[ALIGN=CENTER][TABLE=width:70%;background-color:white;background-image:url();border:10 solid black;][CELL=filter:;][ALIGN=center]من منا لايعرف الامير طلال العبدالعزيز الرشيد ومن منا لم يسمع بقصائده التي تطرب الاسماع
بل من لم يسمع عن مواقفه الإنسانية التي تثلج الصدر وتبهج النفس

لن استطيع ان اتكلم عنه في هذه العجاله ولكن سأترك المجال لبعض القصائد لتعبر
عنه بما تجود انفس الشعرا ليبقى في ذاكرة التاريخ وذاكرت الجميع...


[/ALIGN][/CELL][/TABLE][/ALIGN]


الى امي الى اختي الى خالتي الى عمتي الى ام الشهيد

الى من فقدت فلذة كبدها الى ام الشهيد طلال

صدقيني ابا نواف لم يمت ويعتبر عائش بيننا تدرين لماذ ا!!!!!!!!!

لانه انجب نواف وعبدالعزيز والمثل يقول (( من خلَف لم يمت ))

اليكي ياامي هذه الابيات في فقيدنا الغالي ابو نواف

[poet font="Simplified Arabic,5,white,bold,italic" bkcolor="black" bkimage="" border="double,10,white" type=2 line=200% align=center use=ex length=0 char="" num="0,black" filter=" shadow(color=red,direction=180)"]
طلال حي وبيننا دوم موجود = مادام به نواف والعضد حيا
طلال علمه بالتواريخ مشدود= حتى ولو قفى بقى منه ضيا
الضيغمي عدٍ للاجواد مارود= اي والله انه نال تاج الحميا
هو عزوة اللي تاه ماعنه ناشود= النادر الوافي جميل المحيا
عَزَاي به ذكراه جودٍ ولد جود= الصيرمي عمٍ وخالٍ وخيا
اقفى عن الدنيا وبالقلب لاهود= حسيبه الله من بدى له اذيا
من مابقلبي من لواهيد ونكود= بيحت سد وبان بيَا الهذيا
مرحوم ياشيخ حمل سيمة العود= طبع الجنايز فيه طيٍ وطيا
حزنه بقلبي لآخر العمر موجود = والله فلا انسى منه طيبٍ اليا
آهٍ على من هي جزت حلو مرقود=امه عسى صبرٍ لقلبه يهيا
عموشه الله يلهمه صبر وارشود= والله يعينه من فراق الوفيا
طلال ماله ثانيٍ صار موجود = ولاله شبيه ولاولا منه زيا
الله يصبر قلب ملهود ملهود= ودنيا بليا الشيخ علَه لليا

برزان
[/poet]


[poet font="Arabic Transparent,5,white,bold,normal" bkcolor="black" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

رحل شيخنا الغالي0رحل فزعة المظيوم= رحل طيب السيره0 ألايالعيون ابكيه

رحل وأرتحل عنا00 وانا ادري هو المقسوم= طريق(ن) جميع الناس لابد ماتاتيه

رحل من كسب كل المفاخر " رحل ياقوم"= رحل من بكاه الشعر واللي بعد يبديه

رحل وارتحل عنا( طلال الرشيد ) اليوم= ألا يالله اجبر عقب موته حزن مغليه

انا اكتب وانا دمعي على الخد مابه لوم= وانا لابكيت ابكي عزيز(ن) وجب نوفيه


!


!


!



لاتعزون شمر والرشيد= عزو الكون كله في طلال



،،



،،



،،




،،



لاتعزون شمر والرشيد= عزو الكون كله في طلال

عزو العز00 وحروف القصيد= وعزو الهيل مع صفر الدلال

عزواللي لفزعاته يريد= وعزو اللي شكاء ظيم الليال

عزو الخيل والحلم0 البعيد= وعزو الغيم00 عزو هالخيال

عزو الليل وسهيل البعيد= وعزو ألارض كله والجبال

عزو الصدق واخلاق الشهيد= وعزوالدمع 0يوم الدمع سال

لاتعزون شمر والرشيد= عزو اللي عرف 00منهو طلال

وارث اللي لهم مجد(ن) تليد= معتلين المفاخر والفعال

الجنايز هل الراي السديد= مايهابون موت ولا قتال

آه وان قلتها مابه نقيد= آه ويلاه 00 من فرقى طلال

أبو نواف 0 مفراص الحديد= كلنا من رحيله في هيال

أبو نواف مزبان الزهيد= من رحيله صرخ كل الشمال

أبو نواف0 وان قلنا فقيد= اشهد انه0 فقيده يارجال

لاتعزون شمر والرشيد= عزو الكون كله في طلال

فايز الشمري
[/poet]



[poet font="Arabic Transparent,5,white,bold,normal" bkcolor="black" bkimage="" border="none,4,gray" type=2 line=200% align=center use=ex length=0 char="" num="0,black" filter=" shadow(color=red,direction=135)"]
ليه يابلاد الجزاير تقتليني = ليه ترضين الحرام وتعشقينه

ليه يابلاد الجزاير تحرميني = ليه ترضين الدموع وتغرقينه

ليه يابلاد الجزاير تظلميني = ليه ترضين الجرايم بالمدينه

ليه يابلاد الجزاير تشربيني =تشربي دم السلام وتبلعينه

ليه ترضين الغدر بالزايريني =كيف ابو نواف بيدك تغدرينه

الكريم اللي رقى بالطيبيني = للمعالي والمراجل في يدينه

ابو خالد الشمري
[/poet]

[poet font="Simplified Arabic,4,white,normal,normal" bkcolor="black" bkimage="" border="double,7,red" type=3 line=200% align=center use=sp length=0 char="" num="0,black" filter=""]


قلبي على (الملتاع) بالحيل مليوع
عقب الفرح بالعيد (بقعاء) تلوعه

من كثر ما هو بالخبر صار مفجوع
(رابع ليال العيد) يطفي شموعه

قالوا (طلال) أقفى مسافر بلا رجوع
في دربْ من لا ينترجاء رجوعه

حسيت ؛ كن القلب يرجف بلا ضلوع
أو إنها؛ بدت تفتَّح ؛ ضلوعه

بالغدر ؛ أشوفه (معنى الإنسان) مصروع
من غير ما يوجد بمعناه (نوعه)

ملعون ؛ يا ( الغداار) بالرعب والروع
الله ؛ يقْطع كل نفسٍ ؛ قطوعـه

واللي على (الفقيد)ذقنـاه (قرطـوع)
عسى (بلا باطي) تجرَّعْ (جروعـه)

لكنها (الأقدار).. و(حـنا) لها؛ خضوع
بأيامها ؛ مهما تجينا فجوعـــه

لو ؛ إنها الأيام.. تأتي على ؛ الطـوع
ما نفقد ؛ اللي نادراتٍ (طبوعـه)

للجود ؛ بالمرحوم.. والمرجلة ؛ بوع
ما غير (أبو نواف) واحدْ يبُوْعـه

فيه ؛ التواضع بالوفاء طبعْ مطبـوع
وفيه ؛ التصرف بالمهمات روعـه

بالعرف ؛ والمعروف مثْني ؛ ومرْبوع
والخير؛ والإحسان مدْهل ؛ ربوعه

من مثله إنسانٍ مبَجَّلْ ومتْبوع؟!
في غير (رضى الله) نفسه ؛ قنوعـه

يبقى ؛ لنا تاجٍ على الرأس مرفوع
و(الشعر) في ذكراه يأتي ؛ بطوعـه

ولنا الخلف بأشبال (طلال)مشروع
(نواف وأخوانه ) وكامل ؛ فروعه

وعساه ؛ في (طيبا) على أنهار ؛ وزْرُوع
بأثمارها ؛ الأشجار تأتي ؛ خضوعه

و(الحور) من حوله مراييع ؛ ورْتوع
في رحمتك ( يارب) تلفي ( نْجوعـه)

وهاج
[/poet]

[poet font="Simplified Arabic,5,white,bold,normal" bkcolor="black" bkimage="" border="ridge,5,indigo" type=2 line=350% align=center use=ex length=0 char="" num="0,black" filter=""]
تنعيك شــــــــــمر يا خلي العذاريب ..... من غرب سلمى الى حدود ســــنجار

يالضيغمي ياللي غلب طيبك الطيب .... .يابن الكرام الشــــمري واف الاشبار

العين تذرف دمعــــــــها كاللواهيب .... واوجس بقلـــبي من خبرهم كما النار

يا عل قــــــــــبرٍ فيه بين النواصيب .... يسقى من جــــــــنان الولي كل مدرار

يالضيغمي يا شيب عيني ويا شــيب .... قلبٍ غدى مع رابــــــــــع العيد منهار

لو خيروني دون فــــــــجع المكاتيب .... تفداك روحـــــــــي مير هذا وما صار

يا مكـــــرم من جاك وقت المواجيب .... يا مـــــــــــقري ضيفك يا حامي الجار

انتم اهل مــــــــن انكروه المعازيب .... وانتم وفا وانـــــــــتم هل الدار والدار

تبقى لنا لــــــــــو غيّبك خافي الغيب .... ياللي على درب المعالي رقى وســار

يا عل يدينه في حر و كــــــــــلا ليب .... بنار الجــــحيم اللي وقوده من احجار

اللي غدرك ويا عسى قلبه تــــصيب .... حسره ويــــكون الاخره من هل النار

يالله تــــــــرحم والدعاء لاجله تجيب .... ترحم طــــــــــلال وترفعه الف مقدار

في جنه الفردوس جل الــــــــمطاليب .... مــــــــثواه يــاللـــه في دار الاخــــيار

سيف الاسماء
[/poet]


[poet font="Simplified Arabic,4,white,normal,normal" bkcolor="black" bkimage="" border="outset,10,burlywood" type=2 line=200% align=center use=ex length=0 char="" num="0,black" filter=" shadow(color=blue,direction=135)"]
يارحمة الله ياطلال

ابدي قصيدي بالولي ابديه والمعنى رحال=شدّت جموع المرجله باميرنا وأقفة معه

اقفت خذت منّا طلال يارحمة الله ياطلال=اقفت خذت منّا الامير يالعن ابوها ما اسرعه

اقفى وخسرنا رجعته عزااااه ياعيال الشمال=والله حسافه نفقده ظاقت مرابيع السعه

روّح هكا النجم السطوع يرجع لنا ؟؟ هذى محال=وتشتت افراحنا عزاه منهو يجمعه ؟؟

عزيت في موتك ( هلك ) وعزيت ( فزعات الرجال )=وعزيت ( شمّر ) و( الطنا ) و ((ذيك السيوف اللامعه )

وعزيت انا ( عبد العزيز الضيغمي ) تحت الرمال=الميّت الحي الذي مجده على الراس ارفعه

وعزّيت ( نوره ) عزوتك وعزيت ( حايل ) و ( الجبال )=وعزّيت ( نواف )الشموخ نجمٍ لنا في مطلعه

وعزّيت ( نفسي ) و ( القلم ) و ( القاف ) و (اوراق المثال )=و ( نظم القصايد ) و ( البحور ) و ( مراكبه ) و ( الاشرعه )

نبكيك ياشهم الطنا وتبكيك سطرات الدلال=وكم من هنوفٍ فرّعت دموعها في مدمعه

طـــــلال ؟؟؟

طـــــلال ؟؟؟

طـــــلال ؟؟؟

طلال يانسل القروم ارجع لنا تكفى تعال=تكفى لك الله ياطلال تزهمك شمّر واسمعه

ارفع ثرى قبرك فزوع بالله تكفى ياطلال=نبغي نقبّل هامتك عز الله انّه مطمعه

نبغيك تبقى للدهر مادام شمّر بالليال=حازت شهوقٍ شامخه بوجودكم وانتم معه


طـــــلال ؟؟؟

طـــــلال ؟؟؟

طـــــلال ؟؟؟


طلال تكفى ياطلال استأذنك ممكن سؤال ؟؟؟=ترجع لنا وألا خلاص مقفي ولا به مرجعه ؟؟؟

مقفي ولا به مرجعه ؟؟؟

مقفي ولا به مرجعه ؟؟؟

مقفي ولا به مرجعه ؟؟؟


يا رحمـة الله ياطلال ؟؟؟


نزهان الاسلمي
[/poet]


[poet font="Simplified Arabic,4,white,normal,normal" bkcolor="black" bkimage="backgrounds/3.gif" border="outset,10,deeppink" type=0 line=200% align=center use=ex length=0 char="" num="0,black" filter=" shadow(color=blue,direction=135)"]
(( فـقـيــدة شــمـــر ))


علم(ن) لفا هز المشاعـر وصلنـا "=" وهز النباء جميع .. بيض النوايـا

مرحوم يا امير(ن) وفاتـه ذهلنـا "=" كل الطنايا مـن وفاتـه .. طنايـا

أنا وربعي .. وكل شمر .. وأهلنا "=" فقيدة(ن) ماهي أعلوم .وحكايـا

فقيـدة(ن) ياكبـرهـا ماجهلـنـا "=" ماتنوزن يا اهل المدن .. والقرايـا

فقيدة(ن) من روس شمر .. بطلنـا "=" ابن رشيد الضيغمـي .. يالبرايـا

طلال ابـو نـواف علمـه شغلنـا "=" موتة طـلال الضيغمـي ياشقايـا

يالله يالمعـبـود حـقـق آملـنـا "=" تجبر عزاء شمر .. وتجبر عزايـا

الموت حق ولاكن اللي .. عملنـا "=" طلقة غدر من دون ذنب .. وخطايا

أما نشـوف الحـق ولا .. زملنـا "=" أعمارنا لثـار الفقيـده .. هدايـا

حنا تحت حكم الشريعة .. صملنـا "=" نبي أجتهاد بجـد لاأم .. القضايـا

يالعنبـو مـن لامنـا .. لازعلنـا "=" أيه الطنايا مـن وفاتـه .. طنايـا

الشاعر/ خليف الجهيلي
[/poet]



[poet font="Simplified Arabic,6,red,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
اذرفي ياعين وانزف ياوريد = واحزني ياأرض واركع ياحزن
يوم مات الشمري ابن الرشيد = مالنا كود التوجد يازمن
والله انك ياطلال اغلى فقيد= والله انك للوطن كنت الوطن
والله ان بموتتك مات القصيد = كلنا في موتتك صرنا كفن
والله انك كنت سيد ودمت سيد = ولايزال الخير يذكرك بحسن
والله انّابموتتك صرنا نجيد = الدموع اللي تثاقلها البدن
والله ان بموتتك قامت تزيد = المآسي بالعراق وباليمن
والله ان الشام ترثيك بنشيد = يسمعون بكاهم اهالي عدن
والله ان الخير عقبك مو سعيد = من ذراعيك القديمه لاعطن
يالشديد ابن الشديد ابن الشديد = يانصير ٍ للعباد بلا ثمن
صادك الموت الغبن وانته تصيد= والغبن انّا نموت من الغبن
لعنبو وقت ٍ ذبحنا من جديد = في زمان من التخلف والفتن
رحمة الله ياطلال ابن الرشيد = كلنا لك ياولد حاتم كفن

نواف حمود الشمري
[/poet] [/QUOTE]

[poet font="Simplified Arabic,5,red,bold,normal" bkcolor="black" bkimage="" border="solid,7,white" type=2 line=200% align=center use=ex length=0 char="" num="0,black" filter=""]
أي عيــــد اللي تهـنـّـوني عليه ؟؟؟=عيدكــم هذا ترى ماهوب عيـد

عيدكم .. مجرم !! و سفــّـاح و سفـيه !!=مــالقى يقتل سوى ولـــد الرشيد ؟!

تعجز الأوصــاف تلـقى له شبيـه=هــو فـقـيد ٍ كــن ماغيــره فقيد

والعطا لومـــا تعلــّم من يديــه ؟=ينقلب معنــــاه للحرمان اكيـــد

وكل هم ٍ ينفـــرج لا قـال : ايــه=وغيــر عظمـه .. ماخبرنا به شديــد

كل ّما سجّـيــت انا فكــّرت فيه=وانزف دمـــوعي مثـل دمه وازيد !

هــــادم اللـــذات .. كل ٍ يحتريه=ما رحم شيــــــخ ٍ ولا خلــّى وليد

بس ابفهم ليــــه ابونواف ليـــه ؟؟=ومن وفـــاته قاتــــله وش يستفـــيد !!

يــا طلال .. الصيد مــاكــنـّـا نبـيـه=رايح ٍ بتصيد .. والصيّــاد صِـيــد

للحزن فيـــنا ملايــيــن الوجيــه=وانت عنــد الله بحول الله سعيـــد

رحــمــتك يارب .. يــامن نرتجيــه=يالله انـــك تــقـبـله عنـدك شهـيـد

ضيــفــك اللي جـاك عابد .. لا تجيـــه..=.. نارك اللي قولـــها : " هل من مــزيد " ؟!

والفراق الله يــصـــبــّرنــا عليـــه=عظــّم الله أجــرنا وأجر القصيـــد



عبير بنت أحمد
[/poet]

[poet font="Simplified Arabic,5,black,normal,normal" bkcolor="transparent" bkimage="" border="ridge,4,black" type=2 line=200% align=center use=ex length=0 char="" num="0,black" filter=" glow(color=white,strength=5)"]
بسم الله الرحمن رب البريّه = يبدا العزا والحرف منّي تذمّر

قالو : طلال .. وقلت : يا رب حيّه = قالو : توفّى .. قلت حالي تدمّر

طاح الجمر من عين نار ٍ لضيّه = والقلب من علم ٍ لفى اليوم جمّر

تبكي السما .. والأرض حاله شقيّه = غصن الألم في شجْرة الهم ثمّر

تكفون يهْل الخير ردّو عليّه = ملعون ابو منهو علينا تأمّر

يا عزوتي يهْل الطنا الشمريّه = هو مات والا ماتت اقلوب شمّر

مرحوم ياللي ما مشيت الخطيّه = إن مت حبك بالمعاليق عمّر

تبقى ( طلال الحب ) ما دمت حيّه = إن مات حرف الشعْر والا تذمّر

حلا شمّر
[/poet]


[poet font="Simplified Arabic,4,white,normal,normal" bkcolor="black" bkimage="" border="outset,10,burlywood" type=2 line=200% align=center use=ex length=0 char="" num="0,black" filter=" shadow(color=blue,direction=135)"]
ياحروفي وشّحي نفسك .. سـواد(ن) فـي سـواد "=" ياقوافـي اكتبـي حزنـي .. وحزنـك فــي طــلال
ردّدي شـعـره وقـولـي : بـاقـي(ن) فيـنـا وكــاد" =" رسمه اللي راسمه .. يحكي يقول : انـي طـلال
حرف شعره ننقشه .. مايمّحـي .. وسـط الفـؤاد "=" حالف(ن) لاذكر حروفه .. والشعر كلـه طـلال
مستحيـل انسـى .. وهــذا بـامـر ربــي إن أراد "=" مير اردد كـل ساعـه .. مستحيـل انسـى طـلال
كـل قـاف(ن) ينحنـي .. يذكـر يقـول انـه جـواد "=" كـم يمينـه تعطـي .. ولانـدري انـه هــو طــلال
راعـي النخـوه .. الـى منّـك هجدتـه لـو هـجـاد "=" راح يضحك .. قال : ابشر وكّـل الله ثـم طـلال
بـاقــي(ن) فـيـنـا خـيـالـه .. امتـعـنـز بـالـشـداد "=" بوح شعره ينطقـه. كـل الحناجـر : بـس طـلال
يالقوافـي هـلّـي ادمـوعـك .. تـراهـا لــي مــداد "=" يابحـور الشعـر اســف .. مـعـذره هــذا طــلال
ينكسـر عـرف وقواعـد .. تندمـر تصبـح رمـاد "=" يكفي ان الحرف يكتب .. اي شي(ن) في طلال
اطلـب الخالـق .. عظيـم الشـان رازق ذاالعبـاد "=" ارفع ايديني وابدعي .. رب ارضى عن طـلال
طالبك ياذاالجلال .. وخاضـع(ن) لـك باعتمـاد "=" طاعتك فرض(ن) عليّ .. وطالبك ترحم طلال
لــك سجـدنـا .. موقنـيـن وحـنـا ماشفـنـا عـمـاد "=" للسمـا بامـرك رفعـت .. ونوقـن بموتـة طــلال
امـرك اللـي مـن كتبـت آجالهـم .. قـبـل المـهـاد "=" امـرك بحرفيـن ينفـذ .. نعـرف بنلـحـق طــلال
لـو سكنّـا فــي بــروج مشـيـده .. وامــرك أراد "=" لوفعلـنـا مافعلـنـا .. فــوق (حـدبـا) مــع طــلال

سلطان الدوسري
[/poet]



[ALIGN=CENTER]تفتّق الشعر تالي ليل عن عبره
........واكتظّ حزني وضجّ الدمع باهدابي


وجيت اتهادى بقلبٍ خاصمه صبره
........وجرحٍ نزفني يشابه طعنة أصحابي


طلال مامات دام صدورنا قبره
.........بين المحاني يعيش...وفزّ ياترابي


بغيت أصيحك وخانت هقوتي نبره
.......بغيت أعزّي..وعانق صوتي حرابي


يالموت-واستغفر الله-آآآآآه..ياكبره
........لوّك تريثت فادوا دونه أحبـــــابي


عذراً..يانواف..لاتنشد وش الدبره؟!
.......يممت وجهي دعاء..وأسهرت محرابي


كسر "الطنايا" تمادى ياصعب جبره
.............وكلّ(ن) يتمتم:أكيد غيابه غيابي


من عقب يمناه كلٍ يحتقر شبره..
.........من أكبر القوم لين توصّل أترابي


الكون عقبه تقمّص دور هالأبره
.......وحاولت أشيل القصيد وخانن نصابي


طلال..لو مات يبقى قلبنا قبره
........أقول: (مـ آآآآآآت) ..وتلعثم غيمة أسرابي..

للشاعر فهيد العديم[/ALIGN]

الـحـاتـمــي ....



مــر مــــن هـــــنــــــا .....



ويـقـول : الله يعطيك العافية يالسنعوسي ,,, و طلال سيظل في قلوب محبيه للأبد ....

هلا والله اخوي سنعوسي حايل ..

رحل طلال الرشيد رحم الله .. ولكنه سيظل في قلوبنا .. سيظل ساكناً في جميع القلوب .. لأن من هم على شاكلة طلال الرشيد لا ينسون أبداً :sad:

لاتـــعــــزون شــمــر والـرشـيــد .. عــزو الـكـون كـلـه فــي طــلال

فعلاً عزو الكون كله في طلال ..

رحمك الله يا طلال وأسكنك فسيح جناته ..

سنعوسي حايل ألف شكر ..

وما قيل في طلال يظل قليلاً في حقه .. فهو حر من نسل الأحرار وشهم ومواقفه لا تعد ولا تحصى ..

رحمك الله يا طلال ..

إقتباس إقتباس من مشاركة صدى الامس هلا والله اخوي سنعوسي حايل .. رحل طلال الرشيد رحم الله .. ولكنه سيظل في قلوبنا .. سيظل ساكناً في جميع القلوب .. لأن من هم على شاكلة طلال الرشيد لا ينسون أبداً :sad: لاتـــعــــزون شــمــر والـرشـيــد .. عــزو الـكـون كـلـه فــي طــلال فعلاً عزو الكون كله في طلال .. رحمك الله يا طلال وأسكنك فسيح جناته .. سنعوسي حايل ألف شكر .. وما قيل في طلال يظل قليلاً في حقه .. فهو حر من نسل الأحرار وشهم ومواقفه لا تعد ولا تحصى .. رحمك الله يا طلال ..

أحسن الله عزاءك وعزاء قبيلة شمر جميعا في فقيدة الوطن والشعر والرجولة ..

لقد مات طلال ونسأل الله له المغفرة والرحمة فهو لا يحتاج منا إلا الدعاء له ..

وجعل الله في ذريته من يقدم له ما يسعده في آخرته وأن يعمل له عملا ينفعه وأتمنى ممن يعرفهم أن

ينصحهم بعمل مهم وهو تغيير الصورة التي تظهر بها مجلة فواصل في شكلها الحالي وأن تكون

مهتمة بنشر الشعر والإهتمام به بدون الممثلات وصورهن وما إلى ذلك ..

جزاك الله خيرا أخي سنعوسي حائل .. فقد جعلتنا نعيش الموقف أكثر من مرة بهذه القصائد المعبرة ..
....
اللهم أرحم طلال الرشيد وتجاوز عنه وأغفر له يارب العالمين ..

رحمة الله ياطلال ابن الرشيـد
كلنا لـك ياولـد حاتـم كفـن



عظم الله اجر الجميع طلال ماهو فقيد شمر ولاعبده ولا الرشيد طلال فقيد العالم كله .


ّّّّّّّّّّّّّّّّّّّّ~~~~~~~~~~~~~~~~~~~~~~~~~~~~~~~~~~~~~

مات الرشيد بوسط ذيك الجزاير عجج سما شمر بموته واظلم

عزو البشر ودونو عليه العباير وعزو سنجار وعبده والاسلم

والله ان يبقى ثاره اليوم ثاير لو ياصل لحد الركب لاجله الـــدم ..

رحمك الله يا طلال واسكنك فسيح جناته

طلال كان انسان بمعنى الكلمة


لاتـــعــــزون شــمــر والـرشـيــد .. عــزو الـكـون كـلـه فــي طــلال

الف الف الف شكر لك اخوي سنعوسـ حايل ـي

وصدقني مهما قيل في طلال يظل قليل في حقه


رحمة الله عليك يا ابو نواف

[ALIGN=CENTER]

إقتباس الـحـاتـمــي .... مــر مــــن هـــــنــــــا ..... ويـقـول : الله يعطيك العافية يالسنعوسي ,,, و طلال سيظل في قلوب محبيه للأبد ....

هلا الحاتمي

الله يعافيك... وسيقى طلال في قلوب الجميع


تحياتي لك

إقتباس صدى الامس هلا والله اخوي سنعوسي حايل .. رحل طلال الرشيد رحم الله .. ولكنه سيظل في قلوبنا .. سيظل ساكناً في جميع القلوب .. لأن من هم على شاكلة طلال الرشيد لا ينسون أبداً لاتـــعــــزون شــمــر والـرشـيــد .. عــزو الـكـون كـلـه فــي طــلال فعلاً عزو الكون كله في طلال .. رحمك الله يا طلال وأسكنك فسيح جناته .. سنعوسي حايل ألف شكر .. وما قيل في طلال يظل قليلاً في حقه .. فهو حر من نسل الأحرار وشهم ومواقفه لا تعد ولا تحصى .. رحمك الله يا طلال

العفو اخوي والله يرحم الفقيد بواسع رحمته ويسكنه فسيح جناته

و طلال سيظل في قلوب محبيه للأبد ..

تحياتي لك


المعترض

مشكور على مرورك

والله يرحم طلال بواسع رحمته[/ALIGN]

رحم الله الامير طلال واسكنه فسيح جناته انشاء الله


ياشمر الاجواد ماهو لنا الويل
لومات راعي العز محييه زينه



باذن الذي دون الحرم خيب الفيل
مرحوم ابو نواف في ظل دينه


طلال مات وزان شرب الفناجيل
موتة شرف لوهي علينا غبينه
خطو ادمي لامات طاريه بسهيل
وخطو ادمي طاريه مثله بطينه



ياترى شفت الجنازه ياطلال
او تزاورتو على قول الشيوخ
ان درى ان الوفا مات اغتيال
قل له ان الحر خلف له فروخ



لاتعزون شمر في طلال الرشيد
عزو الكون كله لعنبو غيركم
عزتي للطنايا يوم قفا شهيد
الله يجير شمر والله يجيركم



اطلب الله يرحم اللي بيوم قال
لعنبو وقت(ن)غدينابه حطب

[ALIGN=CENTER]

إقتباس راشد ------- أحسن الله عزاءك وعزاء قبيلة شمر جميعا في فقيدة الوطن والشعر والرجولة .. لقد مات طلال ونسأل الله له المغفرة والرحمة فهو لا يحتاج منا إلا الدعاء له .. وجعل الله في ذريته من يقدم له ما يسعده في آخرته وأن يعمل له عملا ينفعه وأتمنى ممن يعرفهم أن ينصحهم بعمل مهم وهو تغيير الصورة التي تظهر بها مجلة فواصل في شكلها الحالي وأن تكون مهتمة بنشر الشعر والإهتمام به بدون الممثلات وصورهن وما إلى ذلك .. جزاك الله خيرا أخي سنعوسي حائل .. فقد جعلتنا نعيش الموقف أكثر من مرة بهذه القصائد المعبرة .. .... اللهم أرحم طلال الرشيد وتجاوز عنه وأغفر له يارب العالمين ..

اللهم اااامين

مشكور اخوي وملاحظتك على المجله في مكانها

تحياتي لك

إقتباس Abu saad 66 --------- رحمة الله ياطلال ابن الرشيـد كلنا لـك ياولـد حاتـم كفـن عظم الله اجر الجميع طلال ماهو فقيد شمر ولاعبده ولا الرشيد طلال فقيد العالم كله . ّّّّّّّّّّّّّّّّّّّّ~~~~~~~~~~~~~~~~~~~~~~~~~~~~~~~~~~~~~ مات الرشيد بوسط ذيك الجزاير عجج سما شمر بموته واظلم عزو البشر ودونو عليه العباير وعزو سنجار وعبده والاسلم والله ان يبقى ثاره اليوم ثاير لو ياصل لحد الركب لاجله الـــدم ..

مشكور اخوي
والله يرحم الفقيد بواسع رحمته
وعزائنا الوحيد انه خلف نواف وذاك الشبل من ذاك الاسد

تحياتي لك

إقتباس عمر $ --------- رحمك الله يا طلال واسكنك فسيح جناته طلال كان انسان بمعنى الكلمة لاتـــعــــزون شــمــر والـرشـيــد .. عــزو الـكـون كـلـه فــي طــلال

رحم الله طلال واسكنه فسيح جناته

مشكور اخوي عمر وطلال سيبقى في قلوب محبيه للأبد

تحياتي لك[/ALIGN]

[ALIGN=CENTER]

إقتباس العرفج الف الف الف شكر لك اخوي سنعوسـ حايل ـي وصدقني مهما قيل في طلال يظل قليل في حقه رحمة الله عليك يا ابو نواف

اللهم ااامين

وسيبقى طلال في قلوب محبيه للأبد

تحياتي لك

إقتباس رفيق الزعيم رحم الله الامير طلال واسكنه فسيح جناته انشاء الله ياشمر الاجواد ماهو لنا الويل لومات راعي العز محييه زينه باذن الذي دون الحرم خيب الفيل مرحوم ابو نواف في ظل دينه طلال مات وزان شرب الفناجيل موتة شرف لوهي علينا غبينه خطو ادمي لامات طاريه بسهيل وخطو ادمي طاريه مثله بطينه ياترى شفت الجنازه ياطلال او تزاورتو على قول الشيوخ ان درى ان الوفا مات اغتيال قل له ان الحر خلف له فروخ لاتعزون شمر في طلال الرشيد عزو الكون كله لعنبو غيركم عزتي للطنايا يوم قفا شهيد الله يجير شمر والله يجيركم اطلب الله يرحم اللي بيوم قال لعنبو وقت(ن)غدينابه حطب

اللهم ااامين

الف شكر لك على مرورك
والله يرحم طلال

تحياتي لك[/ALIGN]