[ALIGN=CENTER]سلامو عليكم

كل عام وأنتم بخير << تراني أسبق لعيد الأضحى عشان محد يزعل علينا ويقول توك جاي تعايدنا ;)

بس حبيت أسلم عليكم وأشوف وش أخباركم ؟؟

على طاري الأخبار يقولون أن ربعنا يبون يفتحون قناة إخبارية هو صحيح ؟؟؟ يعني أخبار الساعة تسع ونص تبي تلغى ؟؟؟ وأخبار بعد المغرب بعد تبي تلغى ؟؟؟ وأخبار بعد الظهر تبي تلغى ؟؟؟ وأخبار آخر الليل تبي تلغى ؟؟؟
ما دام كل هذولي في قناة وحده ليش ما يحولون القناة نفسها إلى قناة أخبار ويريحون أنفسهم ؟؟

صح ويقولون أنهم يبون يخلون القناة الرياضية قناة فضائية ؟؟ عز الله راح فيها اللي مشترك بابو ظبي والأوربت والـ art لأن ربعنا يبون يكوشون على كل شئ وعلى كل أنواع المسابقات الرياضية ;) حتى يقولون أنهم من الحماس اللي فيهم يبون ينقلون الدوري السيرلنكي حصرياً على القناة الأرضية وبعد المباراة بيوم يبون يسمحون لصالح كامل أنها ينقله على قنواته ويقولون أنهم توهم موقعين أتفاقية بينهم وبين قناة ابو ظبي عشان ينقلون الدوري الأوزوباكستاني بعد ما تنقلها قناتنا المبجلة مباشر على البث الأرضي وهم ينقلونها مسجلة ;) ..

صح ويقولون أن ربعنا يبون يفتحون قناة أطفال عشان يكون بثها خاص للأطفال ولا يغثون أهلهم كل ما جت أفلام كرتون كل شوي حطوا هالقناة وإلا خلوا هالقناة ويقولون أنهم يبون يجيبون فيها آخر أفلام الكرتون مثل توم وجيري وبنك بانثر والدب والنحيف [[ اللي دايم يصيح ]] وكلها تبي تكون أول مرة تعرض ..

صح وبما أننا نتكلم عن الأشياء اللي تبي تعرض أول مره يقولون أن ربعنا بعد ما بثوا آخر المسلسلات خلال شهر رمضان وكانت كلها حصرياً يبون يطلعون برنامج جديد ولا قد مر على القنوات مثله .. يعني بعد سلسلة البرامج اللي طلعوها ربعنا وكان لهم السبق بها وبعدها قلدوهم القنوات الثانية مثل من ذاكرة التاريخ ;) وعناوين الأخبار ;) ومجلة التلفزيون وأخبار العالم في أسبوع ... وإلخ [[ نبي نتعب وحنا نعد ]] .. أنهم يبون يعرضون بعد فترة قصيرة برنامجهم الجديد واللي يبي يكون مفاجئة سااااااااااااارة لكل المشاهدين الأعزاء <<< بالله عقب هالكلام ما تحسون أني وزير الإعلام متلطم

صح وعلى طاري اللطمة يقولون أن البرد أشتد والشتاء بقى جد نعمل أييييييييييييييييييه ندفى ندفى نلبس ثوب الدفه <<< تراه مهوب البزر اللي في آخر الطيارة

شفتوا شلون الله يهديكم طلعتونا من الموضوع اللي جاي عشانه .. المهم أنا كنت بسلم عليكم وبس وبشوف وش آخر أخباركم ..[/ALIGN]

أجل عضو جديد خليتني أحسبك عضو جديد

الـحـاتـمــي ....



مــر مــــن هـــــنــــــا .....



ويـقـول : الله يقطع ابليسك يا صدى البارح !!

يوم شفت العنوان ,, قلت أكيد الرجال ضارب فيه فيوز !!

يا هلا بك اخوووي >>> والله الله بالمشاركات اللي تفيد الزعيم

>>>>> تحس بس قرا العنوان والموضوع ما قراه ------> والله بعض الربع يسوي هيك ....

أخس على هيك ...

أقول بس قلهم يعقلون بلا سيرلنكي بلا شيء لا قلهم بعد الاندنيسي ترا الدوري عندهم مشعلل

سلاموننننن ..

والله يخليك كثر من هالمواضيع زينون ...

طرح ساخر وأؤيدك في كل كلمة
أنت مميز
وحلوة الدب والنحيف اللي دايم يصيح

طالما مذيعين النشرة الجوية من بدت قبل ثلاثين سنة وهم هم ماتغيروا
وجع .... ماعندنا أحد (الوالد هو اللي يقوله والا أنا مالحقت عليهم ترى)
ومذيعين الأخبار بعضهم يالله يتهجى ومسوين فيها زحمة الغترة تصلح جدار
أما مذيعين الربط فياهو الحلاق والخياط يستلمون راتبه ويتسلف بعد
والباقي عليكم

هلا saudi2002 ...

إقتباس أجل عضو جديد خليتني أحسبك عضو جديد

لا تدقق وأنا أخوك هذا كله من الفيمتو وما يسوي

هلا بالحاتمي اللي مر من هنا ..

إقتباس يوم شفت العنوان ,, قلت أكيد الرجال ضارب فيه فيوز

يا بعدي من ناحية الفيوز فهي ضاربه .. ياربي لا تعاقبنا .. طابين شهر كامل بالفيمتو الناس تتعبد وحنا مغير نشرب من هالفيمتو ..

تحياتي لك وكثر من مرورك يالغالي ..

هلا 3bdullah ..

إقتباس يا هلا بك اخوووي >>> والله الله بالمشاركات اللي تفيد الزعيم

الله مير يحيك .. بتوجيهاتكم ودعمكم بإذن الله نفيد الزعيم ..
<< راد وما يدري وش كاتب

تحياتي لك ..

هلا Mr.A ..

إقتباس طالما مذيعين النشرة الجوية من بدت قبل ثلاثين سنة وهم هم ماتغيروا وجع .... ماعندنا أحد (الوالد هو اللي يقوله والا أنا مالحقت عليهم ترى) ومذيعين الأخبار بعضهم يالله يتهجى ومسوين فيها زحمة الغترة تصلح جدار أما مذيعين الربط فياهو الحلاق والخياط يستلمون راتبه ويتسلف بعد والباقي عليكم

يا بعدي جيت على الجرح ..
من طلعنا على الدنيا وحنا ما نعرف إلا حسن كراني والجازع وعشماوي .. يعني خلال كل هالسنوات ما فيه أحد طلع يقدر يقدم نشرة الأحوال الجوية ؟؟ مع أنها مايبي لها شئ حر وشموس وقوايل بالصيف وبارد وجو غائم في بعض الأحيان مصحوب بسحب رعدية في الشتاء وقضينا على خير ..
أما المذيعين شفهم في قناة الرياضة .. اللي الدلع ماليهم ملي .. وغيره وغيره بس وش نقول !!!

تحياتي لك ,.,