|
سلام من اسير.. صرح مدرب الهلال صفوت بأنه في حالة وصول بطاقة اللاعب روني غدا فئنني لن اشركه من بداية المباراة ولكني سوف اشركه فقط في الشوط الثاني من المباراة ويعود ذلك لعدم تأقلمه مع الفريق ..... تخيلو المدرب بيلعبه الشوط الثاني والله مصيبه علما بأن سامي مازال يجري على المضمار ولم يدخل بالتشكيله الاساسيه الى لبضع دقائق وهذا يعني والله العالم انه ايضا لن يكون بمقدوره مشاركته من البدايه على العموم الله يسهل على الازرق. |
الـــسلام عليكم؛ غريبــــــــــــــه عموما لاتعــــــــلـــيق بس من المهاجم اذن! |
أولا نشكرك على تعبك ومجهودك في جلب الأخبار يا أخ ( أسير ) و بالنسبة للخبر . . . . وش أقول المدرب عودنا على ذاالتخبيصات كل يوم طالعلنا بتشكيلة و أنا خايف انه بيلعب بمهاجم واحد ضد الاهلي و الاهلي ما ينفع معه مهاجمين و شلون اذا لعب بواحد . . . الله يستر ما أقول الا متى الله يفكنا منك ومن تخبيصاتك يا صفوت الشر |
انت ابخص والله ياعزيزي يمكن المدرب له وجه نظر ( ايه هين) لكن اتوقع الشوط الثاني احسن اذا بيلعب سامي وينزل روني والثنيان بدايه الشوط الثاني والله يروحون فيها الاهلي روني والثنيان احتياط الله يستر يامراسل الزعيم الاول ( تراني انا الي عطيتك اللقب ) |
شي طبيعي اخوي.. اكيد ما دام الاعب جديد شي طبيعي انه ما يكون اساسي من بداية المبارات ولو قال صفوت شي غير كذا كان استحق وصفه بالفاشل بحق وحقيقه... الهلال يا ما فاز وحقق المعجزات بدون لاعبينه الاساسيين فما بالك بمحترف اجنبي... |
شر البليه ما يضحك والله يااسير لطيفه الظاهر المدرب معجب بتركي القحطاني رأس حربه ويمكن يلعبه في المركز الجديد اللي اخترعه ومو غريبه لانه زمن العجائب |
ياشباب ترى والله الصح انه يلعب في الشوط الثاني لأنه مابعد تأقلم هذا شي وبعدين نزوله في الشوط الثاني يرفع معنويات الهلال ويرتبك الأهلي |
مدري وش اقول بس انا متفائل ان شاء الله يبي يفوز الهلال |
يا ناس ترا ما بقا إلا بكرا الاربعاء وبضع ساعات من يوم الخميس ان شاء الله يعني نقول ان شاء الله 72 ساعه ان شاء الله وبتشوفون الهلال واصل ان شاء الله لمربع الكأس ان شاء الله انا متفاااااااااااااااااااائل ان شاء الله بالفوز على الأهلي |
وش فيكم ياأخوان ؟!!! وش تقصدون بسؤالكم من يلعب راس حربة ؟!! أنتم عندكم أفضل راس حربة في العالم !!!! تـــــــــــــــــــــــــــــــركي القحطاني :D أقول فعلا شر البلية مايضحك .... والمدرب الله لايهينة يخلي التدريب لأهله وإذا عنده نية يصير حلاق ترا قاعد أدور هاليومين حلاق عنده حب ابتكار ومطرسة :D خله يجرب في روس هالشباب اللي يدورون قصات جديدة :D والله ياجماعة ودي أصيح بس مستحي :( <FONT color="#0B00FF">إهي إهي إهي </FONT> |
تسلن اسير بس لاتستعجلون بكرا كل شي يبين مع اني مع المدرب لان اللاعب ماتاقلم مع المجموعه |
سلام من اسير... اخوي خالد اشكرك من كل قلبي على تسميتك لي بمراسل الزعيم الاول والله يعطيك العافيه بس نبغاك تحلم الليله مضبوط والظاهر انك البارح ماكل شي ثقيل قبل ماتنام علشان كذا صرت تحلم هذه الحلوم اللي مالها داعي ههههههه. وتصبح على خير بروح أنام. |
لا ياعزيزي ليتني ماكل شيئ كان احسن الي في وهواشد من الاكل اني حاضر مباراه القادسيه هي الي جابتلي الحلوم الشينه وبعدين يامراسلنا الاول ما رديت بخصوص حضور المباراه وبتاخذ علم ولا تستحي |
والله بغبساااااه ( على قولة الكويتيين ) ... وجهة نظري إن روني لازم يلعب من أول المباراة ... وش تفرق لعبه من أول المباراة ولا من الشوط الثاني ... نفس الحكاية ما راح يتغير شيء في الانسجام بينه وبين اللاعبين ... على العموم تسلم أخوي أسير لطيفة على هالأخبار الطازجة وإلى الأمام إن شاء الله . |
الهلال بمن حضر وأعتقد أن الهلال فايز فايز مع الأهلي لأننا صراحه عقدناهم بقوة مررررررره هم نفسياً دائما مهزومين معانا و لله الحمد وتبون الجد : أنا خسران في الأسهم (اليوم نزلت أحب شركة على قلبي 30% في ربع ساعة بالم PALM هذا الكلام بعد ما سكر السوق بريع ساعة الله يستر) وأتوقع أن الهلال اليوم بيوسع صدري بقوة . الحقيقة الواضحة جداً أنه يوجد الكثير من الخبراء الهلاليين في هذا المنتدى وأستغرب التدخل في قرارات المدرب ,,, خلاص إذا وثقتوا في المدرب عطوه حريته... أما أنكم كل شوي تتدخلون فيه وفي مدير الكره وفي مترجم الفريق وفي لاعبين الفريق ,,, الهدف من المنتديات العالمية هي تداول الإنتقادات الهادفة و بس . شكراً من القلب لأسير لطيفة على أخباره الفرش TAZEJ الطازجة. |
| الوقت المعتمد في المنتدى بتوقيت جرينتش +3.
الوقت الان » 07:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd