|
الى كل من هاجم المفرج ... هل ستهاجمون سليمان والعنزي الاخوة الاعزاء جماهير هلالنا الغالي السلام عليكم ورحمة الله وبركاته مبروك الفوز المهم اليوم ، الحمدلله على الــ 3 نقاط ، وعودة مهاجمنا المدفعجي عبدالله الجمعان الله يوفقه . اخطأ عبدالله سليمان وتسبب في هدف الوحدة وقبله كان المخطيء محمد الشلهوب اللي انقطعت منه الكورة وعادت علينا ، لكن سليمان تفلسف فيها وتسبب في الهدف الوحداوي ، وخطأه مثل خطأ المفرج مع النصر مايختلف ،وبعدها اخطأ ومرر الكورة لمهاجم الوحدة وارتدت علينا لكن الله ستر ، الفرق ان الهلال فاز اليوم ، ومع المفرج خسر ، اللي ابغى اوصل له انه ماحصل مع المفرج من بعض جماهيرنا العزيزه من هجوم عليه وهتاف ضده في مباراة الوحدات الاردني كان خطأ ، ولا نريده أن يتكرر مع عبدالله سليمان او المفرج او غيره والا بنلقى فريقنا بدون مدافعين لان الكل يخطيء . محمد العنزي ؟؟؟؟ أستغرب خشونته الغريبه قبل الكرت الاصفر ، وبعدها الفاول اللي ارتكبه وحصل على كرت مستحق ، ثم الطرد اللي كان ممكن الحكم ما يلجأ اليه ، وكل اخطائه مالها أي داعي ، يعني لاعب مثله ينتظر فرصة يشارك فيها المفروض يثبت نفسه موب يتفرغ للضرب (الله يهديه بس). أول مره الاحظ الهلال يحصل على خمس كروت صفراء غير الاحمر ومع فريق عادي ، وتقريبا أغلبها مستحقة وليست خطرة على الهلال وليست تحامل من الحكم ، وش تفسيرها ؟؟ هل هي عدم رضا من الاعبين على المدرب ؟ هدف الغامدي !!!!! تمريره رائعه وتسديده اروع. جاتو سيسيه حماس ومستوى مميز يصنع ويسجل ماشاء الله عليه. |
ظلموتوا المفرج وجعلتوة كانة خسرنا بطولة والعنزي والسلمان وأدموس أكثر خطا من المفرج ولاكن أقل أنتقاد |
يعني بتفهمني ان المفرج قبل نكبته مع البيشي كان فلته ... ياخوي من يوم يومه وهو نكبه ...... بس الواسطه لها دور ... اقول الله يعين بس ...... |
كل لاعب يخطئ خطأ فادح بحق الفريق يستحق مايأتيه من الجماهير.. خاصةً إذا كان المُـخطئ لاعب عديم الموهبه كالعنزي وأشباهه !! فعديم الموهبه حين يُـخطئ لاتنتظر منه التعويض لأنه لايمتلك الموهبه التي من خلالها يستطيع إصلاح خطأه الفادح !! فحين يخطأ لاعب كسامي أو نواف أو الدوخي فلن تتنتظر كثيرًا حتى تراه قد عوض خطأه .. لماذا ؟!! لأنــه يملك الموهبه الحقيقيه للاعب الكره .. إنها الموهبه ياساده هي من يحدد الفروق في عالم الكره بما في ذلك هتاف الجمهور !! ســــــلام ،،، |
من أول الموسم و اصواتنا ( بحّت ) من كثر ما نقول انه في لاعبين ما هم في مستوى الهلال المسعري و العنزي و المفرج و عبدالله سليمان و المطيري و الماس و من بداية الموسم و حتى الآن .. تثبت الايام ان جماهير الهلال على حق .. و الادارة و المدرب على خطأ باصرارهم على هؤلاء اللاعبين و نعيد و نزيد على هالاسماء .. ولا حياة لمن تنادي |
العنــزي والسليمان اخطأو اخطاء ماتجي ربع خطأ المفرج ، هذي حركة لاعب خبـــرة ياعبد الله سليمان لاعب 3 مرات في كاس العالم وتسوي هالحركة المفروض عالطول تشتتها هذي منطقة جزاء ماهوب نص الملعب ...انا ماتوقعت هالحركة تجي من لاعب عبد الله سليمان .... والعنزي انت معك كرت اصفر تجي وتسوي هالحركة وبغيــت تضيع فريقك .. ماقالو غير مبروك الفوز ، واللــه يعجل برحيـــل اديموووس ...!!! |
هلا اخوي mahbol :) إقتباس:
فيوجد فرق بين الضرب وبين اللعب الرجولي .. ومدرب اي فريق يعتمد على بعض اللاعبين الذين يجيدون اللعب الرجولي بالمباراة .. وتجد ان لديه أكثر من لاعب لأداء هذه المهمة يستخدم أحدهم بالمباراة لقطع الكرة قبل وصولها لمنطقة الخطورة او للمرمى .. وعلى فكرة هذي ميزة لايجيدها كل اللاعبين .. ويرى أديموس ان العنزي يجيدها باتقان فهو مدرب الفريق وهو الأدري بلاعبيه .. وبالفعل محمد العنزي يبدع دائماً بقطع الكور من منتصف الملعب ومنها أتى هدف الهلال الاول اليوم .. كما انه يساند الهجوم . وعلى فكرة .. تراه كان لاعب راس حربة .. ويلعب فيه أديموس بخانة رأس الحربة المتأخر .. يعني يستفيد منه بمهمتين .. مهمة دفاعية ومهمة هجومية لأن لياقتة عالية :) مشكلة محمد العنزي اليوم تتلخص بالجمهور وبحكم المباراة .. من جهة الجمهور فكما هو معروف وكما نقرأ بأنه ناقم على العنزي وعلى أديموس .. ونقمته على العنزي لأنه لاعب بنظرهم غير مهاري ومايسجل أهداف .. وبأن من صنعه أديموس المدرب المغضوب عليه .. فأخذ الجمهور يستاء بكل كرة يلمسها .. او كل كرة تقطع منه .. وحكم المباراة بالطبع فاشل وبدأ يخنبق ومالقى بوجهه علشان يفتك من غضب الجمهور الا طرد العنزي علشان يفتك [ ذهين هالحكم :mad: ] والدليل على فشله احتسابه للأخطاء بمجرد سقوط اي لاعب وبمجرد وجود اي احتكاك وكأنه يبغاها تصير مباراة كرة طائرة .. وفعلاً أخذ العنزي البطاقة الصفراء الاولى بإحتكاك عادي .. وتبعه بالثانية بلمسة يد وطرده وصفق له جمهور الهلال !!!!!!!!!! حقيقة لا اعتب على المدرب ولا على الحكم .. وانما العتب على الجمهور .. تخيل بالله لو انت تلعب لو بحواري والجمهور يصيح عليك بكل كورة :( طبيعي واذا ماعندك خبرة راح يتشتت فكرك وماتركز ويمكن تقضب اقرب باب للملعب وتقول لابوكم لابو مباراتكم :D آسف للاطالة .. وكان ودي اكتب أكثر لأني من جد احس بالغبن من بعض تصرفات الجمهور .. واعتبره هو السبب بكل مايحدث والادارة والمدرب مالهم دخل بما يحصل :mad: لاعبين الهجوم ويضيعون اهداف .. ولاعبين الدفاع بحجم الدوخي وسليمان والمفرج ولاعبين نجوم بحجم التمياط والشلهوب يحرجون الدفاع ويتسببون باهداف وتلقاهم ينتقمون بطريقتهم من بعض لاعبين فقط ومن المدرب ومن الادارة !!!!! |
هلا ... لا بد من عودة المتمكن خليل فهو لاعب خبره وناضج ... ومتفاهم مع شريده ودعيع ... اما سليمان غلطته ماتترقع ... من ابجديات اللاعب المدافع ابعاد الكره ولكن ..! تحياتي لك وللجميع ... سلام. |
كلامك حلو وعين العقل لكن المفرج يضر بالهلال لانه باختصار فيه بطء يسبب نكبه !!!! المدافع البطيء غير مطلوب في كل الفرق استثني من ذلك عبدالله الشريده لانه يملك ثقه وقوه جسميه وحسن تغطيه مثله مثل خالد بدره تحياتي لك |
يا اخي حرام عليك المفرج من يوم عرفتة وهو نكبة عبدالله سليمان غلطة الشاطر بعشره والعنزي توه صغيرر يحتاج لخبره المفرج اقعد واستريح انتهي دورك من زماااااااااااااااااااااااااااااااااااااااااااااااااااااااان |
| الوقت المعتمد في المنتدى بتوقيت جرينتش +3.
الوقت الان » 04:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd