السلام عليكم ..

معشر الهلاليين ..

مثل ما انتوا عارفين ان زعيمنا ولله الحمد كسب آخر ثلاث مباريات وبخطه واحده ( 4/5/1 ) اللي اكثر الجمهور معارض عليها ..

بس في آخر مباراة لعبها الزعيم امام القادسية كان الفريق غير !!!

ليه غير !!؟؟ انا اقولكم ...

* الفريق لعب من غير اجانب ..

* ومطرود لاعب من الدقيقه تقريبا 30 الشوط الاول ..

* ويلعب المباراة على ارض الخصم ..

وكانت من افضل المباريات اللي لعبها الزعيم في الدور الاول مستوى ونتيجه بشهادة النقاد ...

السؤال هنا !! ليه الفريق ارتقع مستواه وفاز في المباراة مع ان المدرب ما تغير وخطته ما تغيرت وتحت ظروف النقاط الثلاث اللي ذكرتها سابقا ؟؟

اكيد الان ان اللبيب بالاشارة يفهم ...

العله مو من المدرب ، العله من الاعبين انفسهم ..

صحيح ان المدرب يخطيء لكن فيه ادارة تحاسبه والجميع مسؤول ..

* في مباراتنا امام الطائي انهزمنا عشان غلطة الدفاع والحارس ، وايضا انهزمنا قدام الوحدة لنفس السبب ..

* قلة التهديف في اغلب المباريات لدرجة ان الفريق لم يفز بأكثر من ثلاثة اهداف او بفارق كبير بينه وبين الخصم في المباراة ..


في النقطتين السابقتين نتكلم عن خط الدفاع والحراسه اذا كان مهزوز في اكثر من مباراة المفروض يعاقب الاعب من قبل المدرب وهذا اللي سواه المدرب في مباراة القادسية ، لعب المفرج والسليمان مع ان الشريده وخليل جاهزين ولعب الماس مع ان الدعيع كان جاهز ، معنى كذا ان المفرج وسليمان جلستهم في الاحتياط جابت نتيجه ويوم جت فرصتهم يحاولون تثبيت اقدامهم في التشكيله وكسب ثقة المدرب ..

وايضا الكلام يسري على حسين العلي والعنزي ، العلي كان هداف في المباراتين اللي لعبها ، والعنزي كان نجم مباراة القادسية ..


يعني بكل بساطه وبدون كثر كلام المدرب ماشي صح متى ما اشتهوا الاعبين يلعبون ويتعاونون مع المدرب بأي طريقه وبأي خطه كانت ..


الطريقه هذي لو يمشي عليها المدرب الفريق راح يمشي صح باذن الله ..

اكرر مرة ثانيه ، المدرب يخطيء ، اذن يجب على الادارة مناقشته وعلى الاعبين بذل الجهد ومساعدته ..


دوخيـــات

* نجم الدور الاول بلا منازع الظهير العصري ( احمد الدوخي ) ..

* لا نريد مدرب ولا لاعب اجنبي ثالث ولا لاعب محلي ووفروا فلوسكم لرواتب الاعبين ومكافأتهم وشوفوا النتائج ..

* متى الحظ يصبح الاعب رقم 12 في الفريق ؟؟

* اذا ارتم فعلا تكريم النجم الكبير يوسف الثنيان ، فبدلا من احضار فريق عالمي بكذا مليون اعطوا هذا المبلغ للاعب ودعوه يعيش حياه سعيدة هو وأفراد أسرته ..

* تكديس النجوم في مقاعد الاحتياط انذار لانهيار الكرة السعودية ( وهذا ما يفعله البلوي ) ..


آسف على الاطاله وشكرا للجميع ..

أخوي الحبيب بصراحة ومن دون لف ودوران قريت في البداية عنوانك ومن بعدها جلست اقرأ المكتوب وفهمت وش كتبت من دون ما أكمل

أخي الخطة والتشكيلة عمرها ما أثرت على الهلال 4/5/1 أو 6/3/1 او أي تشكيلة الهلال صحيح انه يلعب هجومي ويهاجم لكن التشكيلة والعدد اللي يحطه اي مدرب في المراكز مو لازم انه يثبت في مركزه والدليل الدوخي والمطيري والغامدي وخالد عزيز ،،

أخوي الهلال على وقت المدرب الروماني إيلي بلاتشي لعب بنفس التشكيلة 4/5/1 لا وازيدك من الشعر بيت المهاجم كان عادل المطيري بس من كان خلفه نواف التمياط ،، وسوزا ،، يوم كان لاعبين المنتخب من ضمين للمنتخب ،، ونواف ماكان معاهم في الفترة الاولى التي دربنا فيها بلاتشي .

وازيد على هذا عزيزي البطولة العربية التي اقيمت في الرياض بضيافة الهلال والتي انتهت بمباراة النصر في النهاية بركلة جزاء الجمعان ،، كان بلاتشي لاعب طوال البطولة بمهاجم واحد وبخطة 5/4/1 بوجود الكاتو فقط ،، وراكن الجمعان احتياط .

على شان كذا اقولك الخطة ماهي مقياس ،،،،، المقياس اخي هو سوء الحظ ،، واللاعبين متأثرين من شيء ،، والحمد لله احس ان هذا الشيء زال ،، واللاعبين بصراحة احسو واجتهدوا ،، وهذه نتائج مباراة الجيش والخليج و الرياض والقادسية والقادم إن شاء الله أفضل .

اقول اخوي العزيز المسألة في سوء الحظ وسوء الطالع اللي لازمنا في تلك الفترة ولو توفق اللاعب كاندي تراوري في الفرص التي سنحت له ،، والجمعان كان حنا والاتحاد نتنافس على الأول ومباراة النصر خير دليل لو تعد الفرص اللي ضاعت بتقول هذه فرص مباريتين مو مباراة ،،

هذا الكلام اخوي ،، الان الحمد لله بدات الروح تعود واللاعبين الان في كل مركز في اثنين ثلاثة ماعاد فيه نقص والتنافس على اشده ،، والا تذكر اخوي لو يتوقف منا واحد زعلنا الحين متوقف الجمعان والله مادرينا عنه بصراحة الموجودين مغطين وزيادة .


اتمنى اني وصلت اللي ببالي اخوي .

تحياتي


محب الهلال والهلاليين

والله مدري وش اقولك اخوي دوخي


بس كلامك من جد 100%صحيح



ولا يهون القرصان الازرق <=====اللهم اني صائم




مع تحياتي

إقتباس إقتباس من مشاركة أحبك سامي والله مدري وش اقولك اخوي دوخي بس كلامك من جد 100%صحيح ولا يهون القرصان الازرق <=====اللهم اني صائم مع تحياتي

القرصان الازرق / كلامك وصل وعلى عيني وراسي ، بس ياليت تستمر الروح الهلالية بغض النظر عن التشكيلة والخطة ..


احبك سامي ، رايق طفشان / شكرا على مروركم ..


وبالتوفيق للزعيم ..