#31  
قديم 01/12/2003, 09:17 AM
زعيــم متواصــل
تاريخ التسجيل: 28/08/2002
المكان: الخرج
مشاركات: 164
ياسلاااااااام عليك يابو لما

هذا الكلام ولا بلاش ......

يا عالم ياناس البلا ماهو في المدرب , مشكلتنا دائما نحب التغيير لمجرد التغيير

ورايح يجي يوم تسمع الجماهير في المدرجات تنادي ( اديموس... اديموس.... اديموس)

فالمدربين هم الضحايا دائما....
  #32  
قديم 01/12/2003, 12:52 PM
زعيــم مميــز
تاريخ التسجيل: 22/12/2001
المكان: ارض الله الواسعه
مشاركات: 1,703
السلام عليكم،،،

مرحبا محمد,,,,

اولا تقول:
إقتباس
وبــعــد كــل هــذا كـسـب بــلاتــشــي الـكـأس والـدوري وسـط كـل هـذا الـغـضـب ؟!!

الكأس؟ مااعرفه وماهو متعارف عليه ان الكأس هو اما كأس ولي العهد او كأس الملك..((خروج المغلوب))...

عموما بلاتشي منذ درب الهلال وطوال فتراته الثلاث لم يحقق كأس ولي العهد مع الهلال...

يمكن تقصد بطولة مجلس التعاون 1418هـ...

وتقول حقق الدوري....

الدوري الذي حققه الهلال بعد ((تركهم)) لخطة بلاتشي في الشوط الثاني واعتمادهم على لاعبي الخبرة امثال الثنيان والتيماوي وسامي...

هل تذكر كيف سُجلت الاهداف؟

ضربة جزاء وتسديدة من خارج منظقة الجزاء...!

اي انه ولا هدف مرسوم...!

كيف تأهل الهلال الى النهائي؟
في مباراة الاياب كان الفريق على وشك الخروج مهزوما ولكن البديلين الذين لم يقتنع بهما بلاتشي ((في ذلك الوقت)) سجلا هدفي الفوز واقصد التيماوي والتمياط عبر جهد فردي منهما...!

إقتباس
وتــطــالــب ســمــو الأمــيــر بـنـدر بـن مـحـمـد بــإعــادة بـلاتـشـي !!!!!

تقصد اعضاء الشرف مجتمعين في ذلك الوقت كان النادي بدون ادارة.... اللهم اجتهادات المسعد...

إقتباس
أســرد هــذه الـقـصـة وأنــا أشــاهــد الـعـديـد مـن فـصـولــهـا تــتــكـرر وتــعــود مــع الـسـيـد آد دي مـوس .

لان اخطاءه تتكرر وبطريقة استفزازية!!

إقتباس
** آد دي موس غريب جداً فـي الـتـشـكـيـل الذي يـبـدء بـه دائــمــاً .. أعـتـقـد أنــهـا الـسـلـبـيـة الـظـاهـره للـرجـل .

فقط!! اين الخطة؟ اين توظيف اللاعبين؟؟

إقتباس
** أربـعـة سـنـاتـر تــعــاقــبــوا عـلـى الـفـريـق و ظـهـروا بـمـسـتـوى مـقـنـع هـذا دليل عـلـى مـاذا ؟؟

دقق في عبدالله سليمان والشريدة وخليل....

ستجد بينهم شيئا مشتركا...

كل عام وانت بخير...
  #33  
قديم 01/12/2003, 04:46 PM
زعيــم فعــال
تاريخ التسجيل: 22/08/2003
المكان: البيت الهلالي
مشاركات: 449
الله يعطيك العافيه اخوي أبو لما . ودايماً مواضيعك جداً رائعة وقيمة .

والصراحة ان المدرب اعتقد انه جيد بس اعتقد مشكلته في عدم انتقاء اللاعبين الاساسيين في خطي
الوسط والهجوم جيداً .
نشوفه دايم يركز على الشلهوب المرهق جداً وتارك سعد الدوسري !!!
يشرك الشيحان في آخر خمس دقايق ( ليش ) ؟ وش تبيه يسوي في الخمس دقايق ومع هاذا ما كان
يقصر الشيحان في الخمس دقايق .

بس يجب علينا ان لا ننسى كثرة النجوم في الهلال وهاذي تسبب مشكلة في اختيار اللاعب من قبل المدرب . " الله يعنيه " بس على الجمهور الي ما يتحمل !!! .

سلام .
  #34  
قديم 01/12/2003, 05:00 PM
الصورة الرمزية الخاصة بـ الغريب
عضو إدارة الموقع الرسمي لنادي الهلال
تاريخ التسجيل: 25/12/2000
المكان: السعودية- الرياض
مشاركات: 3,091
الغالي أبو لمـــا سفير الزعماء وخطيب الهلاليين :


إقتباس
عــاطـفـيـون نـبـحـث و نـتـلـمـس الأشــيــاء بـطـريـقـة غــريــبــة جـداً ...
نــريــد نــتــائــج وعــنــدمــا تــحــضــر نــبــحــث عــن الـمــســتــوى ...

