="3" face="simplified arabic="#fef1bc"></marquee></TD></TR></TABLE></center><br><br><br>

[ALIGN=CENTER]فاصل إعلاني ونعود إليكم مع تحليل مباراة الهلال وسدوس[/ALIGN]
[ALIGN=CENTER]http://www.lahaonline.com/ads/Month_10_24/cover1.gif[/ALIGN]

<TABLE BORDER=1 WIDTH=100%;background-color:transparent;background-image:url(backgrounds Background="http://vb.alhilal.com/news/285.jpg"><TR><TD ALIGN=CENTER><h1><font size="4" face="Arial" >مباراة الأولمبي ضد سدوس
لـُـعبت اليوم عصراً مباراة ودية جمعت نادي الهلال ممثلاً بالفئة الأولمبية ونظيره سدوس بفئة الشيبان ,,,وكانت المباراة في شوطها عبارة عن عك كروي بكل ماتعنيه الكلمة ساعد على ذلك لاخطة الدفاعية التي كان يلعبها سدوس " والله اللي مصدقين " وأيضاً من أسباب برود الشوط الأول هو لعب حسين الحبشي بخطة 4/5/1 والله يابونواف شكله بدا يأثر عليك العلة وهذي مهيب عوايدك ...المهم ان الشوط الأول خلا من أي لمحات تذكر بإستثناء تألق كل من محمد عويضة وأحمد الجري وعمر السماعيل من الهلال والزهراني من سدوس اما بقية الشوط فهي طاخ طيخ وخيقي بيقي خذني يارفيقي ....
الشوط الثاني تحسن الأداء قليلاً وظهرت بعض اللمحات الفنية وشكل الموهوب عمر السماعيل في الهجوم تألقاً لافتاً فعلى الرغم من وجوده وحيداً إلا أنه كان مشاغباً وأثبت أنه موهبة هلالية قادمة بإذن الله ...بعد مرور عدة دقائق من الشوط الثاني تحصل الهلال على ضربة جزاء "مادري وشلون جت لأني قاعد اسولف " نفذها المطرف بشكل جيد لتستقر هدفاً هلالياً أول على يمين حارس سدوس ...بعدها بدقائق قام الكابتن حسين الحبشي بإجراء تبديل بإدخال وليد العامودي مكان صالح الحوطي وإدخال عبدالله غازي مكان احمد الجري وماجد الضويلع بدلاً من المتألق عمر السماعيل ...ليحصل الهلال بعد التغيير على هدف ثاني ومن جملة تكتيكة رائعة حيث استلم عبدالله المطرف كرة ومررها للمنطلق من جهة اليمين محمد النزهان ليعكسها بشكل مثالي لوليد العمودي والذي جلاها على طريقة عبدالله سليمان لتجد المتمركز ماجد الضويلع والذي لم يتوان في إيداعها هدفاً هلالياً ثانياً ...بعدها بدقائق يسجل سدوس هدفه الأول من هجمة عكسية لتجد فيصل ماادري وش باقي اسمه والذي وضعها أرضية على يمين الحارس احمد الجاسر , وفي الدقائق الأخيرة أشرك حسين الحبشي لاعباً يــُـقال أنه باكستاني وقدم مستوى لابأس به ليعلن الحكم بعدها نهاية المباراة بفوز هلالي متوسط بنتجية 2/1 .

نقاط من المباراة
($$$) مثل الهلال كل من علي جبلي ,محمد عويضة , ذياب مجرشي , احمد الجري , محمد النزهان , تركي الشايع , سلطان البرقان , صالح الحوطي , البريكي , عبدالله المطرف , عمر السماعيل .

($$$) دخل في الشوط الثاني كل من احمد الجاسر "حارس " ماجد الضويلع , وليد العمودي , مسواك مجرشي , عبدالله غازي , الأخ الباكستاني ...

($$$) شارك مع نادي سدوس اللاعب الهلالي السابق حسن نمشان وقدم مستوى لابأس به مع ناديه الجديد سدوس إلا أنه عابه الإنفعال ...وش دعوه يابوعلي ...

شكراً لكم وإن شاء الله مانكون قصرنا معكم <br><br><br><font size="3" face="simplified arabic="#fef1bc"></marquee></TD></TR></TABLE></center><br><br><br>