وأنا جالس أمس قاعد أتمرن مع مدربي الخاص شوارتزنيجر على البنش أرفع أثقال جاني وكيل أعمالي (بيل, ومعظمكم يعرفه بأسمه الحركي بيل قايتس ;) ) يقولي إنه تلقى إتصال من رئيس نادي روما يبوني أفزع لهم بعد ما إنصاب باتيستوتا وبيدفعون لي عشرطعش خليار عشان أكمل معهم الموسم ومار أطمر من على البنش و أنطل الأثقال على شوارتزينيجر و أقوله : إسمع يا ولد قايتس إللي يبيني لازم يمر على إدارة النادي (للي ما يعرفني أنا راس حربه غير متفرغ في نادي أي سي غيلان من عودة سدير :cool: ) قالي سم طال عمرك الحين أدق عليه و أعلمه. ومار يناديني المدرب ويقولي: ذس إز إنف فور توداي ( للي ما يعرف عنقريزي يقول لي: بس يخوي تراك تبي تغطي علي :confused: ).

المهم يوم قظيت من التمرين وأنا طالع يدق جوالي و أناظر وأثرها سندي كروفرد ;) و أرد عليها
أنا: هلا والله
سندي: هلو فلاي قاي
أنا: وينتس فيه؟
سندي: في الديره في سوق الزل
أنا: وش موديتس لسوق الزل؟
سندي: أبوي موصيني أشتري له نعال
(أجل أجل سندي كروفرد في سوق الزل تشتري زبيريات :D:D )
أنا: هالله هالله لايغلبونتس في السعر بس
سندي: لا ماعليك, المهم ما ودك نروح نتغدا؟
أنا: معليش والله لازم أطير الحين للندن عندي عشاء عمل مع مارغرت تاتشر.
سندي: زين أجل أشوفك بعدين. باي
أنا: باي
(يحلفون كني أكلم واحد من الربع :cool: لوإنها صحيح كان تقاطر سعابيلي :eek: )



معليش يا شباب ترا راسي صدع من كثر الفقش والبقيه تأتي إنشاء الله :p: :) p: :) p: :) p: :) p <br><font size=1 color="#000080" face="tahoma">[عدلت بواسطة DaFlyGuy التاريخ:23-03-2001 الساعة: 10:54 AM]</font>