مرحبا أخوتي ..
بكل صراحه شي غريب اللي يحصل بشبكة الزعيم ..
مع إحترامي الشديد للإداره فيها و لجميع المشرفين ..
لكن للأسف قلبتوا المنتدى إلى ساحة معركة و أنتم للأسف من يقودها ..
أنا معكم الكثير يخطون على المصيبيح و لازم نوقف هاللي يصير
بس مو بإسلوب تصير نص مواضيعكم و تواقيعكم كلها عن المصيبيح
و للأسف صار الدفاع عن المصيبيح همكم الوحيد و لا يهمكم من يتعرض لباقي أعضاء الشرف من مؤسس النادي و رئيسه الذهبي ..
للكل أخطائه و لكن لا يكون الدفاع عن المصيبيح بإيضاح أخطاء البقية ..
كلنا هلاليون و كلنا أخوه و للأسف أول من يقود حملة تفريق الهلاليين هم أنتم يا إداريين المنتديات ..
للأسف فعلاً أن نجد مشرفين هذا المنتدى يوافقون و يؤيدون حين يرون إنتقاد لرموز الهلال و رجاله ،، و السبب برأيهم حرية الرأي ..
و حين نجد الكلام عن المصيبيح نجد الدفاع بشكل غريب و أنا لا أنكر إنجازات المصيبيح و لا أيضاً موافق على ما يتعرض له ..
و لكن أن يكون الدفاع عن المصيبيح بالسماح للتعرض لباقي رموز الهلال لا و ألف لا ..
--------------------------------------------------
أما بخصوص موضوعك يا قاهرهم يا سامي ..
فللأسف أثبت أنت أيضاً أنك من هواة زرع الفتن ..
و لا شدخل موضوع الجماهير و التذاكر بالكاتب الهلالي صالح الهويريني ..
| إقتباس | | | | | | | | |
فكرت مرة ومرتين وثلاث ..
معقول ان الهويريني في اتصال ( ظهرية ) استطاع التأثير؟؟ .. وصناعة قرار عجزت عنه ( الجريدة ) باكمالها مدة 3 سنوات !!!
ممكن والله ..
و اذا كان كذلك .. مع اني اشك ..
اتمنى ان لا يبخل الهويريني علينا نحن جماهير الهلال باتصال اخر ولكن يخصصه هذه المرة لمدرب الفريق اد ديموس ...
تكفى يابو يوسف .. غير المدرب | | | | | |
ممكن أعرف وش المطلوب و لا وش الفائده أصلاً من هاللي كتبته ..؟؟؟؟ ;)
يعني تبي تقول إن صالح مو كاتب كبير ..؟؟
يا أخي الكاتب هذا من كبار كتاب الهلال و لولا ذلك ما استشاره الأمير عبدالله بن مساعد ..
و بعدين قبل تتكلم على خلق الله ارفع السماعه و اتصل بالرئيس و قل له أنت كلمته فعلاً أو لا ..
و يا ليت تسويها و تجيب التسجيل الصوتي عشان تعرف إن الله حق ..
و الرجال ما قال شي
قال أعتقد و أظن و أتوقع
يعني ما قال صار
و لا تدورون أي شيء بس على الناس عشان تقولون إنكم أنتم الهلاليين و هم لا ..
يا أخي كلنا هلاليين و كلنا نحب الهلال ..
يا ليت ثاني مره قبل تكتب موضوع تشوف هل لموضوعك اللي راح تكتبه أي فائده ...؟؟؟
و اللي أعرفه إنه حتى صغار الكتاب يشوفون هل في مواضيعهم فائده قبل كتابتها أو لا .. و على ضوء هذا الشيء يطرحون آرائهم أو يصمتون ..
أتمنى إنك تكون قد مسؤولية الجماهير اللي وثقت بقلمك و تكون قدوة للجميع