جايكم من الدمام مقلععععععععععععععععع...؟؟ - نادي الهلال السعودي - شبكة الزعيم

هلاليوووو · #1 27/03/2001, 02:31 PM

مساكم الله بالخير ياشباب..
ماتلاحظون ان يوم الخميس عيا يجي..!!
والله ياانا متحمس للمباراة ياجماعه..وانا من سكان الدمام (بس تراي قصمنجي)..والله لا يعوق بشر جاي جاي ان شاء الله للمباراة..ولازم كل اهل الشرقيه والقصيم الهلاليين يجون للملعب..يعني يوم خميس وش عندكم الله واكبر..!!!تكفون..طالبينكم طلبه..هلالكم يصوتلكم يبيكم..فلا تردون طلبه ياشباب...وكلنا عارفين ان كالعاده جحا بيرسل مليون باص من ناديه وبتكون كل هالباصات مليانه بحميره..!! فعشان كذا لازم مانعطيه هالفرصه..وياحلاتكم ياجمهور الهلال وانتم مالين الملعب..ويصير كله لونين بس..ازرق وابيض..اما جمهور الهلال في الرياض عيب اننا نقوله شي..بس الله يستر عساهم مايملون الملعب قبل مايجون اهل الشرقيه والقصيم..!
هااااااااااااه..وش صار..بتجون ولا لا..!!

ابو مصعب · #2 27/03/2001, 02:37 PM

هلا وغلا الله يوصلك ويرجعك با السلامه ............انشاء الله
بس طالبك قل تم...................
.. يا غداك يوم الخميس ................ يا عشاء الفوز انشاء الله عندي بعد المباراه .
.
.
.
.

assir · #3 27/03/2001, 02:42 PM

انشاءالله الفوز وانت راجع بعد المباراة اركد لاتسرع من فرحة الفوز .

هلاليوووو · #4 27/03/2001, 02:45 PM

هلا بك يابومصعب..شوفتكم بالملعب هي غداي وعشاي يابعدي..

ذيب نجد · #5 27/03/2001, 03:00 PM

وانا الله لايعوق بشر تراني رايح للمباراه
بس الحقيقه ودي اجي ولا القى لي مكان من الزحمه

تكفون ياشباب اللي يقرا هذا الرد لايفشلنا ودي الملعب يكون ممتلي عن بكره ابيه تكفون الله لايهينكم .

تكفون ياهل الرياض انتم بالذات لاتباعدون المسافه وتهملون الفريق تكفون ترى سامي ويوسف ونواف والدعيع وجميع اللاعبين اذا شافوا الملعب مليان والله ثم والله مايخلونهم يطلعون زعلانين بس انتم احضروا شوفوا
الله لايهينكم,,,,,,,,,,,,

تكــــفــــــــــوووووووووووووووووووووووووون

ودمتم,,,

ابو هلال · #6 27/03/2001, 03:15 PM

سبقتك http://alzaeem.com/vb/showthread.php3?threadid=13570
سبقتك http://alzaeem.com/vb/showthread.php...d=13570</FONT>

هلاليوووو · #7 27/03/2001, 05:46 PM

هلا بالشباب..
العزيز ابو هلال...مااقول الا يازين هالصور اللي حاطهن..ويازين راعيهن بعد..وان شاء الله ان جمهور الهلال مهوب تاركن عادته اللي انعرف فيها وهي:الوفاء والاخلاص لناديه تحت كل الظروف سواء المدرب زين ولاشين..او الفريق اللي بيلعب معاه الهلال قوي ولاضعيف..والله ثم والله ان لاعبين الهلال اذا شافونا مالين الملعب ان شاء الله مهوب تاركيننا نطلع وحنا ضايقتن صدورنا..والله يوفقنا ان شاء الله..

RAID2001 · #8 27/03/2001, 07:27 PM

اقول وش بقيتولنا.....محنا جماهير زيكم
الله يحييكم وانشالله ماترجعون الى وانتم مستانسين

وانتبهو للطريق ...........
[عدلت بواسطة RAID2001 التاريخ:27-03-2001 الساعة: 07:29 PM]

Mr.jalal · #9 27/03/2001, 07:34 PM

يرحم والديك ادعس900 كيلو انا في مكه
بس لاتقول معك دتسن والله يارجال
لوالقى (حمار)لأركبه وأجيكم

الفنان2000 · #10 27/03/2001, 10:53 PM

والله انا شوفنى اول الناس حاضرين واريكم العاب ناريه ما شفتو مثلها الى فى مباريات الهلال

مستر هلالي · #11 27/03/2001, 11:14 PM

يا هلا ومسهلا باخوي هلاليووو .... وينك من زمان مشفنا لك مواضيع ولا ردود ؟؟؟ لا تبطي علينا ترى المنتدى بلاك ماااااا ينفع ابد

.. السؤال اللي ماله شغل إلا يتدربى كل شوي : وشوله الروحات والجيات اللي ماله داعي المباراة واكيد منقوله خلاص وش تبي بعد

اكيد انت وياهم فاضين ما لكم شغل

امزززززززح تراي
لاتصدقون بالعكس الهلال يستاهل من يعني له .
color="#FF370B">بس انا ما اظن اني بروح

>>>>>> واحد عجاز

هلاليوووو · #12 28/03/2001, 01:58 PM

هلا بالشباب..مشكورين على الردود..
الاخ مستر هلالي: اجل تمزح..!!اخاف انه مزح برزح ياتعبان..!!!!!!!
الا يستاهل ونص وثلاثة ارباع بعد..واذا صارت منقوله يعني..مااروح..؟؟!!

الا ان شاء الله ..الله لايعوق بشر ابجي من الدمام..يوم خميس ولاعندنا شي..ولو صار عندي شي ابحضر..عناااااااااد..!!

المتقد · #13 28/03/2001, 02:26 PM

عاد تصدقون انا احتري يوم الخميس من اسبوع لكني 000مقرود00

ابي اسافر جده يوم الخميس الصبح الساعه 7 اقلاع والعوده 7,30 مساء يعني شكلي مانيب لاحق المباراه لا في الملعب ولا على الشاشه (تعرفون مواعيد الرحلات دقيقه جدا000)

مستر هلالي · #14 28/03/2001, 03:07 PM

.
[عدلت بواسطة مستر هلالي التاريخ:28-03-2001 الساعة: 03:10 PM]

مستر هلالي · #15 28/03/2001, 03:15 PM

هلاليووووووو اقول وش دعوى يالمشغول وغير الخميس وش عندك؟؟؟؟
img]http://alzaeem.com/ubb//uploads/sk76 .gif[/img]
[عدلت بواسطة مستر هلالي التاريخ:28-03-2001 الساعة: 03:24 PM]