|
افضل لاعب في العالم مع الهلال امام الاهلي اللي هو اللاعب الثاني عشر. هذا اللي هو انتم يا هلاليين. كما نعلم....المباراة ستكون في الرياض. كما نعلم....الهلال ولا احلى منه بالحضور الجماهيري. وكما نعلم....المباراة يا قاتل يا مقتول. صحيح انه باقي اسبوع...بس ودي من الجميع اللي في المنتدى يتفرغون لهذه المباراة وكل واحد ياخذ معه 4 من ربعه لى الملعب. لان في مباريات زي هذه تعتمد على الجمهور بعد الله. الله يخلليكم....الوعد الملعب. انا في امريكا بس بحضر المباراة و بشجع عن طريق الجوال. اللاعب العالمي هو اللاعب الثاني عشر اللي هو الجمهور الازرق. حنا اللي نقدر نلعب في النتيجه..مو اللاعبين ولا المدرب ولا الرئيس. سلام http://www.alazraq.com/asian_cup/200...24102000/6.jpg http://mypage.ayna.com/smr888/1.jpg<br><font size=1 color="#000080" face="tahoma">[عدلت بواسطة shagrawi hilali التاريخ:23-03-2001 الساعة: 01:51 AM]</font> |
صح لسانك صح لسانك ياشقراوي:) |
كلامك صحيــــــح بس كيف تحظر المباراة بالجوال إذا حظرتهــا بالجوال بتجيـــك فاتورة الله لا يوريك |
الفاتوره على حساب (منظمة الجمهور اللاسلكي) اللي تكفل بها مزعل فرحان الله يخلليه للمنظمه |
والله انك صادق وانا ان شاء الله اللي يبغاني وقت المبارات يحصلني في الملعب |
المشكله اني في ثالثه علمي وعندي اختبارات ............... بس اذا خلصت مذاكره اوعدك بالروحه...........انشالله |
shagrawi hilali هلا بك وتسلم كلامك 100% وانا لوكنت بالرياض كان حضرتها |
والله يا شرقاوي لو يدخلون بنات الملعب كنت حضرت... بس انت عارف الظروف كيف...... |
ابـــــــــــــشــــــــــر وانا المدهر ابشر والله يا شقراوي باسنتر في الملعب من العصر وما عليك انشاء الله ..... باشجع عني وعنك وعن الشاطر وعن عاشقه الهلال بادهر عليهم في الملعب انا المدهر والاجر على الله اما بالنسبه لك ولاخوي الشاطر فاحنا عارفين ومتأكدين مليون في الميه لولا الظروف كان ما خليتونا وايضا اختي عاشقه الهلال لولا انه ممنوع دخول البنات كان كانت اول من جاء للمعب بس تراكم موجودين معنا ولوكم غايبين ( انتم ملاحظين انه قلبت الموضوع فلم مصري ؟؟؟؟) بس ارجع واقول ارقدوا وآمنوا دام المدهر في الملعب باقلب لكم روس الاهلاويين الين يهاجمون على مرماهم من زود التخبيط |
والله أنك صادق في كلامك ,,, وراح تشوفني معسكر هناك ... وأقول للجميع الزعيم في حاجتنا .. فلنقف بجانبه,في كل مكان وفي يوم الخميس القادم تكون مساعدتنا له أن نحضرإلى الملعب .... وبالتوفيق اللازرق |
لا تنساني يالمدهر انا الحين في ديرة الشاطر و لا بعد يوم السبت عند اختبار بالجامعة يعني مقرود مرتين .... |
باذن الله سوف نحضرها واتمنى حضور الجماهير لمساندة الازرق والله يوفق الزعيم |
انشاء الله بنحضر المبارات فى الملعب.لان الجمهور هو الاعب رقم 12 فى الملعب وانشاء الله يفوز الهلال فى المبارات. فارس |
تكفون يا شباب نبي الملعب يصير مصطك يوم الخميس ... أنا بالقصيم وعندي اختبارات ولا الروحة تهون للأزرق ... لكن العشم فيكم ياأهل الرياض ... واللللي ما عندهم اختبارات . |
اخوي الغالي (shagrawi hilali) ,,, تسلم ياغالي على تشجيعك وحثك لهلالنا الحبيب بالحضور :) ,,, وانا اعتقد ان جماهير الهلال لاتحتاج لدعوه , فالهلال يحتاج منا الوقوف معه في هذه الظروف الصعبه التي يعشيها ,, :) كماانه يجب ان لايكون مستواه المهزوز سابقا او غضبا عليه سببا في ابتعادنا حضورنا للمبارايات , فالهلال عودنا انه يستطيع قلب التوقعات في اى وقت ومتى شاء ,,, واقرب مثال لذلك عندما حصل في الدوري على المركز السابع او الثامن في الدوري , والاهلي كان صاحب المركز الاول ,,, ولعبا مباراه كأس المؤسس والجميع كان يقول ان الاهلي سوف يحقق البطوله , ولكن الهلال فاجاء الجميع بمستواه وفاز في تلك المباراه , فيجب ان نثق بقدرات فريقنا الهلال ونحضر للملعب ونشجعه وباءذن الله سيكون الفوز من نصيبنا ,,:) وتقبل خالص تحياتي لك ,,, |
| الوقت المعتمد في المنتدى بتوقيت جرينتش +3.
الوقت الان » 12:05 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd