اخوي هـلالـي أصـيـل
انت ليه مستعجل رزقك اصبر المنتخب لسه في طور التأسيس يعني لا تحكم عليه الحين وشف فيك طار نص لاعبين الخبرة الي بصراحة مانفعونا بالكاس الاخيرة
الدماء لازالت جديدة وتحتاج وقت عشان تبرز يعني اصبر ونشوف المنتخب ونحكم صح في اسيا وخصوصا مبارة اليابان ترى صار لنا فترة ماضقنا طعم الفوز عليها لمن نفوز بتشوف المنتخب الصح لان اليابان فريق يوزع كورة صح وسريع
الاخضر من متى يعتمد على فتح الملعب كل بطولة نشوف لاعب والا لاعبين يبرزون بس المنتخب الحين صاير جماعي ماتقدر تقول لاعب بارز يعني لو قارنت ببطولة الامارات الي فزنا فيها تو راجعين من كاس العالم ومن اكثر لاعب بارز كان فواد انور المنتخب الحين يوزع النجومية والبروز على كامل الفريق
المدرب صدقني ان احسن مدرب مر علينا لان شف كيف منتخب مرتب في الملعب اهم شي ترتيب في الملعب وعدم استقراره على تشكيلة اكيد ياخي عنده لاعبين جدد ومافي خبرة هو شايف ان احسن فريق الحين وبشهادة النقاد كلهم السعودية اكثر فريق منظم واتحدى قد انقالت فينا اصبروا وبتشوفون لاتستعجلون وخلو المدرب ياخذ فرصته ويفهم الفريق صح ويحط لك تشكيلة صح بالاخر اهم خطوة هي الدورة الي بسميها بداية الاخضر وصدقني الفريق مع الوقت بتشوف كيف يصيد البطولات واقل شي ما ينهزم 8

اخوي
 

faisalium

مو مسألة اني مستعجل لكن المنتخب الان له فتره طويله حتى من قبل
بطولة العرب وهو غير مستقر على تشكيله ثابته وغير مستقر على خطه معينه !!
هذا كل القصد انا هنا لا اطالب بانهاء عقده انما على الاقل تصحيح الاخطاء
ولا اقول انه منتخب فاشل بالعكس فيه دماء جديده ومتحركه بس للاسف
نفتقد نجوم الكره السعوديه وعلى راسهم محمد الدعيع كأقل تقدير .
وانا لست ضد اللاعبين الحاليين ان شاء الله يبرز منهم لاعبين ويفيدون المنتخب
في بطولاته القادمه ولكن هالشيء مانشوفه من المدرب فهو مكانك ( سر )
وتخبطاته كثيره حتى عندما تحدث الامير / تركي مساء امس في قناة الجزيره
لم يذكر ان المدرب يناقش في اخطاءه الكثيره امثالها على التغييرات ( الغبيه )
ان جاز التعبير .
وحتى عندما يسئل من قبل الصحافه يرد انه هو المدرب !!
نعلم انه المدرب ولكن نظرته للتغييرات ( فاشله )
وهذي وجهة نظري
ولا اهضم المنتخب حقه في انه الان افضل المستويات وقلتها سابقا انه افضل
فريق عربي ولكن لا اعلم ماذا سوف يحصل اذا واجهه فريقا قاريا او عالميا ؟؟
والوقت يمضي وهم في الاستعداد الطويل الغير مفيد
ومع هذا كله لست ضد المدرب واللاعبين وانما اريد تصحيح الاخطاء وان شاء الله
( تضبط ) مع الايام القادمه وشكرا لك :)