|
عبدالله بن مساعد ارجوك لاتفرط بعبدالله الجمعان تراه يسوى الف طلال والف ياسر تكفى يارئيسنا المحبوب تكفى يابو مساعد لاتفرط ولا بنجم هلالي وشلون عاد بعبدالله الجمعان والخوف كل الخوف انك تستجيب لااغراءاتهم وناكل المقلب اللي هو طلال المشعل اقسم بالله ان طلال مايجي ربع مستوى عبدالله الجمعان والا ليش الاهلي مايبونه رغم انظباطه واخلاقه بالله محد سال نفسه ليه الاهلي يبي يتخلص من طلال طلال مستواه الفني جيد بس مايصل مستوى نجوميه وعملقه عبدالله الجمعان اضف الى كثره اصاباته وبروده القاتل بينما عبدالله الجمعان رغم كثره مشاكله الا انه يضل ابن النادي ومخلص ولو تدققون في مشاكله تجدونها نابعه من حماس وحب زايد للفريق واخرها عندما اعتدى على الحكم المصري يعني لو ماهو متحمس للفنيله ويحب النادي كان ماجاب خبر الحكم وكان من يوم صفر الحكم مشى وراح لغرفه الملابس على طول رغم ان اللي سواه خطا بس ترى مهوب الحل اننا نبيع عقده والله ان فرطنا فيه نكون مجانين وترى كل انديه السعوديه يتمنون امنيه ان يكون عندهم لاعب بمواصفات الجمعان وحنا اللي هو عندنا نروح نفرط فيه بالساهل ولا احد يقول لي انه عندنا مهاجمين ممتازين(الصويلح الخراشي العنبر العلي الشيحان) صح هذولا ممتازين ومافيهم شي بس لاجد الجد مالها الا الجمعان ولا فيه احد يمكن يجاريه انا والله ماقول هالكلام حب بالجمعان بل حبا بالهلال علشان مانخسر لاعب نجلس نندم على التفريط فيه سنين. ومشكله الجمعان السلوكيه وكثره مشاكله لها حل بسيط يكمن في مايلي::: 1)اهم شي التوقيع معه لمده لاتقل عن اربع سنوات 2)وضع بنود في العقد خاصه فيه مثل العقوبات فيه حاله الطرد والايقافات والغياب عن التمارين وعدم الانصياع لتعليمات الاداره والمدرب .....الخ) علشان يكون عارف راسه من رجليه واذا ارتكب شي من هالاشياء مايلوم الا نفسه وبهالحاله نكون حافظنا على نجمنا وقدرنا نقوم سلوكه ونحفظ حقوقه وحقوق النادي والتفريط بلاعب مثل الجمعان يعتبر تفريط بحقوق النادي ومهما دفع من ملايين في عبدالله الجمعان قولولي وش بنسوي بالملايين اقصى شي بنجيب لاعب اجنبي يجلس موسم ويمشي فيها ينجح وفيها ماينجح اتمنى من اعضاء المنتدى انكم تقودون حمله ترفضون فيها بشكل قاطع انتقال عبدالله الجمعان وانا اولكم [SIZE=4]( لا لانتقال عبدالله الجمـــــــــــــــــعان ياعبدالله بن مســــــــــاعد[/SIZE]) |
[ALIGN=CENTER] إقتباس:
طلال المشعل وبلا جدال هو نكبة المنتخب وحاليا لآعب اقل من عادي *** العنبر وهو العنبر اللآعب الصاعد احسن منه بمراحل .[/ALIGN] |
كلامك صح بدر |
أوفقك الراي جملة وتفصيلا مهما فعل الجمعان فهو افضل من طلال |
اخي العزيز بدر عبدالله الجمعان صعب يتعوض يأخي لاعب يخلص لك مبارة بقذيفه تقارنه بطلال المشعل الشخص الى مايعرف كورة مايقارنه بالجمعان مع احترامي للادارة الهلالية وانا اتفق معك اخي بدر على البنود التي في العقد وان شالله مو محتاجين لهذه الامور ولكن من باب الحرص على افضل عطاء من عبدالله وشكراً |
صح اللسانك ...... |
لا لانتقال عبدالله الجمـــــــــــــــــعان ياعبدالله بن مســــــــــاعد |
لالالالالالالالالالالالا للانتقال الجمعان يابن مساعد تكفى لاتفرط فيه |
لا لانتقال عبدالله الجمـــــــــــــــــعان ياعبدالله بن مســــــــــاعد |
الجمعااااااان أفضل من المشعل إذا صدقنا هذا الكلام فنحن مجانين المشعل لاعب من طراز نادر ولكن في هذه البطوله نزل مستواه وأي لاعب يتعرض لمثل هذه الحالات وأتمنى لويعرض علينا الأهلي المشعل ويأخذ الجمعان فأن الرابح هو الزعيم ولو يدفع الزعيم زياده وهذا رأيي وأحترم آراء الجميع |
اخي العزيز ومن قال ان الهلال لو فرط بالجمعان راح يعوضه بطلال .. وبعدين الاهم من هذا كله ان الجمعان يكتب تعهد خطي ويوقع عليه 20 شاهد انه مايتعود للي كان يسويه بهذه الحاله ا نتمى بالفعل عدم التفريط فيه .. اما اذا كان يقول لا فاتمنى انهم يبيعونه وبدون مقابل بعد... |
ياشباب يعني اذا بنمدح الجمعان لازم نسب المشعل والله قوية منكم ومع احترامي لكم المشعل لاعب موهوب ونجم لكن ظروفة الحالية لاتساعدة على مواصلة الابداع والله العالم انها ستقضي عليه وفي هذي انا معكم المشعل (((حاليا))) وربما تستمر احوالة على ماهي عليه لايقارن بصلابة وقوة الجمعان ومقدرتة على تخطي حتى ازماتة النفسية كلاعب مبدع ونتمنى للاعبين النجاح (((((والله اشتقنا لمزعات ابو جمعان))))) |
سلاااااااااااااااااااااااام ,,,,,, لالالالالالالا لانتقال النجم عبدالله الجمعان واذا لابد من احضار المشعل فيجب ان يكون بجانب الجمعان في هجوم الهلال رغم ان الشيحان افضل منه,,, |
اتفق مع كلامك بنسبه مليون عشرطعش الف ثلاثين مليار مره عبدالله لاعب كبير ويملك امكانيات عالميه صحيح ان عليه بعض الاخطاء لكن هذى لا تمحى ايجابياته التى لن ننساها ولنعود لتاريخ عبدالله ونجد كم حسم من بطوله ولكن طلال حسنته الوحيده هدفه فى مرمى الكويت فقط شكرا لك |
للرفع للاهميـــــــــــــــه |
| الوقت المعتمد في المنتدى بتوقيت جرينتش +3.
الوقت الان » 06:46 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd