السلام عليكم يا أخوان:
انا طالب في الولايات المتحده الامريكيه وطبعا على حسابي الخاص يعني ماني مبتعث من الدوله. أحس بما يحسه مثلي من الشباب اللي جايين هنا للدراسه على حسابهم الخاص تذكرو انا قلت الشباب.منهم من باع سيارته ومنهم من أستلف من أقاربه ومنهم من يصرف عليه ابوه في الدراسه. تصدقون انه هذولا الشباب تحصيلهم العلمي أكثر من تحصيل المبتعثين من قبل الدوله (أقصد دراسة اللغه فقط).هنا في مدينة سياتل يوجد نادي سعودي تشكر الدوله على توفيره لخدمة الطلبه . يجتمع الطلاب في كل نهاية اسبوع للسلام والتعارف . المهم لاحضت في هذا النادي ان كل من هو كبير في السن بمعنى انه فوق الاربعين سنه مبتعث من الوزاره الفلانيه او من المؤسسه الحكوميه الفلانيه وهمه الوحيد ( والله أشتقت لعيالي ومدري أجيبهم متى )على العكس , الطلاب اللي جايين على حسابهم همهم هو كم جبت في التوفل. هنالك فرق بين الفئتين. الطالب اللي جاي على حسابه وهو غالبا من الشباب يعرف ان امامه مستقبل ووضيفه تنتضره والطالب الكبير في السن اللي غير قابل للتعليم مرسل وهو مطمئن على وضيفته لأن مديره هو اللي أرسله لأمريكا تكريما لخدمته الطويله في الاداره الفلانيه ولكي يتمتع بأجازه مدفوعه الثمن لمدة سنه او سته شهور .
لو سئلت هذا الموظف العجوز عن تعاملاته اليوميه في وظيفته هل هو يتعامل بالانقليزي ,سوف تجد الرد انا جاي هنا علشان انبسط وأجمع راتبي في السعوديه.
لو كان هناك وعي عند اللي ارسل هذا الرجل او بمعنى أصح ابو العيال كان رشح شاب في مقتبل العمر ..لأنه هو اللي بيعطي الدوله عمل مته لا تقل عن اربعين سنه وغير كذا الشاب عنده قابليه اكبر بكثير من العجوز .
الحل اللي عندي هو لو جمعت تكاليف دراسه اربعه عواجيز أو خمسه وأرسل بها شاب بعد الثانويه لأستكمال الدراسه الجامعيه هنا في أمريكا ,كان والله أفضل من عشره عواجيز يدرسون لغه أنقليزيه وما يستخدمونها في عملهم اليومي
وأخيرا انا أعرف اني طولت عليكم بس ودي انه ةاحد منك يا كبار الكتاب المخلصين لهذي الامه العضيمه انكم تطرحون هذا الموضوع على الرأي العام عبر اي وسيله ترون انها مجديه وشكرا لكم

والله كلام منطقي جداً ...

أنا سمعت يالغالي على ما أظن في اليابان ...

أنهم بعد نهاية المرحلة الثانوية يجمعون المواهب ... واللي يشوفون فيهم قدرة على التميز ... ويجعلون لهم مدارس خاصة وأفضل المعلمين على مستوى العالم من أجل تنمية هالمواهب بسرعه ... تفكير رائع بصراحة ...

طبعاً يالغالي أنت واللي معاك بإذن الله بترفعون راسنا بإذن الله في السماء ... وفكرتك أنا متأكد بإذن الله أنها قيد الدراسة من حكومتنا الغالية ... وبإذن الله نشوف اللي يسرك ويسرنا ...

ولك تحياتي ...

أخوك / سفر المرزوقي .

تسلم أخوي سفر
يعلم الله اني يوم كتبت الموضوع هذا كان قصدي الصالح العام.ولا انا راحت على خلاص وكتب على اني أكمل في حالتي هذي .لكن انا تكلمت وكنت ابي واح من الكتاب المؤثرين في المجتمع يثير القضيه هذي لأنه تعرف انا ساكن في أمريكا وبعيد عن البلد وصحفها
تسلم أخوي سفر والله ينفع فينا بلدنا الغاليه علينا حتى لو ما أبتعثتنا هههههههههههههههههه

موضوع منطقي ولاكن شبه منسي وفعلاً يجب أعادة النظر فيه
لاكن بالنسبة للإسلوب أنا ماعندي أسلوب ولاكن أنصحك بأثنين أعتقد أنهم يملكون أسلوب ممتاز وهم( الأسطورة وســــ9ـــامي ســــ9ــــامي) ( ماشاء الله عليهم ) <FONT color="#FF00FF"></FONT><FONT color="#0233FF"></FONT><FONT color="#FF370B">يالله و(هلالية سدير) لاتزعل علينا وتقول النساء والنساء </FONT>

شكرا عاشق النمر....الا انت النمر بعينه وعلمه ....ما قصرت ويكفيني مشاركتك

موضوع جميل ومهم جدا والواحد يفتخر بان فيه طلاب مثلك حريصين على مصلحة البلد.