|
لي الشرف بأن يكون هذا السؤال أبيخ سؤال مر على المنتدى..(مع احترامي للجميع)!!! :Dالموضوع حلو هاااااااا!!! يا أخوان أنا راح أحظر بأن واحد أحد مباراة الهلال والنثر يوم الأربعاء بعد بكره... ((((والله لا يعقب شر))))) رايح رايح.. المهم سؤالي,,, إذا كنت جاي من الخط السريع القصيم /الرياض...أوكي.. ودخلت الرياض ..أبي أقرب طريق يودي لاستاد الملك فهد...((قصدي ماله داعي أن أدخل وسط الرياض ثم أروووووح للاستاد الي بعد قريح))... يعني أنا سمعت أن فيه مخرج أول ما أدخل الرياض ألف من عنده ثم.......(ما ادري) أرجوا من الأخوان أهل الرياض أنهم يعطوني وصف ممل جداد جدا... علشان يا أخوان تعرفون الواحد لو يدخل من لفه بس يمكن يطلع على قارة استراليا((ماشاء الله)) على كبر الرياض:D يعني أبي يقول..إذا جاء يوصف.: تدخل من أول لفه يمين ثم تجي أشرة لف يسار و ...ألخ (أي هذا التوصيف الممل) لأني وأخيرا راح أحضر مباراة الهلال بالرياض وأورييييييييكم التشجيع ((الأوروبي)) _________________________________________ وبالنسبة أن قريت أنه ماراح يلعبون الدوليين...صحيح؟ تكفون لا يكون صحيح.. أبي خبر 100% لكن أنا الي أشوفهع أنهم راح يريحون اليوم بالدمام ويبقى يومين... على المباراة خاصة وإذا عرفنا أنهم يوميا يتمرنون؟؟؟؟؟؟ والله يعطيكم العافية كلكم .. يا حبيلكم بعد يا جماهير الزعيم يا حبيلكم... وعلى المثل القصمنجي... يا بعدي والله يا جمهور الزعيم (((يا بيي)):D:D:D |
اسمحولحي ما لي حيل أحرر الموضوع(((عجاز)) لكن أبضيف... لا مانع من استخدام الوورد أو المذكرة لكتابة التوصيف قبل ما تتصل بالنت(((يعني أبي ممل لأني راح ~أطبعه) |
هلا.... كفو والله.... اذا جيت بيجيك مخرج طريق الدمام مكتوب على اللوحة تمسك الخدمة وتلف يسار....تصير الحين على طريق الدمام وابتل ولا يردك الا الاستاد.... اسف ممكن يكون الوصف داج شوب:( لكن اللوحات بتوضح لك اذا جتك لوحة طريق الدمام امسك الخدمة وخذ يسار ومثل ماقلت تبتل اليييين يجيك الاستاد واضح... |
اذا جيت من طريق القصيم بتجيك لوحه على يمينك تقول الدمام يمين اطلع منها وبيلفبك الخط وماتدري الا انك ماسك طريق الدمام متجه الى الشرق وامش لين تجيك محطه فيها كوفي شوب(محل قهوه) وفيها صراف الراجحي ==) قصدي المحطة انزل من المخرج وبتشوف الشلال==)مقهى اذا انت راعي معسل على يسارك بتجيك اشاره لف من عندها يمين طبعا اسم الشارع بيكون شارع الشيخ جابر وانت اتجاهك بيكون للجنوب امش اشارتين ثم بيجيك الاستاذ على يسارك لبق وانزل واشتر حب وادخل الملعب طبعا المدرجات اللي على اليسار تك فيها لين تبدا المباراة وشف اهداف الهلال اللي بتوسع صدرك واذا خلصت المباراة دق علي اوصف لك الرجعه |
إقتباس:
لا تنسى العلم s13s s13s s13s s13s s13s s13s |
خلاص اخوي الوصف وجاك يالله الهمة والتشجيع يالاوروبي ..:):) تحياتي .... |
اقول مر علي بطريقك انا بالدمام :D :D :D امزح معاك اقولك احسن واقرب طريق يوديك للاستاد على طول خذ الوصف الدقيق مع تحيات : خريطة مدينة الرياض:D :D :D |
[HR]المعذرة أخوي طارق... كل الي فهمتوا من كلامك .. أني إذا دخلت الرياض... أمسك يمين (لمخرج الدمام)... وألف من عنده (واستمر إلين أوصل الاستاد) بس... لكن أي اشاة تقصد...؟ أتمنى تعطيني وصف حلو من دون معسلات:D:D:D أبي وصف دقيق من دون لف ودوران.... يعني مثل ... ادخل الرياض ...امسك يمين... لمخرج الدمام... ثم....ألخ أتمنى منكم تعطوني وصف من دون غموض.... ;) (لكن أخوي طارق... ما قصرت) وإن كان عندك توصيف أحلى من هذا أنتظر اليوم.. قبل الساعة 12 .. لكن لا تنسون يا أخوان إني من الملعب (بعد انتهاء المباراة) للقصيم على طوووووول يعني ابي طريق مختصر للرجعة ((لا تتركونن)):smilewink:smilewink |
جوار كبري الفحصصصصصصصصص |
وانت بطريق القصيم الرياض السريع .. كبس ولا أشر .. لأحد اللي يمرون من عندك .. وقله : (( وين أقرب طريدز "طريق" للأستاد يابيي )) :) "" لاتزعل تراني قصمنجي مثلك "" |
إقتباس:
أنا أشهد إنك ولد،التوصيف يبي يفهمه الدلخ وإنشاء الله جميعكم أذكياء دمتم في حفظ الله ورعايته |
اذا وصلت الرياض بيجيك الدائري الشمالي او اللي نسمية طريق الشرقية امسك هالطريق اتجاه شرق طبعا الين توصل الكوبري الفحص الدوري وبتجيك لوحة مكتوب عليها الفحص الدوري يسار واستاد الملك فهد يمين واصلا بتشوف نور الاستاد بدون ما احد يوصف لك اذا مسكت طريق الشرقية:) |
[ALIGN=CENTER]http://alshooog./dasfrr74487.jpg[/ALIGN] [ALIGN=CENTER]خذ هالخريطه واقرأ الكلام اللي في الرد اللي تحت :laugh:[/ALIGN] |
سلام عليكم) اسمع انا ابوصف لك وصف دقيق وانت جاي من القصيم اول ماتدخل الرياض يجيك نادي الشباب على يدك اليسار وبعدين يجيك المستشفى الالماني وجريدة الرياض وبعدها الجزيره اذا تعديتها تمشي شوي وتصير فوق كبري وانت بالطريق اذا نزلت من الكبري هذا تمشي شوي يجيك لوحه مكتوب الدمام الخرج لف معها يمين ينزل فيك الخط على شكل نص دائره بعدين يمسكك طريق الدمام وتسيد ياطويل العمر يجيك مخرج 7 ومخرج 6 وتسيد طوالي عاد بعد ماتتعدى المخارج هذي يجيك محطات على ايدك اليمين وسيد كمان لين تجيك محطه اسمه محطة الروضان او الرويضان بعدها فيه نزله على ايدك اليمين تنزلك تحت كبري وتحت الكبري هذا تجيك اشاره لف من عندها يمين تجيك اول اشاره اتركها وسيد تجيك ثاني اشاره لف معها يسار عاد تشوف الاستاد على يمينك) فهمت يادلخ <<<<<<< يمون) ولا تبين اعد لك عيون القطط بعد تراي اتغشمر |
يارجال امسك طريق الدمام الى ماتوصل كبري الفحص انزل من تحته ومن عنده الاشاره اطلع يمين وطول الى ماتشوف الملعب وانت بطريق الدمام بتشوف الملعب قبل خمسين الف كيلو :D |
إقتباس:
سلام عليكم) اسمع انا ابوصف لك وصف دقيق وانت جاي من القصيم اول ماتدخل الرياض يجيك نادي الشباب على يدك اليسار وبعدين يجيك المستشفى الالماني وجريدة الرياض وبعدها الجزيره اذا تعديتها تمشي شوي وتصير فوق كبري وانت بالطريق اذا نزلت من الكبري هذا تمشي شوي يجيك لوحه مكتوب( الدمام الخرج) لف معها يمين ينزل فيك الخط على شكل نص دائره بعدين يمسكك طريق الدمام وتسيد ياطويل العمر يجيك مخرج 5 وبعدها مخرج 6 وبعدها مخرج 7 وبعدها مخرج 8 طبعا كلها تزلبها :D وتمشي شوي ويجيك طريق خالد بن الوليد وتعداه وتمشي شوي وتجيك انواع المحطات يمين وبعدها لوحة مكتوب استاد الملك فهد الدولي يمين والفحص الدوري يسار انت تروح يمين (بإتجاه الجنوب ) على شارع جابر الصباح وتمشي .. إشارتين تقريبا وتشوف الاستاد على حجاجك الأيسر وتلف يسار بعد ثالث إشارة وتحاول أن تذهب للمدرج الجنوبي جهة الفريق الازرق وانشاءالله يكون الفوز حليفنا :D ولك التحية وإنشاءالله يكون الوصف واضح وإذا ماكان واضح ارسل لي رسالة بالخاص ;) |
المباراة يوم الخميس اجلوها يوم واحد |
يا اخى دق على اجيك واوديك الملعب على حسابى |
يا خي مر علي في المجمعة وأروح أنا وياك نحضر المباراة ونرجع ولا تدوخ راسك ..... |
بعضكم يا عيال يجدع الميانه....((( لكن قسم بالله تستاهلون))) والله يا انتم فله وراعين فزعة... مشكورين (((((أمووووووووووووت على شيء اسمه خريطة ))))))))))))) ((حلوة)) ووش رايكم صارت يوم الخميس.... يعني الساعة 7 طالع من بيتنا (الصبح)... ثم إلى الساعة 11 تقريبا بالرياض... ثم نمر على كنتاكي... ونطق (زنجر حار اب سايس) على كيفك كيفك ثم ننام غلى العصر ... ثم ... بووووووووووز قصدي طوووووووول على الملعب من المغرب |
إقتباس:
|
لا اشوووووف ولا واحد جايب كوت ولا فروة نبي تشجيع!!!!! أحمدوا ربكم اني مامنعت الفصفص. جايني احساس أننا راح نعبـيـهم أهداف. |
إقتباس:
|
خلك مثل البدو امش واسئل .. حتى اذا شفت الاستاد قدامك قال هذا وشو:D |
إقتباس:
|
طيب أيهم مدرجات الزعيم اليمين أو اليسار..... أخااااااف أطب على حقين النثر ثم وش يبي يطلعن عااااااد؟؟؟ |
| الوقت المعتمد في المنتدى بتوقيت جرينتش +3.
الوقت الان » 01:46 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd