المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى الإتصالات
   

منتدى الإتصالات متخصص بأجهزة Nokia و apple و blackberry و Samsung وآخر ما وصلت إليه تقنية الإتصالات

 
   
 
LinkBack أدوات الموضوع طريقة عرض الموضوع
  #1  
قديم 22/01/2004, 06:04 AM
زعيــم متواصــل
تاريخ التسجيل: 30/12/2003
مشاركات: 130
Unhappy هـــمـــوم الـبـنـات


هموم البنات

مثال ( 1 ) : قايمة البنية من الصبح ... او ما رقدت عدل طول الليل ... خايفة على شعرها يخترب ... سيدة حق التلفون الو فطوم ... حلمت انه حمود راح مادري وين او مادري شسوه او يحب مادري مين .......... الخ


مثال ( 2 ) : البنت 1 : تعالي رقدي بيتنا اليوم ..
البنت 2 : لا الليلة لازم اقعد اونلاين .. صار لي ليلتين ما قعدت !!!


مثال ( 3 ) : اقص شعري .. لا لا باطوله .. لا باقصه احسن .. لا باقطعه من جدام .. بس .. لا باهده هلون احسن .. بس الناس يقولون لي القصير احلى عليج .. امي تقولي طوليه احسن .. حبيبي ما يحب لا طويل و لا قصير .. في الوسط .. احسن شي باقرع !!!


مثال ( 4 ) : اوهو .. عبود شافني في العدلية .. الحين شبيقول عني .. ما تستحي على ويها .. او بيطلع عليي حجي .. او سمعتي بتطيح !!! ( او اهوه حتى ما شافها !!!!!!!! )


مثال ( 5 ) : السيارة العدلة في الكراج .. مافي الا الحزرة .. شاسوي ؟؟ مــــــامــــــا .. اخذي الحزرة او عطيني سيارتج !!


مثال ( 6 ) : بــــــــيــــــه .. ظفري انكسر .. شاسوي .. الحين لازم اقصهم كلهم .. لالالالالا .. اشبيقولون عني الاوادم .. ما عندها اظافر !!!


مثال ( 7 ) : النتايج باجر .. انشاء الله انجح .. انشاء الله معدلي يرتفع .. انا متاكدة بارسب في المحاسبة و الرياضيات .. و التسويق بعد .. او بينزل المعدل .. ( او تاخذ الشهادة .. ناجحة في كل المواد و المعدل مرتفع .. وسواااااااااااس !!! )


مثال ( 8 ) : وايد عندي شغل .. ما عندي وقت احك راسي .. بس لازم اروح الحين .. المكسي اللي وصيت قدور يسويه بيبرز اليوم !!!


مثال ( 9 ) : تمشي في السيف .. اكتشفت ان زرار واحد من قميصها طاح .. لالالالالالالالا .. ســــــيده الحمام .. دبووووس؟؟ مافي .. مشباص؟؟ .. مافي .. ما ينفع .. الحمدلله عندها شنطة .. تغطي فيها صوب الزرار ليما توصل لي السيارة ... ( لاحظو انه زرار واحد من قميص فيه الف زرار غير !!! )



مثال ( 10 ) : امبطله كبتها .. متروووووس ثياب .. شالبس ؟؟ .. ما عندي ثياب .. هاذي لابسته ذيج الاربعاء او هاذي شافوه عليي في الجامعة .. او ذي غسلته او قفظ .. بس مب طالعة !!!


مثال ( 11 ) : والله احنا يايين نخطب بنتكم حق ولدنا .. اتعرف تطبخ ؟؟ لالا !! تكوي ؟؟ لالا !! تنظف ؟؟ لالا !! تغسل ؟؟ لالا !! شتعرف عيل ؟؟ تبلع او ترقد ؟؟!! او لا تنسين الهياته !!!!!!!


مثال ( 12 ) : هلا عبور .. شلونج ؟؟ شخبارج ؟؟ ها مافي رنات يديدة ؟؟ مافي مسجات يديدة وصلت لج ذاك اليوم اللي طرشت لج فيه ؟؟ ( او هاذي سوالفهم !!! )


مثال ( 13 ) : ( في السيارة يدورون ) .. يله قولوا وين نروح .. فدز ؟؟ لا مال اول .. شيليز ؟؟ لا مافي صبيان وايد !! ستار بكس ؟؟ اييييييييي زحمة الحين !!!!!


مثال ( 14 ) : مريوم .. بتحضرين الصف اليوم ؟؟ انزين عيل اخذي ملاحظات لنا .. باطلع اتغدى ويا البنات !!!


مثال ( 15 ) : البنت 1 : ها نورو بتيين البركة باجر ؟؟
البنت 2 : مصخنة او راسي يدور او جبدي تلوع .. بس لازم ايي .. لازم اصير تان !!!


مثال ( 16 ) : البنت 1 : بتروحين عرس بيت العوضي ؟؟
البنت 2 : لا ماشتهي عرس مطاوعة .. باروح عرس بيت كانو .. اختلاط !!!!


مثال ( 17 ) : ( في جدحفص ) .. خاتوووون بتجين بيتنا اليوم ؟؟ اخوييه يحبش .. قايل لييا ان ما جبتين رفيقتش باضربش بالزنوبة !!!!!




مقتبسه من منتديات طرب
  #2  
قديم 22/01/2004, 03:45 PM
زعيــم متواصــل
تاريخ التسجيل: 02/11/2003
المكان: الامارات العربية المتحدة
مشاركات: 167
والله ضحك مشكور اخوي على الموضوع الرائع
  #3  
قديم 23/01/2004, 06:13 PM
زعيــم فعــال
تاريخ التسجيل: 26/08/2003
المكان: الرياض
مشاركات: 209
هههههههههههههههههههه

الله يكون بعونهم انشاء الله
  #4  
قديم 28/01/2004, 07:06 PM
زعيــم جديــد
تاريخ التسجيل: 17/01/2004
المكان: syria
مشاركات: 28
كيفك أخوي حماده >> يعطيك العافية على الموضوع

تحياتي : أخوك الماحي
  #5  
قديم 28/01/2004, 07:17 PM
تقني مميز
تاريخ التسجيل: 20/05/2003
المكان: ربوع بلادي !
مشاركات: 4,409
اخوي الف شكر

بس لو كان في المجلس العام كان احسن
  #6  
قديم 09/02/2004, 03:29 PM
زعيــم نشيــط
تاريخ التسجيل: 20/05/2003
مشاركات: 625
مشكور و على ما قال اخوي ديك الجن

بس حلللللللللوه
   

 


قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:47 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube