ياناس ياعالم اللي عنده قطعة الشارك بورت يدخل بسرعه.....!
 

بسم الله الرحمن الرحيم

طبعا الكل دخل يحسب فيه شي لان الموضوع شكله يروع~(ادخلوا بسرعه)~

المهم
شباب انا درت محلات كثيره ابي قطعة الشارك بورت( اتمنى الكل يعرفها) وقالوا لي ماعندنا اقولكم رحت عند ابو بكس قلت له ابي قطعة الشارك بورت:- ابو الشباب فق خشته يقول ايش ، قلت:- قطعة الشارك بورت ، قال:- جيم شارك ، قلت اقول ازهلها ياولد ........... الخالمهم انهم مايعرفون هالقطعة وشي

فياليت اللي يعرف محل ممتاز يبيع هالقطعة يعلمني وياليت يكون في السويدي او حول السويدي انتم المهم عطوني المحلات اللي عندكم اللي يبيعون هالقطعة اذا ما عليكم امر

محبكم/
مشكلني حبك يانواف

واللي عنده هالقطعة ياليت يعلمنا
هل يستفيد منها غير انه ينقل الباتش من النت الى الشريط
يعني وش مميزات هالقطعة ووش عيوبها وكم سعرها
تكفووووووووون عطوني خبر

لا يا واد وين رحت:)؟
اللي ينسخ الباتش من الكمبيوتر الى الشريط هو السيدي رايتر؟
يعني تدمج الباتش وتسوي اللي تبيه ومن ثم تنسخه عن طريق السيدي رايتر:)
تقريبا 450 ريال سعره اقلا واكثرا تحصله بــ 600:)

افضل cd للنسخ ما يتجاوز سعر 300 ريال وافضل شي سيدي رايتر اسمه اوميقا وسرعة النسخ 52X

داحم توتا؟
متأكد 300 ريال؟
لاني والله ناس يقولوا اكثر شيء 600 ريال
بما ان اللي قالها مصدر موثوق اجل بكره نشترك بصالح كامل ونشتريه مره وحده:)
الف شكر لك عبدالرحمن

مشكورررررين والله يعطيكم الف عافية


ومازال سؤالي مارديتوا علية

الباتش كيف اجيبه من النت وانسخه على الشريط اللي عندي

مثل داحم توتا نزل باتش عن الدوري السعودي 7 ونزله عن طريق باتش وانا ابي اخذ الباتش علشان العب فيه ( يعني انسخه على شريط ويننق اليفن 7) فا وشي الطريقه

هل للشارك بورت دخل في العمليه

او السي دي رايتر فقط

ياليت تعلموني

تفضل
 

القطعه موجوده في محلات بيت الكمبيوتر وقيمتها 150 ريال
واذا مالقيتها تلقاها في مجمع الراشد فوق في محل خلف حكاية لعبه نسيت اسمه والله هو محل ركنى في الدور الثالث وهو محل العاب اصليه للكمبيوتر انا بنفسي شريتها منهم بس انتبه حبيبي لازم يكون جهازك سوني بلايستشن 2 نظام انت سي مو بال لاانها ماتشتغل الا عليه
وعموما في منتدى المنتدى قسم ويننج اليفن في شرح كامل كيف تنزله من الانترنت مباشره وتشتري الكيبل من محلات الكمبيوتر

وتفضل الموقع http://www.montada.com/forumdisplay.php?f=36

باقيراا

والله العظيم انك ماقصرت يالغالي وانت اول عضو يقولي هالملاحظه وهالمعلومات بعد داحم توتا لكن الشهاده لله ماقصرت

الله يوفقك دنيا واخره .....

واي شي تراني بالخدمة

مشكلني
 

ارسل لي مسنجرك على بريدي والله بتدعيلي مالك الا طيبة الخاطر بترتاح من الشارك بورت ماله اي داعي انا باانتظار مسنجرك

هلا اخوي
لا تتعقد ولاهم يحزنون
ولا تروح تدور شارك بورت ولا اكس بورت
شف الموقع هذا
xport.3tt1.com
----------
والسيدي رايتر
افضل رايتر بالسوق هو رايتر من شركة
LITE-ON
52X
وسعره من الوكيل 200 ريال
واذا كنت من الرياض
مقر الوكيل مركز الصالحية اللي على طريق الملك فهد
والمقر الثاني على طريق العليا العام بجوار الهوليدي ان ( حراج العليا )
وهذا الرايتر انا مجربه من اكثر من سنه ولا زلت استخدمه ونسختبه اشرطه وباتشات كثير وشغاله زي الفل على البلايستين 2

والسلام عليكم