أعتقد أن المطالبة بالمستوى مع النتيجة هو مطلب عادل فنحن نتكلم هنا عن الهلال !!

وإن كان ولابد فإن المستوى هو الأولى بالمطالبة لأن المستوى لابد وأن يجلب معه النتائج حتى ولو خذلنا الحظ قليلا أما النتائج التي ترى أنت فيها مايغني عن المستوى فصدقني أنها لن تستمر مالم يتم إيجاد حل ناجح لمشكلة المستوى !!
الحظ لايبتسم كثيرا !!



إقتباس
نــنـقــد الــمــدرب ونــطــالــب بــرأســـه وعــنــدمــا يــرحــل نــعــض أصــابـع الــنــدم ونــطــالــب بــعــودتــه ...

كــأنـنـا نــجــلــب ســواق أو شــغــالــه ...

نــريــدهــا تــعــمــل عــلــى مــزاجـنــا و حـسـب هــوانـا ...

ولــيــس خــبــره مـن الـمـفــروض أن نــسـتـفــيــد مــنــهــا ونــكــســب أفــكــارهــا ...

مـع أن حـتى الـشـغـالـة والـسـواق يـحـتـاجـون للـصـبـر ..

وأنـنـا فـي الـنـهـايـة لـم نـحـضـر الـشـغـالـة والـسـواق الا للـحـاجـة للـخـدمـاتـهـم فـي الأصـل .

لاأرى فرقا بين مايحدث للهلال مع أديموس وبين ماحدث له مع ماتورانا !!

لامن حيث المستوى ولا النتائج ولا الفترة التي قضاها كل منهما !!

الفارق يكمن فقط في موقفك من هذا وذاك !!

أين سيرة الصبر عندما كنت تضع ثقلك كله في مواجهة ماتورانا وانتقاده ؟!!


إقتباس
** لـو كــانـت الأمــور والـمواقـف الـشـخـصـيـة هـي مـن يـسـطـيـر عـلـى كـاتـب هـذه الـسـطـور لــكـتـبـت رأي آخــر فـي آد دي مـوس

نعلم ذلك ياأبا لما ونعلم أنك ماتكتب إلا من منطلق عشق هلالي بحت

إقتباس
** الـمـفـرج يـقـدم مـسـتـوى رائــع بـدون تــشــجـيــع .. مـاذا لـو شــجــعـنــاه مــع مــحـمـد الـعـنـزي.

كل من يقدم بروح وإخلاص سيجد التشجيع مع الوقت .... صدقني لايصح إلا الصحيح

التشجيع لايستجدى بل ينتزع من الأفواه انتزاعا !!

إقتباس
** آد دي موس غريب جداً فـي الـتـشـكـيـل الذي يـبـدء بـه دائــمــاً .. أعـتـقـد أنــهـا الـسـلـبـيـة الـظـاهـره للـرجـل .

ماذا عن الذي خفي !!

إقتباس
** فـي مـبـاراة الأتــفـاق الأخـيـرة لا الـدوخـي ولا الـخـثـران ( أهـم ركــائـز الـفـريـق ) لـم يـشـاركـوا ومـع ذلك فــاز الـهـلال .. ومـع ذلك خـرج مـن يـنـتـقـد الـفـوز !!!

الله يالدنيا ياأبو لما !!!!!

الدوخي والخثران ماشاركوا ومع ذلك فاز الهلال !!!!

وعلى من ؟!!

الاتفاق !!

إنجاز لأديموس !!

إقتباس
** أن كــان الـفـوز يـأتـي بـلا مـسـتـوى فــيـا مـرحـبـا

سيأتيك في مباراة أو مباراتين !! لكنه لن يحقق لك الآمال !!

إقتباس
لأنـنـا جـربـنـا الـمـسـتـوى بـدون نـتـيـجـه مـايــؤكـل عـيـش .

لاأعتقد أن المستوى يأتي كثيرا بدون نتيجة !!

إقتباس
** فـهـد بن محمد وفيصل بن سلطان وغيرهم من أعـضـاء الـشـرف الـقـربـيـن مـن الـفـريـق و الـذيـن يـدفـعـون الـمـلايـيـن طـالـبـوا بـبـقـاء آد دي دموس .

وهل طلبوا أن يعمم الرأي على الجمهور ؟!!!

إقتباس
** رحـم الله الـشـاعـر طلال عبدالعزيز الرشيد فـفـقـده أثـر فـي الـكـثـيـريـن .

رحمه الله وغفر له ,,
  #35  
قديم 01/12/2003, 09:23 PM
زعيــم مميــز
تاريخ التسجيل: 09/08/2003
المكان: الرياض
مشاركات: 2,844
ابو لما انت ميه ميه اوافقك الراي تماما بصراحه آديمووس خلاص الاداره جددت الثقه فيه ليه مانجدد الثقه حنا فيه بعد ........وإن شاءالله خير ..

عن اذنك يابولما عندي تعليق على كلام الاخ العطيب :
إقتباس من مشاركة العطيب الهلالي

مدري وش هالخلفيات اللي له ياشيخ والله ما عنده من الخلفيات ماعند جدتي ..
أجل واحد يقول الهلال ازداد قوة بعد عودة الشريدة والشريدة ما وقف الا مباراة القادسية ومع ذلك ما لعبه قدام الاتفاق هذا عاد عنده خلفية .

اخوي العطيب بسألك سؤال اول شي هل انت شفت مباراه القادسيه ’ بعدين اه يالقهر مباراه القادسيه من احلى المباريات للهلال بس كانت للآسف مشفره يعني يمكن نص الجمهور الكريم او اكثر ماشافها وخصوصا اللي معارضيين للمدرب.....هذي نقطه

النقطه الآخرى اللي حبيت اعلق عليها وهي تصريح مدرب الهلال ان الهلال ازداد قوه بعد عوده الشريده ، كلامه صح ماكذب انا اقولك ليه لانه لما تعطي لاعب في الاحتياط الثقة وتحط الاساسي في الاحتياط يحترق اللاعب اللي اعطي الثقة من اجل اثبات جدارته بنفس الوقت تكون معنوياته اكيد عاليه ..... وخير دليل على كلامي شف بندر الماس في مباراه القادسيه احلى مباراه شفتها لها كان واثق من نفسه بشكل واضح لان حارس القرن كان جالس على الدكه وش احلى من هالثقه، والشريده ايضا كان جالس فابدع سليمان والمفرج اللي بنضري كان نجم المباراة .....
  #36  
قديم 01/12/2003, 10:01 PM
زعيــم فعــال
تاريخ التسجيل: 22/11/2001
المكان: New York
مشاركات: 378
الف شكر لك اخوي ابو لما

انا اتفق معك فيما قلته

اما المعارضين اذا ارادوا ان يروا هلالهم عليهم الحضور للتمارين والمباريات عشان تشوفوا الهلال الي تبوه بس

بصراحة الموضوع كله بكوم .... ورد اخوي العطيب الهلالي بكوم

لما قاله ابو لما

إقتباس
إقتباس من مشاركة محمد ابولما




كنك داري كل خلفيات الجهاز آد دي موس





اخوي العطيب الهلالي رد عليه

إقتباس
إقتباس من مشاركة العطيب الهلالي


مدري وش هالخلفيات اللي له ياشيخ والله ما عنده من الخلفيات ماعند جدتي ..
أجل واحد يقول الهلال ازداد قوة بعد عودة الشريدة والشريدة ما وقف الا مباراة القادسية ومع ذلك ما لعبه قدام الاتفاق هذا عاد عنده خلفية .


من جد باين متابعتك ضعيفة بكل شي
  #37  
قديم 01/12/2003, 10:07 PM
زعيــم مميــز
تاريخ التسجيل: 05/03/2003
المكان: الرياض
مشاركات: 2,617
أولاً يابو لما كل عام وانت بخير وعساك من عواده
تقول فـي مـبـاراة الأتــفـاق الأخـيـرة لا الـدوخـي ولا الـخـثـران ( أهـم ركــائـز الـفـريـق ) لـم يـشـاركـوا ومـع ذلك فــاز الـهـلال .. ومـع ذلك خـرج مـن يـنـتـقـد الـفـوز !!!

إذاكنت راضياَ عن أديموس والمستوى الذي ظهر به الفريق فإني أعزيك بموضوعك الغير منطقي فإذا سألتني لماذا ليس منطقي فأقول لك يابو لما لأن فريقك هو زعيم البطولات الآسيوية والعربية والمحلية
  #38  
قديم 01/12/2003, 10:21 PM
زعيــم فعــال
تاريخ التسجيل: 10/09/2001
المكان: Riyadh & Dammam
مشاركات: 336
من زمان ننتظر مثل هالمواضيع
  #39  
قديم 01/12/2003, 10:33 PM
زعيــم متألــق
تاريخ التسجيل: 04/12/2001
المكان: قاره زعيمها الهلال
مشاركات: 1,455
اخوي الغالي ابو لما


أتعلم ماهي مشكله كثير من مشجعي الهلال ؟؟

يرون انه كل ما اكثرت من النقد كلما اعتقدوا الناس انك " فاهم كوره " !!!!!

لذلك تراهم ينتقدون كل ما هب ودب سواء على سنع او على غير سنع

وتحياتي
  #40  
قديم 02/12/2003, 12:50 AM
موقوف
تاريخ التسجيل: 15/07/2003
المكان: باريس نجد
مشاركات: 50
ابو لما مرحبتين مرة ثانية .

إقتباس
بعد أذن الشباب ودي أرد على أخوي المعصب ( العطيب الهلالي ) ...

الله بالقوة يعني تتخليني معصب !!
كل هذا علشان تقنع الشباب ان كلامي طالع وهو غير موزون علشاني معصب !!!
وبعدين لو عصبت معذور اذا انت ماهمك الهلال ولا نرفزك الشي الحاصل له هالايام ما يعني هذا ان غيرك مثلك ما يهمه الهلال ولا يعصب للي حاصل فيه .

إقتباس
من الواضح أن التفاهم بيننا معدوم لعدة أسباب فأنا أتحدث في جهة وأنت تتحدث في آخرى !!
لذلك ما أدري وشلون بنتفاهم !!!

هذا صار سبب واحد ماهوب عدة اسباب .
وبعدين ممكن تفهمني وشلون انا اتحدث من الجهة وانت من جهة اخرى .

إقتباس
إقتباس من مشاركة محمد ابولما

كنك داري كل خلفيات الجهاز آد دي موس

وأنت تقول الله يرعاك :


إقتباس
إقتباس من مشاركة العطيب الهلالي

مدري وش هالخلفيات اللي له ياشيخ والله ما عنده من الخلفيات ماعند جدتي ..
أجل واحد يقول الهلال ازداد قوة بعد عودة الشريدة والشريدة ما وقف الا مباراة القادسية ومع ذلك ما لعبه قدام الاتفاق هذا عاد عنده خلفية .




إقتباس
إقتباس من مشاركة محمد ابولما
فمن الواضح أنني أتكلم في جهة وأنت في آخرى !!!

بالعكس كلنا بجهة وحدة انت تعتقد ان المدرب له عمل خفي انا ما ادري عنه وانا اقول وين العمل الخفي ما طلع له نتايج .
نتيجته انه يتعذر بتضييع الاهداف وغياب الشريدة !!


إقتباس
الثانية الله يسلمك من الشر .. قل آمين ...

آمين. واياك .

إقتباس
إقتباس من مشاركة العطيب الهلالي

وبعد مو لازم نصير على رايك والا ترانا مانعرف مصلحة الهلال والا مانعرف وش الفايدة من جلب المدربين .
ياخوي ابغى واحد يقنعني بشي سواه هالمدرب الداهية نعتبره عمل فني رائع.

إقتباس
ومن يقول أن رأي محمد ابولما صح 100% !!!!
وش الفرق بيني وبينك الله يرعاك ؟؟

كلنا من الجمهور وكل واحد يقول رأيه لا أنا أفرض عليك ( تهز رأسك ) على قول لك .. و أنت بعد .. لا تعصب علي الله يهديك غصب عنك .

تروح وتجي على هالتعصيب يعني تبيني اعصب بالقوة ميخالف آمر أنا معصب تبي كذا بس .

إقتباس
يا أخي يمكن مصلحة الهلال في كلامك وكلامك هو اللي بيحقق المصلحة للهلال ...
لكن مع كل كلامك ما شفت لك ولا كلمة توضح أن المدرب سيء !!!!

يعني مع هالمباريات اللي راحت كلها ولا عرفت السوء في هالمدرب .
تبي اعلمك وشو الدليل على سوء المدرب .
لا موهوب دليل الا أدلة وسجل عندك :
1- لياقة عند اللاعبين صفر والدليل النتايج تنقلب على الهلال في الشوط الثاني في أكثر من مباراة .
2- لايمكن يبدأ بتشكيل ميثالي .
3- الفرق عنده متساوية الضعيف فيها والقوي يلعب أمامها بخطة 4/5/1
4- لايمكن يستفيد من الاحتياطي اللي عنده الا في اخر الوقت وما كل مرة تسلم الجرة .
5- منح الفرصة لانصاف اللاعبين وحجبها عن من هم افضل منهم وبدون مبرر .
6- المباريات في بداية الدوري تمضي وهو يجرب بعض اللاعبين في مراكز غير مراكزهم مثل المفرج بالمحور .
7- لم يستفد من الفريق الرديف نهائيا ويبدوانه من شدة القهر اللي جاه يوم شاف الحبشي ابدع بالصداقة .
8- يترك اللاعب اللي يضيع هالفرص ويخرج اللاعب اللي يحرث الملعب ويشتعل للفريق .
9- اغلاق التمارين لمباريات مع فرق صغيرة وصاعدة وهذا غالبا يمثل ضغط نفسي على اللاعبين .
10- معاقبة الفريق بسبب عقابة لبعض اللاعبين كما حدث للجمعان وتراوري امام الطائي .
11- عدم تمرين اللاعبين على عملية الاستفادة من الكور الثابتة واللي من ضمنها قدام الجيش حول 14 ركنية لم يستفد ولا من وحدة منهن .
12- مدرب متغطرس ينظر الى اللاعبين بفوقية وهو الآمر الناهي في النادي ويمكن انت تعرف الشي هذا .

مدري يكفي اللي عطيتك والا بعد تبي اكثر .

إقتباس
يعني معليش بالعقل لو جبنا ثلاثة خبراء وقالوا لنا بتشيلون مدربكم ليه ؟؟ وش راح يكون الجواب ؟؟

راح نسرد لهم هالثنعش اللي ذكرت لك .
إقتباس
من كلامك لو سمحت لي راح نقول :
أننا غير مقتنعين فيه وبس دون أي شيء واضح !!!

كلامي اللي راح قلته بناء على اني اناقش واحد يعرف الهلال زين ويعرف اسراره ويعرف الحوسة اللي سواها المدرب الداهية .
مادريت انك ماتدري وش سوى هالمدرب وانت اللي تعتبر خطيبنا .

إقتباس
يعني أنت لو تذكر أسباب عدم قناعتك في المدرب يكون أحسن ونتناقش فيها أما بس هالعصبية الزايدة ما لها سنع ...

ردينا على هالعصبية ومع ذلك ذكرتها لك ويالله ناقشها معي .

إقتباس
وصدقني لا قناعتني بتخلي المدرب ولا عصبيتك راح ( تسفره ) ... صح والا أنا غلطان .

الله انت قناعة وانا عصبية خوش عدل يا سعادة المشرف .
لا حاشاك من الغلط وش دعوى عاد انت تغلط .
ما رايح يسفره الا اذا هزم الهلال بخمسة من الاتحاد وصرنا علك بافم كل اتحادي .
ذاك الوقت يمكن يتكرم رئيس الهلال واعضاء شرفه ويسفرونه .

إقتباس
إقتباس من مشاركة العطيب الهلالي
ياشيخ الهلالي اللي يشجع الهلال من صدق ويعرفه زين يستحي يتعذر بهالاعذار .
من متى الهلال يتعذر بغياب فلان وفلنتان وعودة فلان وعلان .

إقتباس
إقتباس من مشاركة محمد ابولما
صح أتفق معك ...
لكن هذا الكلام كان له وقته وحنا نعيش وقت مختلف تماماً عن الوضع اللي أنت تقول ...
الفريق في مرحلة أنتقالية وضع غير اللي انت تقول من المفروض الواحد يستحي ...

الهلال مر بمراحل احرج من هالمرحلة ومع ذلك ماتغير استمر بمستواياته اللي نعرفها .
ومر عليه اوقات يغيب عنه سبعة وعشرة لاعبين بالمنتخب ويحقق البطولات .
مثل ايام عمر ابو راس .
لكن لو يجتمع فيه كل لاعبينه ويجيهم مدرب يدربي راسه ما يدري معين هي هابة حاسه حوس .
والدليل تذكر يوردانسكو وش سوى بالفريق يوم استلمه وهو نفس الفريق اللي كان لوري ساندري يحوس ويدوس فيه .
قارن بين نقاط الهلال الدور الأول ذاك الموسم ونقاطه الدور الثاني يوم استلمه يوردانسكو .

إقتباس
يعني معليش وأنا أخوك لا راح الدوخي من عندك مثله أو أزين منه خلك واقعي لو شوي وتكلم بالواقع مهوب بالأماني !!!

بعد قل لي من هو اللي أزين من خالد عزيز بالاتفاق والا أزين من بندر المطيري والا المفرج والا سليمان والا سامي والا سيسيه والا الغامدي والا ..والا ..
عد واغلط وقدام الطائي بعد من حنا ناقصين وقدام الوحدة وعدد وانت ماشي .
ياخي ترى والله ما يدمر الهلال الا اللي يدورون عذر لشي ماله عذر .
لانه يصير بداية التساهل وعدم الاهتمام . وما ضيع الحالمي جارنا الا كثرة الاعذار سبعين مرة بالتحكيم وعشرين بالحظ وعشر بغياب لاعب واصابة اثنين ومعظم لاعبيننا شباب صغار بالسن وهم طارقين الثلاثين .

إقتباس
حنا ودنا يكون في الهلال في كل خانه ثلاثة لاعبين كل واحد أزين من الأساسي والوضع الآن في الطريق لكذا .... لذلك لازم نصبر ونتحمل صدقني وما راح نصبر واجد وخلال هذا الصبر برضه راح نجيب بطولات بحول الله ...

هالحين فريق قدم بالصداقة مستويات من أروع ما يكون ما قدر مدربك الداهية يستخرج منه لاعبين احتياط .
وين الحوطي ووين المجرشي ووين الشايع ووين العامودي ووين العنبر والصويلح والجري والصالح والنزهان ر والبرقان والخراشي ووين ووين ؟؟؟؟

إقتباس
الثالثة ... ما أقول الا الله يهديك بس ...

آمين بعد .
إقتباس
شف وش أنا قايل وشف أنت وش فهمت :

إقتباس
إقتباس من مشاركة محمد ابولما
** مـاذا لـو تــعــادل الــنــصــر مـع الـهـلال والـنـصـر نـاقـص لاعـبـيـن والـهـلال مـتـقـدم بـهـدف ؟!

إقتباس
شف ردك :

إقتباس
إقتباس من مشاركة العطيب الهلالي
مع هالمدرب يمكن تجي بس مع غيره ما اظن حتى لو كان الحلاق كامبوس ابو قصيصة .

إقتباس
أنا هنا أتحدث عن مباراة الأتحاد والأهلي عندما تعادل الأهلي مع الأتحاد وهو ناقصين لاعبين أثنين مطرودين .. وكان الأتحاد متقدم بهدف ...

والله اني داري انك تقصد الاتحاد والاهلي .
لكن من متى صار الاتحاد مقياس لنا يالهلاليين .

إقتباس
وأنت تقول :

إقتباس
إقتباس من مشاركة العطيب الهلالي

مع هالمدرب يمكن تجي بس مع غيره ما اظن حتى لو كان الحلاق كامبوس ابو قصيصة .

نعم وانا اقصد اللي اقوله لأنه مع المدرب هذا ابو قصيصية فلتة التدريب تعادلنا مع النصر وبالوقت الضايع الدقيقة 93 وبهدف الثنيان ان كنت تذكر في المباراة اللي انتهت 2×2
واللي فيها طرد معجب الدوسري ناصر الحلوي الدقيقة 28 الشوط الأول والنصر متقدم بهدف وسجلنا حنا التعادل بهدف تسلل وسجل النصر هدف ثاني واستمر متقدم حتى الوقت الضايع وحفظ ما وجيهنا ابو ناصر يوم سجل هدف التعادل .
إقتباس
وش دخل هالمدرب !!!!

مدري الحين عرفت وش دخل هالمدرب والا لا ؟؟؟؟؟؟

إقتباس
هي حصلت مع المدرب المتصدر للدوري ... لكن لو لا قدر الله حصلت مع الهلال لقال الجماهير وش فايدة الصدارة وحنا متعادلين مع النصر وهم ناقصين أثنين وبعدين وش الفرق بين الرابع والأول ؟؟؟

وراك يابو لما انت تمشي على النظام القديم .
ترى خبرك عتيق الحين يفرق الاول عن الرابع والثالث والثاني بعد .
ومن متى الهلال كان يقرن بطولاته بانتصاراته على النصر .


إقتباس
هذا هو الكلام اللي راح يقال ... وقد كنت أتسأل عن ردة فعل جماهير الهلال لو حصل هذا معهم .

فعلا شي مخجل لو يحصل ذلك ولن نعذر أحد لأن الهلال وتاريخه جزء لا يتجزأ يعني نبغاه مبدع دائما وهو قادر على الابداع دائما متى ما وجد المدرب اللي يعرف يحرك اللاعبين ويشغلهم .

إقتباس
ويوم قلت لك :
إقتباس من مشاركة محمد ابولما
واضح أنك ضعيف جداً في المتابعة

الحين مدري لازلت مقتنع اني ضعيف في متابعة غير الهلال .
وبعدي ترانا نبي ندج ان صرنا نناضر غيرنا وش حصله ونعذر انفسنا عند اللي يحصل لنا .
لان اللي عندنا ما يوجد عند غيرنا .


إقتباس
تجي تقول هولندا وما هولندا ...
وأنك من المفروض تهز رأسك !!!!
أتصور من المفروض نكون أكبر من كذا .

بالنسبة لهولندا وما هولندا ان كانه زعلتك تراي آسف .
اما بالنسبة لهز الراس فتراني صادق لاني مجرد ما خالفتك بالراي صرت بعينك معصب وعصبية زايدة والله يهدين غصب عني ومدري ويش بعد .

إقتباس
وأقول لك ولغيرك ...
قناعتي هذه شخصية بحته بنيتها لشيء رأيته بعيني من عمل هذا الرجل .....
وكل من هو قريب ويشاهد تمارين الفريق يتمنى بقاءه سنين طويلة مع الفريق ...

يا خوي حضرنا تمارين الهلال قبل تصك بوجيهنا البيبان وشفنا تمارينه وشفنا تمارين باتيستا البرازيلي .
وعرفنا الفرق بين الاثنين وعرفنا ان مدربك هذا جيد بس بتطبيق هالنظريات اللي تعلمها وما يعرف من اللي يصلح ومن اللي ما يصلح للفريق .
قل لي متى عمر المدرب هالداهية صلح تمرين خاص للركنيات ومتى عمره حط خطط يتفق عليها اللاعبين في تنفيذ الضربات الحرة المباشرة وغير المباشرة .
ومتى وضع خطة لها منهجية واضحة للاعبين بالتمرين تشوف شغل واذا جت المباراة ولاه حايس شغله كله لا والقهر هو ووجهه يغلق التمارين تقول هذا اللي خطته مشفرة ما يقدر احد يفك شفرتها .

إقتباس
ورغم كل هذا ... لا يعني كلامي عدم وجود أخطاء بل هناك أخطاء تفسد العمل الذي يقوم به المدرب خلف الكواليس لتجهيز الفريق ...

يقولون الله بالعين ما شفناه بس بالعقل عرفناه .
لو مدربك له عمل خلف الكواليس كان شفناها بالملعب لكن الله ولي العلم ان له فلسفة ما يقدر يفهمها الا انت يابو لما .
بحكم انك هادي ولاانتب معصب وصاحب قناعة .
وبعدين الممثلين وش يسوون خلف الكواليس ما هيب بروفات للي على المسرح .
حنا ما شفنا شي على مسرحنا كل اللي شفناه مهزلة تدريبية بطولة واخراج اددي موس .

إقتباس
فياليت ننقاش الأخطاء بواقعية وبكلام عملي بعيد عن .. مايصلح .. وغير مقنع ...

يالله عطيتك بعض اللي عندي وعادانت احكم عليها هي بواقعية وان ما جازت لك ترى تقدر تقول انها بعيدة عن الواقعية .
  #41  
قديم 02/12/2003, 01:00 AM
موقوف
تاريخ التسجيل: 15/07/2003
المكان: باريس نجد
مشاركات: 50
البودي قارد
ابو محمد الهلالي تقول :

إقتباس
عن اذنك ياابو لما ودي اقتبس رد واحد من الشباب :


إقتباس من مشاركة العطيب الهلالي



كنك داري كل خلفيات الجهاز آد دي موس



مدري وش هالخلفيات اللي له ياشيخ والله ما عنده من الخلفيات ماعند جدتي ..
أجل واحد يقول الهلال ازداد قوة بعد عودة الشريدة والشريدة ما وقف الا مباراة القادسية ومع ذلك ما لعبه قدام الاتفاق هذا عاد عنده خلفية .
.

تقول يابو محمد الهلالي

إقتباس
كيف الحال .. واضح انه ضعيف جداً بالمتابعة

اقول الحمدلله بخير ..
وبعدين الله يجزاك خير ان كان عندك دروس تقوية بالمتابعة لاتبخل علينا
  #42  
قديم 02/12/2003, 01:12 AM
موقوف
تاريخ التسجيل: 15/07/2003
المكان: باريس نجد
مشاركات: 50
أخوي الجامح تقول :

إقتباس
عن اذنك يابولما عندي تعليق على كلام الاخ العطيب :
إقتباس من مشاركة العطيب الهلالي

مدري وش هالخلفيات اللي له ياشيخ والله ما عنده من الخلفيات ماعند جدتي ..
أجل واحد يقول الهلال ازداد قوة بعد عودة الشريدة والشريدة ما وقف الا مباراة القادسية ومع ذلك ما لعبه قدام الاتفاق هذا عاد عنده خلفية .

إقتباس
اقنباس من مشاركة الجامح
اخوي العطيب بسألك سؤال اول شي هل انت شفت مباراه القادسيه ’ بعدين اه يالقهر مباراه القادسيه من احلى المباريات للهلال بس كانت للآسف مشفره يعني يمكن نص الجمهور الكريم او اكثر ماشافها وخصوصا اللي معارضيين للمدرب.....هذي نقطه

نعم شفتها لا وازيدك من الشعر بيت والله ان اللي شافها معي أحد إداريي الهلال .
ولكن هل مباراة وحدة تسمن والا تغني من جوع بدوري من 22 مباراة .
قدام النصر وش سوينا ولكن بعدها وش صرنا .

إقتباس
النقطه الآخرى اللي حبيت اعلق عليها وهي تصريح مدرب الهلال ان الهلال ازداد قوه بعد عوده الشريده ، كلامه صح ماكذب انا اقولك ليه لانه لما تعطي لاعب في الاحتياط الثقة وتحط الاساسي في الاحتياط يحترق اللاعب اللي اعطي الثقة من اجل اثبات جدارته بنفس الوقت تكون معنوياته اكيد عاليه ..... وخير دليل على كلامي شف بندر الماس في مباراه القادسيه احلى مباراه شفتها لها كان واثق من نفسه بشكل واضح لان حارس القرن كان جالس على الدكه وش احلى من هالثقه، والشريده ايضا كان جالس فابدع سليمان والمفرج اللي بنضري كان نجم المباراة .....

ويمكن قريت انت من خلال ردي على ابو لما اني قلت ان المفرج بدا في آخر مباراتين يستعيد شي من مستواه السابق وهذا اللي اتمناه اما مسألة انه يركن الدعيع علشان يحمس الماس ويركن الشريدة علشان يرفع معنويات سليمان والمفرج فليش ما يركن تراوري ويلعب العلي على طول ويركن العنزي ويلعب العامودي ويركن الغامدي وينزل المسعري اجل ويركن الدوخي وينزل النزهان وهلم جرا وبعده يطلع ويقول اني لعبت وانا ناقص فلان وفلنتان .
هذا ليس تبرير وليس هذا اللي قصده المدرب المدرب يبي يتعذر بأي شي ولو قصده الامور اللي عنيتها كان ما ركن العلي 10 مباريات والصويلح مثله ويخلي تراوري يسطح من هالكور قدام الباب وهو يتفرج عليه .
وكان ما ترك الدوسري والشيحان جنبه وهو يشوف مطرسة الخثران احيانا والشلهوب بعض المرات والجمعان مرات ثانية .

عموما مشكور على طريقة النقاش .
  #43  
قديم 02/12/2003, 01:27 AM
موقوف
تاريخ التسجيل: 15/07/2003
المكان: باريس نجد
مشاركات: 50
البودي قارد رقم 2 New Yorker

تقول :
إقتباس
بصراحة الموضوع كله بكوم .... ورد اخوي العطيب الهلالي بكوم

لما قاله ابو لما


إقتباس من مشاركة محمد ابولما

كنك داري كل خلفيات الجهاز آد دي موس


اخوي العطيب الهلالي رد عليه


إقتباس من مشاركة العطيب الهلالي

مدري وش هالخلفيات اللي له ياشيخ والله ما عنده من الخلفيات ماعند جدتي ..
أجل واحد يقول الهلال ازداد قوة بعد عودة الشريدة والشريدة ما وقف الا مباراة القادسية ومع ذلك ما لعبه قدام الاتفاق هذا عاد عنده خلفية .

تقول :

إقتباس
اقتباس من مشاركة New Yorker
من جد باين متابعتك ضعيفة بكل شي

من جد والا من خال ما علينا منها المهم اتحفنا مما حباك الله فيه من المتابعة ياراعي المتابعة القوية
الا مدري انت تعرف واحد اسمه روبرتو سابا والا لا ؟؟
طيب ما يمنع يصير درس العصر عند ابو محمد الهلالي ودرس بعد المغرب يصير عندك تعرف تراني حريص جدا على تعلم المتابعة القوية .
واعتبر الفزعة وصلت .

  #44  
قديم 02/12/2003, 02:43 AM
زعيــم متواصــل
تاريخ التسجيل: 29/11/2001
المكان: جده
مشاركات: 92
انا سبق ورديت علي الموضوع


إقتباس
يعني مع هالمباريات اللي راحت كلها ولا عرفت السوء في هالمدرب .
تبي اعلمك وشو الدليل على سوء المدرب .
لا موهوب دليل الا أدلة وسجل عندك :
1- لياقة عند اللاعبين صفر والدليل النتايج تنقلب على الهلال في الشوط الثاني في أكثر من مباراة .
2- لايمكن يبدأ بتشكيل ميثالي .
3- الفرق عنده متساوية الضعيف فيها والقوي يلعب أمامها بخطة 4/5/1
4- لايمكن يستفيد من الاحتياطي اللي عنده الا في اخر الوقت وما كل مرة تسلم الجرة .
5- منح الفرصة لانصاف اللاعبين وحجبها عن من هم افضل منهم وبدون مبرر .
6- المباريات في بداية الدوري تمضي وهو يجرب بعض اللاعبين في مراكز غير مراكزهم مثل المفرج بالمحور .
7- لم يستفد من الفريق الرديف نهائيا ويبدوانه من شدة القهر اللي جاه يوم شاف الحبشي ابدع بالصداقة .
8- يترك اللاعب اللي يضيع هالفرص ويخرج اللاعب اللي يحرث الملعب ويشتعل للفريق .
9- اغلاق التمارين لمباريات مع فرق صغيرة وصاعدة وهذا غالبا يمثل ضغط نفسي على اللاعبين .
10- معاقبة الفريق بسبب عقابة لبعض اللاعبين كما حدث للجمعان وتراوري امام الطائي .
11- عدم تمرين اللاعبين على عملية الاستفادة من الكور الثابتة واللي من ضمنها قدام الجيش حول 14 ركنية لم يستفد ولا من وحدة منهن .
12- مدرب متغطرس ينظر الى اللاعبين بفوقية وهو الآمر الناهي في النادي ويمكن انت تعرف الشي هذا .

مدري يكفي اللي عطيتك والا بعد تبي اكثر

8
8
8

والله ان كل كلاامك صحيح يا العطيب .

الي متي نعمل بمثالية ابولما وغيره يا عالم تعبناا انتهي الدور الاول من الدوري وابو لماا يقول اتركو العاطفه عنكم . اي عاطفه تتكلم عنهاا ياخي لو حناا شاايفين مستوي كاان محد تكلم لكن لا مستوي ولا نتااائج مرضيه من متي الوحده تفوز علي الهلال وغيره وغيره حتي الخليج كاان يهدد مرمي الهلال وكانه يلعب قداام النجمه .

لا والمشكله الواضحه من ردود بعض الاخواان في هذا الموضوع انهم في مواضيع ساابقه بعد اي مبااره يخسرها الهلال او يتعادل فيهاا تجدهم يسبون المدرب وطريقته وفي هذا الموضوع تغيرت ارئهم 180 درجه سبحاان الله .

تحيااتي
  #45  
قديم 02/12/2003, 03:22 AM
الصورة الرمزية الخاصة بـ M O T A Y A M
زعيــم مميــز
تاريخ التسجيل: 10/01/2002
المكان: الـريـاض
مشاركات: 1,546
كتبت فابدعت

مشكور اخوي محمد على الموضوع الرائع ....

بصراحه انا في رأيي ان المدرب يجب ان يبقى لثلاث سنوات او اربع سنوات حتى لو مافيه بطوله

صح انها صعبة جداً على جمهور الزعيم ان ينتظر اصلاً شهر ولا كان فيه بطوله فما بالك في سنة

وهذا في رأيي مستبعد ،،، ليش لأن الزعيم دائماً زعيم ....

يا اخوان مانشستر يونايتد انتظر مع السير اليكس فيرجيسون سبع او عشر سنوات حتى يصل إلى

ما وصل إليه ،،، نعم مانشستر يونايتد ...

انا ما ادافع عن اديموس ،، اختلف احياناً إن لم يكن كثيراً مع اديموس في بعض بس انا اقول

مثل ماقال اخوي محمد يجب ان نصبر يجب ان نصبر


واهم شي الفوز واهم شي الفوز واهم شي الفوز ......

ما نبي مستوى ابد ،، وش استفدنا من المستوى الكاس ما يعرف الا الفوز فقط اما المستوى

ماراح يجيب كاس .
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:32 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube