شكرا نواف لتحملك ضغوط اللاعبين ...
 

السلام عليكم ورحمة الله وبركاته ...

أولا : أبارك للهلال الفوز الف الف الف مبروك . وما راح تصدقون وشلون انا فرحان

ثانيا : أحب ان أشكر شكر عام لجميع الهلاليين وخصوصا اللاعبين و v.i.p : سامي والعلي على احرازهما الهدفين الجميلين .

ثالثا : احب ان اقدم جزيل شكري وتقديري للتمياط الذي تحمل ضغوط اللاعبين عليه بعد دخوله وأصبح كل لاعب يمرر الكرة له وانا لو اني مكانه انفجر مخي واعرف انا انه ولا عمري ما راح اصير مكانه :D:D:D
وأحب اني اقدم شكوى للي ما يسمعون : الاتحاد العربي اللي ما يسمع الا شكاوي الغير على الهلال احب ان اشتكي من لاعبي الرياض الذين تعمدوا اعاقة اللاعب نواف التمياط وما ادري ليه الزلاعة هذي هم بيخسرون شي ما هم خسرانين بس يدرون انه التمياط لو رجعتله الاصابة لاسمح الله يمكن يعتزل بعد عمر طويل ان شاء الله والله يعمي عين الحساد والنذالى خصوصا هالأصلع الأسم ما ادري وش اسمه ما ادري وش يبي يتحرش في نواف من اول ما دخل .

رابعا واخيرا : أشكر جميع الجماهير اللي حضروا المباراة في الملعب وذول هم ربع الجماهير الهلالية اللي نعرفها الحمدلله شجعوا ناديهم بكل اخلاص واهدوهم اللاعبين الفوز والفوز دائما ان شاء الله .

أدري اني طولت عليكم وغثيتكم ويمكن بعضكم ما كمل قراءة للموضوع بس وش اسوي مستانس .





مع تحيات :
بوعابــــــــد

[email protected]

من قدك ياخوي استانس وارفع راسك لانك هلالي