ابغا تكتيك أو حركة او ...... لهدف مضمون
 

ياشباب انا اعرف العب بس مشكلتي العب مع ناس مجانين كوره واحد مسمي نفسه الكنج


والثاني الامبراطور والثالث الحريف والمشكله كلهم نصراويين...

فريقي ريال مدريد بس مشكلتي الوصول للمرمى (( يعني دفاعاتهم قويه عقب الشين اخترقها))

الأول يلعب بميلان والثاني اليوفي والثالث بليفربول

اللي ابغاه حركات لأهداف مضمونه وترا خطتي 4/3/3 اثنين محاور

زيدان في الوسط فيجو راس حربه رونالدو يمين راؤول يسار

ياشباب ماابغا حركات فاولات ولا ركنيات بس ابغا من يوم امسك الكوره من الدفاع وش اسوي :smilewink


تكفون لاتخلوني لعيون الازرق

تستاهل الفزعه مع اني اكره شي اسمه ريال مدريد بس بما انا اخوياك نصراويه ابشر بالفزعه

شف وانا أخوك مدام معك الريال اعتمد بشكل رئيسي على المهارات والسرعه يعني اذبحه

بالتسحيب + انك تضحك عليه مع كل تسحيبه والله الله بالتمريرات السريعه بين الاعبين تخلخلل

دفاعهم زي الهواء وعليك بالاجنحه تهاجم منها بس المشكله ما عندك راس حربه عليه الكلام مثل

موريانتس ولا تعتمد على طريقه وحده باي شي حاول انك تغير من اسلوب لعبك يعني بدال ما تناول

بسرعه اسحبه وعليك بالمثلث تراه ينفع مع ميلان خاصه من عند مالديني لانه بطي واذا قربت

للباب وسع صدرك ولا تستعجل خلك ثلج اول شي هو يبي يخاف منك مره ثانيه وثاني شي ما تضيع

فرصه اكيد انها هدف والانفرادات انصحك تسددها ارضيه مع التوجه بالاسهم الى احد الزوايا لانها

اضمن شي

وخل عنك الفلسفه الزايده والمرتدات عطها رونالدو ولا يردك الا الباب ولاتشوت من بعيد الا بزيدان

او روبرتو كارلس واذا سددت حاول توجه السهم للزاويه

اتمنى اني افدتك وما تفلسفت عليك والله يوفقك

نصراوين ويعرفون يلعبون غريبه
قلهم يصيدون سمك بس اصرف لهم

قاهر اسيا

والله ماقصرت يالذيب وبمشي على تعليماتك بس ترا التسحيب في الاصدار الاخير مصعبينه شوي

والدفاعات قويه في معظم الفرق مو مثل رقم سته حتى الشوتات دايم فوق العارضه عشان كذا ماينفع الا الاختراق والانفرادات بس مثل ماقلت لازم السرعه في نقل الكوره.. واستخدام المثلث ماينفع الا اذا كانت الهجمه مرتده .

وضغط الاسهم زاويه مع المربع خفيف استخدمها في الانفراده تجي ارضيه زاحفه وفي زاويه ضيقه بس في في الشوتات اللي برا خط 18 ماتضبط معي .

وأي فلسفه والله مايمديني اتفلسف اللعب سريع والاعصاب مشدوده والاصابع مورمه والمهزوم يمسك
زاويه ينش ذبان . وغير كذا انا العب مع ناس والله ياهم يهود اذا جابو قول ولا فازوا ودك تاخذ الجهاز وتكسره فوق روسهم :D

مسكت
وانا وش اللي رافع ضغطي دنياااااااااا والله لو يدري اليابانيين ليوقفون الشغله كلها

أخوي *CLi*

أهم شي .. انك تلعب من بداية المباراة بأعصاب من ثلج .. و خلك ساكت و هادي

و إذا ضاعت عليك كورة لا تزعل و تعصب و تأكد أن اللي جابه يجيب غيرها
و إذا كنت مهزوم بأي نتيجة لاتيأس .. و ألعب بهدوء و حرص حتى آخر دقيقة ..

و قبل لا تبدأ المباراة .. صلّح الخطة تمام .. و حط كل لاعب في موقعه الاساسي ..

و لتكن الأولوية للاعب اللي سهمه أحمر .. و لا تعتمد على خطة واحدة ..

ترى كل فريق و له خطة مو شرط انها تزبط على الفريق الثاني ..

و لا تستعجل على الفوز .. و لا تتفلسف في الدفاع ... و خل تخليصك أول بأول



و يالتوفيق ....

هلا والله ضاوي مشكور وأبشرك فيه تحسن هذا بفضل الله ثم توجيهاتكم