جمهور الغربية اثبت ولله الحمد نظريتي ورد على المخالفين ها قد اثبت الجمهور الهلالي في الغربية أيضا أنه من افضل الجماهير الهلالية بعد الشرقية طبعا من حيث الحظور والؤازرة.. خاصة بعد كل ردة مرمى للحارس العملاق محمد الدعيع أو تشتيت المدافعين لكور خطيره.. نجد منهم التصفيق والتشجيع الحار لهم... فجزيل الشكر لكم يا جمهورنا الوفي وليس(......)؟؟ شكرا لكم على هذه المبادرة الطيبة... واتركوا جمهور (الدلع) والسب والشتم ...(((((والفصفص))))) جمهور الرياض.. فسبحان الله جماهير معقل النادي تكون اقل مستوى من الغريبية والشرقية والوسطى (القصيم) فقط.. فهنيئا لكم يا جمهور الرياض بياعوا الفصفص والمرازيم (((سلاحيت الملعب)))). الي عند الملعب وحواليه.. هنيئا لكم واتركوا التشجيع والمؤازرة لإصحابها.. وخذوا فقط ((أخاف يقولون عني خبل))) وليكن شعاركم.... نحن نستحي إذا شجعانا, وإذا شجعنا نحن نسب ونشتم ... هنيئا لكم!!! |
شباب تراه مندس من اليوم وهو يبغى يسب جمهور الهلال وراح يدور عذر بجمهور الزعيم في جده ههههههههههههههههههههههههه اطردوه |
لو ابندس (ما ادري وش معناها ) لكن ادري أنها شينه على العموم هذا الي حاصل...(وترا كلامي عشان أثير حفيظة الجمهور يا مندس..ما أدري وشي؟؟) |
اخوي وش فيك عليه كلامه كل صح في صح يا جمهور الرياض.................. انظروا الى جمهور جده فقط اوكي |
إقتباس:
|
جمهور الهلا ل في الغربية والوسطى والشرفية كلهم فوق الرأس |
الغالي هدف بالمقص... مااعتقد ان الاخ l.jkl مندس فعلى مااذكر هو صاحب فكرة اعادة رابطة الجمهور الهلالي في الشرقية،،،، الاخ الغالي l.jkl،،، هي وحده من ثنتين.... ياانك ماحضرت مباراة الزوراء اللي فاتت... او انك جاي للملعب بفروه ومتلطم ولا حسيت بالبرد... صراحة كان الجو بارد جدا جدا ((صريم:) )) ومع ذلك حضر جمهور لا بأس به... جمهور الرياض من افضل الجماهير... لا والله افضل الجماهير بس عطها مستوى ممتاز وتشوف وش تسوي... ومباراة الاتحاد في دور الاربعة العام الماضي ميب بعيده... كان الجمهور كل 10 دقايق يشجع... ومن بداية الشوط الثاني الى نهايته وهو يشجع يوم شاف المستوى الراقي.... واذا سب الجمهور وشتم فهذا من الغثا والمستوى البايخ اللي يشوفه وماالومه ابد... تقبل تحياتي... |
يعطيك العافية اخوي... لكن مهما كان يعني الواحد إذا ضايق صدره يسب ويشتم...؟ لكن ما يثبت هو مباراة الهلال والقادمة وراح نشوف من يكون الصحيح أنت ولا أنا.. وتقبل تحياتي على روحك الرياضية |
للأسف نسيت او تناسيت متعمد وقفات جمهور الهلال في الرياض الكثيره والكثيره جداً والتاريخيه ،،، بس الظاهر انك تبي تصير هلالي بالقوه وافهم يا فهيم ;) |
اخي العزيز قلت إقتباس:
وكأنها لم تملئ استاد الملك فهد امام الترجي!!!! وأمام الاتحاد!!! وووووالخ إقتباس:
ولكن سمحت لنفسك بسب وشتم الجماهيرووصفتهم بالدلع!!!! ابدأ بنفسك حفظك الله. وأنا معك في حث الجماهير واستثارتهم وأختلف في طريقتك. والسلام |
السلام عليكم استغرب من الي يقول نبي مستوى علشان نحضر..... ما شفتوا مباراة برشلونه وريال مدريد..... 99الف عدد الحضور........مع ان برشلونه كان في اسوأ حالاته وكان خسران المباراة الي قبلها 5-1 من فريق صغير..... وعلشان كذا بدع برشلونه قدام فريق الاحلام.....مع ان برشلونه كان ناقص اهم لاعبينه رونالدينيو... معنى هذا ان الابداع يجي بعد الحضور........اذا كان فيه حضور.....فهذا يجبر اللاعب على الابداع... وليس العكس.... |
بصراحه انا ما اتوقع ان الجماهير الهلاليه في الرياض بهذا السوء ياخي بالعكس شف المباريات المهمه للهلال كيف الجمهور فيها وكيف التشجيع بعد كل هدف |
حقيقة حضور مشرف من جماهير الزعيم في جدة...... شكرا لكل جماهير الزعيم في جدة!! ويا أخي الكريم ما كان له ابدا اي داعي لإسلوب السب والشتم لجماهير الزعيم بمدينة الرياض وإن كان كلامك صحيح!! |
إقتباس:
|
شعار جماهير الهلال بالرياض هو :. من سبك حبك....:yes::yes: ودمتم سالمين..؟؟;););) |
مرحبا،،، إقتباس:
هي وجهة نظر.... طرحتها قابلة للصحة وقابلة للخطا... غير كذا ماعطيتني المقياس في الصحة والخطأ؟ هل هو المستوى؟؟ اذا كان المستوى فالى الان من وجهة نظري لم يعود... ((ولست هنا ابرر لنفسي عدم الحضور فمباريات الهلال هذه السنة 70% منها حاضرها)) تقبل تحيات اخوك،،، وبعد اذنك ودي اعقب على رد فصولي... مساك الله بالخير... إقتباس:
لا تنسى ايضا ان حتى جمهور اضعف الفرق هناك يأتي بالآلاف لمشاهدة فريقه حتى وهو في اسوأ حالاته... الوضع يختلف هناك ومن الصعب المقارنة بيننا وبينهم،،، إقتباس:
خير دليل على ذلك دوري 1419هـ عندما رأى الجمهور المستوى الرائع من الفريق ملأ مدرجات الدرجة الثانية حتى امام هجر والرياض والاتفاق فقد كان الجمهور لا يقل عن 8 آلاف.... عطني مستوى واحضر... اما اضيع وقتي في مشاهدة مستوى عادي فلا.... هذه وجهة نظر الجماهير.. على الاقل اتي اعرفها،،، تقبل تحياتي.... |
إقتباس:
|
****************** والله انك صادق لكن مالها داعي السب هذا في جماهير الرياض:mad: اللي لها الفضل بعد الله سبحانه وتعالى في البطولات التي حققها الفريق في الرياض مثل: مع الترجي الشباب1418ه شيميزو الياباني جوبيليو وآخرها امام الاهلي العام وووووووو ووووو و0و0و000000و0و00و000و0و0وو0و0و0و0و0و0و0و0و0و000الخ تحياتي عبود |
[ALIGN=CENTER]حدك عاد كل شي الا شباب الرياض ياسلام تعالوا بس نص رجولتهم :bluesky: يالله هناك ورح العب بعيد ;) ماعاد الا شباب نـــــجد ينسبون والله هزلــــــت ولاتنسوا ان كلنا جماهير الهلال[/ALIGN] |
يا أخوان تراكم لجيتونا بفريق الترجي... خلاص الحمد لله أخذنا البطولة والله يعطيكم العافية... أنا الي ((غاثن)) إني أشوف جميع ..وحط تحتا 10000 خط الفرق المشاركة بالبطولة (((يملئون المعب على الآخر)))) وانتم في الرياض العكس.. أنتم جيدين باللطم بس..والتشجيع لمدة 24 ثانية بالظبط؟؟؟؟؟؟؟؟ |
رد: جمهور الغربية اثبت ولله الحمد نظريتي ورد على المخالفين إقتباس:
انا ساكن بالرياض وبصراحه كلامك اصح من الصحيح نفسه قبل ما اروح افكر اكثر من مره باني ما اروح بس علشان بصراحه هالسب واللعن اللي نسمعه وخصوصاً اني ما اروح الا معي اخواني الصغار والكلام اللي اسمعه يخجل. والحين فوق هذا وكله ما نشوووووووووووف حضور ابداً كل واحد يكتب ويقول ويعيد والادراة ما تعرف بالكورة والمدرب شيلوه والمدلك انسفوه واخرتها متكي ابوالشباب في البيت ورا التلفزيون هذا اذا صارت منقوله ولو ماصارت منقوله عادي يتكلم من اللي سمعه من الشباب واذا مايعرف احد راح انتظر الجريدة علشان يقرا اذا قالوا زين قال زين واذا قالوا الفريق داج قال داج جمهور ما عندك احد إلا من رحم ربي واسف على الاطاله |
ياناس بالعقل السبب ان جمهور الهلال في الشرقيه وفي الغربيه مايشوفون الهلال الا مباريات قليله عشان كذا يجون الملعب وهم متحمسين:yes: لكن جمهور الرياض ماراح يجون كل مباريات الهلال عشان كذا هم يجون في المباريات المهمه ولا فيه احلى من تشجيع جمهور الرياض:yes: تحيـــــــــــــــــــــــاتـــــــــــــــــــي |
أنا من جمهور الغربية الرائع وجمهور الرياض جيد ولا بأس به ولكن جمهور الشرقيه الأفضل جمهور الزعيم في جميع أنحاء المملكة وهذا يدل على الشعبية الكبيرة للزعيم |
الهلال يلعب 14 مباراة بالرياض في الموسم بالاضافه الي مباراته مع الشعله بالخرج يعني تقريبا 15 مباراة ومستوى الهلال متذبذب يا زين يا شين ويلعب بجده مبارتين بس!!!وبالشرقيه 3 مباريات بس!!! يعني ليه تلومون جمهور الرياض اذا ماحضر؟ اضف الى ذلك البرد القارس الي في الرياض والله العظيم امس في مباراة الشعله كان الجو مووووت هوا شمالي لو جا في جده ولا في الخبر والله ماتلقى ولا واحد :) بعدين اخي الكريم لو الهلال في مستواه كان شفت الجمهور, والله العظيم اذكر ايام الزياني قبل تقريبا 4 مواسم ايام بشار الهلال ماجاب ولا بطوله بس كان الهلال يلعب بمستوى خيالي وهجومي وغير كذا كانت المباريات كلها باستاد الملك فهد لان الملز كان فيه اصلاحات ومع هذا كان يجي جمهور والله غريب من كثرته مباريات سهله وتملتي الدرجه الاولى العاديه والله مااكذب عليك انا حضرت مباريات الهلال كلها الي بالرياض ومعي كثير جمهور و هذا الهلال وهذا جمهوره اما قولك تراكم صجيتونا بمباراة الترجي فابغى اسالك وينكم عن الهلال يوم ينهزم من النصر 3-1 ويوم ينهزم من الشباب بالبلنتيات ومن الاتحاد 2-0اقصد المباريات المصيريه ولا بس الجمهور توه يطلع الحين :) جمهور الهلال بجده والله العظيم الله يكثر خيره وماقصروا ابد ابد وكانوا على الوعد بس في نفس الوقت يا اخي لاتقسو على جماهير الهلال بالرياض ولا ماكان الهلال من الرياض اساسا :) اما مسأله ان جمهور الهلال بالشرقيه افضل من الرياض فاعتقد انها غير دقيقه هالعباره لاتقارن جمهور يشوف الهلال 3 مرات بالسنه بجمهور يشوفه 15 مره بالسنه يعني الفرق واحد لخمسه :) ودمتم |
الأخ ( l.jkl ) لم يقصد الحضور بل يقصد تفعيل دورهم بدعم الفريق . مثال ذلك : عندما قامت جماهير الزعيم بالرياض بالهتاف في آخر ربع ساعة من مباراة الأهلي في كأس ولي العهد العام الماضي تقدم الهلال و تراجع و أرتبك الأهلي حتى ظفرنا بالنتيجة . خاص للأخ ( l.jkl ) الله يعطيك العافية على مجهوداتك و إنشاءالله يتم إنشاء الرابطة على يديك |
إقتباس:
لكن الحمد لله على كل حال والسلام |
اخوي l.jkl ياليت الكلام اللي قلته عن جماهير الهلال في الرياض ينفع ويتحركون ويحضرون المباريات بكثافه ويشجعون الفريق وننتظر المباريات القادمه وانشاءلله يثبتون العكس تحياتي. |
حاولوا تتجاوبون معي بهالموضوع... إلى يوم المباراة وراح نشوف من يكون صادق..(وأنا أقصد حضوركم + تشجيعكم) وبعدين أشكر كل الي وقف مع نظريتي وأحيي كل من صار ضدها..لأن المصلحة وحدة ولا يفرقنا شيء.. لكن.....!!!!!!! ودي أشععللها شوي ممكن.؟ تخيلوا رابطة (جميع اهلها من الرياض) كيف راح يكون تشجيعها؟؟؟ والغريب يا أخوان إن معقل النادي لا يوجد به رابطة؟؟؟؟؟(وهذا كلام تكلمنا فيه كثير) لكن لأخوان الي عارض نظريتي... ليش ضايق صدوركم؟؟؟؟ ليش هل لأني أقول الحقيقة... بذمتكم هل يوم من الأيام شفنا ناس تلبس فنايل زرقاء بالرياض؟؟؟؟(أوووه صح يستحون)..اسف!!!! عمرنا؟؟؟؟ أو شفنا علم واحد لونه (((((((ازرق)))))))؟؟؟؟؟؟ ما اعتقد؟؟؟ وياليتي من جمهور الرياض كان ((قسم باآيات الله))) أني لا أروح للنادي وأتفاهم معهم بشأن تكوين رابطة ويساعدوننا... لكن الشكوى لله أنا سويت الي اقدر عليه يوم تكوين رابطة الشرقية... والباقي على أهل الشرقية... وهم وفوا وكفوا وجزاهم الله خير الآن أصبحوا احسن ما يكون. أما الرياض بحدث ولا حرج؟؟؟؟ وحطوا العلثة بالبرد.... أصلا لو هم كانوا يشجعون ويصفقون للفريق ويرفعون من معنوياته..كان ((جمرت أديهم))) لكن عذر صراحة لا اجد له مبررا.. وانا عارف اني كلامي هذا ماراح يجيب نتيجة في المباراة القادمة (وكل راح يقول): وش يبي ذا الخبل تراه ازعجنا ((عارف)) لكن كل شيء من جمهور الزعيم يهون.. وانتظر تعليق اهل الرياض خاااااااااااااااصة ....(لأنهم معنيون) |
والله صادق يا كاتب الموضوع وانا معك في كل حرف وحنا جماهير الغربية بدعنا مع الاهلي..... واسالوا الدعيع وبندر المطيري والشلهوب ونواف والشيحان وسليمان(نجم المباراة) عنا يا تعبانين........................................ على العموم تظلون يا جمهور الرياض الام وعلى عيني وعلى راسي.....زززز |
ياخي انت تقول جماهير الغربيه احسن من الرياض.... يمكن بس في الفتره الحاليه بعدين ترى الهلال فريق واحد والهلال الي في الرياض زي الي في جده والشرقيه لاكن انتم مدري وشفيكم وبعدين الناس لهم ظروف مو كل الناس زي ظروف بعض يمكن هذاظروفه تسمحله انه يروح للمباراة و الثاني ظروفه ماتسمحله وشكرا |
[c] الاخ الغالي .. حرصك على مصلحة الهلال شيء طيب وممتاز .. وتشكر عليه .. ولا احد ينكر مدى مساهمتك في ربط جماهير الشرفية لاعادة تأسييس رابطة الجمهور الهلالي في الشرقية وان شاء الله يعاد تأسيس رابطة الرياض .. ولكن يا اخي الا تتفق معي انه ماهكذا تورد الابل .. وان هذه الطريقة ليست الطريقة السليمة لتصحيح تقصير جمهور الرياض (ان وجد) الجمهور الهلالي في الرياض معروف انه جمهور ذواق ومحب للكرة الراقية .. وانا اتقف معك في ان جمهور الهلال ينقصه التنظيم والترابط فقط .. منذ وفاة الامير عبدالله بن سعد رحمة الله عليه الذي كان رئيس رابطة الجمهور الهلالي في المنطقة الشرقية والداعم الاكبر لها والذي يوفر لها جميع احتياجاتها .. ولا وجود للرابطة من بعده رحمه الله .. الرابطة تحتاج الى تكاتف وترابط ( ومن اسمها .. رابطة ) وانا ارى انك بطريقتك هذه لا تكون رابطة (مترابطة ) وانا اتعشم في الجمهور الهلالي في الرياض خيرا واعتقد ان الرابطة سوف ترى النور قريبا ان شاء الله وسوف اقوم بما يمكنني القيام به للملمة اركان الرابطة من جديد ولكن احتاج الوقت الكافي لذلك .. والرجال الاكفاء لذلك وهم كثر ولله الحمد شكرا لك مرة اخرى واتمنى من كل قلبي ان يكون معالجة الامور بالهدوء وليس ب(الطقاق) [/c] |
حب من أي نووووووووووووووووووووع إقتباس:
|
يا اخوان انا معكم اني يمكن (((خربته شوي)).. وانا اسف. ثانيا انا ما اتكلم عن تكوين رابطة بالرياض (((لأن من ثامن المستحييييييييلاااااات))) أنا الي استغرب منه خمول جماهير الرياض أثناء المباراة فقط... ويمكن اخوي الموهوب انه ضاق صدرك (لانه يمكنك من سكان الرياض)) لكن هذا الواقع وتقبلوها بصدر رحب |
إقتباس:
|
اذا اردت الحقيقة رغم اني لست من جمهور الهلال الذواق .. جماهيركم راقية في تشجيعها وجماهير الهلال في مختلف مناطق المملكة مكملة لبعضها .. :) |
الوقت المعتمد في المنتدى بتوقيت جرينتش +3.
الوقت الان » 12:41 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd