قصه في الكتاب المستعمل
 

[ALIGN=CENTER]أكثركم يعرف محلات الكتب المستعمله اللي في الرياض .. طيب تعرفون ذاك اللي وانت رايح لـ........... يجيك على اليمين ؟
اقصد مكتبة الكتاب المستعمل اللي لوحتها ........ ياشيخ , اللي على طريق .....
ياخي عسى عمرك ما عرفتها (واحد معصب )
المهم السالفه ان المكتبه ذي تبيع الكتب رخيصه !! ونص القيمه تاخذها من الـ......
حق الكتاب المستعمل ,
واذا تعاملت معه وقلت له مثلا انك بترجعه له يعطيك خصم اضافي ,

المهم ابقولكم قصه صارت لي مع كتاب شريته من محل الكتاب المستعمل . شريت لي كتاب وكان عندي اختبار له في اليوم الثاني(هذي طريقتي في الأختبارات) المهم فتحت الكتاب اول مرة اشوف بس ابي اعرف ايش يتكلم عنه هالمقرر .. يعني صراحه فشيله احمل ماده توني مسوي عمليه قيصريه لمادتين بحب خشوم الدكاتره .
فتحت الصفحه البيضاء اللي بعد الغلاف لقيتها مكتوبه بقلم حبر ناشف واضح انه مكروف لين قال امين , المهم الكتاب طلع لبنت قبل ما تبيعه (يا عمري توها زانت المذاكره ) انواع المراهقه – والغريب انها كاتبه الكلام هذا
( انا ادري انك اول ما تقرا الورقه ذي بتنهبل بس خلني اقولك شي ... انا مثلك في الكليه ومقهوره لما كتبت هالكلام من القهر وعندي احساس انك بتقدر ظروفي كونك مثلي عايش نفس الأجواء الحين ) وقامت تسب في دكتوره اسمها ....... !! وبعد ماشبعت من سبها قالت ( وعموما فرصه سعيده اني تعرفت عليك واشكرك على قراءة كلماتي بس والله ما كتبتها الا من الطفش – عموما – انا فضوليه شوي .. ممكن بعد ما تخلص من الكتاب تكتب لي على الوجه الثاني ردك لي ورجعه وانا ابقرا ردك وان شاء الله اني ابرجع وابشتريه مرة ثانية علشان اشوف ردك في تاريخ كذا وكذا )
المهم طالعت في التاريخ لقيته بكرا !! ياساتر وش اسوي طيب انا ما ذاكرت .. وش ذا الحظ المهم اني خقيت (يعني رحت وطي )
وقررت اني اكتب لها الرد وارجعه وحنا الحين كنا المغرب قلت يعني يمديني اكتب لها رد .. وارجعه قبل ما يسكر ...
ضبطت لها رد محترم وقلت لها ترى ابشتريه بعد اسبوع ورحت ارجعه وانا في الطريق قلت يا ولد من كثر فلوسك انت صور الفصول الدراسيه المطلوبه وذاكر فيها ورجعه وقل انه ما ناسب ,
جيت لل..... وحبيب الرجال ما خالف وقالي (خته على الدروج ) حطه على الدرج للي ما معهم لغات .. قلت له ابشر ورحت
ختيته نفس المكان الي اخذته منه ..
بعد اليوم الثاني بالليل جيت لقيته مشتري سئلت ال.... الكتاب اللي اشتريته منك امس وينه ؟
قال امبارح اجت بنت وشالته !!
نطيت على ال..... من الفرحه وبغيت ابوسه بس ربكم ستر .. رجع لي عقلي في اخر لحظه ..
المهم اخذت انا واياها الله لا يقردنا ثلاث شهور واحنا شارين الكتاب بايعين الكتاب والمستفيد ال....... حق الكتاب المستعمل .. لا وبعد صار ما يحطه الا فوق الدرج ... خلاص فهم علينا وصار يخليه عند الطاوله ويسلمه لي او لها اول ما نجي واديله عشرين على السريع

مرررت الأيام وجيت مرة قلت لل... وين الكتاب ؟ قال (ما ادري امبارح اجا راجل اخذ الكتاب ) قلت يا ابن الحلال قل غير هالكلام الكتاب قديم ومعفن واوراقه نصه كتابات قال (آآآآآآي عليك الله اخذوه الزول الكتاب الأصفر !!)
المهم طلعت وركبت السيارة ويوم وصلت الأشارة قلت لحضه يا ولد ال...... يقول الكتاب الأصفر ياخي الكتاب احمر اصلا مو اصفر المهم ديورت بسرعه ودخلت المحل بسرعه تتوقعون وش شفت ؟؟؟؟؟؟

لقيت ال...... ماسك كتابي الأحمر وقاعد يكتب الرساله اللي انتظرها في صفحه من الصفحات !!!!!!!!!

كتبها الجبلالأخضر

[/ALIGN]

يا اخوان ما احد شجعني
ابي لو واحد يقول رايه

قل لو كذب ;)

اريد تشجيع الكتابة

الجبل الأخضر

/مـــا يحتاج تشجـيع أنت مبدع ويكفي التوقيع الغريب ذيأ .