اخوي العطيب الهلالي


مافي مشكلة نعلمك شوي

وهاك الدرس اللي بعد المغرب بس اهم شي انك جايب ورقة وقلم ومزمزية


ترى خلفية الجهاز الي قصدها ابو لما هي خلفية الصورة اللي بشاشة الكمبيوتر

اتمنى انك فهمتها يابو متابعة ;);)

ولو تبي فزعة ثانية انا حاضر

وبديك نصيحة
























هالله هالله بالمتابعة

البودي قارد رقم 2 New Yorker

إقتباس مافي مشكلة نعلمك شوي وهاك الدرس اللي بعد المغرب بس اهم شي انك جايب ورقة وقلم ومزمزية

وش مزمزيته ؟؟؟؟؟
ترا اسمها زمزمية الله يصلحك يا وليدي ..
وبعدين يبدو لي انك بدائي تقول ورقة وقلم وحنا في عصر اللاب توب .

إقتباس ترى خلفية الجهاز الي قصدها ابو لما هي خلفية الصورة اللي بشاشة الكمبيوتر

اهااااا اثر ابو لما قصده كذا .
أنا ما دريت انه راعي حركات وطهبلة الا منك والا كان فهمتها من قبل .

إقتباس اتمنى انك فهمتها يابو متابعة

لاوش دعوى فهمتها زين واللي فهمته بعد واتوقعه ان الرجال يقول هالحين لاعادت عليه هو وفزعته .:sad::sad:

إقتباس ولو تبي فزعة ثانية انا حاضر

ما قصرت وش دعوى بيض الله وجهك كله .
قل آمين ..

إقتباس وبديك نصيحة هالله هالله بالمتابعة

أبشر بس مدري بمزمزية والا بدون مزمزية

[ALIGN=CENTER]



الموضوع أخذ كفايته وردي ما راح يسوي شي
لكن حبيت اقولك شي واحد يابو لما
صدقني لو انت عندي الحين
لـ امتخك بـ بوسه على خشمك
مدري ليش اذا قريتلك احس اني انا اللي كاتب الموضوع
اسلوبك في الطرح رائع يابعدي وما وصلت لمواصيلك
لكن أفكارك أحس انها افكاري




همسه : لو الاستنساخ يجوز فـ عز الله اللي نسخت منك اثنين
واحد ارسله لشبكة الهلال والثاني لموقع النمر ;)

تحياتي العطره يابو لما

اخوك // السكري [/ALIGN]

[ALIGN=CENTER]zaeem32

شاكر مرورك أخي الكريم .

سامي عثرات الهلال

شاكر مرورك أخي الكريم .


إبراهيم 11

أهلا بأخي الكريم .. ممكن ترشح أسم ( مدرب صح ) ممكن نشارك معه في الدوري الإيطالي ؟

100% هلالي

شاكر مرورك أخي الكريم ... وصدقني أتفق معك 100%

المعترض

أهلاً بالعضو النشيط ما شاء الله عليك الله لا يضرك
شاكر مرورك أخي الكريم.


جنوون الهلا11ل

ابراهيم اليوسف رجل مجتهد وما يقصر الله يوفقنا واياه .. آمين .
شاكر مرورك أخي الكريم.

مـشـعـل

شاكر مرورك أخي الكريم.

المداوي

في الأنتظار

ابولميـــاء

شاكر مرورك أخي الكريم.


بخيت

أحبك الله يا أخي الكريم .. وكل عام وأنت بخير وسلامة .. شاكر مرورك .


هلالي جداوي

إقتباس ورايح يجي يوم تسمع الجماهير في المدرجات تنادي ( اديموس... اديموس.... اديموس)

يمكن هاليوم يجي ... الله أعلم ... لكن أن شاء الله يجي والأمور تزين والهلال يأخذ بطولة هذا الموسم على يد هذا المدرب .

راشــد

شاكر مرورك أخي الكريم.

رموز الهلال

ليت توضح أكثر ... و شاكر مرورك أخي الكريم.


مايهني احد

هلا والله بـ ( ما يهمني أحد ) يوزر جميل أتمنى أن يكون في الحق دائماً ما يهمك أحد ...

أولاً أحب أن أشكرك على ثقتك وأهتمامك الكريم بهلاليتي وعدم نزعها رغم أختلافنا ...
وهذا ما ننادي له ونسعى له دائماً في كل نقاشتنا ...

أما بالنسبة (( للجحده )) تأكد أنني لن ( أجحد ) رأئي ولكن أخلاف كلامي ...
ولكن أرجو منك في نفس الوقت أن تذكر أنني أوضحت وذكرت أن للمدرب أخطاء ...
بالنسبة للمفرج والعنزي والمسعري وسيسيه ..
أجد ربما خلاف على أول ثلاث أسماء بين الجماهير وأن كان الأول أقنع الكثيرين والثاني كان سبب رئيس في أهم ثلاث نقط أمام القادسية ...
والمسعري لاعب طوارىء للمدرب ... أما سيسيه لأول مرة أقرأ أنه غير مقنع لمشجع هلالي !!

أما قناعتي بالمفرج والعنزي .... أقول لك يا أخي الكريم .. لو كان النعيمة بعزه في الأحتياط والثنيان أو سعد مبارك جاهزين على الجناح لما طالبت بالمفرج أو العنزي ...
أخي الكريم مطالبتي كانت بالكف عن تحطيم لاعبي فريقنا وخاصه المفرج والعنزي ..
المطالبة بدعم الاعبين قليلي الشعبية ليس عيباً أو حراماً فهذا هو الدور الحقيقي للجماهير ...
أخي الحبيب لو أخذنا عناصر فريق مثل ( النصر ) لظهر الفارق الكبير بينهم وبين نجومنا .. لكن النتيجة في النهاية تكون تعادل او قريبة ... لماذا ؟؟

من وجهة نظري أن المسألة تكمن في الدعم الجماهيري الذي يجدونه والعكس الذي يجده نجومنا ..
لذلك تجد الاعب الهلالي الذي يجاهد نفسه ويحاول ويحرص على الإبداع ( يصطدم ) بنار الجماهير .
فالصبر والدعم للاعبينا حتى نتجاوز هذه المرحلة الإنتقالية ...


لردودكمالغاليةعودة[/ALIGN]

كما هو الابداع دائما ... عنوانه ابولما ..

في الحقيقة كنت اتمنى ان اشارك في الموضوع .. ولكن لموافقتي لكثير من النقاط في الموضوع .. ولانشغالي اكتفيت بالقراءة وعلمت فعلا ...

أن رضاء الهلاليين .. غاية لا تدرك ..

ولكن ادهشتني الاسباب " الدرزن " التي سردها الاخ العزيز : العطيب الهلالي
واللي ادهشتني صراحة هذا بالذات

إقتباس 11- عدم تمرين اللاعبين على عملية الاستفادة من الكور الثابتة واللي من ضمنها قدام الجيش حول 14 ركنية لم يستفد ولا من وحدة منهن .

يبدو يا غالي انك لم تحضر تمرينا لفريق الهلال منذ اشراف ادديموس على الفريق .. وربما انك لم تشاهد ادديموس على الطبيعة ..

فلا اذكر ان هناك تمرين لنادي الهلال " خصوصا" قبل المباريات الا ويكون هناك اقل شيء 10 دقائق تمرين على ضربات الزاوية ..!!
حتى هنا في المنطقة الشرقية مع ان الوقت كان ضيق جدا .. كان هناك وقت مخصص لتنفيذ ضربات الزاوية ..!!

عموما اتمنى يا غالي ان لا يكون هدفك من خلال ردودك اثبات صحة كلامك ..
انا شخصيا احترم وجهة نظرك .. ولكن لابد ان يكون لديك ايضا مرونة واستعداد لتقبل آراء الغير ولا اقول ان تكون مجبرا على الاقتناع بها ..
المهم ان تستمع لاراء الغير دون ان تجهز ردا لها قبل ان تقرأها ..

ايضا هذا شدني ..

إقتباس 1- لياقة عند اللاعبين صفر والدليل النتايج تنقلب على الهلال في الشوط الثاني في أكثر من مباراة .

لنتابع نتائج كل مباريات الدوري لاعطيك الرد على هذه النقطة بالارقام .. ونشوف مدى فائدة اللياقة اللي ماهي عاجبتك ..

الدور الاول
1- الهلال × الاتفاق -------- 0/0

مافيه احد قلب النتيجة على احد ..


2- الهلال × الشباب ------- 2/2

في هذه المباراة احرز الشباب الهدف الاول في الدقيقة 23 والهدف الثاني للشباب في الدقيقة 26
وفي الشوط الثاني قلب الهلال النتيجة الى التعادل بعد هدف الحربي في الدقيقة 38 وهدف الشلهوب في الدقيقة 44 ( يعني في نهاية الشوط بمعنى اخر عصارة اللياقة كلها طلعت ) مع العلم ان تراوري اضاع هجمة لا تضيع في اخر الدقائق ..


3- الهلال × النصر ---------- 1/ 1

المباراة كلها كانت هلالية بحتة وهدف النصر صحيح انه جاء بعد هدف الهلال الا انهما كانا في الشوط الاول ومافيه احد قلب النتيجة في الشوط الثاني .. اضف الى ذلك ماصاحب المباراة من اخطاء تحكيمية وفاولات .. بالاضافة الى ان هدف النصر جاء من كرة ثابتة ..


4- الهلال × الأهلي ------- 2/ 1

احرز الاهلي الهدف الاول في الدقيقة 20 من الشوط الاول
واحرز العنزي هدف التعادل في الدقيقة 25 ..
وقلب الصويلح النتيجة في الدقيقة 47 من زمن الشوط الثاني .. ايضا في اخر انفاس المباراة ..



5- الهلال × الوحده ------- 2/ 3

قد تكون هذه هي المباراة الوحيدة التي قد تكون لصالح كلامك .. اذا غضينا النظر عن ان الهدف الوحداوي جاء عن طريق ضربة جزاء غير صحيحة اطلاقا بشهادة الخبراء والمحللين جميعا ..

احرز الهلال الهدف الاول في الدقيقة 23 من الشوط الاول .
ثم احرز باولو ديسلفا هدف التعادل في الدقيقة 39 من نفس الشوط ..
واحرز تراوري الهدف الثاني في اول الشوط الثاني ..
ثم تعادل ديسلفا في الدقيقة 43 من الشوط الثاني من ركلة جزاء غير صحيحة ..
ثم احرز سلطان اللحياني د (90+3 ) في الشوط الثاني بعد انفلات المباراة من لاعبي الهلال ..
والكل اجمع ان الهلال في تلك المباراة كان سيئا .. وايضا كان هناك بعض الاخطاء للمدرب يتحمل جزء منها ..


6- الهلال × الشعلة ----- 3/ 0

محمد الشلهوب في د ( 24) في الشوط الأول
عبدالله الجمعان في د ( 27) في الشوط الأول
محمد العنزي في د ( 66) في الشوط الثاني

اعتقد لا تعليق على هالمباراة والاهداف على مدار الشوطين ..



7- الهلال × الطائي ----- 1/ 2

حسين العلي في د ( 41) في الشوط الأول
حمادجي د ( 61 ) في الشوط الثاني
مودي نجاي د ( 88 ) في الشوط الثاني

هذه المباراة لم اشاهدها في الحقيقة ولكن هي تؤيد كلامك ان الاهداف ولجت في مرمى الهلال في الشوط الثاني وربما يكون للياقة دور في ذلك ..
ولكن لا تنسى ان الطائي بعد هذه المباراة قلب الطاولة على كل الفرق التي واجهته بوجود المدرب الرائع العجلاني وما قدمه للطائي من دعم معنوي ..
عموما ارفض التعليق على هذه المباراة لانني لم اشاهدها ..


8- الهلال × الإتحاد ------- 0/ 0

اعتقد انك متفق معي ان الهلال يستحق الفوز في هذه المباراة ومتفق ان الهلال قدم مستوى رائع وخذلته النتيجة وخذله الحكم الذي لم يحتسب ضربة جزاء للهلال صريحة جدا لاحمد الدوخي في نهاية الشوط الثاني ( والمباراة تلفظ انفاسها ) وهنا اللياقة كانت لصالحنا وليس ضدنا ..



9- الهلال × الخليج ------- 2/ 0

تراوري د (5) في الشوط الأول
تراوري د (67) في الشوط الثاني

اهداف على مدار الشوطين ..


10- الهلال × الرياض ------ 2/ 1
نتيجة الشوط الأول 1/ 1
الهدافون حسين العلي د (39) في الشوط الأول
سامي الجابر د (95+) في الشوط الثاني

الهدف في اخر الدقائق .. في الشوط الثاني .. حرام عليك .. كل هذا وماعندهم لياقة ؟؟!!!


11- الهلال × القادسية -------- 2/ 0
الهدافون حسين العلي د (21) في الشوط الأول
حسين العلي د (54) في الشوط الثاني

هدف في الشوط الاول والاخر في الشوط الثاني

الدور الثاني

12- الهلال × الإتفاق -------- 1/ 0

سيسية في منتصف الشوط الثاني ...



واذا كنت تريد ايضا مباراة الجيش الاول .. صحيح ان الجيش قلب المباراة على الهلال .. ولكن هناك اسباب غير اللياقة ..

1- الارهاق من كثرة المباريات ..
2- الارهاق من السفر والمشقة وماواجه الهلال في سوريا
3- وهو الاهم .. تصرفات الجمعان اللي خلت الفريق كأنه يلعب على سلك كهرب مو على ارضية ملعب .. مما ادى بالفريق للنرفزة ...


اما مباراة الجيش الثانية .. طبعا انت تذكر هدف المنقذ الصويلح في اخر الدقائق .. في نهاية الشوط الثاني ..


المهم انا طولت على الشباب ولكن حبيت بس اثبت عدم صحة السبب الاول للجميع بالارقام .. وما اعتقد ان عندي وقت عشان اتحدث عن كل الاسباب ..


شاكر للجميع واسف على الاطالة .. وشكرا ابو لما

اخوي الموهوب
مساك الله بالخير .

إقتباس ولكن ادهشتني الاسباب " الدرزن " التي سردها الاخ العزيز : العطيب الهلالي واللي ادهشتني صراحة هذا بالذات 11- عدم تمرين اللاعبين على عملية الاستفادة من الكور الثابتة واللي من ضمنها قدام الجيش حول 14 ركنية لم يستفد ولا من وحدة منهن . يبدو يا غالي انك لم تحضر تمرينا لفريق الهلال منذ اشراف ادديموس على الفريق .. وربما انك لم تشاهد ادديموس على الطبيعة ..

وش دعوى عسى بعد ماهيب التمارين محتكرة لناس معينيين ؟
وبعدين اديموس هذا مشفر والا مخفّر ماحد يناظره على الطبيعة .
ياخوي ترى الهلال وتمارينه ملك لجماهير الهلال كلهم ماهيب لناس عن ناس الله يصلحك .
والا لازم نعلمكم اننا حضرنا التمرين علشان تصدقون كلامنا .
وبعدين اللي يخليك تحضر التمارين وانت بالخبر ورا ما يخليني احضرها وانا بجنب النادي .
وبعدين تبغاني اكتب عن شي انا ماشفته . أنا ماتكلمت الا عن شي شايفه بعيني .
وانا قلت شوفو الفرق بين باتيستا البرازيلي المغمور وبين هالداهية العالمي وش كانو يسوون بالتمارين .
يعني اتكلم عن اثنين شفت تمارينهم والكل يذكر كيف كانت تنفذ الضربات الحرة والركنيات ذيك الايام .
أيام أشرف قاسم وابو اثنين والثنيان والرشودي والرشيد وموسى نضاو.

إقتباس فلا اذكر ان هناك تمرين لنادي الهلال " خصوصا" قبل المباريات الا ويكون هناك اقل شيء 10 دقائق تمرين على ضربات الزاوية ..!! حتى هنا في المنطقة الشرقية مع ان الوقت كان ضيق جدا .. كان هناك وقت مخصص لتنفيذ ضربات الزاوية ..!!

الله عشر دقايق قايلها كنها ياشيخ راس الأسد .
وعشر دقايق كافية لتعويد اللاعبين على كيفية الاستفادة منها .
وبعدين ويبن فايدة هالعشر دقايق .
ياخوي ريفالينو كان يشوت بعد التمارين حول 80 ركلة علشان يتعلم يعني غير التمارين وانت تقول عشر دقايق .
هالعشر دقايق لايمكن تتعدى أكثر من ثلاثين ركنية هذا اذا حسبنا معدل ثلاث ضربات لكل دقيقة .
طيب ما يتخلل هالتمارين ايقاف لتوجيه الاعب المنفذ وايقاف لتوجيه المدافع المخلص وايقاف لتوجيه المهاجم او من يريد التسجيل وتوجيه للحارس ..
واحسب كل ايقاف 15 ثانية يعني والله لوهو عنده عالميين ما قدر بعشر دقايق يعلم اللاعبين كيف الاستفادة من الركنيات .
ياخي انا ابسألك الشلهوب من متى ما نفذ ركنية صح .
الهلال متى هالسنة عمره استفاد من الضرباتالحرة .
تمرين ماله فوايد محسوسة وش نبغا فيه .
الجمعان كم مرة سجل فاول من هالضربات والا الشلهوب والا سامي والا المطيري والا عمرهم نفذوها صح ؟
ياخوي تذكر عام 1417هـ بالمربع اللي أشرف على الفريق كان جوبير البرازيلي .
وتذكر في ثلاث مباريات ثنتين ضد الاتحاد ووحدة ضد الأهلي بالنهائي تذكّر كيف كانت الركنية للهلال بنسبة 70% هذف وقدام الاتحاد بالمباراتين سجل اهداف الهلال منصور الموينع من ركنية بالرياض وحسن نمشان من ركنية بجدة .
ليش وهم نفس اللاعبين اللي كان يدربهم هانجيم . ولكن لأن جوبير ركز في هذه الأشياء استطاع الاستفادة منها .
وعموما في الكرة العالمية كثير من المباريات تحسم من خلال الكور الثابتة .
حنا مع هالمدرب الركنية اللي لنا بنسبة 80% هجمة مرتدة علينا .
واذا صارت علينا حطينا ايدينا على قلوبنا وكل يقول ليتها تصير قريبة من الدعيع .
وانت تقول كل تمرين عشر دقايق أقل شي يمرنهم .

إقتباس عموما اتمنى يا غالي ان لا يكون هدفك من خلال ردودك اثبات صحة كلامك .. انا شخصيا احترم وجهة نظرك .. ولكن لابد ان يكون لديك ايضا مرونة واستعداد لتقبل آراء الغير ولا اقول ان تكون مجبرا على الاقتناع بها .. المهم ان تستمع لاراء الغير دون ان تجهز ردا لها قبل ان تقرأها ..

الله اجهز رد لها قبل اقراها حشا لاصير اعرف الغيب وانا ما أدري .
ياخوي انا رديت بناء على ما قريت مهوب بناء على شي ما اعرفه والا ما قريته .
دور غيرها .

إقتباس 1- لياقة عند اللاعبين صفر والدليل النتايج تنقلب على الهلال في الشوط الثاني في أكثر من مباراة .

نعم يمكن قولة صفر مبالغ فيها لكن من باب المجاز .
وعموما هل انت مقتنع بلياقة لاعبيننا وانهم لياقتهم مية على مية .

إقتباس لنتابع نتائج كل مباريات الدوري لاعطيك الرد على هذه النقطة بالارقام .. ونشوف مدى فائدة اللياقة اللي ماهي عاجبتك .. الدور الاول 1- الهلال × الاتفاق -------- 0/0 مافيه احد قلب النتيجة على احد ..

لكن عد للمباراة وناظر من اللي كان مسيطر على الملعب وناظر من اللي يستطيع افتكاك الكورة من الخصم لاعبيننا والا لاعبي الاتفاق .

إقتباس 2- الهلال × الشباب ------- 2/2 في هذه المباراة احرز الشباب الهدف الاول في الدقيقة 23 والهدف الثاني للشباب في الدقيقة 26 وفي الشوط الثاني قلب الهلال النتيجة الى التعادل بعد هدف الحربي في الدقيقة 38 وهدف الشلهوب في الدقيقة 44 ( يعني في نهاية الشوط بمعنى اخر عصارة اللياقة كلها طلعت ) مع العلم ان تراوري اضاع هجمة لا تضيع في اخر الدقائق ..

نعم في هذه المباراة ظهر الهلال في نهاية الشوط الثاني .
لكن السؤال ماذا عمل في الشوط الأول لكي تستنفذ لياقته وبالذات المهاجمين .كان محصور في ملعبه يعني لم يركض المهاجمون ذلك الركض اللي يخليهم يستنفذون اللياقة .
الله مباراة وقفت على هجمة تراوري .
الله يخلف بس على الهلال اللي تحسم له المباراة ضياع هجمة .
اجل احسب كم هجمة ضاع للشباب الشوط الأول .
هذا مشكلتنا اننا حصل التعادل مع الشباب بالوقت الضايع واعتبرناه فوز ونسانا كل شي بالمباراة وطلع عمل المدرب تمام التمام .

إقتباس 3- الهلال × النصر ---------- 1/ 1 المباراة كلها كانت هلالية بحتة وهدف النصر صحيح انه جاء بعد هدف الهلال الا انهما كانا في الشوط الاول ومافيه احد قلب النتيجة في الشوط الثاني .. اضف الى ذلك ماصاحب المباراة من اخطاء تحكيمية وفاولات .. بالاضافة الى ان هدف النصر جاء من كرة ثابتة ..

المباراة الوحيدة فعلا اللي تقول ان الهلال كان يستحق الفوز ولكن لم يتحقق . وعموما مباريات الهلال والفقر لها وضعية خاصة منذ زمن يعني غالبا يحكمها جهد اللاعبين وجديتهم وظروف المباراة نفسها سوا النفسية او التحكيمية .
وتذكر ان الهلال فاز على النصر بدون مدرب عام 1410هـ بعد هروب كاندينو من المغرب بعد بطولة العرب .
وتذكر بعد ان الهلال فاز على النصر وحنا يدربنا كامبوس ابو قصيصة ذاك الهدر وكان يدرب النصر جورج آرثر البرتغالي .وانت تعرف الفرق بين الاثنين وفي نفس الدوري تعادلنا مع النصر 2×2 وكان النصر مطرود منهم الحلوي الشوط الأول وحنا اللي جبنا التعادل وبالغرابيل سجله الثنيان بالوقت الضايع .يعني مباريات الهلال والنصر طلعها من المقياس .

إقتباس 4- الهلال × الأهلي ------- 2/ 1 احرز الاهلي الهدف الاول في الدقيقة 20 من الشوط الاول واحرز العنزي هدف التعادل في الدقيقة 25 .. وقلب الصويلح النتيجة في الدقيقة 47 من زمن الشوط الثاني .. ايضا في اخر انفاس المباراة ..

الصويلح دخل آخر تقريبا ثمان دقايق والهدف جا من كورة طويلة من منطقة الدفاع الهلالي انطلق خلفها الصويلح والعنزي واستغل الصويلح ربكة دفاع الأهلي وحارسهم وسجل الهدف .

إقتباس 5- الهلال × الوحده ------- 2/ 3 قد تكون هذه هي المباراة الوحيدة التي قد تكون لصالح كلامك .. اذا غضينا النظر عن ان الهدف الوحداوي جاء عن طريق ضربة جزاء غير صحيحة اطلاقا بشهادة الخبراء والمحللين جميعا .. احرز الهلال الهدف الاول في الدقيقة 23 من الشوط الاول . ثم احرز باولو ديسلفا هدف التعادل في الدقيقة 39 من نفس الشوط .. واحرز تراوري الهدف الثاني في اول الشوط الثاني .. ثم تعادل ديسلفا في الدقيقة 43 من الشوط الثاني من ركلة جزاء غير صحيحة .. ثم احرز سلطان اللحياني د (90+3 ) في الشوط الثاني بعد انفلات المباراة من لاعبي الهلال .. والكل اجمع ان الهلال في تلك المباراة كان سيئا .. وايضا كان هناك بعض الاخطاء للمدرب يتحمل جزء منها ..

يعني هالمباراة فقط الهلال كانت لياقة ضعيفة أما باقي المباريات كانت عال العال طيب ورا وين لياقة باقي المباريات اللي قبلها واللي بعدها .
ترى ماهيب يم سالفة اننا نقول ان اللياقة في مباراة تعتبر في بدايات الدوري نقول انها ضعيفة وهي قبلها بمباراتين نغني بلياقتنا !!!!

إقتباس 6- الهلال × الشعلة ----- 3/ 0 محمد الشلهوب في د ( 24) في الشوط الأول عبدالله الجمعان في د ( 27) في الشوط الأول محمد العنزي في د ( 66) في الشوط الثاني اعتقد لا تعليق على هالمباراة والاهداف على مدار الشوطين ..

أنت تقارن مباراة مع الشعلة بمباراة مع الاتحاد والاهلي والنصر .
تقارن ضغط لاعبي هالفرق بضغط لاعبي الشعلة .
تراك صرت نفس سالفة مدربنا خطة الخليج والاتحاد وحدة 4/5/1
وبعدين لو فريقك عنده لياقة في ذيك المباراة كان انتهت على الأقل 5/0

إقتباس 7- الهلال × الطائي ----- 1/ 2 حسين العلي في د ( 41) في الشوط الأول حمادجي د ( 61 ) في الشوط الثاني مودي نجاي د ( 88 ) في الشوط الثاني هذه المباراة لم اشاهدها في الحقيقة ولكن هي تؤيد كلامك ان الاهداف ولجت في مرمى الهلال في الشوط الثاني وربما يكون للياقة دور في ذلك .. ولكن لا تنسى ان الطائي بعد هذه المباراة قلب الطاولة على كل الفرق التي واجهته بوجود المدرب الرائع العجلاني وما قدمه للطائي من دعم معنوي .. عموما ارفض التعليق على هذه المباراة لانني لم اشاهدها ..

لا يا طويل العمر الدليل ناظر وشلون انطلق مودي نجاي وناظر دفاعك ووسطك عجزو يلحقونه .
وبعدين من الدقيقة 61 إلى 88 = 27 دقيقة وش سوى فريقك فيها ؟؟

إقتباس 8- الهلال × الإتحاد ------- 0/ 0 اعتقد انك متفق معي ان الهلال يستحق الفوز في هذه المباراة ومتفق ان الهلال قدم مستوى رائع وخذلته النتيجة وخذله الحكم الذي لم يحتسب ضربة جزاء للهلال صريحة جدا لاحمد الدوخي في نهاية الشوط الثاني ( والمباراة تلفظ انفاسها ) وهنا اللياقة كانت لصالحنا وليس ضدنا ..

صارت ضربة جزاء غير محتسبة هي الدليل على اللياقة . وبعدين احمد الدوخي يعتبر حالة نادرة في لاعبي الهلال كما كان التيماوي في فترة من الفترات حالة نادرة في لاعبي المملكة باللياقة .
والحمدلله ان الله يسر لنا في ذيك المباراة محمد الدعيع والا كان امور !!!!
واذا صرت بعد مقتنع بمستواناقدام الاتحاد فعز الله دجينا .

إقتباس 9- الهلال × الخليج ------- 2/ 0 تراوري د (5) في الشوط الأول تراوري د (67) في الشوط الثاني اهداف على مدار الشوطين ..

نفس الكلام اللي قلته عن الشعلة أقوله هالحين وازيد عليه ان الخليج بداية الشوط الثاني حجر فريقنا حجر بمنطقتنا .
وكلنا كنا حاطين ايدينا على قلوبنا لين سجل تراوري الهدف الثاني .

إقتباس 10- الهلال × الرياض ------ 2/ 1 نتيجة الشوط الأول 1/ 1 الهدافون حسين العلي د (39) في الشوط الأول سامي الجابر د (95+) في الشوط الثاني الهدف في اخر الدقائق .. في الشوط الثاني .. حرام عليك .. كل هذا وماعندهم لياقة ؟؟!!!

قلتها ضربة جزاء واللي تسبب فيها سامي وسامي ما نزل الا الدقيقة 13 الشوط الثاني يعني ما استنفذ لياقته .
وبعد ارجع للمباراة وناظر من اللي كان ضاغط على الثاني ومن اللي مشكل خطورة .

إقتباس 11- الهلال × القادسية -------- 2/ 0 الهدافون حسين العلي د (21) في الشوط الأول حسين العلي د (54) في الشوط الثاني هدف في الشوط الاول والاخر في الشوط الثاني

المباراة الوحيدة التي فعلا أقنعتنا هذه السنة . ولكن أتت مباراة الاتفاق بعدها وقضت على أملنا بتعديل الوضع .
وبعدين لاحظ ان رقمها 11 يعني بدري تو الناس وش معجلنا على المستوى باقي نصف الدوري .
الدور الثاني

إقتباس 12- الهلال × الإتفاق -------- 1/ 0 سيسية في منتصف الشوط الثاني ...

هالمباراة بعد الله ستر وساق لنا الدعيع في أربع كور والمفرج في كورة والا كان اعلوم . ارجع للمباراة وشف وشلون الباشا يمر من عند ابو سليمان والمفرج والغامدي . وشلون صالح بشير يمر من عند ابو عزيز وهم عاجزين عن ايقافهم الا بالفاولات . وعموما قلت لبولما اتحدى أي هلالي يعرف الهلال زين يقدر يقتنع وهو صادق بالفريق اللي لعب قدام الاتفاق .ياشيخ بداية الشوط الثاني ضيع الاتفاق ثلاث أهداف محققة .

إقتباس واذا كنت تريد ايضا مباراة الجيش الاول .. صحيح ان الجيش قلب المباراة على الهلال .. ولكن هناك اسباب غير اللياقة .. 1- الارهاق من كثرة المباريات ..

هههههههههه
ضحكتني بكثرة المباريات ياخوي وش هالمباريات الكثيرة اللي لعبها الفريق ؟؟؟؟
ما راح من الدوري الا ثمان مباريات وتقول لي كثرة المباريات لا ومباراة اللي قبل مباراة الجيش اجلت اللي هي مع القادسية يعني اللاعبين اخذوا راحة تكفي لمباراتهم مع الجيش .

إقتباس 2- الارهاق من السفر والمشقة وماواجه الهلال في سوريا

المشكلة لاعبينك ومدربك والمطبلين كلهم اعتذرو بالتحكيم ما قالوا الارهاق .

إقتباس 3- وهو الاهم .. تصرفات الجمعان اللي خلت الفريق كأنه يلعب على سلك كهرب مو على ارضية ملعب .. مما ادى بالفريق للنرفزة ...

الأهلي اللي اعتذرو ا فيه ابو لما وغيره يوم هزم الاتحاد كان مطرود منه لاعبين ورا بعض وتعادلو مع الاتحاد اللي متقدم وكامل وعجز الاتحاد يسجل فيهم ولا هدف .
وبعدين نفس مباراة الجيش ناظر أحداث المباراة عموما وشف الاهداف اللي للهلال وشلون جابوها ؟؟
لا تقول الجمعان وغيره الجمعان يوم يطرد كان الفريق متقدم .يعني لو مدربك سنع ولياقة لاعبينك زينة كان قدرو يتحملون الضغط اللي جاهم .

إقتباس اما مباراة الجيش الثانية .. طبعا انت تذكر هدف المنقذ الصويلح في اخر الدقائق .. في نهاية الشوط الثاني ..

قلتها المنقذ وهالمنقذ متى دخل دخل قبل الهدف بدقيقتين يعني لياقته فرش طازجة . والا لو كان من لاعبين المباراة من بدايتها كان ماقدر على الضغط اللي قام به على الدفاع السوري وحارسهم وقدر بعد يلحق الكورة ويسجلها براسه .
وبعدين هالمباراة أثبتت ان ماعندنا مدرب بس البركة بالدجة اللي بخزنة النادي والا كان ابو عبدالرحمن طيره من ليلته ذيك .

إقتباس المهم انا طولت على الشباب ولكن حبيت بس اثبت عدم صحة السبب الاول للجميع بالارقام .. وما اعتقد ان عندي وقت عشان اتحدث عن كل الاسباب ..

وش دعوى مانيب قد المقام ما استاهل انك اتطول علشاني . يعني تركتني بس علشان الشباب .مشكور وما قصرت على هالحشمة والتقدير .
وبعدين ياليت تعطينا وقت وتنورنا في باقي الاسباب .

اقول اخوي الموهوب لا تناظرون الناس بعين طبعكم ياخوي حنا قلنا أسباب فندوها تفنيد صحيح ومقنع والا على الأقل لاتتهمون الناس انهم يبون يفرضون قناعاتهم وانهم يجهزون الرد قبل يقرون اللي يبي يرد عليه والا انهم ما عمرهم شافو تمارين والا حضروا مباريات .وبعدين ترى والله نهدم الهلال اذا رضينا بهالمهزلة وطولنا عليها البال .

عموما تشرفنا واعذرنا عن القصور والا الخطا .

[ALIGN=CENTER]وكأني بأبو لما يصرخ [/ALIGN]

[ALIGN=CENTER]
مـا حـيـلـتـي فـيـمـن يــرى
أن الـقـبـيـح هـو الـحـسـن

[/ALIGN]

بسم الله
الاخو العطيب والله اني معك هالمدرب بجيب المرض لنا وهو فاشل والسبب
1 عدو الثبات على تشكيله منذ بداية الموسم رغم المعسكر الخارجي
2 اللياقه ضعيفه
3 تغييراته في المباريات خاطئه( نهائي كاس ولي العهد بعد التقدم في اخر الوقت انزل قلب دفاع رغم ان الخطر الاهلاوي كان من الوسط ولاطراف((المحمدي العبدلي بركات ابو شعيب الزهراني السويد ....الخ وراس حربه واحد المشعل)) واي مدرب نص فهم كان بيكثف الوسط لمنع الهجمه الاهلاويه من البناء مهوب انتظار ابو سليمان يخلصها في الثمان طعش وعد كم فرصة هدف اهلاوي بعد التغيير(( وحده لبركات وحده للعبدلي وحده للمشعل)) فعلا مدرب جبان
4 مباراة الاتفاق الدوسري افضل من الشلهوب طول المباراه ومع ذلك كان التغيير عجييييييب واللي بيتعذر بان الشلهوب ساهم في صناعة الهدف اقوله تراه مررها لتراوري في موقع عادي جدا ولا له فضل
5 العنزي في مبارة القادسيه كم كوره شاتها من نص الملعب بطريقه تدل على افتقاده للفكر الكروي والاهداف اللي تقولون تسبب فيها ارجعوا للمباراه وتراه مضيعها والله ستر بالعلي
6 المفرج ما اقول اقرب مباراه حاسمه وبيوريكم ابداعاته في فن النكبات ةتراه ماخذ فرصه من يوم احمد صويلح في اولى ابتدائي؟؟؟؟؟؟
7 ابو لما سيسيه تابعه كويس وشف غير اللياقه !!! لا تمرير صحيح ولا تمرير فرصة هدف ولا مهارات اللي تبرد كبدك وزود تضييعه للفرص يعني مازن الفرج او المطرف او حتى العامودي ابرك منه على الاقل ابناء النادي وعمرهم صغير والفرصه بتفيدهم وتفيد النادي ((والهلال مو اي لاعب يرضينا)9

مشكور ابو لما ,,,

وننتظر منك كل جديد من مواضيع واخبار ولقاءات ,,,

الغالي محمد ابو لما

اولا احمد الله ان اول ما قرأته بعد عودتي للنت بعد انقطاع لفترة
هو مقالك الرائع والذي لامس الجرح الهلالي وقدم تفسيرا منطقيا
لبعض قناعات الجمهور الهلالي وقد ثبت بمل لا يدع مجالا للشك باننا
جمهور عاطفي ومتسرع وتتغير نظرة البعض منا للاشياءبين عشية
وضحاها او لنقل كما قلت بين شوطي مباراة

اخي الكريم رغم علمي التام بأن السيد اد ديموس ليس المدرب المناسب للهلال الا انني اجزم هنا أن
علة الهلال ليست تدريبية فقط فهناك خلل عام في الفريق يرتكز على هرمه الروح وما أدراك
ما الروح ومع ذلك فأنني اتفق مع الآراء المنادية باستمرار المدرب حتى نهاية الموسم رغم
عدم قناعاتي بما سيقدمه الا انه سيبقى افضل من مدرب مناسب قد يأتي في وقت غير مناسب

سلااااااام
بداية اهنئ الجماهير الهلالية بعيد الفطر المبارك
واهنئهم واهنئ نفسي بمحمد ابو لما كمشجع هلالي
وياليت كل جماهير الهلال مثلك
ومشكوور

[ALIGN=CENTER]الف مبروك هالخير اللي جانا ...
ونفع الله به البلاد والعباد يا رب العالمين

الحقيقة أرغب في الخروج بفائدة من هذا الموضوع بعيداً عن الأنتصار لرأي الكاتب [ ( جحد من بدري ) وش رأيك أخوي ( ما يهمني أحد ) ;) ]

أو الجدال والمجادلة دون نتيجة لذلك سأخذ بعض النقاط بشكل شامل لنستفيد جميعاً ..
وأن شاء الله سأكون أميناً مع الجميع

أولاً : يظهر لنا العديد من المؤيدين للسيد آد دي موس لأستمراره مع الفريق ( بغض النظر عن عددهم )

ويظهر أيضاً أن هناك راغبين برحيل الرجل ... وأيضاً بغض النظر عن عددهم ...

نأتي للنقاط التي ذكرها أخي العطيب الهلالي :

إقتباس إقتباس من مشاركة العطيب الهلالي 1- لياقة عند اللاعبين صفر والدليل النتايج تنقلب على الهلال في الشوط الثاني في أكثر من مباراة . 2- لايمكن يبدأ بتشكيل ميثالي . 3- الفرق عنده متساوية الضعيف فيها والقوي يلعب أمامها بخطة 4/5/1 4- لايمكن يستفيد من الاحتياطي اللي عنده الا في اخر الوقت وما كل مرة تسلم الجرة . 5- منح الفرصة لانصاف اللاعبين وحجبها عن من هم افضل منهم وبدون مبرر . 6- المباريات في بداية الدوري تمضي وهو يجرب بعض اللاعبين في مراكز غير مراكزهم مثل المفرج بالمحور . 7- لم يستفد من الفريق الرديف نهائيا ويبدوانه من شدة القهر اللي جاه يوم شاف الحبشي ابدع بالصداقة . 8- يترك اللاعب اللي يضيع هالفرص ويخرج اللاعب اللي يحرث الملعب ويشتعل للفريق . 9- اغلاق التمارين لمباريات مع فرق صغيرة وصاعدة وهذا غالبا يمثل ضغط نفسي على اللاعبين . 10- معاقبة الفريق بسبب عقابة لبعض اللاعبين كما حدث للجمعان وتراوري امام الطائي . 11- عدم تمرين اللاعبين على عملية الاستفادة من الكور الثابتة واللي من ضمنها قدام الجيش حول 14 ركنية لم يستفد ولا من وحدة منهن . 12- مدرب متغطرس ينظر الى اللاعبين بفوقية وهو الآمر الناهي في النادي ويمكن انت تعرف الشي هذا .

طبعاً هذه النقاط الأثناعشر ربما هي شامله لكل من لا يرغب في المدرب ويرى أنها حجه وأسباب منطقية لعدم أستمراره مع الفريق ...

لو دققنا قليلاً في هذه النقاط لوجدنا أنها في بعضها حجه للمدرب وليست عليه !!!!

مثل منح الفرصه لأكثر من لاعب ...
وأيضاً تجريبه للاعبين في اكثر من مركز ...
وجود فرص والاعبين يضيعونها ... رغم عدم الرضا على طريقة 4/5/1 .

أتفق مع أخي العطيب الهلالي في أكثر من نقطة وقد ذكرتها في أكثر من مناسبة ...

مثل عقاب الاعبين .. عدم البدء بتشكيل مثالي ... إغلاق التمارين بمناسبة وبدونها ...

أختلف معه في نقطة ولا أعلم من أين أتى بها وهي الأخيرة :

إقتباس 12- مدرب متغطرس ينظر الى اللاعبين بفوقية وهو الآمر الناهي في النادي ويمكن انت تعرف الشي هذا .

هذه نقطة ظالمة جداً .. وأنا أتحدث هنا عن الشيء الذي أشاهده .. لم أرى أي فوقية أبداً .. بل في أكثر من موقف يمتدح الاعبين ويشكرهم على مجهودهم .. هذا ما شاهدته في اكثر من موقف .. أما أي شيء غير ظاهر فهو في النهاية غير ظاهر ...

لن أعقب على النقاط بشكل تفصيلي ولكن ... من أصول النقد أن تذكر الإيجابيات مع السلبيات ليتحقق العدل والأنصاف ...
1/ بعض أعضاء الشرف ( الفاعلين ) رغبوا في بقاء المدرب .
2/ المدرب يعرف الفريق جيداً .. فمن الصعوبة البدء من جديد مع آخر ..
3/ التعاقد مع مدرب جديد وأنهاء عقد الحالي كم يكلف من المال والوقت ؟
4/ مهما كان أسم المدرب القادم لن يأتي بجديد فقط سيكمل ما بدء به آد دي موس ..
5/ آد دي موس ليس مدرب عنيد كما يشاع عنه فهو يتقبل النقد ويسمع من الجميع وليس ذنبه أن أغلبنا لا يجيد الأنجليزية ليناقشونه ...
6/ آد دي موس أسم كبير في عالم التدريب على مستوى اوروبا فلا يمكن بإي حال من الأحوال أننا نفهم أكثر منه ..
7/ آد دي موس مدرب دقيق جداً يحرص على كل صغيرة وكبيرة في الفريق وهذا ما يحتاجه الفريق .
8/ آد دي موس يعطي الجميع فرصه فكل الاعبين على أتم الأستعداد للمشاركة .
9/ آد دي موس عنده شجاعة و استعداد لتحمل الفريق والأستمرار رغم كل شيء ...
سأقف عند الرقم 9 الله لا يخلينا منه ومن راعيه

إقتباس إقتباس من مشاركة العطيب الهلالي والدليل تذكر يوردانسكو وش سوى بالفريق يوم استلمه وهو نفس الفريق اللي كان لوري ساندري يحوس ويدوس فيه . قارن بين نقاط الهلال الدور الأول ذاك الموسم ونقاطه الدور الثاني يوم استلمه يوردانسكو .

شف وأنا أخوك ذاك وقت لا يمكن أن تقيس عليه أي شيء ...


الغريب

شرفني أخي الفاضل برد كريم جاء فيه نقطة مهمة :

حيث ذكر حفظه الله ورعاه ..

إقتباس لاأرى فرقا بين مايحدث للهلال مع أديموس وبين ماحدث له مع ماتورانا !! لامن حيث المستوى ولا النتائج ولا الفترة التي قضاها كل منهما !! الفارق يكمن فقط في موقفك من هذا وذاك !! أين سيرة الصبر عندما كنت تضع ثقلك كله في مواجهة ماتورانا وانتقاده ؟!!

أولاً يا أخي الحبيب لا أنكر ثقل وزني لكنه بإي حال من الأحوال لن يرحج رأيي بإي حال من الأحوال
[على طاري الوزن ترى مخبز البر اللي وصفت لي غير طبيعي .. الله يجزاك الجنة ..]

فهمها كان رأيي لن يبقي آد دي موس وبطبيعة الحال لم يكن هو السبب في ترحيل ماتورانا لا رده الله

الفرق بين موقفي يا أخي الكريم هو [ مصلحة الهلال من وجهة نظري ] ..

فأنت ترى مصلحة الهلال في ذهاب المدرب وانا أرى أن مصلحة الهلال في بقاءه ..

ماتورانا يا أخي الحبيب سلم الفريق لأخيه وذهب لكأس العالم ( ليحلل ) ...
آد دي موس رفض أن يأخذ أجازة بعد أنتهاء مشاركة الفريق في العام الماضي ووضع برنامج إعداد للفريق من ذلك الوقت ..

ماتورانا يقول الاعب السعودي ليس محترف وأنا لا أدرب الا المحترفين !!!
آد دي موس يقول عندي ثقة في نفسي وفي فريقي وسنتجاوز كل الصعاب ...

الفرق في موقفي مثل الفرق بين الأثنين ...

العا15شق

إقتباس الكأس؟ مااعرفه وماهو متعارف عليه ان الكأس هو اما كأس ولي العهد او كأس الملك..((خروج المغلوب))... عموما بلاتشي منذ درب الهلال وطوال فتراته الثلاث لم يحقق كأس ولي العهد مع الهلال... يمكن تقصد بطولة مجلس التعاون 1418هـ... وتقول حقق الدوري.... الدوري الذي حققه الهلال بعد ((تركهم)) لخطة بلاتشي في الشوط الثاني واعتمادهم على لاعبي الخبرة امثال الثنيان والتيماوي وسامي... هل تذكر كيف سُجلت الاهداف؟ ضربة جزاء وتسديدة من خارج منظقة الجزاء...! اي انه ولا هدف مرسوم...! كيف تأهل الهلال الى النهائي؟ في مباراة الاياب كان الفريق على وشك الخروج مهزوما ولكن البديلين الذين لم يقتنع بهما بلاتشي ((في ذلك الوقت)) سجلا هدفي الفوز واقصد التيماوي والتمياط عبر جهد فردي منهما...!

أخي الحبيب أن تحدثت في بداية الموضوع وقلت قبل نهائي كأس دوري خادم الحرمين في عام 1418 هـ
أي من الواضح أنني أتحدث عن مباراة واحدة كانت نهائية أخذ فيها الهلال كأس البطولة والدوري .

لم أنسى الأهداف أخي الكريم ولكن هل تذكر كيف جاءت الكرة لنواف وتسبب في ضربة الجزاء ؟؟
وهل تذكر كيف سجل الجمعان الهدف الذهبي ... أليس هناك تشابه بين الأثنين ؟

أشكر مرورك ... ;)

motaim

بما أنك ضربة مثل بالشياطين الحمر فوجب أن أقف أحتراماً وتقديراً لك
جماهير المان يا أخي الكريم ضربة فيرجستون بالطماطم والبيض الفاسد ..
والآن كل سنة ( يحلفون .. ويطلقون ) علشان مايروح ...

أخوي motaim متى تعتقد يجي يوم وتباع فنايل الهلال في الرياض وبعض مدن المملكة الكبيرة ما نبي لا ماليزيا ولا سنغافورة نبي الرياض وجده والدمام
عموما هارد لك الخسارة من تشيلسي ولا حقين خير أن شاء الله ;)

كايدهم

إقتباس إقتباس من مشاركة كايدهم برد رد مخـتــصر .. - تذكر يابولما .. أي خـساره قــادمه للــهــلال .. بعدها سيتم اقالة آدميوس من تدريـب الهــلال .. وتذكر ذلك جيدا .. فالمدرب يدرب ولايوجد به ثـقه من الجمهور ولا الاعلام .. وحتى اللاعبـين ... و شخصيا اتمنى عدم خسارة الهـلال .. لكن بالمقابل اتمنى اقالة آدميوس .. لاسباب عديده اهمها : تواجد نـجوم دوليين كبـار جاهـزين .. ويقابله سوء مسـتـوى .. رغم اشرافه على الهلال منذ منتصف الموسم الماضي .

وهذا ما قلته أنا في موضوعي فأقالة المدربين أصبحت عادة هلالية حتى لو أحضر المدرب الدوري .

قضية عدم وجود ثقة من جمهور والاعلام والاعبين فالأول لا توجد دراسة أو استفتاء رسمي حتى نحكم ..
والإعلام لا أعتقد أنه طوال تاريخه خدم مدرب بعينه ...
والاعبين أيضاً لا يوجد شيء يدل على ذلك ..

أما قضية جهازية لاعبين دوليين فأتصور لا يوجد مدرب في العالم لا يرغب في لاعب جاهز معه .

هلا والله بكايدهم ... (( أجل فك الله فتون ))

السكري

حياك الله أخي الكريم وأشكر لك أطرائك الذي لا استحقه ... أشكر لك مرورك

الموهوب

شاكر مرورك الغالي


محمد المصربي

أهلاً وسهلاً بك أخي الكريم

قلت كلمة جميلة جداً تغني عن الكثير ..

إقتباس علة الهلال ليست تدريبية فقط فهناك خلل عام في الفريق يرتكز على هرمه الروح وما أدراك ما الروح

سطر رائع جداً ... يكفي عن الكثير ...

صدقني أحتاج إلى وقت كبير لأعلق على هذا السطر أسمح لي أن أعود له لو بعد حين أن شاء الله .[/ALIGN]

السلام عليكم ورحمة الله وبركاته

كل عام وانت بخير يا ابو لما وشكر على مجهوداتك الطيبه اللي تقدمها لشبكة الزعيم

تدري وين المشكله ان في بعض الجماهير تطالب بأقالة المدرب لمجرد الاقاله فقط وانا هنا اقول البعض مو الكل رغم ان الهلال بالمركز الثالث الحين.

انا اشوف ان المدرب ما له اي ذنب يا ناس .... الكل يطالب بتحسين المستوى ... طيب والفرق الثانيه ما تتحسن من موسم لموسم ومن مباراه لمباراه يعني بس الهلال يتحسن مستواه والفرق الثانيه ما تتطور ...

ودائماً الهلال يعاني من الفرق اللي تلعب بطرق دفاعيه ... وكل فريق يعتبر الفوز او التعادل مع الهلال بطوله بحد ذاتها...

كلامنا عن المدرب اثر كثير على مستوى اللاعب الهلالي وعدم رضانا عن المدرب سمح للصحافه تتمادى على المدرب واللاعبيين ... وهذا الشي واضح للجميع ....

الحين ابي افهم وش بيد المدرب لما الحكم ما يحسب ضربة جزاء للدوخي في مباراة الاتحاد ... او وش اللي بيد المدرب ان الحكم ما يحسب الهدف الثاني للهلال قدام الطائي واللي الكل اكد صحة الهدف ... او وش بيده لما الطائي يلعب بعشر لعيبه بمنطقة ال18 .... او لما تراوري او الجمعان يضيع فرصه ما فيها كلام .... وش رايكم يضغط STOP ويدخل الملعب ويعدل رجل تراوري او الجمعان ويقوله لا يا شاطر هذي الكوره تسويها كذا مو كذا ... كل هذي الامور بيد اللعيبه وبيد الحكام المدرب ما له اي دخل فيها

اذا الكلام على طريقة اللعب فعتقد ان السيد بلاتشي المعروف بعشقه للعب الهجومي حصل على اكثر من بطوله بالطريقه هذي واغلب الفرق العالمية تلعب بنفس الطريقه ....

ولا تنسى ان كل الضروف تجمعت على السيد اديموس في بداية الدوري وهي الاصابات .. واصابات اللاعبيين المتميزين بالهلال مثل سامي الجابر وعمر الغامدي وسيدي بدرا ونواف التمياط واحمد الحربي وغيره ... اعتقد لو فريق ثاني وعنده اصابات بحجم لعبيين الهلال المصابين ما راح نلقاه بالمركز الثالث الحين ..... والمدرب للحين ما خسر ولا بطوله عشان نقول انه ما يصلح للفريق

وفي النهايه اقولك يا عزيزي أبو لما ( الله يخليها لك ) الناس اراء واذواق والمثل يقول لولا اختلاف الأراء لبارة السلع .....

وشكراً

إقتباس قلتها ضربة جزاء واللي تسبب فيها سامي وسامي ما نزل الا الدقيقة 13 الشوط الثاني يعني ما استنفذ لياقته . وبعد ارجع للمباراة وناظر من اللي كان ضاغط على الثاني ومن اللي مشكل خطورة .

اخوي الطيب .. العطيب ..

انا هنا لست في موقف من يريد ان يجعلك مخطئ .. او ان اثبت انني ان الصح لوحدي ..!

انا هنا فقط اتيت لاضع رأيي في امر قتنعت فيه مثلما انت مقتنع تماما ..

ربما تكون انت على صواب حسب وجهة نظرك .. وربما اكون انا ..

عموما انا لم اقل لك يا عزيزي ان متابعة التمارين محصورة على جمهور معين .. وانا قلتها ايضا مجازا انك لم تشاهد ادديموس على الطبيعة ..
واعتقد ان 10 دقائق كافية لتمارين الضربات الركنية لمجموعة كاملة ..
فالمدرب سوف يوقف الفريق بأكمله للتمرين على الركنيات .. وهناك امور اهم من الركنيات ..
ثم ان عشر دقائق يمكن ان يكون هناك فيها 20 رفعة ركنية في الدقيقة رفعتان ..

لا تنس ان هناك هنود وبنجلاديشين في الملعب يجهزون 20 كورة جنب اللي يرفع يعني مهوب نفس نظام الحواري اللي يشوتها يلحقها

بالاضافة الى وجود تمرين تقريبا يوميا .. مو بس قبل المباريات !


واذا انت تقول ان ريفالينو كان يشوت 80 كورة في التمرين .. يا اخي هذا بيكهام يروح للملعب هرولة ويرجع هرولة مسافة 10 كم يوميا ..
وانت بنفس اجبت على النقطة هذي عندما قلت ان الدوخي والتيماوي حالات نادرة !!

وهذلولي الا تعتقد انهم حالات نادرة ؟؟

ثم ان تمرين التسديد بالكرة تمرين فردي لا يحتاج لاضاعة وقت مجموعة كاملة لن تستفيد من تمرين التسديد الا الاستمتاع بتسطيحات الجمعان وارضيات المطيري !!

وانا اتفق معك ان الشلهوب مستواه في رفع الركنيات وغيرها هبط بشكل واضح .. وهذا لا ذنب لاديموس فيه فانا اراه في التمرين يرفع الركنيات بشكل جيد بنسبة 8 من 10 ..

ايضا ( كما تابعت انت التمارين !) ادديموس يوقف تمرين الركنيات كثيرا ويصلح بعض الاخطاء .. وهذا مارأيته ..


اما اللياقة اعتقد اننا سنختلف فيها كثيرا ..

فانت ترى ان دخول الصويلح في اخر 8 دقائق وان اللياقة مالها دخل .. مع ان الشيء هذا يحسب لادديموس .. فهو يعرف كيف يفوز حتى لو في اخر الدقائق ..

واذا ان وجود ضربة جزاء في اخر دقيقة لاحمد الدوخي لايدل على تحسن اللياقة .. اعتقد ان هناك لبس في فهم معنى اللياقة .. يمكن اللبس عندي !!
المشكلة انك انت عقبت على ذلك بقولك ان الدوخي حالة خاصة .. يعني انت ماسك العصا من المنتصف على وزن حتى لو ان اللياقة كويسة .. ترى الدوخي حالة خاصة !!

عموما الكلام يطول وما راح نلقى نتيجة .. فهذا الجمهور الهلالي الرائع جدا .. ما راح يتغير في تغيير افكاره .. انا واحد منهم ..


واختم كلامي في الموضوع هذا بعبارة واحدة وابيكم تذكرونها جميعا .. واخص الاخ كايدهم بها ..


[size][c]اذا استغنى الهلال عن ادديموس .. فسترونه قريبا في فريق عالمي وتندمون ..[/c][/size]


واعتقد ان الرد الطبيعي لكم الان هو .. بسلامته ..

وسلامتكم انتم