نادي الهلال السعودي - شبكة الزعيم - الموقع الرسمي

[poet font="Simplified Arabic,4,black,normal,normal" bkcolor="transparent" bkimage="backgrounds/2.gif" border="solid,4,gray" type=0 line=200% align=center use=ex length=0 char="" num="0,black" filter=""]
رح فمان الله والذمه من الذمه بريه
لا تخاف من المفارق رح عليك الله وأمانه

رح بعيد أبعد من الدمعه على العين الخليه
رح بعيد أبعد من الشرهه على مزح الميانه

وأبعد من الحلم للي خاب ظنه في خويه
وأبعد من اليأس للي طاب حظه في زمانه

لو تروح أبعد من حدود السما والجاذبيه
والله إن تبقى قريب أقرب من القلب لحنانه

تنتشر فيني شتات جروح مثل الروح حيه
تختفي في كل عرق ولا فقدتك قال عانه

يا بعد عذر الفراق اللي قبل فرق الخطيه
يا بعد ذنب الزمان اللي قبل عذر الخيانه

ليلة وداعك على كثر الحروف الأبجديه
مالقى من ودعك حرفين ينطقها لسانه

ليلة فيها أنت ماكنت أنت هي ماهي بهيه
ليلة يكرم بها من حبها قبل إمتحانه

قلت لي بنساك قلت الله يهنيك وهنيه
واحد خلاك من رباك تنساني عشانه

قلت لي قلبك لا ينسى قلت ليت القلب فيّه
دوره ولا لقيته وصه ورده مكانه

وص نفسك ولاّ أنا ماني بحاجة وصيه
وإعتبر فرقاك أمانه واللهم بالأمانه
[/poet]