أنتهت قبل قليل مباراة الزعيم مع الوحدات...
والحمد لله على الفوز
لكن والله من المحزن أن نرى جمهور الهلال يصرخ ضد اللاعب فهد المفرج كلما استلم الكرة..
واستمر هذا طوال المباراة..
لم نعهد من قبل هذا التصرف من جمهور الهلال..
وهذا يبين بجلاء هشاشة هذه العقلية وإن كانت قليلة في جمهور الزعيم لكنه مؤشر ينبأ عن عدم تغليب المصلحة العامة للفريق،
كيف تتعب نفسك أيها المشجع وتذهب للمبارة ثم تهتف ضد فريقك؟؟!!
ربما تقول إني هتفت ضد (( المفرج)) نقول أيضا هذه طامة أخرى،،
مع تحياتي للجميع وللزعيم بالتوفيق

العيب مب الفرج العيب الي حاطة أدموس

المشكلة ان بعض الناس مايشوفون اللاعب الا بعين السلبية ... ويجمعون اخطاءه ويكنزونها ويخلون من الحبه قبه .. حتى ولو كانت ايجابيااته كثيرة ومهمه للفريق ..

ويكفي اخلاصه وحماسه اللي في الملعب ..

اصلا خطأ يشارك المفرج
المفروظ الجري

لا تلوم الجمهور

ياخي عانين خمسين كيلو وبعضهم اكثر

في هالبرد

واخرتها تشكيله غريبه ومستوى داااااج

ولعيبه باردين


يا جماعه المفرج

يمكن يكون اي شئ الا انه يكون لاعب كرة قدم

ما يملك مهاااااااره والمهاره هي العمود الفقري للاعب

يجي بعدها اللياقه والانظباط والاخلاق اللي متميز فيها المفرج

لكنها ما تكفي بدون مهاره الا ما تسوي شي

السلام عليكم ورحمة الله وبركاته

اخوي ملعب الصايغ <<<<<<<< يا قدمك

أولاً..احييك على هذه الروح والعقليه الواعيه...

رغم تحفظي الشديد على المفرج...ورغم اقتناعي من زماااااااااااان أن المفرج ثقييييل
ولا يصلح لمركز قلب الدفاع...لكن أتفق معك بأن الللي كانو يصرخون ضده هم اصحاب
نظره قاصره...ولا يهمهم المصلحه العامه...ولكن عزائنا الوحيد أنهم إن شاء الله لا يمثلون
الا القله من الجمهور الهلالي..

بعض الجمهور الجاهل ينسون أن المفرج ما راح يخالف المدرب إذا حطه في التشكيله!! مثله
مثل أي لاعب...يعني هل يعقل ان المفرج يرفض المشاركه وهي امنية أي لاعب سواء المفرج
أو غيره!!!

شكراً لك

بعد التحية والاحترام :

أخواني الأعزاء :

مع فائق إحترامي للمفرج ولكن الزعيم يحتاج لمدافع صلب لكي يحمي عرين الهلال .....

إقتباس إقتباس من مشاركة هلالوبي 10 المفرج سرطان في جسم الهلال يجب استئصاله

وأخيراً أقد م إعتذاري للمفرج ولكن المميزات والعيوب واااااااضحه ...الكلام مفهوم ...

وتركونا من المجاملات ,,,,, ولاتنسون المدرب والنعم

أخوكم : بريمه

إقتباس إقتباس من مشاركة هلالوبي 10 المفرج سرطان في جسم الهلال يجب استئصاله

و انت سرطان في الجمهور الهلالي يجب أستئصاله

اخواني

خلونا من الالفاظ هذي وخل نرتقي شوي

المفرج في نظري لاعب اقل من الهلال ولا يستحق تمثيله بس فضيحه وتعصب ومرض اني اهتف ضده في مباراة لانه ببساطة يمثل الهلال ويمكن تاثير الجمهور عليه يسبب هدف في مرمى الهلال

يا اخوان اذا مو علشان فهد عشان الهلال وعشان صورتكم يا جمهور

والله كارثة وفضيحة قدام الجماهير الثانية.

إقتباس إقتباس من مشاركة رموز الهلال اخواني خلونا من الالفاظ هذي وخل نرتقي شوي فضيحه وتعصب ومرض اني اهتف ضده في مباراة لانه ببساطة يمثل الهلال ويمكن تاثير الجمهور عليه يسبب هدف في مرمى الهلال يا اخوان اذا مو علشان فهد عشان الهلال وعشان صورتكم يا جمهور والله كارثة وفضيحة قدام الجماهير الثانية.

هذا الكلام السليم

بصراحه ياشباب كونو واقعيين ...المفرج لاعب ثقيييييييييل وبطيييييييء وضعيف في الالتحام وسييييء في التغطية ......ولايستخدم قدمه اليمنى أبدآآآآآآآآآآآآآآآآآآآآ ..أتحداكم تذكرون لو مره واحده شتت المفرج أو قطع كرة بقدمه اليمنى ...أو على الأقل ثبت وركككد الكرة فيها ...هذا أولا ...وثانيا أنا ما أكره المفرج لكنه بصرااااااحه لاعب برررررحه ...وأحيانا يكون طريق سريع للمهاجمين لكي يصلو للمرمى الهلالي ....وهو المدافع الذي يعتبر حـــــــــــــــــــــــــــــامل التباشير والأفراح للخصوم.......البيشي يعرف يعدي من أحد ...المهلل سسسسسححححبه عام 1418 ..لكن المهلل دولي وهداف عادي يعني ...جاري القرني سسسحبه ...قلنا معليش غلطة تفوت ولا حد يموووت ....لكن البيشي ...مانقدر نبلعها خلاااااص حثثثثثلت ...فكونا منه ...وين الشريدة ...خليل...المطيري...عبدالله غازي ....فرانك سجججلوه بدل تراوري ...حنا عندنا تخمة في الهجوم وطريقتهم مشابه للعب تراوري وكذلك في طووووله يعني الرأس نفس الشيء ..مثل الصويلح والشيحان والخراشي ...لكن فرانك ماعندنا مدافع ثقه وشاب وماهر في التغطية الدفاعية مثله غير ثلاثة ..شريدة وسليمان وخليل ...أما المفرج ....فأنتم أدرى؟؟؟؟

إقتباس من مشاركة هلالوبي 10

المفرج سرطان في جسم الهلال يجب استئصاله


عز الله انك صادق قسم بالله اذا كان في راس جدتي كوره ان فهد المفرج

لاعب

والله اللاعب ماقصر وقاعد يقدم (((الي يقدرعلية))) يعني مو مشكلته يلعب ولا مايلعب الرجال انحط في الملعب راح يعطي كل ماعنده يعني مايلام

لكن الملامه على ماكان يشرف على اشبال وناشئى وشباب الهلال يعني بالله عليكم بعد اعتزال الاسطورة صالح النعيمة مابرز ولا مدافع هلالي علية القيمه

والله كبيرررررررررررررررره بحق الزعيم

[ALIGN=CENTER]تبون الصراحه

الي هتفو ضد المفرج

مالهم حق ابد

صدق الاعب مو مقدم مستوى يرضي طموحنا

لكن ما توصل لهدرجه

وآلف مبروك الفوز [/ALIGN]