بعد هدوء العاصفة وتنفيس الصدور الغاضبة بعد الهزيمة مباشرة تعالو كهلاليين نحب فريقنا نجلس بهدوء ونفكر بهدوء وخلونا ننسى اي قضايا جانبية واي خلافات في الراي ونحاول نكتب شي يبني او يمكن يبني على الاقل.

خلو ننسى موضوع اجتماع اعضاء الشرف شوي لان ما بيدينا شي كجمهور الا الدعاء بالتوفيق للهلال.

موضوعي عن خط الدفاع الهلالي (قلوب الدفاع) وحاله اللي لا يسر ابدا مهما اختلفت الاسماء.

ارجو محد يقولي حنا اقوى خط دفاع بالارقام وحنا وحنا... تعالو نشوف واقع الدفاع ونفكر بالمستقبل والمشاركات القوية عربيا واسيويا.

بصراحة الاسماء الموجودة تعاني من البطء والشيخوخة دون استثناء.

شوفوا اعمار مدافعينا(سليمان وخليل والشريدة) وشوفو ضعف مستوى (المفرج والمطيري) لتعرفو ان مستقبل هذا الخط مخيف جدا جدا

اتمنى ان ارى مقترحاتكم بوضع حلول مؤقتة وحلول للمستقبل. وسابدأ بتقديم اقتراحاتي المتواضعة.

1- حلول مؤقتة:

ان يلعب افضل السيئين هذا الموسم (سليمان وشريدة) مع محاولة تجربة سيفو في هذا الخط لانه اصلا مدافع سنتر وليس محور زي ما اشيع والدليل شوفو موقع ناديه البلجيكي كي ار سي جنك اللي يقول انه مدافع

[ALIGN=CENTER]soley syfo -defence-[/ALIGN]
وبرضو نحاول ندعم قلب الدفاع بلاعب شاب زي زكريا الهداف لاعب المنتخب وسمعت ان هناك مفازضات معه من عضو شرف هلالي.

2- حلول للمستقبل:

بصراحة حتى الفريق الاولمبي ما فيه سنتر يملى العين والدليل تدعيمه بفرانك . وحتى محمد عويضة مستواه وجسمه متوسط ولا يقارن مثلا ببداية المطيري في الناشئين ورغم كذا ما ثبت نفسه في الفريق الاول، ولذلك ما اشوف مواهب في خط الدفاع في الاولمبي يمكن الاعتماد عليهاللمستقبل .

ومن اعتزال النعيمة ما برز مدافع من الفرق السنية عليه الكلام، والدليل (شريدة ، سليمان، خليل) كلهم من خارج الهلال، وحتى زمان(البيشي من النخيل، والنيفاوي من الوحدة).

لذلك المفروض نتبع سياسة اللاعب الجاهز صغير السن من الفرق الثانية لتدعيم خط الدفاع الهلالي زي ما سوينا في الهجوم(العنبر والصويلح) والحراسة(الغامدي حارس النخيل). فما رأيكم؟؟؟


تحياتي لجميع الهلاليين.