لاتعتزل يالنمر *** لاتعتزل يافنان
رياضتنا بتندمر*** بعدك يانور الميدان
***
لاتتركنا يابوناصر*** يامبدع ياملك الكوره
لك هيبه والله ياكاسر*** يابو السحبات المشهوره
***
اللي بعدك لعبه قاصر*** لعب درادع وبزوره
ماتلقى اللي ذهنه حاضر*** تلقى لعيبه مغروره
****
شياكه واللي انت خابر*** دميه في الملعب أو صوره
إلا البعض وسامي الجابر*** ونواف القوي حضوره
***
انت الفلته يالموهوب*** روضت الكوره بحرافه
لك جمهورك يالمحبوب*** عددهم هايل ، خرافه
***
ياما حضرنا للملعب*** نطمع في كنز المهاره
نمشي كثير ومانتعب*** نوصله من أبعد حاره
على رجلينا نتعذب*** لاسيكل ولا سياره
***
مايهمنا ، كل التعب*** يتلاشى بعد البدابه
انت أغلى مكتسب*** تعبي أحطه ورايه
***
تكفينا المتعه ياجنتل*** لما تبيع الظهير
يلحقك وقصده يتمعتل*** وانت في دربك تسير
***
ناصي المرمى والا تمرر*** هدفك الفوز ياأمير
والخصم يتمتم ويبربر*** عاجز يمنعك المسير