[ALIGN=CENTER][TABLE=width:70%;background-color:transparent;background-image:url(backgrounds/8.gif);border:1 solid darkblue;][CELL=filter:;][ALIGN=right]

للأسف كنا نتوقع من لقاء الأمير عبدالله ين مساعد ان يكون هناك اسئله تهم المشاهدين وتفيد الجمهور الهلالي بعدما طال انتظارنا لهذا اللقاء ...

لم يستقبل البرنامج سوى سبع اتصالات من الجمهور الهلالي وكانت اتصالات سريعه وطلب المقدم للبرنامج / بتال القوس من رئيس نادي الهلال ان يجيب عليها بإيجاز !!!
اما اسئلته السخيفه والتي كانت تهتم بزعزعه الأستقرار في البيت الهلالي كان يأخذ بها وقت طويل وهو يحاول ان يطلع بمشكله ويكون هو مكتشفها !!!

ياليته كان يهتم بوقت البرنامج عندما كان يسئل هو ويضيع وقت البرنامج في اسئلته وإعادته للسؤال اكثر من مره في محاوله له ان ينرفز رئيس الهلال ...

من اسئلته الغريبه والتي كانت بعيده عن المصداقيه ...

عندما اتهم رئيس الهلال بأنه محارب للصحافه ورد على سؤاله الأمير عبدالله ورجع مره اخرى بقوله انك تدقق في الكلمات كثيراً يعني( يذهب) موب مثل( يرحل) !!! وجاوبه الأمير عبدالله وكان جوابه مقنع للغايه ومع هذا لم يقتنع بتال القوس !! يبي الأمير يستقبل الصحفيين بالورد عند بوابة النادي وهم يطلعون من بكره بكلام على لسانه ما تكلم فيه ...

المطلوب من رئيس نادي الهلال ان لا يدقق على الصحف فيما ينشر على لسانه
( يعني يارجال لا تدقق ) !!!
من غرائب اسئلته ...
عهدنا منك المثالية ولكن في مباراة الأتحاد صرحت تصريح يمس جميع الناس ويجب ان تعتذر لهم !!!

مو انتم هذا اللي تبونه اسكت عن حقك واحمد ربك ..
اللحين صار لازم يعتذر لجميع الناس ؟
على الأقل رئيس نادي الهلال قال اني غلطت في بعض ما قلته وهو يقصد انه قال للحكم ما تخاف الله ..
اما عن الناس فهو على حق وهو لم ينفي هذا الشئ وقالها ان في مجتمعنا هذا اغلب الأمور ما تأخذ بالطرق النظاميه وهذا الواقع لكن حنا ما تعونا ان يطلع علينا انسان واقعي ويقول هالشئ على الهواء مباشرة ..
بعدين اللحين صار لازم يعتذر وين اللي اتهم خلق الله بالرشوة؟ وين اللي وصلت فضائحه للدول العربية ؟
والله انك صادق ياعبدالله بن مساعد اللي صوته موب طالع حقه ضايع ...
على الأقل انت اعتذرت لكن غيرك مازال مصر على ماقال ...

لا ويلف ويدور المذيع الجديد بتال على موضوع البطي والمصيبيح ويرجع ويقول ان هذا ما يبي الثاني !!!
ياخي السؤال له جواب واحد وانت سألت والأمير قالك الجواب ليه ترجع وتعيد السؤال بطريقه غريبة ؟ يعني لازم يقولك ان في مشاكل بينهم علشان تصدقه !!

خاتمه ... للأمير عبدالله بن مساعد مع التحيه ...
علشان تكون رئيس مثالي في نظرهم :

يجب ان لا تغضب عندما يسلب فريقك حقه وينهزم ..
يجب ان لا تدقق على الكتابات الغير صحيحه من الصحفيين على لسانك ..
يجب ان لا تنتقد الحكام ابداً وتصفق لهم بعد كل مباراة ...
يجب ان لا تدافع عن حق فريقك وان تلوم اللاعبين والمدرب اما الحكام والصحافه فلا يحق لك ذلك..
يجب ان تكون هادء في جميع الأوقات سواء فاز فريقك ام انهزم فأنت لست من البشرولايحق لك ان تغضب !!!

صدق حنا بزمن العجائب


[/ALIGN][/CELL][/TABLE][/ALIGN]