بسم الله الرحمن الرحيم

مرحبا بعشاق الازرق والله مالي وجه اقابل الشباب بسبب الخسارة لكن مو مشكلة نجي هن نقول اللي في خاطرنا ونمشي .

من يذكر تشكيلة مباراتنا مع النصر كيف كانت ؟

طبعا الخطة 4 5 1 مثل ما شفت طريقة اللعب

يوم شفت المباراة طبعا من الشوط الثاني شفتها والسبب انني كنت اتخبط من قناة لقناة ادور المباراه
نهايتي شفتها في القهوة .

طبعا الحراسة الدعيع وهذا كان احسن شيء سواه المدرب

الدفاع الدوخي سليمان المفرج الخثران

القلوب من الرديف والظهير الايسر اصلا ارتكاز
مافي تعليق على التكتيك اللي مافي احلى طيب وين المطيري وين الجري وين النزهان

الوسط سيسيه الغامدي الحربي خلف المهاجمين عزيز نواف

الهجوم العقيم الابله تراوري اللي كان الجمهور الهلالي يطالب فيه من زمان

هذا تراوري جانا وجاب النحس معاه الله يرجعه وين العلي وين الصويلح ليه ما ينزله اساسي وهو يعرف انه هداف متمكن

وتقولون لا تلوموا المدرب طيب وقت التبديل ينزل سامي ويطلع نواف ليه من بيدعم سامي

ينزل الصويلح المفروض بدل الابله تراوري لكن تكلم من؟



الله يفكنا من بلاهات المدرب