شكرا للجميع و ارجو ان تتقبل و جهة نظري بصدر رحب ;)
و رجاء.. اللي مو ماخذ الدعوى سعة صدر .. لا يكمل قراية كلامي ..
ماتسوى ازعل احد علي عشان وش احسن الاسباني ولا الانقليزي ;)
*******************
(( الدوري الأسباني)) دوري نجوم ؟؟؟؟!!!!!
ما فيه الا نجوم الريال .. و يمكن كم حبة نجم في برشلونة .. و فالنسيا فيها " حبة ونص" .. دبرتيفو صراحة" يمكن عيب فيني ".. بس ما اعرف فيه هذاك اللاعب اللي نقدر نقول عنه نجم من طراز عالمي !! و باقي الفرق مستواها كويس .. لكن ما فيها نجوم ...
يعني الزبدة .. الدوري الاسباني مجمع نجومه في فريقين او ثلاثة بالكثير ..و اي مباراة لغير هالثلاث فرق .. بتكون مملة لاي واحد يستمتع بلعب " النجوم "
لا احد يقول لي دوري متعة كروية .. اللي جد يبغا المتعة الكروية يروح يتابع دوري البرازيل " تراه موب مشفر" .. في المباراة الوحدة خمس اهداف ستة .. و تشوف حركات يا شيييخ و لا كابتن ماجد
لكن متعة كرم القدم تتعدى حدود اللي نشوفه في الملعب .. كرة القدم اثارة من قبل المبارة .. و تصريحات .. و تاريخ فرق ..و ثأر و رد اعتبار .. و بعدين اداء جوا الملعب ..و تشوف النجم هذا مستواه مرتفع .. و هذاك منخفض ..و اللاعب هذا يتهاوش مع ذاك ..و الحارس يتحدى المهاجم .. و بعدين تنتظر تصريحات بعد المباراة .. و تصريفات المتصقعين
.. و استهزاء اللي صقعوهم خخخ الخ الخ الخ ...
بالعربي الكورة تتعدى متعة الاهداف و اللعب .. كورة القدم بشكلها الحديث تعبر عن اسلوب حياة كامل ..
===> انا اتكلم عن المجانين اللي الكورة كل حياتهم ... زيي
بالنسبة للدوري الاسباني .. الكلام هذا ما يصير الا في الدربي " الوحيد" قبل مباراة مدريد و برشلونه .. و غير كذا الناس نايمه ..
**************
اللي يقول(( الدوري الانقليزي)) دوري متعة و اهداف " راجع الكلام فوق " .. و بعدين و ين المتعة في دوري ما يتنافس عليه الا فريقين .. " و البركة في ابراهيموفتش رئيس تشلسي" زادهم فريق ثالث ..
يعني كل المتعة انك تشوف المان و الارسنال يهزمون الفرق الثانية " الزلايب" و تنتظر حدوث معجزة ان واحد من هالفريقين ينهزم .. و يفوز الفريق الثاني ..
و صراحة مدري ليش ... احس اهداف هالدوري اهداف سوني ... كلها ارفع وشوت .. و اهداف هنري الشوتات اللي مدري و شلون تدخل " اكيد الشوت عنده 99"
**********
اما الكالتشيو الايطالي ...
ناخذها حبه حبه ...
من ناحية النجوم ... اعتقد اكبر تجمع للنجوم موجود في هذا الدوري " و ما اعتقد احد يعارضني" ..
و هم موزعين على الفرق كلها .. يعني اي مباراة تشوفها للفرق الكبيرة .. بتشوف نجم على الاقل .. يعتبر على طراز عالمي ..
للتأكيد ليس الا .. باذكر على الاقل ثلاث نجوم في كل فريق بسسسسسسس من كل خط واحد ..
اليوفي ( دل بييرو- ندفيد - بوفون)
ميلان ( شيفشنكو- روي كوستا- مالديني)
الانتر ( فييري - ريكوبا - زانيتي)
روما ( كاسانو- توتي - سامويل)
لاتزيو ( ستام - فيوري- لوبيز)
اما من ناحية المتعة .. فالكالتشيو له متعة لا يعرفها الا عشاقه .. اتفق معكم انه مو لعب مفتوح .. و احيان دفاعي .. و ما فيه اهداف كثير .. لكن من قال ان كرة القدم كلها اهداف .. يا جماعة اللي يصير في الدوري الايطالي شغل تكتيكي .. (((( تكتيكي))) ..تخطيط معارك جوا الملعب.. لعب مدربين .. ما يعتمد على مهارة لاعب و لا ثنين ... يكفي انك تشوف الفريق ماله الا هجمه وحده في المباراة و يجيب هدف فيها و يفوز ..
انا ما اقدر اجبر احد على انه يحب اللعب التكتيكي .. لان مو كل احد يمكن يوصل لها المستوى .. و كثير ناس يحبون الاستمتاع .. شت كورة .. و سجل هدف وبس .. لكن اقول لها الناس .. اذا صرت ما تفهم في الشي لا تسبه .. هذا اقل شي يمكن تسويه ..
اما من ناحية الاثارة ... فالطليان اكثر ناس مهابيل كورة .. التصريحات ناااار قبل المباريات و بعدها ... جوا الملعب تحس انها حياة و موت " تابعوا قاتوزو لاعب الميلان و تعرفون
" .. اذا جاب الواحد فيهم هدف تحس كانه جايه ولد ==> عليك تشبيهات خخخخ .. انواع الفرحات بالاهداف تحسها طالعة من قلبه (( قارنوا فرحة توتي لما يجيب قول بفرحة زيدان لما يسجل هدف .. تحس كان زيدان قاعد يتمرن)) صح ان زيدان متعود وشي عادي عنده .. بس ولو انت تبغى تتحمس و تفرح معاه لما يفرح ..
كل ثلاث جولات تقريبا فيه مباراة من العيار الثقيل .. " الاسباني يالله كل شهرين مباراة كبيرة .. اما الانقليزي .. مت يا حمار لين يجيك الربيع .. قصدي لين تجي مباراة الارسنال و مانشتر"
اكثر من خمس فرق كلها تنافس على الدوري .. مو ثلاثه بس في الاسباني و الانقليزي ...
في الدوري الايطالي دربيين من اقوى دربيات العالم .. ميلان و الانتر .. روما و لا تزيو .. و اثاره ما بعدها اثارة ..
المهم شكلي طولت ... و تحمست و تفلت
و زي ما قلت .. اللي يزعل من الكلام يعتبر نفسه ما قرا شي ..
و سلاااااموووووووووو عليكم